المساعد الشخصي الرقمي

مشاهدة النسخة كاملة : الجزء الثاني من الخاطرة الثانية لحملة (حيائي حياتي) ""الزوااج العرفي""

مسلمه
10-20-2008, 11:02 PM
السلام عليكم احبائي في الله

الجزء الثاني(الزواج العرفي)

نبدأ موضوعنا بقصة شاب وفتاه
مش عارفه ايه اللي وصلهم لكدة يمكن الاعلام يمكن ظروف المجتمع يمكن اي حاجة المهم انه حصل .. واللي حصل مصيبة .. صعب يتحكي لو في الحقيقة.. بس هنحاول نتخيل حوار يمكن يكون اغلبه بيحصل مع شباب حولينا كتير.. وتبدأ القصة

في احد الجامعات

الشاب : ازيك يا باشا ايه ماجيتيش امبارح النادي ليه

الفتاه : معلش اصل بابا بقى خانقني الايام دي كل شوية رايحه فين ومع مين لما خلاص

الشاب : طيب المهم عايزة افتح معاكي موضوع كده

الفتاه : ايه ما تقول على طول

الشاب : انتي عارفه اننا متصاحبين من ايام ثانوي وعارفه احنا بنحب بعض اد ايه

الفتاه : اه عارفه وقولتلي بعد ما نخلص جامعه هتيجي تتقدم لبابا عشان انا خلاص حاسة اني في سجن

الشاب :اه طبعا طبعا هتقدم

الفتاه :ايه مالك مرتبك ليه كده هو انت كنت بتضحك على ولا ايه؟؟

الشاب : عيب عليكي يا بنتي هو انا شكلي بتاع كده.. خلينا في المهم.. بصي انتي عارفه اني عقبال ما تقدملك لازم اقعد كام سنة احضر نفسي فانا سمعت من واحد صاحبي حاجة تخلينا مع بعض على طول مؤقتا

ظهر على وجه الفتاه علامات التعجب والدهشة

وقالت: اوعه يكون قصدك اننا نعمل حاجة غلط .. لا انا بنت متربية ومش بتاعه الحاجات دي ويا ريت متكلمنيش تاني عشان انا بجد زعلانه منك

الشاب : انتي يا بت افهمي .. مش قصدي .. احنا هنتجوز جواز عليه شهود ومفهوش حاجة غلط

الفتاه : ازاي يعني طيب واهلي واهلك نظامهم ايه

الشاب : لا هما مش هيعرفوا دلوقتي احنا هنجيب اتنين من صحابنا يبقى شهود وكل واحد فينا هيبقى معاه ورقه يعني جواز شرعي وهنعمل party وهييجي صحابنا يعني مش سر ولا حاجة .. وبعد ما نخلص هبقى اتقدملك.. وكده محدش هيقدر يمنع الحب اللي ما بينا لحد ما نموت

الفتاه : وده مش حرام

الشاب : لا طبعا بقولك هيبقى فيه شهود..هو انا بتكلم هندي.

الفتاه :طيب لو اهلي عرفوا؟؟!!!

الشاب: ومين هيقولهم.. انا هحاول احجز في اي بنسيون او شقه اي حد من صحابنا مش هنغلب يعني ..هنتفق قبليها هنتقابل في اي مكان

الفتاه : ماشي انا موافقه

ومرت الايام وبكل اسف اتجوزواوعاشوا كزوجين حقيقين!!!!!!!!!!!!!!!!!!!!!!!!
والشاب طلع صادق .. بصراحه مقصرش!!!!.. عمل ال party وجاب الشهود والواد طلع راجل بصحيح .. وفى كلامه كله

ما علينا

وطبعا البنت بتكذب عشان تنزل .. رايحه لصاحبتي اذاكر .. نازله اشتري حاجات .. وهكذا
واكيد مش بتبقى فرحانه
واكيد اي حد فينا نفسه يعمل حاجة حتى لو حاببها بس في الخباثه بيحس بقلق وتوتر
شوفه بقى لما يكون موضوع زي ده .. تتوقعوا كانت عايشة ازاي
مفيش تركيز في المذاكرة..
وكل ما عينيها تيجي في عين اهلها تحس زي ما يكونوا عارفين كل حاجة .. وتبقى نفسها تقولهم بس خلاص فات الاوان,, ولو قالت .. هيبقى ايه رد الفعل.. مش محتاجين نناقش الموضوع ده

وانتهت الجامعه
وفي احدي مقابلاتهم

الفتاه : لازم تيجي تتقدم لاهلي حتى لو خطوبة بس لان في عرسان بيتقدموا وانا برفض من غير اسباب مقنعه

الشاب : انتي كل شوية تزنيزز كفايه بقى زهقتيني.. اعملك ايه يعني؟؟ .. انتي شايفة ظروفي مفيش شغل.. واهلك مش هيرضوا بواحد عاطل .. اصبري علي شوية

الفتاه: مالكش دعوةزز تعال بس .. وانا هقنعهم

الشاب : يووووووووه عليكي .. انتي بقيتي صعبة.. انا اخدتك عشان تهنيني مش عشان تقلبيها علي نكد.. بصي بقى يا بنت الحلال.. انتي في طريق وانا في طريق عشان خلاص كده انا زهقت منك ومن زنك

وهنا كانت الصدمة الكبيرة على البنت واحمر وجهها غضبا

وقالت : ايه اللي انت بتقوله ده.. انت مش قلت انك بتحبني واني هتقدملك بعد الدراسة

الشاب: ههههههه.. انتي غبية ولا ايه.. وانا هجوز واحده مشيت معاها .. لا مش كده وبس .. عملت معي علاقه من ورا اهلها.. بذمتك ازاي اضمن انها مش هتعمل كده معاي .. واضمن منين انها تحافظ علي وعلى شرفي وعلى عيالي.. هو انا مجنون؟؟!!!

انهارت الفتاه وسرحت طويلا
يا ترى سرحت في ايه؟؟
سرحت في انها هتقول ايه لاهلها ولا ابوها لو عرف عيعمل فيها ايه
ولا في ازاي هي اهانت نفسها وانها حطت نفسها في وضع لا تحسد عليه
ولا......... ولا.......

المهم انه خلاص شعرت بانها النهاية

الفتاه: حرام عليك.. طيب هكون خدامه تحت رجليك بس ماتفضحنيش.. طيب اتجوزني اسبوع وطلقني بس ما ينفعش تسيبني كده .. ابوس ايدك انا اهلي هيقتلوني

الشاب: اهلك(وابتسامه سخرية على وجهه).. هو فين اهلك دول؟؟..لا عارفين انتي فين ولا بتقابلي مين .. يا شيخي روحي كده

الفتاه: ماشي براحتك.. بس انا مش هسكت وهفضحك.. انت ناسي الورقه اللي معايا

الشاب: بليها واشربي مايتها.. ويا ريت تنسيني من حياتك ومش عايزة اشوف وشك تاني.. ولو فضحتيني زي ما بتقولي .مش هتفضحي غير نفسك .. سلام يا محترمة!!

ورجعت الفتاه الى بيتها لا تعلم ما تقول وماذا تفعل .. مالهاش غير انها تبكي وتبكي
دخلت عليها مامتها وشافتها

وقالتلها: مالك يا بنتي..

قالتلها: مفيش حاجة تعبانه شوية

الام: طيب اقولك على حاجة تفرحك.. عريس لقطه غير كل العرسان اللي فاتت.. مفيهوش عيب.. متدين وجميل و بيشتغل

البنت: جاي متأخر اوي يا ماما

وتبكي وتبكي

الام : يعني ايه؟؟ انا مش فاهمة حاجة

البنت: انا كنت متجوزة عرفي يا ماماااااااااا

الام:ايه ايه اللي بتقوليه ده ؟؟ امتي ده حصل وازاي وليه

البنت: اتجوزنا في اخر سنه في الجامعه.. السنة اللي فاتت يعني ..وقالي انه هيتقدم.. كان بيضحك علي

صفعت الام البنت على وجهها


الام: طيب اسكتي اسكتي لحسن ابوكي يسمعنا.. انا مش عارفه اقوله ايه وازاي

وقالت: يا فضيحتنا بين الناس.. هقول ايه للناس اللي بتتقدم !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !

وكده تعتبر خلصت الحكاية بالنسبة لنا .. اما بالنسبة للفتاه معرفش.. يمكن بتختلف من واحده لواحده

وساعات السيناريو اللي حكيته بيختلف

يعني الساعات الشاب بيكون نيته كويسة وبيروح فعلا يتقدم بس الاهل بيرفضوا لانهم مش شايفينه مناسب.. وباقيه السيناريو زي ما شفته

انا نفسي الولاد يدخلوا يقولوا للبنات هل ممكن يتجوز واحده مشي معاها او اتصاحب عليها ولا.؟؟؟

بس في حاجة مهمه متكلمناش عليها في الجزء الاول

ان كل ده ممكن ربنا يغفرة بتوبة نصوووووووحه يقول الله تعالى(قل يا عبادى الذين أسرفو على أنفسهم لا تقنطوا من رحمة الله ان الله يغفر الذنوب جميعا انه هو الغفور الرحيم)

وشروط التوبة:
1-الندم الشديد على الذنب( مهما كان هذا الذنب)

2-الاقلاع عن الذنب
3-عدم الرجوع الي الذنب

ومحدش يقول ان ربنا ممكن يغفرلي ده انا عملت مصيبه
لا والله.. ربنا غير شكل الارض عشان يدخل الراجل اللي قتل 100 نفس الجنه
فانت مهما عملت مش هتكون زي اللي قتل 100 نفس
مسلمه
10-20-2008, 11:02 PM
والله يا بنات عارفه ان عندكم مشاعر عاطفة وحب ونفسكم تتجوزوا
وانا بنت زيكم وفي سنكم
بس اكيد مفيش احلى من زوج صالح ورضا من ربنا ويكونوا اهلك معاكي يفرحوا ويكونوا عزوة ليكي في شدتك

وفي مثل بنقوله(كل تأخيرة وفيها خيره)

ودي حقيقة ربنا قالنا عليها

ادعوا بالزوج الصالح اللي يقربكم من ربنا واتأكدوا ان مهما الموضوع اتأخر ان هو ده الاحسن ليكي لان ربنا اكيد مش بيفرح بحزن واسى عباده..هو الكريم الرحيم سبحانه وتعالى

ادعي العفاف وكني مثل السيدة مريم

املئي قلبك بحب ربنا لحد ما ربنا يبعتلك الزوج اللي يستهلك

الاسلام بيكرمك اوعي .. وابوس ايدك ما تسيبي نفسك لقلبك ومشاعرك وتنسي حياتك واهلك
اوعي تخونيهم.. اوعي تخونيهم .. اوعي تخونيهم..
ماتعرفيش خبر زي ده يعمل ايه فيهم ويعمل ايه فيكي

بجد انا مش عارفه اقول ايه غير اني ادعي ليكم ولي(اللهم ارزقنا الهدى والتقى والعفاف والغنى)
(اللهم ما رزقتنا مما نحب فاجعله قوة لنا فيما تحب اللهم ما ذويت عنا مما نحب فاجعله فراغا فيما تحب)

واحب اقول مجمل الكلام ده ايه يعني(يا رب لو رزقتنا بحاجة احنا بنحبها فعينا اننا نستخدمها فيما يرضيك وفيما تحب.. ولو اخرت علينا حاجة او ابعدتها عنا فخلي الوقت الفاضي ده نستخدمه في حاجة انت بتحبها يعني مثلا لو اخرت علينا الجواز فخلي الوقت الفاضي اللي مفهوش مسئوليات نستخدمه في حاجة انت بتخبها)

فتخيلي بقى لما ربنا يلاقيكي مفوضاله امرك.. هيحبك اد ايه.. احتمال يكون بيجهزك وبيجهز الانسان اللي هيتقدملك.. ويا بختك بقى .. ربنا اللي بيجهزلك.. شوفي بقى تجهيزة هيبقى ازاي

وبالنسبة للشباب

اه ياني مش عارفه اقولكم ايه

انا عارفه انكم متضايقين مني وبتقولوا اني دايما مع البنات

بس المشكله مش في كده المشكلة ان الضرر الكبير بيقع على البنت خاصه بقى لو حصل حمل كمان.. تبقى مصيبة تانية.. ربنا يحفظنا

يا شباب المسلمين ويا احفاد النبي والصحابة بلااااااااااااش تبيع اهلك وتضر بنات الناس
حتى لو انت شايفها انها بايعه نفسها بلاش انت تبيع نفسك للشيطان
بلاش تكون خدام ليه

واعرف اللي بتعملوا في بنات الناس هيتعمل فيك وفي اهلك وربنا مابيظلمش حد

ولي كلمة للاهل
صاحبوا اولادكم
كونوا الحضن الدافيء
انا مش ام بس اعرف ان اغلى حاجة الاولاد حتى لو انتم مش مهتمين
بلاش عشانهم عشانكم انتوا عشان سمعتكم
بالله عليكم الموضوع مش سهل
البيت مش هو لوحده اللي بيربي ز بقى فيه اعلام وكليبات وحاجات بتثير الغرائز والمشاعر
حافظوا عليهم
بعتذر اذا كان كلامي قاسي بس بجد بحبكم كلكم ومش عايزة اخ واخت لي اشوفه (اشوفها في محنه.. قصدي المصيبة دي..

وربنا يعفكم جميعا ويرزقكم جميعا باللازواج الصالحين والزوجات الصالحات ويزيدكم حب وتقرب ليه

مش عارفه اذا كنت اتكلمت عن كل الجوانب ولا لا بس الحمدلله انا معيشتش قصه زي دي عن قري باو بعيد ويا رب ماعيشهاش فممكن اكون ماتكلمتش على كل حاجة

اذا كنت قد وفقت فمن الله واذ لم اوفق فمن نفسي او من الشيطان

والسلام عليكم ورحمة الله وبركاته

اسفه على الاطالة جدا
أساطير الخريف
10-21-2008, 12:30 AM
وعليكم السلام ورحمة الله وبركاته

الله عليكى يامسلمة

ماشاء الله على موضوعك

بصراحة الجزئين أحلى من بعض وبيمسو الواقع جدااااااااااااااااااا

ربنا يبارك فيكى ويرزقك العففة والزوج الصالح وكل بنات المسلمين
ويرزق شباب المسلمين العفة والزوجات الصالحات

اللهم آااااااااااااااااااااامين
جوزيتى الجنة يارب
myar mustafa
10-21-2008, 12:38 AM
السلام عليكم ورحمه الله وبركاته


جزاكم الله خيراً يا مسلمه على الموضوع الرائع جداااااااااااااا
وربنا يارب يكرمك ويعزك ويرزقك خشيته فى السر والعلن
ويحفظك من كل سوء
وبجد مش عارفة أقول ايه على كلامك الجميل جداااااااااااااا ؟؟
ربنا يفتح عليكى كمان وكمان ويبارك لكى فى شبابك وحياتك
وكلامك مؤثر جداااااااااااا
فعلاً الزواج السرى المسمى بالزواج العرفى بأة موضة
أنتشرت جامد قوووى بين الشباب والبنات وخاصة فى الجامعات
وربنا يستر علينا كلنا
وبفخر أنى لم أقع فى الصحوبية ولا الزواج العرفى
ولا كل الصداع ده
وللاسف الشديد جداااااااااااااا
كان فى رحلة عندنا فى الكلية لشرم الشيخ
رجع منها شباب وبنات كتيررررر تزوجوا عرفى
وتفصلوا من الكلية
( هذا الموضوع حكته لنا دكتورة عندنا فى الكلية)
بجد أنا خايفة جداااااااااااا
على الشباب والبنات
وخايفة على أولادى اللى فى المستقبل
الزواج السرى المسمى بالزواج العرفى = كارثة
والله كل ما تذكر قول السيدة مريم وهى تتمنى الموت لأنها ستلد ولد بلا أب لأنها إنسانة شريفة وعفيفة
قلبى بتقطع على الحكايات اللى بسمعها عن الزواج العرفى
ربنا يرزقنا عفة القلب وعفة العقل وعفة اللسان وعفة اليد
من غض بصره أطلق الله بصيرته
إذا أردت فاطمة فلابد أن تكون علياً
إياك أن تتنازل عن حبك أبداً.. ولكن اعلم أن الحب مثل الزهرة.. لا تنبت أبداً فى الظلام.. ولا فى الهواء الملوث.
إن بكى قلبك خوفاً على فراق من تحب فاسكب هذا الدمع ساخناً فى ركعات تُصليها لربك طالباً لعونه فى جمعك بمن تحب, وترقيق قلب من حولكما لمباركة هذا الزواج.
من صام عن الحرام فى الدنيا, فطر على الحلال فى الاّخرة.
دعوة إلى التوبة
لأن الزواج السرى المسمى بالزواج العرفى معصية
وشروط التوبة :
الندم على مافات
والإقلاع عن الذنب
والعزم على عدم العودة

استغفر الله العظيم وأتوب إليه

وأنا أدعوكم لقراءة
يغرسون الوهم ويحصدون الندم
http://www.mustafahosny.com/forum/showthread.php?t=17181 (http://www.mustafahosny.com/forum/showthread.php?t=17181)

لا تخونوا الله
http://www.mustafahosny.com/forum/showthread.php?t=16426 (http://www.mustafahosny.com/forum/showthread.php?t=16426)


ولكم منى جزيل الشكر وفائق الاحترام
مسلمه
10-21-2008, 12:43 AM
وعليكم السلام ورحمة الله وبركاته

الله عليكى يامسلمة

ماشاء الله على موضوعك

بصراحة الجزئين أحلى من بعض وبيمسو الواقع جدااااااااااااااااااا

ربنا يبارك فيكى ويرزقك العففة والزوج الصالح وكل بنات المسلمين
ويرزق شباب المسلمين العفة والزوجات الصالحات

اللهم آااااااااااااااااااااامين
جوزيتى الجنة يارب
ربنا يكرمك ياحبيبتي اساطير الخريف

رينا يرزقنا جميعا بالازواج الصالحة ويعفنا وسعدنا دنيا واخره

واشكرك على كلامك الجميل
أساطير الخريف
10-21-2008, 12:47 AM
السلام عليكم ورحمة الله وبركاته ميار ماشاء الله على كلامك انتى كمان

بجد والله ياجماعة حاسة فعلا انكم مبدعين(ميار ومسلمة)

ودى أحلى حاجة
انكم بتطلعوا إبداعكم دا فى حاجة تفيد الناس وماتغضبش ربنا منكم
ربنا يهدى بيكم ويسعدكم وينفع بيكم ويستخدمكم فى خدمته
مسلمه
10-21-2008, 12:48 AM
السلام عليكم ورحمه الله وبركاته



جزاكم الله خيراً يا مسلمه على الموضوع الرائع جداااااااااااااا
وربنا يارب يكرمك ويعزك ويرزقك خشيته فى السر والعلن
ويحفظك من كل سوء
وبجد مش عارفة أقول ايه على كلامك الجميل جداااااااااااااا ؟؟
ربنا يفتح عليكى كمان وكمان ويبارك لكى فى شبابك وحياتك
وكلامك مؤثر جداااااااااااا
فعلاً الزواج السرى المسمى بالزواج العرفى بأة موضة
أنتشرت جامد قوووى بين الشباب والبنات وخاصة فى الجامعات
وربنا يستر علينا كلنا
وبفخر أنى لم أقع فى الصحوبية ولا الزواج العرفى
ولا كل الصداع ده
وللاسف الشديد جداااااااااااااا
كان فى رحلة عندنا فى الكلية لشرم الشيخ
رجع منها شباب وبنات كتيررررر تزوجوا عرفى
وتفصلوا من الكلية
( هذا الموضوع حكته لنا دكتورة عندنا فى الكلية)
بجد أنا خايفة جداااااااااااا
على الشباب والبنات
وخايفة على أولادى اللى فى المستقبل
الزواج السرى المسمى بالزواج العرفى = كارثة
والله كل ما تذكر قول السيدة مريم وهى تتمنى الموت لأنها ستلد ولد بلا أب لأنها إنسانة شريفة وعفيفة
قلبى بتقطع على الحكايات اللى بسمعها عن الزواج العرفى
ربنا يرزقنا عفة القلب وعفة العقل وعفة اللسان وعفة اليد
من غض بصره أطلق الله بصيرته
إذا أردت فاطمة فلابد أن تكون علياً
إياك أن تتنازل عن حبك أبداً.. ولكن اعلم أن الحب مثل الزهرة.. لا تنبت أبداً فى الظلام.. ولا فى الهواء الملوث.
إن بكى قلبك خوفاً على فراق من تحب فاسكب هذا الدمع ساخناً فى ركعات تُصليها لربك طالباً لعونه فى جمعك بمن تحب, وترقيق قلب من حولكما لمباركة هذا الزواج.
من صام عن الحرام فى الدنيا, فطر على الحلال فى الاّخرة.
دعوة إلى التوبة
لأن الزواج السرى المسمى بالزواج العرفى معصية
وشروط التوبة :
الندم على مافات
والإقلاع عن الذنب
والعزم على عدم العودة

استغفر الله العظيم وأتوب إليه

وأنا أدعوكم لقراءة
يغرسون الوهم ويحصدون الندم
http://www.mustafahosny.com/forum/showthread.php?t=17181 (http://www.mustafahosny.com/forum/showthread.php?t=17181)

لا تخونوا الله
http://www.mustafahosny.com/forum/showthread.php?t=16426 (http://www.mustafahosny.com/forum/showthread.php?t=16426)



ولكم منى جزيل الشكر وفائق الاحترام


وعليكم السلام
انا مش عايزاكي تقولي حاجة غير انك تدعيلي كتير
عايزة دعوة حلوة في قيام او في الفجر
ظبطيني يعني :)
وكويس انك جبتي سيرة السيدة مريم
وكمان المفروض كنت اتكلم على الفتاتين اللي سقى لهما سيدنا موسى
(تمشي على استحياء)(على استحياء قالت)هكذا يقراها بعض القراء
ربنا يعف بنات المسلمين كلهم يااااااااااااااااااااااااااا رب
موضوع ده بيضايقني جدا ربنا يستر علينا وعلى ولادنا
ربنا يحفظهم

وان شاء الله هدخل على الموضوعات اللي حطاها

وشكرا يا جميل على مشاركت ودعواتك الجميله
مسلمه وافتخر
10-21-2008, 01:01 AM
الله الله
ايه الجمال ده
ما شاء الله موضوع جميل اوى ربنا يجازيكم عنا كل خير
وانا والله عاوزه اشكر كل اى حد فى المنتدى ده لان بجد المنتدى ده جميل اوى كل مواضيعه قيمه وكل اعضاءه محترمين
وربنا يوفقكم فى الحمله ان شاء الله
وتحقق هدفها المنشود باذن الله
والسلام ختام
السلام عليكم
مها الشهاوى
10-21-2008, 01:13 AM
السلام عليكم ورحمة الله وبركاته . جزاكى الله خيرا على الموضوع الجميل ده وبجد كلامك كله صح وبيحصل ونسال الله ان يرزقنا العفاف والتقى والحياء والغنى وان يرزق جميع بنات المسلمين الازواج الصالحين وربنا يبارك فيكى ويوفقك ويثبتك .
حواري العوام
10-21-2008, 01:26 AM
السلام عليكم ورحمة الله وبركاته
بجد يا مسلمه الخاطره حلوه اويييييييييييييييييييييييييييييييييييييييييييييييي يييييييييييييييييييييييييي والفكره اللي عجبتني اكتر بصراحه هي ان معظم البنات بتبقي عايز تربط الولد جنبه علشان خايفه ماتتزوجش وده فعلا زي ما قولتي اكبر غلط جزاكي الله خيراااااااااااااااااااااااااااااااااااااااااااااا
lobn
10-21-2008, 01:32 AM
يا بنات يا حبايبي
هم مسلمة وميار بس هم المشتركين في حملة حيائي حياتي ؟ والا بنات تانيين ؟
انما قلتلكو دخلوني معاكو ما دخلتنيش لغاية دلوقتي
والا عشان قلتلكو ان انا مش ملتزمة مش عايزين تدخلوني ؟
عايزة أعمل معاكو اي حاجة
الراجيه عفو ربها
10-21-2008, 01:40 AM
السلام عليكم ورحمة الله وبركاته
جزاكي الله خيرا حبيبتي

بجد تحفة
ربنا يكرمك
وينفع بيكي الامة
رضي الله عنك حبيبتي
وصلي اللهم علي سيدنا محمد البشير النذير وعلي اله وصحبه وسلم
مريومه
10-21-2008, 01:45 AM
السلام عليكم ورحمة الله وبركاته

بجد والله العظيم خاااطره جاااااااااااامده جداااااااااااااااااااااااااااا

العيب مش من الولد كليا ولكن البنت هى اللى بتجبر اللى قدامها ازاى يعاملها

يعنى هى بتحط شروط وحدود لهذه العلاقه

وطبعا لو كل ولد تخيل ان ده ممكن يحصل لاخته او لالاى حد من اقاربه بجد هيفكر مليون الف مره قبل ميعمل اى حاجه غلط

جزاااااااكى الله كل خيييييييييييييير حبيبتى مسلمه

ربنا يدخلنا الفردوس الاعلى صحبه مع بعض

ربنا يكرمك ويبارك فيكى حبيبتى

وتمتعينا ديماااا بمواضيعك
lolo cat
10-21-2008, 01:47 AM
السلام عليكم

جزاكى الله خيراااااااااااااا بصراحه اسلوب كتبتك حلو اوى ما شاء الله

وربنا يعفنا يارب ويغنينا بالازواج الصالحين اميييينننننننننننن

اللهم صلى وسلم على سيدنا محمد
rolansaif
10-21-2008, 07:51 AM
السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين

ما شاء الله عنك ... كاتبة ومؤلفة رائعة

وصلتي الفكرة وزيادة ما تخافي ما قصرتي

الله يجزيكي كل خير ويثبتنا واياكي على فعله
اسلام الملان
10-21-2008, 07:57 AM
شـكــ وبارك الله فيك ـــرا لك ... لك مني أجمل تحية .
موفق بإذن الله ... لك مني أجمل تحية .
نيرة
10-21-2008, 04:46 PM
السلام عليكم ورحمة الله وبركاته

والله يا اخت ( مسلمة ) ما شاء الله عليكي

رووووووعة طريقتك



بس بم اني عنصرية ومتحيزة للبنات .. بشهادة الشهود

ممكن ناس كتير تقول ان البنت هي اللي بتخلي الولد يتعامل معاها
زي ما هي تفرض عليه


بس رأيي ان البنت لو معندهاش فراغ عاطفي مش هتلجأ للطرق الرخيصة ( اعذروني على اللفظ ولكنه الوصف )
ولو حد اتعرضلها وعمل انه بيتقرب منها عشان بيحبها وعاوزها .. هتروح تقول لاهلها
لكن لو مفيش عاطفة بين البنت واهلها
هتدور على اهل من برة
والاهل دول هيكونوا مش اكتر من واحد
واحد يتسلــــــــــــــــــــــــــــــــى
يوصلها احساس انه مهتم بيها موت ..

والبنت لو اهلها غامرينها بالاهتمام والحنان والحب .. مش هتدور على حد من برة

ارجوكم محدش يقوللي ان الاهل كلهم بيهتموا ببناتهم

انا وانا في المدرسة - مش عارفة من سوء حظي ولا حسن حظي - وقعت في شلة بنات اهلهم مضيعينعهم
قمة قمة قمة في الاستهتار وعدم تحمل المسؤلية

وربنا من عليا ومستمرتش معاهم

وشفت بنت منهم في الفترة الاخيرة .. وكانت كما هي


الشباب عنده جرأة
ممكن يعمل اي حاجة وميتهزش ولا يتردد
لكن البنت بتفكر كتير .. لكن لو الولد لو استحوز على تفكيرها ..
الله السلامة ( الا من رحم ربي من الاثنين )

الحقيقة الموضوع ده الكلام فيه بيوجعني
فكفاية كدة دلوقت

لي عودة باذن الله
مسلمه
10-22-2008, 03:32 PM
الله الله
ايه الجمال ده
ما شاء الله موضوع جميل اوى ربنا يجازيكم عنا كل خير
وانا والله عاوزه اشكر كل اى حد فى المنتدى ده لان بجد المنتدى ده جميل اوى كل مواضيعه قيمه وكل اعضاءه محترمين
وربنا يوفقكم فى الحمله ان شاء الله
وتحقق هدفها المنشود باذن الله
والسلام ختام
السلام عليكم

شكرا حبيبتي على مشاركتك وكلامك الطيب

السلام عليكم ورحمة الله وبركاته . جزاكى الله خيرا على الموضوع الجميل ده وبجد كلامك كله صح وبيحصل ونسال الله ان يرزقنا العفاف والتقى والحياء والغنى وان يرزق جميع بنات المسلمين الازواج الصالحين وربنا يبارك فيكى ويوفقك ويثبتك .

وعليكم السلام
اللهم امين يا مها
وشكرا لمشاركتك
السلام عليكم ورحمة الله وبركاته
بجد يا مسلمه الخاطره حلوه اويييييييييييييييييييييييييييييييييييييييييييييييي يييييييييييييييييييييييييي والفكره اللي عجبتني اكتر بصراحه هي ان معظم البنات بتبقي عايز تربط الولد جنبه علشان خايفه ماتتزوجش وده فعلا زي ما قولتي اكبر غلط جزاكي الله خيراااااااااااااااااااااااااااااااااااااااااااااا

المشكلة ان لازم الناس تعرف ان محدش هيتجوز جوز حد وكله رزق بايد ربنا سبحانه وتعالى
وشكرا يا جميل لمشاركتك
مسلمه
10-22-2008, 03:37 PM
يا بنات يا حبايبي
هم مسلمة وميار بس هم المشتركين في حملة حيائي حياتي ؟ والا بنات تانيين ؟
انما قلتلكو دخلوني معاكو ما دخلتنيش لغاية دلوقتي
والا عشان قلتلكو ان انا مش ملتزمة مش عايزين تدخلوني ؟
عايزة أعمل معاكو اي حاجة


ليه بس يا باشا
فيه اعضاء كتبوا غيرنا زي الاخ lets be better والاخت حواري والاخ ميدو بيدخا خواطر من عنده في وسط المواضيع

والموضوع مالوش علاقه بالالتزام خالص وماتقوليش كد تاني عشان ما نزعلش منك :)

وكله يشارك بنشر الحمله في كل المنتديات مش شرط بكتابة خواطر واللي عنده اضافه للخواطر يكتبها احنا مش مانعين حد
مسلمه
10-22-2008, 03:43 PM
السلام عليكم ورحمة الله وبركاته
جزاكي الله خيرا حبيبتي

بجد تحفة
ربنا يكرمك
وينفع بيكي الامة
رضي الله عنك حبيبتي
وصلي اللهم علي سيدنا محمد البشير النذير وعلي اله وصحبه وسلم

وعليكم السلام ورحمة الله وبركاته
ربنا ينفع بينا جميعا حبيبتي الراجية عفو ربها ويرضى عنا جميعا
وشكرا لمشاركتك

السلام عليكم

جزاكى الله خيراااااااااااااا بصراحه اسلوب كتبتك حلو اوى ما شاء الله

وربنا يعفنا يارب ويغنينا بالازواج الصالحين اميييينننننننننننن

اللهم صلى وسلم على سيدنا محمد

وعليكم السلام
اللهم امين
وشكرا يا جميل لمشاركتك


السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين

ما شاء الله عنك ... كاتبة ومؤلفة رائعة

وصلتي الفكرة وزيادة ما تخافي ما قصرتي

الله يجزيكي كل خير ويثبتنا واياكي على فعله


وعليكم السلام
الحمدلله انك مشوفتيش تقصير ده من ستر ربنا
بس ايه بس الكلام الكبير ده
كاتبة ومؤلفه ايه بس
انا ولا حاجة ده مجرد حاجات بنشوفها كتير في التليفزيون وبنسمع من الناس وانا نقلتها في حوار
وبشكرك يا جميل على مشاركتك وكلامك الحلو
مسلمه
10-22-2008, 03:47 PM
شـكــ وبارك الله فيك ـــرا لك ... لك مني أجمل تحية .
موفق بإذن الله ... لك مني أجمل تحية .

شكرا اخي لمشاركتك
السلام عليكم ورحمة الله وبركاته

والله يا اخت ( مسلمة ) ما شاء الله عليكي

رووووووعة طريقتك



بس بم اني عنصرية ومتحيزة للبنات .. بشهادة الشهود

ممكن ناس كتير تقول ان البنت هي اللي بتخلي الولد يتعامل معاها
زي ما هي تفرض عليه


بس رأيي ان البنت لو معندهاش فراغ عاطفي مش هتلجأ للطرق الرخيصة ( اعذروني على اللفظ ولكنه الوصف )
ولو حد اتعرضلها وعمل انه بيتقرب منها عشان بيحبها وعاوزها .. هتروح تقول لاهلها
لكن لو مفيش عاطفة بين البنت واهلها
هتدور على اهل من برة
والاهل دول هيكونوا مش اكتر من واحد
واحد يتسلــــــــــــــــــــــــــــــــى
يوصلها احساس انه مهتم بيها موت ..

والبنت لو اهلها غامرينها بالاهتمام والحنان والحب .. مش هتدور على حد من برة

ارجوكم محدش يقوللي ان الاهل كلهم بيهتموا ببناتهم

انا وانا في المدرسة - مش عارفة من سوء حظي ولا حسن حظي - وقعت في شلة بنات اهلهم مضيعينعهم
قمة قمة قمة في الاستهتار وعدم تحمل المسؤلية

وربنا من عليا ومستمرتش معاهم

وشفت بنت منهم في الفترة الاخيرة .. وكانت كما هي


الشباب عنده جرأة
ممكن يعمل اي حاجة وميتهزش ولا يتردد
لكن البنت بتفكر كتير .. لكن لو الولد لو استحوز على تفكيرها ..
الله السلامة ( الا من رحم ربي من الاثنين )

الحقيقة الموضوع ده الكلام فيه بيوجعني
فكفاية كدة دلوقت

لي عودة باذن الله



طبعا البنت هي اللي بتحط الحدود
انا مقتنعه بكده 100%
وشكرا حبيبتي لمشاركتك
lobn
10-22-2008, 04:07 PM
شكرا يا اخت مسلمة
merooo7
10-23-2008, 02:15 AM
السلام عليكم ورحمة الله وبركاته

جزاكى الله كل خير يا مسلمة الخاطرة جامدة جدا

وواقعية ربنا يحفظنا ويحفظ بنات المسلمين من كل شر

واسلوبك جميل فى الكتابة استمرى والى الامام

ومعلش اتاخرت فى المشاركة

فى حفظ الله
مسلمه
10-23-2008, 07:42 PM
السلام عليكم ورحمة الله وبركاته

جزاكى الله كل خير يا مسلمة الخاطرة جامدة جدا

وواقعية ربنا يحفظنا ويحفظ بنات المسلمين من كل شر

واسلوبك جميل فى الكتابة استمرى والى الامام

ومعلش اتاخرت فى المشاركة

فى حفظ الله


وعليكم السلام ورحمة الله وبركاته
شكرا يا جميل على كلامك الحلو ده
ماشي هتنزل المرة دي لكن المرة الجاية ابدا
مش عايزين تاخير تاني
sianovieta
10-25-2008, 08:02 AM
لا حول ولا قوة الا بالله

والله انا بستغرب من كل بنت بترضي بالاهانه لنفسها

ليه متفكرش اد ايه هتكون جميله وهي عروسه ووالدها ووالدتها بيهنوها

ليه تقلل من نفسها !!

ربنا يهدي كل البنات ويهدي برضو الولاد وبانهم ميفكروش التفكير السىء ده

شكرا جزيلا
Marawy
10-27-2008, 10:04 PM
السلام عليكم ورحمه الله وبركاته
بجد الخاطره جميله اوى وياريت البنات تتعلم بقى وتبطل السزاجه اللى هى فيها دىبقى ومعلش قرلأت الخاطره متأخره كان عندى ظروف وبارك الله فيكى
مسلمه
10-28-2008, 10:41 AM
لا حول ولا قوة الا بالله

والله انا بستغرب من كل بنت بترضي بالاهانه لنفسها

ليه متفكرش اد ايه هتكون جميله وهي عروسه ووالدها ووالدتها بيهنوها

ليه تقلل من نفسها !!

ربنا يهدي كل البنات ويهدي برضو الولاد وبانهم ميفكروش التفكير السىء ده

شكرا جزيلا


اكيد هي كده بتهين نفسها
بس ساعتها هي مش بتفكر في كده
اللي بيسطر عليها مشاعرها وحبها وتدخل الشيطان وظروف المجتمع
يعني بتختلف من واحده لواحده
وشكرا لمشاركتك

السلام عليكم ورحمه الله وبركاته
بجد الخاطره جميله اوى وياريت البنات تتعلم بقى وتبطل السزاجه اللى هى فيها دىبقى ومعلش قرلأت الخاطره متأخره كان عندى ظروف وبارك الله فيكى

وعليكم السلام ورحمة الله وبركاته
ولا يهمك من التأخير
وشكرا على مشاركتك
عاشقة الفردوس
10-30-2008, 10:36 PM
السلام عليكم ورحمة الله وبركاته

ايه الخاطرة الجامدة ده

جميلة ربنا يبارك فيكى

والله الخواطر بتاعت الحملة كلها تحفه

ربنا يبارك فيكم ويكرمكم

جزاكم ربى الجنة

استودعكم الله الذى لاتضيع ودائعه

احييكم جميعا بتحية اهل الجنة

السلام عليكم ورحمة الله وبركاته
محبة لله ورسوله
10-30-2008, 11:14 PM
جزاك الله خيراً يا مسلمة على هذه الخاطرة الروعة ويا رب البنات تأخد بالها من الفخ اللي اسمه الجواز العرفي ده ويصبروا الى أن يرزقهن الله بالزوج الصالح اللي يعيننا على طاعة الله في الدنيا ودخول جنته في الآخرة ان شاء الله . اللهم استر بنات المسلمين واحفظهم من كل ما يغضبك وأعنهم على الصبر وعفهم يا أرحم الراحمين
مسلمه
11-11-2008, 02:38 PM
السلام عليكم ورحمة الله وبركاته


ايه الخاطرة الجامدة ده

جميلة ربنا يبارك فيكى

والله الخواطر بتاعت الحملة كلها تحفه

ربنا يبارك فيكم ويكرمكم

جزاكم ربى الجنة

استودعكم الله الذى لاتضيع ودائعه

احييكم جميعا بتحية اهل الجنة

السلام عليكم ورحمة الله وبركاته


شكرا يا جميل على مشاركتك

فعلا الخواطر كلها حلوة وده توفيق من عند ربنا

عقبال مانشوف خاطرة ليكي :)

جزاك الله خيراً يا مسلمة على هذه الخاطرة الروعة ويا رب البنات تأخد بالها من الفخ اللي اسمه الجواز العرفي ده ويصبروا الى أن يرزقهن الله بالزوج الصالح اللي يعيننا على طاعة الله في الدنيا ودخول جنته في الآخرة ان شاء الله . اللهم استر بنات المسلمين واحفظهم من كل ما يغضبك وأعنهم على الصبر وعفهم يا أرحم الراحمين

يا رب يا جميل

اللهم امين

وبشكرك على مشاركتك
myar mustafa
11-13-2008, 11:13 AM
السلام عليكم ورحمه الله وبركاته



أنا كنت عايزة أقول حاجة

أنا اّسفة جداااااااااااااااا مضطرة اختار ناس تانية عشان يكونوا أعضاء للحملة.
لأن واضح أن فى ظروف حدثت لبعض أعضاء الحملة منعتهم من الاستمرار فى كتابة الخواطر

وبناً على ذلك سيطول فترة الحملة شوية

يعنى مش هتنتهى يوم 11/11 لكنها ممكن تستمر ل 1/12 إن شاء الله
لأن عدد الخواطر بالكامل 13 أو أكثر
المهم أنا مش عايزة حد يزعل منى ,وكمان أعضاء الحملة ربنا يوفقهم ويرجعوا بالسلامة للمنتدى وياريت لو دخلوا على المنتدى يبعتوا لى على رسائل الزوار عشان أنسق معهم الخواطر عشان مش يحصل اضطراب ولا حاجة
وكمان فى حاجة تانية أن الخاطرة ( الخطوبة) ميعاد نزولها أصلاً كان الخاطرة العاشرة , مش الخاطرة السادسة
لكن اضطرت أنزلها عشان فى ناس كتيررر بيسألوا عن باقى الخواطر
المهم فى صفحة الخاطرة السادسة سيتم أختيار أعضاء الحملة الجدد
لكن أرجووووووكم بعد إذنكم مش حد يزعل منى إذا أختارت حد وحد تانى لأ.
لأن الاختيار ده بناً على شوية حاجات
مش هأقولها عشان محدش يزعل منى
المهم الحملة كلها تحت أمركم لكن لحد دلوقتى الخاطرة السابعة المفروض أن كاتبها أخ فاضل معنا هنا فى المنتدى لكن واضح أن فى ظروف تمنعه من دخول المنتدى, ربنا معه ويوفقه فى الدنيا والاّخرة.
المهم كل واحد يدخل الموضوع ده, ياريت يكتب اسمه إذا كان عايز يشترك فى الحملة كعضو فى الحملة
لكن أرجوكم اللى يكتب اسمه ياريت يكون عضو قديم وليس جديد
لأنى ساقرأ موضوعاته وساتعرف عليه من خلال موضوعاته
أرجوووكم مش حد يزعل منى , وتقولوا هى البت دى عاملة علينا مديرة ولا ايه !!
لأ والله العظيم فمن الممكن أن أكون أسوء أهل الأرض وممكن أن أكون هذا الذى يخرج اّخر واحد من النار أو أظل فيها دائماً
والله ما كتبت هذا الكلام تكبراً ولا أستهزاءاً بكم فأنتم أفضل وأعبد وأحسن منى جميعاً
إلهى لا تعذب أحد بسوء ما عندى
إلهى أرحمنى فوق الأرض وتحت الأرض ويوم العرض عليك
إلهى لا تحرمنى جميل ما عندك بسوء ما عندى
إلهى إن لم تغفر لى وترحمنى لأكونن من الخاسرين
إلهى رحمتك هى أوسع لى فأنت أهل التقوى وأهل المغفرة
اللهم أخرج من قلبى كل قدر ٍ للدنيا
وكل حب ٍ للخلق يميل بى إلى معصيتك أو يشغلنى عن طاعتك
أو يحول بينى وبين معرفتك الخاصةأو محبتك الخالصة



http://www.mustafahosny.com/forum/sh...ad.php?t=22109 (http://www.mustafahosny.com/forum/showthread.php?t=22109)


ولكم منى جزيل الشكر
HEBA
11-14-2008, 03:44 PM
السلام عليكم ورحمة الله وبركاته



جزاااااااااااااكي الله خيرااااااا


في رعاية الله
مسلمه
11-25-2008, 11:08 PM
السلام عليكم ورحمة الله وبركاته



جزاااااااااااااكي الله خيرااااااا


في رعاية الله



وعليكم السلام ورحمة الله وبركاتاته
شكرا يا هبة لمشاركتك
مسلمه
11-26-2008, 09:31 AM
السلام عليكم

ميار بتعتذر على عدم تواجدها لان الجهاز عندها فيه مشكله

فتقبلوا اعتذارها
myar mustafa
12-03-2008, 05:13 PM
السلام عليكم ورحمه الله وبركاته




جمــــيع خــــواطر حمــلة (( حــيائى حـــياتى )) فى هذا الموضوع



http://www.mustafahosny.com/forum/showthread.php?t=24342 (http://www.mustafahosny.com/forum/showthread.php?t=24342)
myar mustafa
12-14-2008, 01:38 PM
السلام عليكم ورحمه الله وبركاته





التالى مقطع فيديو للشيخ الدكتور/ حازم شومان
هذا أكثر مقطع بيأثر فىّ جدااااااااااا
لحظــــــــة نــــــــدم
لا تنسوا أن تدعوا لشيخنا الفاضل بعد مشاهدة هذا المقطع
وطبعاً تدعوا لى أن كمان
أرجو نشر هذا المقطع المؤثر جداااااااااااااا

http://www.youtube.com/watch?v=TeQEeUQ0JiU
fouzia5
01-06-2009, 06:13 PM
بسم الله الرحمن الرحيم السلام عليكم ورحمة الله وبركاته موفق بإذن الله ... شـكــ وبارك الله فيك ـــرا لك ...