طمنونى الله يخليكم

[تائهه]

بسم الله الرحمن الرحيم

السلام عليكم ورحمه الله وبركاته

الحمد لله رب العالمين والصلاة والسلام على نبينا محمد وعلى اله وصحبه وسلم

انا الحمد لله اتولدت لابوين عارفين ربنا مبدئيا انا عندى 18 سنه وشويه
بس تقريبا حياتى كلها ملغبطه بفتكر من وانا صغيرة قبل ما ادخل المدرسه حتى كنت بقرب من ربنا كتير وبفتكر مرة عمرى ما انسى الموقف دا انى كان فيه حد بيصلو عليه فالجامع وانا صغيرة ومش فاهمه حاجه واعدت اعيط واقول نفسى ابقا مع ربنا ونفسى اقرب .
الحمد لله مواظبه عالصلاه من 2 اعدادى بس ساعات كتير بعمل حاجات غلط واول ما اعمل اى غلطه بلاقى نفسى ببعد عن ربنا بلاقى عندى حاله يأس بقول هى خربانه خربانه ومافيش فايده فيا مش هتغير.
وبعدين الاقى نفسى بغلط وببعد وبظلم نفسى والاقى قصاد كله دا ربنا الكريم يقابل المعاصى دى كلها بحاجات حلوة ليا مع انى مستحقش اى حاجه الاقى ربنا ينجينى ينقذنى وانا بعصيه
بجد ربنا كريم وانا مستحقش كل الكرم دا يارب مستحقش كل دا دا كتير عليا

وساعات لما بكون بعيده تحصلى ابتلائات تفكرنى انى بعيده ولازم اقرب

بس انا حاسه ان عندى مشكله كبيرة وايمانى ضعيف وعشان كدا مش بثبت وحياتى متلغبطه

بجد مش بحس بطعم السعاده غير فى القرب من ربنا نفسى يارب افضل علطول قريبه منك

يارب متتخلاش عنى يارب انا من غير رحمتك هضيع يارب احسن خاتمتى وسامحنى واغفرى يارب العالمين

اسفه لو طولت عليكم

السلام عليكم ورحمه الله وبركاته

[AYMAN ZIDAN]

السلام عليكم ورحمة الله وبركاته
شـكــ وبارك الله فيك ـــرا ...
كل ابن ادم خطاء وخير الخطائين التوابون اختى الكريمه كلنا بنغلط بس ربنا يثبتنا جميعا على طاعته وعلى ترك معاصيه وان شاء الله ربنا حيقبلنا عشان هوالكريم الرحيم التواب الغفور الوهاب

1) ذكر الله كثييييييييييييييرا والصلى على النبى صلى الله عليه وسلم (الا بذكر الله تطمئن القلوب)
2) كثرة التوبه الى الله (بأيقاف الذنب والندم والعزم على عدم الرجوع)
3)الصحبه الصاااااااااااااااااااالحه
4)حضور دروس دين ومشاهدت برامج على قدر المستطاع
5)ترك المعاصى (ان العبد يحرم الرزق بلذنب يصيبه)
ربنا يهدينا والمسلمين اجمعين وصلى اللهم وسلم وبارك على البشير النذير والحمد لله رب العالمين

[تائهه]

جزاك الله خيرا

ربنا يثبتنا جميعا

[فتاة القران]

اختى انا يمكن ردى فى كل المواضيع الى زى دى بيبقى واحد لكن يمكن انتى متعرفهوش
انا مقتنعة تماما ان الانسان لوحده فى الدنيا مش هيقدر يعبد ربنا على ارادته سبحانه
والدليل ان ربنا خلق حواء لتشارك ادم
ورزق محمد صلى الله عليه وسلم بابى بكر والسيدة خديجة
وخلقنا مع بعض فى الدنيا مش كل واحد لوحده فى منطقة منعزلة
علشان كده نصيحتى ليكى انك تبحثى عن صديقى صالحة تذكرك بالله وتقربك منه وتحببك فيه وتحببك اليه بأعمالك باذن الله
وجزاكى الله خيرا

[habibi_yarasouly]

السلام عليكم ورحمة الله وبركاته
شـكــ وبارك الله فيك ـــرا ...
كل ابن ادم خطاء وخير الخطائين التوابون اختى الكريمه كلنا بنغلط بس ربنا يثبتنا جميعا على طاعته وعلى ترك معاصيه وان شاء الله ربنا حيقبلنا عشان هوالكريم الرحيم التواب الغفور الوهاب

[احمد ابوعيد]

احلى حاجة فى الدنيا كلها دى يا اختى انك تقربى من ربنا واللة وهو ها يحققلك الا انتى عايزة وقولى انشا اللة

[دعاء الكروان]

اللهم انك عفو تحب العفو فاعف عنا
اللهم انى ظلمت نفسى فاغفرلى انه لا يغفر الذنوب الا انت سبحانك
جزاكى الله كل خير
بارك الله فيكى
يارب اهدينا جميعا وقربنا اكثر واكثر اليك

[toaa]

لا اله الا انت سبحانك اني كنت من الظالمين

[ahlem]

[السلام عليكم ورحمة الله وبركاته أختي الكريمة نطلب من الله أن يثبتناعلي دننا وأن يغفر لنا ما تقدم وما تأخر 'اللهم إجعل القرآن ربيع قلوبنا ونور أبصارنا وكمان يا
أختي العزيزة صداقة الحلو والصادقة بتساعد كتير الإنسان وفي حاجة عندك كبير جدا وعلي ايديهم بتعرف كل شئ صح ومش صح هم الوالدين إن رضا الله برضا الوالدين يا عزيزتي داء نعمة من الله و ربنا يفتح في وجهنا أبواب الخيرو أسال الله العظيم رب العرش العظيم ان يقوي قلبك بالإيمان وأناشـكــرا لإن فتحتي لنا موضوع كتير مهم في حياتنا هلا وبارك الله فيك[/color]

[monamooo]

لا اله الا انت سبحانك اني كنت من الظالمين

http://www.imgall.com/img2/ec0d270244.gif

[شاعرة الاسلام]

حبيبتي

تعلمنا من ا/ مصطفي انه اللي يقول انا فاشل مشش هيتغير وهيفضل كده

انتي بقي غيري اسمك وخليه في امل وتفاؤل

كلنااااااااااااااااااااااااااااا ولله الحمد حياتنا مش قوي

لكن بنقرب من الله وبنبعد ونرجعتاني

دي سنة

دي اسمها ذنوب ومعاها استغفار وده الطبيعي جدا

متخافيش والله كلنا كده

[نوسة احمد]

انا نفسى انا كمان اتقرب من ربنا وبدات الحمد لله ونويت اقرب ربنا يهدينا جميعا ويدخلنا جناته الواسعة

[moustafapepo2002]

السلام عليكم
ازيك يا اخت نوسه
انتى زعلانه عشان ده الى بيحصلك امال انا اعمل ايه الى انا يمكن بيقولوا عليا انى ملتزم وحاسس ان مافيش مشاكل فى حياتى ورغم ان الواحد اكيد بيغلط ببقه مضايق اوقات ان مافيش عقاب الهى او ان فى حاجه معكننه عليا لان المؤمن الحق لازم ربنا يبتليه عشان يختبر ايمانه انتى فى نعمه فى الى بيحصلك وانك تاجى الموقع هنا وتقولى كل ده ده فى حد كويس خالص ان جواكى وبينك وبين نفسك انتى مش راضيه عن الاخطاء الى بتعمليها وده فى حد زاته ان الانسان جواه وبينه وبين نفسه يحس بتانيب ضمير
ابشرى والله ده كل مالك توصلى لليقين واكيد دى مرحله وهتعدى وخاصه ان الالتزام لما بيبقه فى البدايه او ان الشخص بيبحث عن الالتزام الكامل وطبعا الكمال لله وحده

بس انا بطمنك ان تانيب ضميرك وااعترافك بانك بتغطلى ده جميل جدا وان شاء الله تجددى التوبه دائما وربنا يتقبل
وحاولى تطلعى اوهام انها خربانه خربانه دى وساوس الشيطان وانا عارف انك مش مقتننعه بالوساوس ده وعشان كده انتى جيتى هنا كويس انك اقوى من وساوس الشيطان وده فى حد زاته انك عارفه انك غلطتى وتانيب ضميرك ده زى ما قلت حاجه كويسه اثبتى على ده وحاولى تقوى نفسك بالتوبه وباداء الصلوات فى مواعيدها والتزمى على قد ما تقدرى واذا غلطتى توبى ولو غلطتى تانى توبى ولو غلطى مليون مره برده توبى
ربنا مستنيكى فى اى وقت وان شاء الله هيقبل توبتك طالما انتى بتحسى انك غلطتى وعارفه ان الى عمليته غلط فربنا ان شاء الله هيسامحك وهيتقبل توبتك بس انتى اطلبى المغفره باستمرار ومتزهقيش لان الله لا يمل حتى يمل العبد يعنى ربنا معاكى للنهايه

شكرا جزيلا