المساعد الشخصي الرقمي

مشاهدة النسخة كاملة : مش عارف .. بس إدخلوا .. معلش .. pLz

HooSaaM
06-14-2008, 11:49 PM
السلام عليكم ورحمة الله وبركاته


اعوذ بالله من الشيطان الرجيم
بسم الله الرحمن الرحيم الحمد لله رب العالمين و الصلاه و السلام على رسول الله صللى الله عليه و آله و سلم
إن الحمد لله تعالى نحمده ونستعين به و نستغفره و نعوذ بالله تعالى من شرور أنفسنا و من سيئات أعمالنا
من يهد الله تعالى فلا مضل له و من يضلل فلا هادي له
و أشهد ألا إله إلا الله و أشهد أن محمد عبد الله و رسوله

أولاً كيف حالكم إخواني و أخواتي .. أتمنى أن تكونوا بأحسن حال

ثانياً ... مش عارف أبتدي منين .. بس لاحظت مؤخراً في بعض الموضوعات و المشاركات ما هو يتعارض مع الضوابط التي وضعها لنا الدين في التعامل بين الأخوة و الأخوات ..

فلاحظت بعض الأخوة يخاطبون الأخوات بأسمائهن مباشرة أي بدون أخت / أختي / و حضرتك ... و الموضوع أيضاً بالنسبة للأخوات ...

أنا آسف يا جماعة معلش تقبلوها مني أنا مش هقولكم أنا شيخ و ملتزم أوي لأني مش كدة أصلاً ... أنا أقل واحد فيكم هنا في الاتزام بس في حدود ماينفعش ان نتجاوزها
حتى لو أنا مش ملتزم هاخاف على أخواتي عشان محدش يفتن ولا حاجة و أقلل ايمان حد مابقاش أنا سبب في بعد حد عن ربنا ... ممكن أكون أنا مش ملتزم أوي يعني بس أكيد هارفض حاجة زي دي
مش حلوة خالص إني أخاطب أخت باسمها كدة على طول .. و برضه بالنسبة للأخوات
أنا شفت كمان كلمات كدة ماينفعش خالص ...

حتى يا جماعة الكلام دا موجود في قوانين المنتدى لو محدش عايز يسمع مني

معلش اعذروني يا جماعة .. و تقبلوا مني هذا الكلام ...
حاجة كمان يا جماعة لو في موضوع منقول ياريت للأمانة إن إحنا نقول

أنا عارف ان ماينفعش حد معندوش علم و دين كتير ينصح حد أعلى منه .. بس تقبلوا مني جزاكم الله خيراً

لو شايفين إني غلطان أو كدة إنصحوني .... و ياريت تقولوا رأيكم إيه حتى لو معجبكوش الكلام
سجل أنا عربي
06-15-2008, 12:57 AM
السلام عليكم و رحمة الله و بركاته

يجزيك ربي كل خير أخي الفاضل

* HooSaam *

و يوفقك على طرحك الصح و أنا كمان بضم صوتي لكلام الأخ الكريم

بارك الله فيكم أيها الأفاضل نحافظ ما أمكن على أسلوب الحوار و يجزيكم الله كل خير

أختكم في الله
HooSaaM
06-15-2008, 01:13 AM
السلام عليكم و رحمة الله و بركاته

يجزيك ربي كل خير أخي الفاضل

* HooSaam *

و يوفقك على طرحك الصح و أنا كمان بضم صوتي لكلام الأخ الكريم

بارك الله فيكم أيها الأفاضل نحافظ ما أمكن على أسلوب الحوار و يجزيكم الله كل خير

أختكم في الله



وعليكم السلام ورحمة الله وبركاته

جزاكي الله خيراً على الاستجابة ... ربنا يثبت حضرتك و يكرمك

ممكن حضرتك تقترحي عنوان للموضوع عشان معرفتش ألاقيله عنوان

و أي حد يحب يقول عنوان يبقى جزاه الله خيراً
مريومه
06-15-2008, 01:49 AM
بجد كلام حضرتك صح ميه فى ميه

ومحدش يقدر يعارض فى كلمه من كلام حضرتك

لازم يكون فى حدود بينا وبين بعضنا حتى لا تحدث فتنه

هى اكيد بدون قصد بس خلينا صح احسن

ربنا يهديناااا جميعااااااااااااااااااااااا ويصلح احوالناااا

جزاك الله كل خيييييييييير اخى فى اللله

ربنا يبارك فيك ويكرمك


ربنا يجعل اعمالك خالصه لوجه اللله

شـكــ وبارك الله فيك ـــرا ...
HooSaaM
06-15-2008, 01:52 AM
السلام عليكم ورحمة الله وبركاته

جزاكي الله خيراً أختي مريومة

ممكن حضرتك تقترحي عنوان ... عشان العنوان دا و حش أوي
حضرتك أعلم مني و عندك بلاغة أكثر مني

شـكــ وبارك الله فيك ـــرا ...
عاشقة الفردوس
06-15-2008, 02:27 AM
السلام عليكم ورحمة الله وبركاته
استاذ حسام
جزاكم الله الجنة
فعلا حضرتك عندك حق فى كل كلمة قلتها
وينفع ان حد اقل من حد فى الالتزام ينصحه
وحضرتك مش اقل منا فى الالتزام
ان الله هو المطلع على سرائرنا
بس ممكن يكون اللى بيتكلم كده مش واخد باله
والله انا احيانا ممكن ارد على موضوع
يكون اخ الاخوة هو اللى كتبه وانسى
بس انا بوعدكم انى ان شاء الله هركز بعد كده
لانى لو نسيت مرة بتضايق ازاى انا مقلتش حضرتك
مينفعش طبعا
انا بضم صوتى لصوت حضرتك
وبالنسبة لاسم الموضوع هو حلو كده اسمه
جزاكم الله خيرا اخى
احييكم بتحية اهل الجنة
السلام عليكم ورحمة الله وبركاته
سلالالالالالالالالالالالالالام:marsa87:
HooSaaM
06-15-2008, 02:41 AM
السلام عليكم ورحمة الله وبركاته
استاذ حسام
جزاكم الله الجنة
فعلا حضرتك عندك حق فى كل كلمة قلتها
وينفع ان حد اقل من حد فى الالتزام ينصحه
وحضرتك مش اقل منا فى الالتزام
ان الله هو المطلع على سرائرنا

احييكم بتحية اهل الجنة
السلام عليكم ورحمة الله وبركاته
سلالالالالالالالالالالالالالام:marsa87:


وعليكم السلام ورحمة الله وبركاته

جزاكي الله خيراً على النصيحة دي .. إعذروني هذا من قلة علمي

و ممكن لو حد نسي ممكن يعمل تعديل للمشاركة

و جزاكي الله خيراً على هذه التحية اللي حضرتك بتحرصي على وضعها في كل المشاركات
سجل أنا عربي
06-15-2008, 04:01 AM
السلام عليكم و رحمة الله و بركاته

معذرة لسة شايفة طلب حضرتك لعنوان مقترح للموضوع

برأيي ممكن يكون باسم

" ردود في حدود "

" جميعا أخوة و أخوات نحافظ على منتدانا "

" الحرص الحرص ثم الحرص بالله عليكم "

" يلا نعرف نرد صح "
مريومه
06-15-2008, 06:46 AM
السلام عليكم ورحمة الله وبركاته

جزاكي الله خيراً أختي مريومة

ممكن حضرتك تقترحي عنوان ... عشان العنوان دا و حش أوي
حضرتك أعلم مني و عندك بلاغة أكثر مني

شـكــ وبارك الله فيك ـــرا ...

وعليكم السلام اخى

جزاك الله مثله

العنوان مش وحش ولا حاجه

لا والله انا لا عندى بلاغه ولا فصاحه ولا اى حاجه

انا اتنقشت مع اختى وقلنا الضوابط الشرعيه

والله لو لقيت اسم احلى من كده هشوف بس مافيش والله اسم على بالى حاليا


انا من رأيى تسيبه كده علشان العضو
يشده العنوان فيدخل ويستفيد

عموما الرأى فى الاول او الاخر لحضرتك

جزاك الله كل خيييييييييير اخى

ربنا يكرمك
ربي هب لي هدي
06-15-2008, 08:09 AM
السلام عليكم ورحمه الله وبركاته
جزاك الله خيرا علي طرح هذا الموضوع( الجرئ)
انا قولت جرئ لان الموضوع ده بالذات جه في دماغي انا واخت لي علي المنتدي اسمها الطريق الي الجنه
بس خفنا اننا نطرحه فيحدث فتنه يكون الرد اننا لا نقصد
انا طلبت منها انها تسأل داعيه في السعوديه عشان نبقي متأكدين
الداعيه افادتها وقال لها يستحسن عدم الرد علي المواضيع اللي كاتبها اولاد وذلك لكي نتقي الشبهات
هي سألتها طيب لو الرد في حدود الشرع ومفيش اي كلام كده ولا كده قالت لها برده بلاش لان ممكن الفتنه تحدث من الكلام حتي الملتزم جدا
طبعا طبعا انا معرفش ايه الصح
بس كل واحد يستفت قلبه
واللي بيتفتن المفروض يبعد عن مواطن الشبهات
انا حبيت بس اشارك عشان انقل لكم هذا الرأي عشان ميكنش عندي علم ولم اظهره
سبحانك اللهم وبحمدك اشهد ان لا اله الا انت استغفرك واتوب اليك
فتاة المجد
06-15-2008, 02:13 PM
السلام عليكم ورحمة الله ، وجزاك الله خير الجزاء أخونا في الله ( حسام ) وبارك الله فيكم ، وهذا هو المهم والمطلوب فعله فنحن هنا من أجل الدين ، جزيتم الجنة .


أختكم في الله : فتاة المجد
HooSaaM
06-16-2008, 02:15 AM
السلام عليكم ورحمة الله وبركاته

جزاكي الله خيراً أختي ( سجل أنا عربي ) العنوان حلو بس خلاص العنوان دا شغال كويس بس و الله عنوان ممتاز

جزاكي الله خيراً أختي مريومة

بارك الله فيك يا أخت ( رب هب لي هدى )
و زي ما حضرتك قولتي كل واحد يستفت قلبه و أكيد كل واحد عارف و هو بيكتب الكلام اللي بيكتبه دا قبل الحدود و لا عدى الحدود ....

أحسنت قولاً أخت فتاة المجد و ربنا يحفظك


و شكراً
هديه
06-16-2008, 05:08 PM
اولا فعلا كلام حضرتك صحيح وانا لاحظت هذا

واحب اضيف شئ اخر بالاضافه لعدم وجود كلمه اخى او اختى او.........
كثره المدح لبعضنا البعض مجرد هذا فى فتنه والله احنا كده بنفتن نفسنا اصلا (لا انتى احسن لا انت احسن .......وهكذا)
HooSaaM
06-16-2008, 07:05 PM
اولا فعلا كلام حضرتك صحيح وانا لاحظت هذا

واحب اضيف شئ اخر بالاضافه لعدم وجود كلمه اخى او اختى او.........
كثره المدح لبعضنا البعض مجرد هذا فى فتنه والله احنا كده بنفتن نفسنا اصلا (لا انتى احسن لا انت احسن .......وهكذا)

السلام عليكم ورحمة الله وبركاته

جزاكي الله خيراً أخت هدية

الصراحة أنا بعمل موضوع المدح دا بس دا من باب الشكر و التواضع و تقليل من شأني أنا لعدم التكبر .. جزاكي الله خيراً
أصل الموضوع دا يبضايقني جداً لأني دا هايبقى حجة عليا ... فمش بحب الناس تقول عليا إني كويس و تمدح فيا أوي و خصوصاً الناس دي بتبقى من من وجهه نظري أنا انهم أحسن مني ... مش عارف بقى كلامي دا صح و لا ايه

شكراً و بارك الله فيكم
ابراهيم عباس
06-17-2008, 02:20 PM
بسم الله


ازيك يا حسام يا حبيبي


ربنا يارب يرضى عنك يا جميل



وشكراااااااااااااااااااااااااا لموضوعك الراااااااااائع ده


وتواضعك اللي بحبه موت فيك ، وحرصك على الثواب اللي مشفتوش في حد بالشكل ده .


فعلا يا حبيبي المسأله دي مهم اننا ناخد بالنا منها قوي ، لانها بتفتح ابواب مش حلوه من حيث لاندري


والشيطان بيلعب على الوتر ده بمهاره عاليه جدا ،


وانا احسن الظن بكل الاخوة والاخوات اللي في المنتدى ، واحسبهم على التزام عالي ـ وان الامور دي مش في الحسبان


لكن مفيش مانع اننا ناخد بالنا عشان نقدر نوصل لربنا بقلب سليم ، زي ما هو بيحب .


شكرا ليك يا حسام مره تانيه


وياريت تتحفنا بموضوعاتك الروعه دي اكتر واكتر


والى الامام دواما


والملتقى الجنة
hoda nagy
06-17-2008, 03:01 PM
السلام عليكم انا شايفه ان حضرتك يعنى ماغلطتش ولا محتاج نصيحه انا شايفه ان دا الصح وجزاك الله كل خير ع النصيحه دى
souad1
06-17-2008, 03:17 PM
جزاك الله خير على النصيحة دي يااخي الفاضل وفعلا لازم ناخد بالنا كويس بعد كده وربنا يرزقنا اقرب من هدا رشدا
HooSaaM
06-17-2008, 04:57 PM
السلام عليكم ورحمة الله وبركاته

ربنا يكرمك و يعزك يا ابراهيم ... قصدي يا شيخ ابراهيم
على فكرة يا جماعة الأخ ابراهيم بإذن الله هايبقى داعية ان شاء الله

إدعوله ان ربنا يوفقه

هو يستاهل كل خير .. يمكن هو مش بيشارك كتير هنا بس هو شخصية محترمة جداً ... على ضمانتي :icon_smile:

و ربنا يجزيك خير عالكلام الرائع دا .. و دا مش تواضع ولا حاجة
هو يمكن بس تاني حاجة اللي هي الحرص عالثواب .. عشان لو معملتش كدة أضيع دي الحاجة الكويسة اللي فيا بس

الجنة ان شاء الله هادخلها معاكوا عشان انا ظني في ربنا انه هايدخلني مع اللي بحبهم زي ما قال النبي صلى الله عليه و سلم وانتوا ان شاء الله في الجنة ... و رحمة ربنا واسعة

ماتنسوش تدعوا لأخونا إبراهيم بالتوفيق

السلام عليكم ورحمة الله وبركاته
HooSaaM
06-17-2008, 05:09 PM
السلام عليكم ورحمة الله وبركاته

جزاكم الله خيراً أختي hoda nagy و souad1

شـكــ وبارك الله فيكم ـــرا ...
HEBA
06-17-2008, 11:14 PM
السلام عليكم ورحمة الله وبركاته
جزاك الله كل خير علي الموضوع
بصراحة وكانه جاي في وقته لانه كان في دماغي سبحان الله
وفعلا زي ما قالت رب هب لي هدي
ان اللي جابت الموضوع في دماغي هيه الطريق الي الجنة
فجزاكم الله جميعا كل خير

ومع التفكير قريت كمان كذه موضوع بيتكلم في نفس الفكرة
بس سامحوني يعني وانا طبعا طبعا ممكن اكون غلط
مش شرط علشان اكون انسانه محترمه اني اكون بقول اخي او اختي
دا طبعا احترام لكن اقصد اقول انه مش شرط
بصراحه انا مش متعودة علي كده
يعني بحس نفسي واحدة تانية
اقصد اقول اني بتكلم بطبيعتي
لكن انا طبعا معاك في ان لازم يكون في حدود
طبعا طبعاوربنا يغفر لنا ما قدمنا وما اخرنا وما اسررنا وما اعلنا جميعا يااااارب
وفعلا انا معاك في ان ساعات في ردود بتيجي يكون فيها كلام ميصحش ابدا ودا حصل فعلا معايا
لكن بصراحه معرفتش ارد وسكت ودا اكيد غلط
المهم
ان شاء الله نبدا تاني ونجدد نيتنا مع الله وجزاك الله خيرااااااااااا كثيرااااااااااااااا علي التذكرة

معلش انا كان ليا تعقيب كمان علي كلام ( رب هب لي هدي )
اولا جزاكي الله خيرا
بس يا جماعه انا شايفة والله اعلم طبعا
ان المفروض لا الشباب ولا البنات يردو علي مواضيع بعض دا راي يمكن يكون متشدد شوية
والا مكنش استاذ مصطفي ولا استاذ عمرو ولا استاذ معز ولا الشيخ هاني حلمي عملو المنتديات دي اصلا
انا طبعا معرفش الكلام ده صح ولا غلط لن مقتنعة جدا ان يكون في حدود
والله اعلم
اسفة اذا كنت طولت في الكلام
في رعاية الله
HooSaaM
06-18-2008, 12:21 AM
السلام عليكم ورحمة الله وبركاته

جزاكي الله خيراً أختي HEBA

زي ما قلت قبل كدة اني انا دلوقتي مش محترم مش معنى كدة اني أخاطب أخت باسمها على طول
لازم على الأقل احترمها و أخاطبها بلغة تليق بيها ..
أما بالنسبة للموضوع التاني دا ... مقدرش اتكلم فيه ... هو صعب شوية و ربنا يرحمنا و يثبتنا

شـكــ وبارك الله فيك ـــرا ...
ابراهيم عباس
06-19-2008, 02:16 PM
شكرا يا حسام يا حبيبي على كلامك فيا ده


وربنا يكرمك يارب


وربنا يجمعنا على الخير دايما
حواري العوام
06-29-2008, 07:25 AM
جزاك الله خير يا اخي علي هذا الموضوع الرائع ده

لان ساعااااااااااااات ممكن الواحد منا يعملها اول مره وهو مش واخد باله وبعدين تاني مره نفس الحكايه وهكذا فمن واجب الاخوه اللي بنا "وعلشان كلنا عايزن ندخل الجنه مع بعض "باذن الله " بهذا المنتدي واللي اصله في راي اننا ننصح بعض ونشد بعض لتذوق حلاوه الايمان في القلوب والتي حلوتها لا توصف فلازم ولابد ولاممكن و<واي حد عايز يزوداي كلمه من كلمات التشديد علي الكلام اللي فات يقول هههه>ان احنا نشجع علي الموضوع ده وان اي حد شايف اي اخطاء في المنتدي يقول " بس براحه" علشان ان احنا هدفنا واحد ولا حد عنده شك؟!!!!!!!!! هههههههههههههههههه

ربي اجعلنا من الرجال والنساء الذين ياتوا يوم القيامه في ظلك يوم لا ظل الا ظلك
primula
06-29-2008, 08:34 AM
بارك الله فيك اخي على طرحك هذا،وفعلا يجب الالتزام بالضوابط والحدود فنحن دخلنا واجتمعنا لكي نسمو بالاسلام وبراية الاسلام عاليا فيجب علينا ان نلتزم بكل حد وضع لنا لكي نحقق الهدف الذي اجتمعنا من اجله الا وهو نصرة ديننا وعلو ورفع راية الاسلام.
وانا اضم صوتي لكل من سبقني من الاخوات والاخوة.
HooSaaM
09-06-2008, 01:53 PM
السلام عليكم ورحمة الله وبركاته

العفو يا هيما

دي الحقيقة و يمكن مقصر كمان

يارب نفضل مع بعض عشان تدخلني الجنة معاك

.................................................. ......................................

جزاكي الله خيراً أختي حواري العوام و primula

عندكم حق في كل كلمة

بارك الله لكم و فيكم

و بعتذر عن التأخر الكبير أوي في الرد
fiko
09-06-2008, 02:26 PM
السلام عليكم ورحمة الله وبركاته

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين

اخي حسام ارجوك اولا ان تتوقف عن قول انا مش محترم اصلا ربنا مش بحب هذا اكلام قل ارجوك انا بحاول اتغير و ادعوي ربنا يثبتني لو سمحت و شكرا على موضوعك وتنببببببيييه مهم جدا انا بصراحة مش مع كلمة حضرتك لكن احب جدا اخي و اختي

اخي حساااااااااام كلنا لم نولد دعاة او مشايخة و لكن بحب الله و الحرص على التغيير و طبعا مع اخذ العبرة من الماضي نستطيع الاصلاح من انفسنا

شـكــ وبارك الله فيك ـــرا لك ... لك مني أجمل تحية .
زينة
09-06-2008, 02:44 PM
السلام عليكم ورحمة الله جزاك الله خيرا أخي HooSaaM والله انت مو غلطان ومعك حق هو الاحترام كتير حلو وواجب بين الأخوة والأخوات بتمنى كل الأعضاء والزوار يشاهدوا موضوعك وخلي عنوانه هيك موفق بإذن الله ... لك مني أجمل تحية .
ايه2010
09-06-2008, 02:54 PM
السلام عليكم ورحمة الله وبركاته

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين

اخي حسام ارجوك اولا ان تتوقف عن قول انا مش محترم اصلا ربنا مش بحب هذا اكلام قل ارجوك انا بحاول اتغير و ادعوي ربنا يثبتني لو سمحت و شكرا على موضوعك وتنببببببيييه مهم جدا انا بصراحة مش مع كلمة حضرتك لكن احب جدا اخي و اختي

اخي حساااااااااام كلنا لم نولد دعاة او مشايخة و لكن بحب الله و الحرص على التغيير و طبعا مع اخذ العبرة من الماضي نستطيع الاصلاح من انفسنا

شـكــ وبارك الله فيك ـــرا لك ... لك مني أجمل تحية .

شكرا ليكى يا اختى فيكو عل المشاركه وانا بصراحه بحيي جدا الاستاذ حسام على موضوعه لانه مهم جدا بل غايه في الاهميه ولفت نظرنا لحاجه مهمه بس انا كان ليا تعليق بسيط على مشاركه حضرتك انتى بتقولي انك بتحبى كلمه الاخ والاخت اه طبعا دى كلمه جميله والمسلمين كلهم اخوه بس لازم يبقي في حدود في المعامله بين الاخوه والاخوات ممكن تشيلى الحاجز لو بتردى على اخت من اخواتنا اللى هنا لكن مع الاخوه لازم يكون فيه شويه ضوابط وحدود مينفعش نتعداها وزى ما قال الاستاذ حسام الكلام ده موجود في قوانين المنتدى ودى وجهه تظرى انا كمان وشكرا ليكي
fiko
09-06-2008, 03:38 PM
شكرا ليكى يا اختى فيكو عل المشاركه وانا بصراحه بحيي جدا الاستاذ حسام على موضوعه لانه مهم جدا بل غايه في الاهميه ولفت نظرنا لحاجه مهمه بس انا كان ليا تعليق بسيط على مشاركه حضرتك انتى بتقولي انك بتحبى كلمه الاخ والاخت اه طبعا دى كلمه جميله والمسلمين كلهم اخوه بس لازم يبقي في حدود في المعامله بين الاخوه والاخوات ممكن تشيلى الحاجز لو بتردى على اخت من اخواتنا اللى هنا لكن مع الاخوه لازم يكون فيه شويه ضوابط وحدود مينفعش نتعداها وزى ما قال الاستاذ حسام الكلام ده موجود في قوانين المنتدى ودى وجهه تظرى انا كمان وشكرا ليكي



انا معاكي في كل كلمة بس ااالي قلته هو اني بحب كلمة اخي بس طبعا من غير منخرج على حدود
ربنا يهدينا جميعا

و شكرا لى اهتمامك بكلامي
HooSaaM
09-06-2008, 05:35 PM
السلام عليكم ورحمة الله وبركاته

جزاكم الله خيراً

شكراً أختي أية ..... ربنا يخليكي و يعزك

..................

شكراً أختي fiko
بس انا لما قلت مش محترم كنت بقول مثلاً
بس اللي قلته فعلاً اني أقل واحد فيكم
و ربنا يعزنا جميعاً

و يتقبل منا

شكراً
MMS
09-06-2008, 05:48 PM
والله احييك علي هذا الكلام

بارك الله فيك وجزاك الله كل خير

كلامك مهم جدا جدا وانا موافقاك فيه بشدة
مسلمه
09-07-2008, 07:48 PM
انا عندي اضافة

اتمني ان يتسع صدوركم لها

وهي ساعات الكلام بيكون محترم بس بيبالغ فيه بين الولد والبنت

زي مثلا

والله حضرتك متعرفش بعزك اد ايه

انا منسيتش وكنت بدعيلك كل يوم

حضرتك انسان(انسانة) رائعة

وحاجات كده شوفتها كتير في المشاركات

فبتمنى يكون الكلام ما قل ودل يعني جزاك الله خيرا

ربنا ينفع بيك
حاجات كده بدون مبالغات في الكلام

على فكرة الكلام على الناس كلها يا اخ حسام مش على حضرتك
اصل كلامي كله حضرتك عشان متحسبش ان الكلام عليك بتكلم عموما
انا بتكلم بصيغة المذكر لاني بنت
فبقول مثال يعني عشان حضرتك متفهمش غلط

انا عارفه ان كلامنا بيكون كله تلقائي ونابع من طيبة قلبنا بس اهم حاجة ماننساش الحدود زي ما حضرتك قلت

واسفة على الاطالة
السمسومه
09-09-2008, 11:47 PM
بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين

السلام عليكم

اخى الفاضل جزاك الله خير على هذا الكلام الجميل
ويجب ان تعود الضوابط حتى نسير فى الطريق الصحيح
ويجب ان تعلم انك على علم والتزام لأنك اذا لم تكن ذلك لن يوفقك الله لقول مثل هذا الكلام
وفقك الله لما يحب ويرضى وادخلك الجنه من غير حساب
وياريت متغيرش العنوان لأنه مشوق جدا

وعجلت اليك ربى لترضى
myar mustafa
09-18-2008, 10:49 AM
السلام عليكم ورحمه الله وبركاته


جزاكم الله خيراً يا أستاذ حسام على الموضوع المهم
وربنا يارب يكرمك ويزيدك من فضله وعلمه
فعلاً الموضوع ده مهم حتى عشان الشاب أو البنت يتذكروا هما سجلوا فى المنتدى ليه؟؟
المفروض أنه عشان الدعوة إلى الله لكن ساعات الواحد بيفقد حياؤه لما يتكلم براحته شوية مع الجنس الاّخر حتى ولو كان مش قصده
فأنا أذكر نفسى و كل الأعضاء والزوار كمان بتجديد النية
أما حكاية أن حضرتك أقل واحد إلتزاماً ده أكيد تواضع
بصراحة شخصية كل واحد بتظهر من خلال موضوعاته ومشاركاته
وإن شاء الله حضرتك من الملتزمين الصادقين
ولا نزكى على الله أحد
فهو الأعلم بحال عباده
وأنا أدعوك لقراءة الرابط التالى

http://www.mustafahosny.com/forum/showthread.php?t=16599


ولكم منى جزيل الشكر
HooSaaM
09-18-2008, 03:42 PM
السلام عليكم ورحمة الله وبركاته

جزاكي الله خيراً mms عالمشاركة

شكرااااا

.................................................. ...........

شكراً أختي مسلمة عالاضافة

عندك حق

هههه

انا مفتكرتوش عليا ولا حاجة ... هو حضرتك كنتي تقصديني فعلا و لا ايه :)

انا معاكي في كل كلمة

و جزاكي الله خيراً عالمشاركة

.................................................. ........

و عليكم السلام

جزاكي الله خيراً أخت سمسومة

شكراً على كلام حضرتك الطيب

و دا من حسن ظن حضرتك

آمييييييييييييين

شكراً عالدعاء و لك بالمثل ان شاء الله

شـكــ وبارك الله فيك ـــرا لك ... لك مني أجمل تحية .
HooSaaM
09-18-2008, 03:50 PM
السلام عليكم ورحمه الله وبركاته



جزاكم الله خيراً يا أستاذ حسام على الموضوع المهم
وربنا يارب يكرمك ويزيدك من فضله وعلمه
فعلاً الموضوع ده مهم حتى عشان الشاب أو البنت يتذكروا هما سجلوا فى المنتدى ليه؟؟
المفروض أنه عشان الدعوة إلى الله لكن ساعات الواحد بيفقد حياؤه لما يتكلم براحته شوية مع الجنس الاّخر حتى ولو كان مش قصده
فأنا أذكر نفسى و كل الأعضاء والزوار كمان بتجديد النية
أما حكاية أن حضرتك أقل واحد إلتزاماً ده أكيد تواضع
بصراحة شخصية كل واحد بتظهر من خلال موضوعاته ومشاركاته
وإن شاء الله حضرتك من الملتزمين الصادقين
ولا نزكى على الله أحد
فهو الأعلم بحال عباده
وأنا أدعوك لقراءة الرابط التالى

http://www.mustafahosny.com/forum/showthread.php?t=16599



ولكم منى جزيل الشكر



و عليكم السلام و رحمة الله و بركاته

شكراً أخت ميار على الرد الطيب

جزاكي الله خيراً عالنصيحة ... فعلاً دا بيحصل معايا ساعات

فنسأل الله ان يغفرلنا و لا يؤاخذنا ان نسينا أو أخطأنا

اما حكاية التواضع دي

انا بشكرك على حسنن ظنك

ولكن دا مش تواضع

انا كل اللي قلته دا واقع

كلكم على دماغي من فوق

انا كتبت الموضوع دا من قلبي و جه كدة مش عشان انا ملتزم و لا متدين لأني مش كدة :)

انا عارف ان الكلمة دي بتضايق البعض بس اعذروني الموضوع دا حجمه كبير

و ربنا لا يجعله حجة علي

وشكراً
fiko
09-18-2008, 04:13 PM
السلام عليكم ورحمة الله وبركاته
fiko
09-18-2008, 04:24 PM
e7na 7anerge333 ye akhi houssem l 7ikeyetttttttt enno deh wa9e3 w keda la arjoookk ensa hedheka el kelemmmmmmmmm

ok w je3aleka allaho lel mote9ina imemen
HooSaaM
09-18-2008, 04:32 PM
e7na 7anerge333 ye akhi houssem l 7ikeyetttttttt enno deh wa9e3 w keda la arjoookk ensa hedheka el kelemmmmmmmmm

ok w je3aleka allaho lel mote9ina imemen


:)

معلش يا أختي

شكراً عالكلام الطيب

حاضر مش هاقول كدة تاني

بس ادعيلي و يارب ادخل معاكم الحنة

شكرا جدا
مسلمه
09-19-2008, 10:52 PM
.................................................. ...........

شكراً أختي مسلمة عالاضافة

عندك حق

هههه

انا مفتكرتوش عليا ولا حاجة ... هو حضرتك كنتي تقصديني فعلا و لا ايه :)

انا معاكي في كل كلمة

و جزاكي الله خيراً عالمشاركة

.................................................. ........

.

جزاك الله خيرا اخي حسام لاتساع صدرك

وانا قلت اوضح بس عشان الشيطان بتلكك ويوقع بين الناس

لان الكلام كله بصيغه المذكر وحضرتك صاحب الموضوع

فاردت التوضيح
بونبونايه
09-19-2008, 11:05 PM
ربنا يصلح حالك وحالنا ويزيدك ويزدنا من علمه وفضله
اختكم فى الله