مين راح ندوة جرين بالاس النهارده؟ [الأرشيف] - منتدى موقع الأستاذ مصطفى حسني

مشاهدة النسخة كاملة : مين راح ندوة جرين بالاس النهارده؟

Marawy

10-30-2008, 07:50 PM

السلام عليكم ورحمه الله وبركاته
مين اللى راح الندوة النهارده انا رحت الحمد لله وكانت الندوه حلوه أوى وياريت اللى راح يقول استفاد ايه

جنه189

10-30-2008, 08:30 PM

Marawy

10-30-2008, 09:43 PM

السلام عليكم ورحمة الله وبركاته
أنا الحمد لله ربنا وفقنى ورحت الندوة انهارده بس كانت راااااااااااااائعة جدا والحمد لله العدد كان كبير جداااااا وأنا استفدت كتير وبجد الواحد معنوياته ارتفعت لأن الكلام مفيد وربنا يارب يجعله فى ميزان حسناته دايما ويوفقه للأفضل دايما وكل الدعاة ياااااااااااااااااااااااااااااااااااااااااااااارب

فعلا والله الواحد حاسس ان حالته الايمانيه والحمد لله ارتفعت لان استاذ مصطفى قال كلام الواحد مش كان بياخذ باله منه قبل كده ويارب اجعله فى ميزان حسناته

lobn

10-30-2008, 10:37 PM

انا حضرتها بطلوع الروح لغاية ما دخلت
كانت جميلة

حياه الروح

10-31-2008, 12:58 AM

السلام عليكم ورحمه الله

بجد انا لما عرفت ان أ/مصطفى حسنى هايجى طنطا ده كان يوم عيد عندى كنت مبسوطه اووووووى

روحت انا وصحبتى وكان فيه واحده صحبتى من ضمن التنظيم فريق صناع الحياه هناك كانت منتظرانى اول ما نزلت من التاكس لقيت شباب وبنات كتيررررر والباب مقفول وممنوع دخول اى حد لان خلاص القاعه اتملت
زعلت اوى واحبط سعتها لكن الحمدلله صحبتى بتاعت صناع الحياه شافتنى وعرفت تدخلنى

ياجماعه بجد البنات والشاب كانوا ماشاء الله كتير اوى عن السنه اللى فاتت لدرجه ان القاعه الاساسيه اتملت فاضطروا انهم يوزعونا على باقى القاعات

من اكتر حاجه كانت بسطانى هيه مكالمه ((الاستاذ عمرو خالد)) لينا ودعاءه لينا ياااااااااااااه قد ايه كلنا كنا مبسوطين القاعه كانت سكوووت وكلنا بنسمع مكالمه الاستاذ عمرو خالد
ربنا يجازيه كل خير يارب

بس بجد الندوة كانت رائعه كلام الاستاذ مصطفى حسنى جميل اوى ويريح القلب

بس ياخسارة انا بعتله سؤال وماردش عليه كان نفسى يجاوبنى زى السنه اللى فاتت برده مردش على سؤالى بس انا عذراة ان شاء الله يبقى يرد عليا السنه الجايه لما يجى وينورنا عندنا ف طنطا تانى هههههههه

بس ياجماعه فيه موقف موتنى من الضحك لما سئلنا استاذ مصطفى عن ايه اكتر فرض من الفروض الخمسه صعبه عليكوا او بضيع منكوا
رد الشباب هو صلاه الفجر
لما احنا بقى جينا نرد حبه قالوا الفجر وحبه قالوا الضهر وحبه قالوا العصر واللى قال المغرب واللى قال العشا

فااستاذ مصطفى قال ما شاء الله الصلوات الخمسه كلها عندكوا صعبه هههههههههههههههههه

ربنا يكرمه يارب ويجازيه عنا كل خير

بجد لقاء استاذ مصطفى حسنى بنستناه من السنه للسنه

ساكنة الجنة

10-31-2008, 01:17 AM

السلام عليكم_أنا كمان الحمد لله ربنا وفقني وقدرت أحضر الندوتين... بس ف جرين بالاس حضرت من أول كلام أ_مصطفي وماعرفش أي حاجة عن الندوة غير محاضرة أ_مصطفي وللأسف فاتني تليفون أ_عمرو
للأسف ماكنتش أعرف بنات ف المنتدي هيحضروا كان فرصة للقاء والتعارف إن شاء الله ف أقرب وقت

Marawy

11-04-2008, 11:03 PM

السلام عليكم ورحمه الله وبركاته
شكرا ليكى أخواتى لبنى وساكنه الجنه وحياه الروح على المرور ويارب نبقى اصحاب على طول

أساطير الخريف

11-04-2008, 11:38 PM

السلام عليكم ورحمة الله وبركاته
اممممممممممممم
إنتم بتغيظونا بقى ولا إيييييه؟؟؟
(بهزر على فكرة)
عمالين تتكلموا عن الندوة وإزاى كانت رائعة
طب علشان خاطرى
ممكن كل واحدة حضرتها تعمل ملخص للندوة
أو تكتب جزء منها

لأنى ماعرفتش أحضر للأستاذ مصطفى فى محافظتى فى رمضان خااالص
وكان نفسى أحضر عندكم الندوة دى لكن بردو ماقدرتش

فياااااااااااااريت تقولوا لنا

وجزاكم الله الفردوس الأعلى

ReeM

11-05-2008, 12:44 AM

هيا الندوة خلصت امتى؟؟؟؟؟؟؟؟ انا للاسف مقدرتش اروح خالص بس زعلت جدا لان ندوة السنه اللى فاتت كانت جميله اوووووووى
ياريت يكون حد سجل الندوة ويجبها بليييييييز؟؟؟؟؟؟؟؟؟؟؟؟

lobn

11-05-2008, 03:13 PM

الاخت اساطير الخريف
انا طنطاوية وحضرت الندوتين
اول ندوة الاستاذ مصطفى اتكلم عن الصلاة واهميتها واهمية الأذان وكان عنوان الندوة وعجلت اليك ربي لترضى
واتكلم باحساس عالي جدا وجاوب على اسئلة الناس والمفاجاة ان الاستاذ عمرو خالد اتصل وشجع جمعية صناع الحياة
والندوة التانية كانت في النادي واتكلم عن التدخين وعن طاعة ربنا وجاوب بردو عن الاسئلة اللي كانت عن التوبة والكبر وحاجات تانية كتير
والدنيا كانت زحمة جدا
وانا وصلت بالعافية لغاية داخل القاعة
والاستاذ مصطفى رغم ان هو كان تعبان لكن عمل اللي عليه وزيادة
والاخت ريم للاسف انال ما سجلتش الدوة

Bosy

11-06-2008, 12:26 AM

ازيكم يا بنات
انا كمان الحمد لله حضرت الندوة وكانت جميلة جدا ورائعة
واثرت فينا جدا وعمرى محنساه ابدا
ربنا يكرم الاستاذ مصطفى ويعز بيه الاسلام ويوفقه دائما يا رب

Marawy

11-06-2008, 11:32 PM

السلام عليكم ورحمه الله وبركاته
الندوه زى لبنى ما قالت كانت بتتكلم عن الصلاه وأهميتها أستاذ مصطفى شرح الاذان بطريقه حلوه
أوى وأتكلم عن الافراح وتساهل العروسه فى كل حاجه واتكلم برده عن المسلسل التركى اللى جنن الناس ربنا يهديهم وختمت بالدعاء الجميل لاستاذ مصطفى والحمد لله الذى وفقناللحضور أختك Marawy

cats lover

11-15-2008, 10:14 AM

تسلم الايادى

let's be better

11-15-2008, 03:45 PM

انا والله اسعد واحد من الردود الحلوه ديه جزاكم الله خيرا هو انا كنت فى التنظيم وكان دورى صغير بس سعيد اوى ان الناس استفادت كده
بس عايز اقول حاجه
الزحمه والعدد والله العظيم التنظيم كان عامل اللى عليه احنا حجزنا قاعه واحده وزاد العدد فحجزنا قعتين وزاد لحد ما حجزنا التلت قاعات ونفس عدد التنظيم اللى المفروض ينظموا قاعه واحده كانت مسئوليتهم ال3 قاعات فربنا يكون فى عونهم وان شاء الله نعمل ملتقيات تانيه تسعدكم ونستفاد منها
جزاكم الله خيرا

let's be better

11-21-2008, 03:40 PM

معلش على تأخير نزول الملتقى على المنتدى بس قريب جدا هينزل علشان الناس اللى مش من طنطا او اللى مشفهوش وانتظروا ملتقانا القادم قريب جدا جدا جدا ان شاء الله

Marawy

11-22-2008, 11:59 PM

جزاك الله خيرا أخى على الافاه

rasha84

12-16-2008, 07:22 PM

السلام عليكم ورحمة الله وبركاته

ربنا يبارك فيكى ويجعله فى ميزان حسانتك

بس ياريت اللى يشوف الندوه يلقى لنا مخلص لها ولها الاجر والثواب عند ربنا وربنا يبارك فيكى اخت lodn

جزاكى الله كل خير