مسرحية من فصل و 3 مشاهد - المسرحية الرابعة : شعرى والصيف

[المها]

http://www.up.00op.com/data/2534/2598/storm_1950238368_128610777.gif
مسرحية من فصل و 3 مشاهد

هى مسرحية قصيرة من فصل واحد وبها 3 مشاهد
بأذن الله تتعدد المسرحيات وارجوا ان تعجبكم


ملحوظة هامة : يوجد على باب الموضوع عم سيد بيبيع طماطم بسعر رخيص جدا
مسموح بالقذف بالطماطم بس http://www.6rp.net/smiles/data/10/052.gif
ومحدش يجيب بيض علشان بيوجع http://www.6rp.net/smiles/data/10/042.gif

[المها]

الفهرس
المسرحية الاولى : ساعة وساعة (http://www.mustafahosny.com/forum/showpost.php?p=73980&postcount=3)
المسرحية الثانية: العمل عبادة (http://www.mustafahosny.com/forum/showpost.php?p=74238&postcount=8)
المسرحية الثالثة : دة ال اقدر علية (http://www.mustafahosny.com/forum/showpost.php?p=78545&postcount=13الم)
المسرحية الثالثة : شعرى والصيف (http://www.mustafahosny.com/forum/showpost.php?p=114016&postcount=14)

[المها]

المسرحية الاولى : ساعة وساعة

الفصل الاول والاخير
المشهد الاول :
احمد و حسام فى المسجد اثناء صلاة العشاء و بعد الصلاة بستمعون للدرس
و الشيخ يشرح بعض احاديث الرسول صلى الله علية وسلم

http://www.up.00op.com/data/2534/2598/storm_1968574591_170410331.gif
المشهد الثانى
بعد نهاية الدرس
احمد : ها بقى يا حسام حنروح فين ؟
حسام : اية رايك فية فيلم لسة نازل جديد فى سينما .... فيلم اية روعة
احمد : لية وهوة انت شفتى قبل كدة
حسام : لا طبعا بس كفاية انة بطولة الممثلة ..... و اية بقى بتغنى و ترقص فية
احمد : يسكت ويفكر شوية
حسام : انت بتفكر فى اية
احمد : بصراحة مش عارفة حاسس انها غريبة انى اروح لفيلم زى دة بعد ما خرجنا من الدرس
حسام : اية يا ابنى انت مش سمعت بنفسك دة الرسول قال " ساعة وساعة " ادينا صلينا واخدنا الدرس فى ساعتين و يا دوبك الفيلم ساعة ونص يعنى حتى اقل من الساعتين ههههههههه
احمد : عندك حق يالا بينا
http://www.up.00op.com/data/2534/2598/storm_1968574591_170410331.gif
المشهد الثالث :
شيطان 1: هاهاهاهاهاهاهاهاها
شيطان 2: فية اية يا رقم 1 شكلك مبسوط قوى
شيطان 1: اة فعلا مبسوط قوى
شيطان 2: طب ما تفرحنا معاك
شيطان 1: اتنين حرقوا دمى لما راحوا يصلوا العشاء فى المسجد لا وكمان حضروا درس بعدة
شيطان 2: يا سلام ودة ال مخليك تضحك كدة دة المفروض تعيط
شيطان 1:لا بقى ما ال خلانى اضحك انى بعد الدرس خليتهم يعملوا معصية لا واية وهما فاهمين انهم كدة بيسمعوا كلام نبيهم و يتبعوا سنتة
شيطان 2 : هاهاهاهاهاها بجد انت شيطان جامد قوى ابقى علمنى هاهاهاهاهاها
http://www.up.00op.com/data/2534/2598/storm_1968574591_170410331.gif

[amatalah]

ماشاء الله جميله اوى

جزاكى الله خيرا وجعلها فى ميزان حسناتك

شـكــ وبارك الله فيك ـــرا ...

[المها]

ماشاء الله جميله اوى
جزاكى الله خيرا وجعلها فى ميزان حسناتك
شـكــ وبارك الله فيك ـــرا ...

جزاك الله خيرا اختى الحبيبة امة الله
و اعتز برايك فى المسرحية

[AYMAN ZIDAN]

السلام عليكم ورحمة الله وبركاته
شـكــ وبارك الله فيك ـــرا ...

[المها]

وعليكم السلام ورحمة الله وبركاته
و فيكم بارك الله اخى الكريم

[المها]

المسرحية الثانية : العمل عبادة

الفصل الاول والاخير
المشهد الاول :
المنتج : انا عارف انك اعتزلتى التمثيل من يوم ما اتحجبتى بس لية مش ترجعى
الممثلة : خلاص انا قررت الاعتزال و فعلا نفذت قرارى ومش حارجع فية
المخرج : طب بس عرفينا اية السبب؟
الممثلة : التمثيل بياخد كل الوقت دة غير انى دلوقتى مش ينفع اعمل المشاهد ال كنت زمان باعملها و انا محتاجة وقتى دة للعبادة اعوض بيها ال ضاع من عمرى بعيدة عن ربنا
المنتج : بسيطة خالص اولا دورك مش حيحتاج تصوير كل يوم ، و المشاهد معمول حسابها انها تنفعك و باقى الوقت بقى ليكى ارجعى للعبادة زى ما انتى عايزة
الممثلة : طيب ما انتم عندكم غيرى كتير اشمعنى انا ؟
المخرج : لا طبعا انتى الاهم ، بصى يا سيتى دلوقتى المجتمع نصة محجبات و المسلسل دة اجتماعى لازم يمثل الحقيقة
المنتج : وبعدين انتى بالتمثيل حتكونى قدوة ليهم باخلاقك و تعاملاتك كمسلمة محجبة
المخرج : تعرفى وكمان المغنية فلانة ال اتحجبت قبلك حتمثل معاكى و هى ال حتغنى فى المسلسل دة لانة مسلسل هادف ولية قيمة ودور فى التنمية
الممثلة : لو كدة موافقة – فين السيناريو ؟ بس لو مش عجبنى حاجة اقول
المنتج : طبعا يا ست الكل انتى تؤمرى
http://www.up.00op.com/data/2534/2598/storm_248774694_1075045837.gif
المشهد الثانى
تررررررررررررررررررررررررررررررن
الممثلة : السلام عليكم
صديقة : وعليكم السلام ازيك يا فلانه اخبارك اية
الممثلة : الحمد لله
صديقة : اصلى مش سمعت صوتك النهاردة قلت اطمن عليكى
الممثلة : كان عندى تصوير ولسة راجعة قلت اريح شوية واكلمك
صديقة : طيب يا حبيبتى اسيبك ترتاحى ، ياترى حتحضرى الدرس النهاردة
الممثلة : اة طبعا انا عمر ما حاخلى التمثيل يعطلنى عن الدروس او العبادة اقابلك فى المسجد بأذن الله
صديقة : استودعك الله
الممثلة : فى امان الله
http://www.up.00op.com/data/2534/2598/storm_248774694_1075045837.gif
المشهد الثالث :
شيطان 1: كدة تمام رائع
شيطان 2: اية الاخبار فرحنى معاك 0
شيطان 1: شفت اهى رجعت تمثل تانى
شيطان 2: طب ماهى كمان حتروح الدرس و شالت من السيناريو المشاهد ال مش عجبتها و ماشية لابسة جوانتى علشان لو اضطرت تسلم
شيطان 1: دة فى الاول بس ، و المخرج والمنتج بيجروا رجلها فى اول تمثيلية - ايام تصوير قليلة ، تعدل ال هى عايزاة
شيطان 2: طب وبعدين حيحصل اية
شيطان 1: هههههههه بعد كدة اساسا مش حتسمع صوت الاذان من انشغالها بالتصوير ، و حتضيع عليها الصلاة ، و تلاقى ال بيقول لها العمل عبادة ، حترجع من التصوير ميتة من التعب و لا حتقدر تروح درس و لا تحفظ قران ولا حتى تكلم صديقاتها ال كانوا بيشجعوها على الدروس و العبادة
شيطان 2 : هاهاهاهاهاها رائع
شيطان 1: لا بقى والاكتر لما تبتدى تخلع الجوانتى وتنسى ، و ييجى بقى مشهد محتاج سلام او تمسك ايد حد ، دة طبعا غير لو مع الشغل الطرحة اتحركت شوية ، والا الكم اترفع شوية وطبعا تلامذتى فى الاستوديو عمر ما حد منهم حيلفت نظرها ههههههههههههههههههههه
شيطان 2 : هاهاهاهاهاهاهاهاهاهاهاها برافوا عليك
http://www.up.00op.com/data/2534/2598/storm_248774694_1075045837.gif

[آمة الرحمن]

بسم الله الرحمن الرحيم

حبيبتي المها
جزاكِ الله كل خير
سلمت يداكِ
فعلاً الموضوع دا مهم جدا
يعني مثلاً المسرحية الاولى شوفي كتير بيقع فيها مش لازم بنفس الشل بتاعها
بس شوفي لما حد يعمل شئ كويس ويقرب من ربنا بيه وبعدين يعمل شئ تاني بعديها على طول يبوظ بيه اللي عمله

ولا موضوع التمثيل دايمًا بيبقى فيه تجاوزات ماشي اعتزلت ولبست الحجاب تقعد في بيتها بقى بلاش ممكن تبقى قدوة من خلال انها مثلاً تقدم برنامج عن حياتها قبل الحجاب والالتزام و ازاي بعد الحجاب حست انها ضيعت غمرها في حاجات تغضب ربنا او تنقل للناس طريقة التزامها

ربنا يهدينا ويسترنا جميعًا
اللهم اكفنا شر الشيطان واكفنا شر أولياءه

[المها]

بسم الله الرحمن الرحيم

حبيبتي المها
جزاكِ الله كل خير
سلمت يداكِ
فعلاً الموضوع دا مهم جدا
يعني مثلاً المسرحية الاولى شوفي كتير بيقع فيها مش لازم بنفس الشل بتاعها
بس شوفي لما حد يعمل شئ كويس ويقرب من ربنا بيه وبعدين يعمل شئ تاني بعديها على طول يبوظ بيه اللي عمله

اختى الحبيبة امة الرحمن
بارك الله فيك
سعيدة بمشاركتك معى
عارفة كلامك دة فكرنى بدرس من دروس الاستاذ مصطفى حسنى الاولى فى مسجد يوسف الصحابى لما كان بيقول ان الواحد يحضر الدرس وعقبال ما يرجع تانى اسبوع الشحنة الايمانية ال عندة كل يوم بتقل دة اساسا لو مش عمل حاجة يبوظ بيها ال عملة امال بقى لو طلع وبوظ الدنيا على طول يبقى الحال اية ؟؟؟


ولا موضوع التمثيل دايمًا بيبقى فيه تجاوزات ماشي اعتزلت ولبست الحجاب تقعد في بيتها بقى بلاش ممكن تبقى قدوة من خلال انها مثلاً تقدم برنامج عن حياتها قبل الحجاب والالتزام و ازاي بعد الحجاب حست انها ضيعت غمرها في حاجات تغضب ربنا او تنقل للناس طريقة التزامها


ربنا يهدينا ويسترنا جميعًا
اللهم اكفنا شر الشيطان واكفنا شر أولياءه

الموضوع دة بقى ال كارثة لان للاسف فية ناس بتعرف توصل لهم و تعرفى احيانا باحس انهم بيغيروا منها ومش عايزينهم يلتزموا و يقربوا من ربنا و بيبقى همهم ازاى يبعدوهم عن الطريق الصح
وغير التمثيل كمان الغناء وللاسف مش بيجى التشجيع من الوسط الفنى بس ، لما يكون للاسف احد كبار الشيوخ فى الوطن العربى و يفتى لمنشدة بان استمرارها فى الانشاد والغناء الوطنى حلال طالما انة يخدم قضية دة يبقى مشكلة لان لو غناؤها هوة ال حيحرر القدس او يقضى على المجاعات فى العالم كنا قلنا عندهم حق
الله المستعان

[همس الخواطر]

شكرا جداااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااا رائعات

[المها]

شكرا جداااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااا رائعات
عفوا اختى الحبيبة همس الخواطر بارك الله فيك و باذن الله تتابعى معنا باقى المسرحيات

[المها]

المسرحية الثالثة : دة ال اقدر علية

الفصل الاول والاخير
المشهد الاول:
عادل امام جهاز الكمبيوتر يفتح الايميل
يجد 3 رسائل من صديقة شريف فتحها ووجد التالى :
الرسالة الاولى : : قناة فرنسية تعمل تصويت لاحسن دين!!!ادخل اختار الاسلام
الرسالة الثانية : تجميع توقيعات من اجل اغلاق حجرة على برنامج البالتوك الشهير للمحادثة تسب الرسول
الرسالة الثالثة : سبحان الله "اسد يقول الله شاهد واستمع "
فرح عادل وبسرعة قام بالتصويت فى الموضوعين الاول والتانى و شاهد الثالث و بعد كدة بعت الثلاث مواضيع لكل من فى قائمة ايميلة
http://www.up.00op.com/data/2534/2598/storm_446495538_291571306.jpg
المشهد الثانى
فى الكلية يلتقى عادل بشريف
عادل : السلام عليكم ورحمة الله وبركاته
شريف : وعليكم السلام ورحمة الله وبركاته
عادل : جزاك الله خيرا على ايميلات امبارح بجد فرحت لما وصلتنى
شريف : جزانا واياكم عارف اول ما وصلتنى قمت بالتصويت و بعتهم لك على طول والا موضوع الاسد شفتة ؟
عادل: اة شفتة سبحان الله ، اسد يردد لفظ الجلالة خلى الناس تعرف قدرة الله و معجزاتة فى خلقة
شريف : و ربنا يكرم ال عمل التصويتات دى
عادل : فعلا الواحد بيحس انة ارتاح لما يشارك فى تصويت لنصرة الاسلام او الرسول
حسام : دة حقيقى وهوة احنا فى ايدنا حاجة تانية نعملها
احمد : صح التصويت و نشرة هوة ال ممكن نعملة وكدة الواحد يبقى عمل ال علية
http://www.up.00op.com/data/2534/2598/storm_446495538_291571306.jpg
المشهد الثالث :
شيطان 1 : رائع الوضع بيتحسن و بيستمر فى التحسن
شيطان 2: اية الوضع ال بيتحسن و بيستمر فى التحسن
شيطان 1: وضع الشباب المسلم هههههههههههههههههه
شيطان 2: ما تفهمنى يا عم
شيطان 1: بص هما ال عايزين ينصروا الاسلام ويفهموا العالم انة احسن دين
بدل ما يعملوا كدة باخلاقهم وسلوكهم يقوم تلميذ من تلامذتى يعمل تصويت يقول فية اختار اهم و افضل ديانة و يقوموا هما يصوتوا و يفضلوا يصوتوا حتى بعد ما التصويت يخلص ههههههههههههههه تصويت القناة الفرنسية دة خلص من سنتين ونص و هما لسة بيصوتوا فية طبعا هما بس ال بيصوتوا فالاسلام بيعلى ههههههههههههه ال يعنى حد شايفه ولو حتى حد شايفة مين حياخد بارقام ملهاش خلفية
شيطان 2: يا سلام رائع
شيطان 1:لا واية كمان التصويت على غلق غرفة البال توك
شيطان 2: اية دة كمان من ابداعات تلامذتك
شيطان 1: طبعا مع كل الفخر لا واية لما يجمعوا المليون يلاقوا ال يغير التصويت لاتنين و هكذا يفضلوا يصوتوا من غير ما حاجة تتعمل
شيطان 2: طب ممكن بقى افهم ال فايدة
شيطان 1: ماهو محدش حيرفع التوقيعات دى و لا حد حياخد موقف دة غير بقى انى الايميلات ال وقعوا بيها دى حيتبعت لها ايميلات دعاية ودعوات لمواقع من اياها و يا حبذا بقى لو حد منهم فتحها و انساق وراها يبقى مية مية
والمضحك بقى انهم لما بيبعتوا لبعض التصويتات والتوقيعات دى بيفتكروا انهم كدة عملوا ال عليهم برغم انهم ممكن يخدموا دينهم بطرق اكثر و فعالة اكثر .
شيطان 2 : طيب موضوع الاسد دة اية حكايتة ؟
شيطان 1: ولا حاجة اسد و بيزأر بس لما توحى لحد بحاجة ويفضل منتظرها حيقتنع بان ال حيسمعة هوة دة برغم انة مش كدة
دة غير انهم مش واخدين بالهم ان فهم ذكر و تسبيح الحيوانات يناقض قولة تعالى فى الاية رقم 44سورة الاسراء "تُسَبِّحُ لَهُ السَّمَاوَاتُ السَّبْعُ وَالأَرْضُ وَمَن فِيهِنَّ وَإِن مِّن شَيْءٍ إِلاَّيُسَبِّحُ بِحَمْدَهِ وَلَكِن لاَّ تَفْقَهُونَ تَسْبِيحَهُمْ إِنَّهُ كَانَ حَلِيمًا غَفُورًا"
شيطان 2 : عندك حق ههههههههههههههههههههههههه
http://www.up.00op.com/data/2534/2598/storm_446495538_291571306.jpg

[المها]

المسرحية الثالثة : شعرى والصيف

الفصل الاول والاخير
المشهد الاول:
ماما : سالى سالى انتى فين
سالى: انا هنا يا ماما فية حاجة ؟
ماما : ايوة يا سالى فرح بنت خالتك اتحدد يوم 30 اغسطس عقبالك يا حبيبتى
سالى : ياة عز الحر ، وحيعملوة فين
ماما : فى فندق ..... على حمام السباحة
سالى : لا كدة بقى مش رايحة
ماما : لية بس يا بنتى ؟
سالى : الحر و الرطوبة حيبوظوا شعرى يا ماما
ماما : ابقى يا سيتى لما تروحى للكوافير خلية يزود لك المثبت شوية

المشهد الثانى
يوم الفرح عند الكوافير
سالى تقابل صاحبتها نرمين
سالى : نرمين حبيبتى ازيك اخبارك اية ؟
نرمين : كويسة الحمد لله انتى ال عاملة اية ؟
سالى : بخير انتى جاية تعملى اية هنا
نرمين : حاكون جاية اعمل اية طبعا اعمل شعرى ، حواجبى ، باديكير و مانيكير عادى يعنى .
سالى : بس انا فاكرة انك اتحجبتى والا انتى قلعتى الحجاب
نرمين : لا مش قلعتة انا لسة لابساة بس النهاردة عيد ميلاد اخويا وبعدين عادى فيها اية ؟
سالى : هوة برضة مش المحجبة المفروض مش تقلع الحجاب خالص و المفروض انه شعرها مش يشوفة راجل غريب ؟
نرمين : يا بنتى بلاش العقد دى وبعدين انا اتحجبت علشان شعرى كان تعب من الشسوار والمكواة قلت لما اتحجب مش حاغلب كل شوية اروح للكوافير و بعدين الموضة اليومين دول الحجاب ولما الاقى فرح او مناسبة حلوة اقلعة وارجع تانى يوم البسة عادى ماهوة مجرد طرحة تغطى شعرى وبالبس ال عايزاة مفيش مشكلة خدى المواضيع ايزى
سالى : تصدقى فكرة حلوة اهوة الواحدة تريح شعرها من السشوار و المكوة و لما تتزنق فى مناسبة متقلقش ، شكلك كدة حتخلينى اعملها والبس الطرحة دى

المشهد الثالث :
شيطان 1 : جميل جميل واحدة كمان اهى حتنضم للمجموعة
شيطان 2: مجموعة اية ؟
شيطان 1: مجموعة البنات ال بيلبسوا طرحة على شعرهم ههههههههههههه
شيطان 2: قصدك حجاب و دة جميل فرحان بانه واحدة كمان حتلبس الحجاب
شيطان 1: لا انت مش فاهم دة مش حجاب دى طرحة تغطى شعرها وقت ما تحب و تلبس ال تحب
ما انا فهمتهم ان دة مش حجاب بس طبعا الناس عارفين انة حجاب و شوف بقى واحدة لابسة طرحة على استريتش او جيبة قصيرة و بادى ملزق و تصاحب و تمشى مع شباب و اهوة منها اسمها محجبة تسيئ للاسلام وهى هايفة و مش فى دماغها الحجاب اساسا و منها اشيل من دماغها انها تفكر فى الحجاب الشرعى الملتزم ما دام دة سهل و ايزى لية التعقيد
شيطان 2: يا سلام يا عبقرى
شيطان 1: هههههههههههههههههههههههه ولسة يا ما حاعمل واسوى فى ضعاف النفوس

[أمة الله التائبة]

السلام عليكم ورحمة الله وبركاته
ايه العظمة دى بجد اتكلمت عن حاجات بتحصل بتخلى الواحد دمه فاير:engry1: لما بيشفها ادامه "وهم يحسبون انهم يحسنون صنعا" ال حجاب مش حجاب
اللهم استرنا فوق الارض وتحت الارض ويوم العرض اامين
اللهم ارزقنا الجنة بغير حساب ولا سابقة عذاب اامين
وصلى اللهم وبارك على سيدنا محمد وعلى اله وصحبه وسلم.

[المها]

السلام عليكم ورحمة الله وبركاته

ايه العظمة دى بجد اتكلمت عن حاجات بتحصل بتخلى الواحد دمه فاير:engry1: لما بيشفها ادامه "وهم يحسبون انهم يحسنون صنعا" ال حجاب مش حجاب
اللهم استرنا فوق الارض وتحت الارض ويوم العرض اامين
اللهم ارزقنا الجنة بغير حساب ولا سابقة عذاب اامين
وصلى اللهم وبارك على سيدنا محمد وعلى اله وصحبه وسلم.

اللهم امين
جزاك الله خيرا اختى الحبيبة امة الله التائبة
الحقيقة انى اكتب عما يصادفتى و وجدت ان طريقة المسؤحية القصيرة طريقة مناسبة لعرض افكارى
ارجوا ان تعجبك و ربنا يهدينا جميعا لما يحب و يرضى