أفكار جديدة للموقع والمنتدي... شاركونا...

[Nariman Nagui]

السلام عليكم و رحمة الله وبركاته....

زي ما شيخنا مصطفي بيقول لكم في كل حلقة
" لان خدعوك فقالوا برنامج منكم ولكم....."

أنا كمان بقول لكم موقعنا منكم ولكم و بكم...
يعني لازم تجدوا فيه كل اللي أنتم عايزينوه... و كل اللي بتتمنوه...

و كمان لازم انتم تشاركونا بأرائكم و أحلامكم... نفسكم تلاقوا في موقعنا ايه...؟؟؟؟

و كمان بكم... ينجح موقعنا و منتدانا... لانه بدونكم لا قيمة له....

احنا في ادارة الموقع الان بنجهز...لأفكار جديدة لكم... و أفكار جديدة و خطط جديدة لموقعنا في الصيف...

و فكرنا ان أحسن طريقة عشان ننجح أكثر و نكون متفاعلين أكثثر اننا نسألكم نفسكم تشوفواا ايه علي موقعنا...

يلا يا شباب ويا بنات...
اكتبوا لنا أفكاركم و مقترحاتكم.... و ياريت لو أفكار جديدة و مبتكرة...

يلا كلنا مستنيين أفكاركم المبدعة والمدهشة...

جزاكم الله خيرا...

و ربنا يفتح علينا...و يفتح بنا... و يفتح لنا....

[amatalah]

جزاكى الله كل خير يا استاذه : ناريمان فكره رائعه جدا

وربنا يبارك فى الاستاذ : مصطفى حسنى يارب ويجعل كل حرف من كل كلمه بيقولها فى ميزان حسناته يـــــــارب .... ويعزه ويعز الاسلام والمسلمين على ايده يارب العالمين

ويبارك لكل المشرفين على الموقع الرائع ده....

واحنا كلنا معاكم دائما بدعئنا وافكرنا واقتراحتنا لحد ما الموقع ينجح اكتر واكتر وهو اصلا ناجح جداااااا بس احنا نحب ان نشوفه فى نجاح اكبر دايما:119:

وربنا يوفقكم يارب ويعنكم ويجعله فى ميزان حسناتكم يـــــــــــــــــــارب

اللهم صلى وسلم على سيدنا وحبيبنا محمد عليه الصلاه والسلام وعلى اله وصحبه وسلم

[حبيب المصطفي]

بجد فكرة جميلة جدا ان الاعضاء يشاركوا في ايجاد افكار جديدة لكي يصبح المنتدي افضل جزاك الله خيرا
وياريت لو في قسم خاص بالمشروعات والوظائف علشان نقدر نستغل قدرات الشباب وطاقتهم في العمل خصوصا ان الاجازة بدأت ودي احسن فرصة علشان نستغل هذه القدرات

[فرحة الالم]

جزاكي خير يا اخت ناريمان وجزا الشيخ مصطفى كل خير

فكرة رائع والى مزيد من التقدم يا رب

[فتاة النيل]

جزاكى الله خيرا اختى نريمان و جزى الله استاذ مصطفى عنا كل خير وجميع العاملين بالمنتدى
ان شاء الله اى افكار شايفين انها ستساعد فى ارتقاء المنتدى هنكتبها

http://www.arabsys.net/pic/thanx/13.gif (http://www.arabsys.net/pic/index.php)

استودعكم الله الذى لا تضيع ودائعه
وسلام الله عليكم و رحمته و بركاته
:marsa101::marsa101::marsa101:

[سجل أنا عربي]

السلام عليكم و رحمة الله و بركاته

يجزي الله الخير و البركة كل من سعى لإعلاء كلمة الحق و بارك الله في كل القائمين و المساهمين في المنتدى الطيب ..

أما عن الأفكار الجديدة أيها الأفاضل فلدي بعض الأفكارأرجو من الله أن تساهم و لو بالإيجابي القليل ..

الفكرة الأولى --

عندما يغادر عضو من الأعضاء المنتدى تكون هناك علبة حوار تخير العضو ما إذا كان يود المغادرة أو لا ... في نظري أيها الأفاضل إما أن يضاف في علبة الحوار دعاء انتهاء المجلس مع السؤال الذي يطرح و إما أن يكتب دعاء انتهاء المجلس وحده بمعية الإختيارين نعم و لا ... و هذا يعني حتما الموافقة على المغادرة أم لا .. و ذلك بأهداف عديدة منها الإعتياد على هذه الجزئيات من أخلاقيات ديننا الرائع و طبعا نشر الثواب و الأجر بتبليغ رسائل سيد الخلق صلوات ربي و سلامه عليه بشتى الطرق فنكون بذلك تجار الآخرة بإذن ربي ...

الفكرة الثانية أيها الأفاضل --

من الملاحظ أن جميع الأعضاء ما شاء الله الله أكبر يساهمون بشكل كبير في إغناء المنتدى بالمواضيع و في كل المجالات ... لكن هذا بقدر مهو نافع لإغنائه بقدر ما يشكل عقبة أمام تصفح كل المواضيع .. الشئ الذي يحول دون إعطاء العديد من المواضيع الهامة حقها و بالتالي المنفعة المتوخاة منها ...
الفكرة أيها الأفاضل أن تخصص لكل جزء من المنتدى مدة معينة مع التواجد الدائم لبعض الأجزاء الضرورية ..

التوضيح بمثال ..

مثلا كأن يخصص أسبوع أو مدة معينة تهم الجزء --قصة أعجبتني + كيف اهتديت + حكمة في كلمة

أما الباحة الدائمة على صفحة المنتدى و التي من أساسيات و ضروريات المنتدى -- حلقات خدعوك فقالوا+لقاءات تلفزيونية+ برامج أخرى +ساحة الشكاوى و الإقتراحات

ثم بعد ذلك طبعا يغير جزء قصة أعجبتني +... بجزء آخر يخصص له مثلا أيضا أسبوع .. مثلا باحة * إسلاميات *

و طبعا بوجود الباحة الرئيسية الدائمة التواجد على صفحة المنتدى ...

و الهدف طبعا من هذه الفكرة ترتيب الأفكار سعيا في تنظيم المنتدى حتى لا يسوده جو من الإضطراب و الفوضى .. كما هو معلوم " الشئ إذا زاد عن حده انقلب إلى ضده " .. و التزود بالمعرفة و تقويم النفس و العقل تكون بالخطوات و شيئا فشيئا و هذه طبيعة بني البشر و لله في ذلك حكمة سبحانه جل جلاله الحكيم جل علاه .. مثل ما ورد ذلك في الآية الكريمة عند نزول الوحي على الصادق الأمين الحبيب المصطفى صلوات ربي و سلامه عليه

{ لَا تُحَرِّكْ بِهِ لِسَانَكَ لِتَعْجَلَ بِهِ }
____القيامة16____

لا تحرك -أيها النبي- بالقرآن لسانك حين نزول الوحي؛ لأجل أن تتعجل بحفظه, مخافة أن يتفلَّت منك. -- التفسير الميسر -

كل شئ يكون بالخطوة تلو الخطوة لا بالإستعجال و الكثرة ..

ثم كفكرة ثالثة أيها الأفاضل الكرام تهم ما يلي--

أن توضع في الصفحة الرئيسية للمنتدى باحتين -- الأولى ركن تعارف الأخوة-الشباب- و الثانية ركن تعارف الأخوات - الفتيات -

كما يلاحظ الكل أن هناك باحتين مخصصتين لكل من الفتيات و الشباب على حدة .. لكن كل شوية بنشوف إحدى الأخوات بتعمل موضوع جديد في باحة حور الدنيا بعنوان التعارف و ممكن نفس الشئ في الباحة المخصصة للشباب ... و ده ممكن يطلع أكثر من موضوع بنفس العنوان ..

ثم فكرة أخرى تهم التهاني بأعياد الميلاد--

فالمرجو أيها الأخوة تخصيص مكان في جزء " عيد ميلادي " لتبادل التهاني بدل ما كل شوية يطلع موضوع في إحدى الأجزاء الأخرى بعنوان النهار ده عيد ميلاد فلان أو فلانة .. كأن يكون مثلا جدول مجزأ إلى ثلاث أعمدة الأولعليه اسم العضو الثاني تاريخ ميلاده الثالث التهاني لهذا العضو ... و طبعا كل ما يكون عيد ميلاد عضو أو أكثر في كل يوم تكون إشارة في الصفحة الرئيسية لذلك و طبعا اللي يحب يهني أي حد يروح للمكان ده بدل ما يفتح موضوع جديد ...

أنا خلصت الأفكار اللي على بالي حاليا و بتمنى من ربي أن تساهم و لو بقيد أنملة في المنتدى و أسأل الله التوفيق لي و لكم و السداد في الرأي و الخطى و الفعل و صلي اللهم و بارك على سيد الخلق و على آله و صحبه أجمعين و من تبعهم بإحسان إلى يوم الدين و لسلام عليكم و رحمة الله و بركاته ..

أختكم في الله

:marsa101::119::marsa101:

[فتاة المجد]

السلام عليكم ورحمة الله ، وشكراً جزيلاً على هذه الفكرة التي من خلالها نستطيع الإقتراح .

وانا ما أتمنى هو أن يتم تحديد مشرف خاص للمواضيع لأنني للأسف وجدت الكثير من المواضيع المتكررة في أكثر من قسم .

فمثلاً :

إذا أراد شخص ما التسجيل في المنتدى بإسم يحمله أحد الأعضاء فلا يتم تقبل أسمه لأنه أسم متكرر وعليه تغيير الأسم حتى يستطيع التسجيل ، فأرجو أن يكون نفس النظام في المواضيع فإذا أراد أحد الأعضاء وضع موضوع سبق وأن نشر فالرجاء أن يتم حذف الموضوع أو إغلاقة وتبليغ الشخص أن الموضوع موجود .

ثانياً : أرجو أن يتم إضافة تعديل لأسم المستخدم في الملف الشخصي لوجود لكثير من الأعضاء الذين يريدون تغيير الأسم ولا يوجد حل لهذه المشكلة .

أرجو أن لا أكون قد أثقلت عليكم وأتمنى أن يتم القبول .

أختكم : فتاة المجد

[nosa]

السلام عليكم ورحمة الله وبركاته
بجد فكرة جميلة جدا وجزاكى اختى ناريمان
وانا بصراحة نفسى يبقى فيه قسم للادعية
وجزاكى الله خيرا انتى وكل القامين على المنتدى
والسلام عليكم ورحمة الله وبركاته

[souad1]

جزاك الله خيرا اخت ناريمان انا نفسي يبقى في قسم لتعلم اللغات حتى نستفيدمن اجازة الصيف

[Noha Ahmed]

بسم الله الرحمن الرحيم

السلام عليكم و رحمة الله و بركاته

السلام على من إتبع الهدى و خشي الرحمن بالغيب

أهنيكي أختي ناريمان على القسم الجديد بجد فكرة رائعة بنك الأفكار ده و المنتدى و الحمد لله منظم وأقسامه كويسه و متنوعة و لكن ممكن يبقى أفضل بينا و بيكم إن شاء الله و أول فكرة أشارك بيها لأني بحس المنتدى زي بيتي :

بالنسبة للمنتدى:

- ممكن نفصل إسم ( ساحة الشكاوى و الإقتراحات ) نخليه ( ساحة الشكاوى فقط )و الإقتراحات أو الأفكار الجديدة بالنسبة للمنتدى تكون هنا في (بنك الأفكار فقط )حتى لا يختلط الأمر على من يريد أن يضع إقتراحه بالنسبة للمنتدى لأن وجود مكانين للإقتراحات ممكن ما يلفتش النظر لإقتراحات مهمة أو تتكرر الإقتراحات و حتى يسهل المتابعة على حضرتك.

- بالنسبة لبرنامج خدعوك فقالوا يكون فيه مكان إقتراحات الحلقات للي عايز الأستاذ مصطفى حسني إنه يتكلم فيها أو جزئية يضيفها لموضوع الحلقة و عرض قصص الخاصة للحلقة التالية معا و الجزء التاني للتعليق عن الحلقة السابقة زي ما هو موجود عادي.
لأني لاحظت وجود آراء التعليق على حلقة فاتت و في نفس الوقت قصص للحلقة اللي بعدها و في نفس الوقت إقتراحات للحلقة اللي بعدها و كمان هيكون مكان ثابت لعرض محتوى الحلقات القادمة حلقة بحلقة و عرض القصص الخاصة بها منفصل عن التعليق عن الحلقات اللي إتعرضت.
أو إننا نغير إسم ساحة ( موضوعات الأعضاء لخدعوك فقالوا) إلى ( موضوعات ومقترحات برنامج خدعوك فقالوا)علشان نعمل حساب الزائرين في إضافة التعليق.

بالنسبة للموقع:

- الصفحة الرئيسية للموقع ممكن نعمل لينك للكليب اللي بيظهر للأستاذ مصطفى حسني و موقع قناة إقرأ للمشاهدة و نلغي إنه يشتغل تلقائي علشان بيبطأ التصفح و ده إن أمكن طبعا.


و يارب أكون قدرت أفيدكم بشيء و ربنا يعينكم على إختيار الأفضل و الصالح دائما لكم و لكل من حولكم
و لكم جزيل الشكر و التقدير

[aia allah]

السلام عليكم ورحمه الله وبركاتهاشكرك يا اخت ناريمان على القسم الجديد دة لى بعض الاقتراحات منها:1- اننا نخصص مكان للعبادات ونتفق على عبادة نعملها فى فترة معينة (ممكن تكون عبادة يومية او اسبوعية)2-اننا نستغل بعضبمعنى ان كل واحد ينزل موضوع خاص بمجاله يعنى الدكاترة ينزلو موضوع خاص بالطب(ممكن يمكون مرض وكيفية الوقاية منه وعلاجه) سهل اننا نفهمهوبكدا نبقى عرفنا حاجات عن مجالات كتيرة فى الحياةيا رب اقتراحاتى تعجبكمتذكرونى بصالح الدعاء

[مريم محمود]

السلام عليكم
ما شاء الله لاقوة الا بالله الفكرة جميلة جدا جزاكم الله كل خير القائمين على تحسين المنتدى والموقع للاحسن 0000000000
وجزاه الله كل خير الاستاذ واخونا الكبير مصطفى لانها بجد فكرة حلوة جدا 00000000
ان شاء الله هنفكر فى اراء جديدة ونبقى نحطها ونشوف ارائكم شكرا وفى التقدم الدائم

[رضوى مصطفى]

اشكركم على الديموقراطية والرغبة فى سماع الجميع واقترح لو نعمل دورات تنمية بشرية يعنى لو حد يعرف يفيدنا فى الموضوع ده يكتب اللى هو عارفه او لو حد عنده محاضرات د/ ابراهيم الفقى ينزلها واحنا نحملها حتبقى حاجة اعتقد انها تبقى مفيدة جدا:169:وشكرا

[merooo7]

السلام عليكم ورحمة الله وبركاته

جزاكم الله كل خير استاذه ناريمان واقتراحات الاعضاء جميلة جدا ما شاءالله

وبضم صوتى لصوت اختا aia allah فى فكرة ان كل واحد ينزل موضوع خاص بمجاله كده حيبقى عندنا معلومات فى مجالات كتيرة وفى نفس الوقت حنوفر مكان كتابة موضوعات جديدة

يعنى مثلا بعد اذنكوا ممكن تخصصوا ساحة للتخصصات والعلوم المختلفة

مثلا الطبيب يدخل يكتب شئ معين عن الطب ويكمل وراه باقى الدكاتره فى نفس موضوعه توفيرا للمواضيع ولتركيز المعلومات

وهكذا بالنسبة لباقى التخصصات

وبارك الله فيكم لمجهودكم فى هذا المنتدى الرائع

[الفاروق احمد]

يا جماعة انا عندي رأي عشان يشد الناس شوية أن أ\مصطفي يستضيف لاعب كرة او يكون في فقرة مخصصة للرياضة ويجي فيها لاعب كبير مثل ابو تريكة ممكن

[الفاروق احمد]

يا جماعة انا عندي رأي عشان يشد الناس شوية أن أ\مصطفي يستضيف لاعب كرة او يكون في فقرة مخصصة للرياضة ويجي فيها لاعب كبير مثل ابو تريكة ممكن

[الرميساء2010]

http://www.arabsys.net/pic/bsm/39.gif
فكرة مجنونة
السلام عليكم ورحمة الله وبركاته
انا عندى فكرة عمل مجلة خلال الصيف تكون اسبوعية على الموقع وتكون فيها مقالة او رسالة او خاطرة لاستاذ مصطفى حسنى اسبوعيا يعنى باب لا يتغير ويكون فيها افضل المواضيع التى نقوشت فى المنتدى او وضعت خلال الاسبوع السابق ويكون فيها اخبار العالم الاسلامى ومشروع للشباب والفتيات يناقش كل اسبوع مثلا كمشروع وسارعو الى الخيرات وياريت انكم تختاروا اعضاء من المنتدى فعالين يحرورا هذة المجلة تحت اشراف المراقبين ويكون فيها صفحة لحواء و ادم وياريت تكون فيها وصايا للشباب والفتيات طبعا نتجية لموضوع الاستاذ مصطفى وافكار تكون أهداف الاسبوع يعملها الشباب والفتيات خلال الاسبوع وتتابع خلال العدد التالى واللى ينفذ الاهداف يدخل يكتب عمل ايه وينشر مثلا فى المجلة وتكون فيها رد على هذه الافكار للسلبيات والايجابيات من الاستاذ مصطفى وياريت يكون فيها صفحة عن برامج النت والكمبيوتر ولا ننس صفحة لتفسير للايات قرانية
والاحاديث القادسية وشرحها وقصة عن صحابى او لمسة فى حياة الرسول وياريت لو يكون مطروح قبل صدورها بايام باب للخواطر وتوضع فيها احلى الخواطر للشباب وصفحة للمواهب الادبية والفنية الملتزمة طبعا بالشرع والدين وقوانين المنتدى
وياريت يكون اسمها مثلا كاقتراح لمسات او خدعوك فقالوا او احلى حياة مثل ما بتريدوا بس الفكرة تعجبكم ارجو الرد على لمعرفة السلبيات والايجابيات فى الفكرة علما بان اختلاف الراى لا يفسد للود قضية .
http://www.arabsys.net/pic/wrod/24.gif

[forislam]

السلام عليكم

جزاكم الله كل خير

و يوجد العديد من الجمعيات الخيرية المعروفة التى تهتم بايصال المساعدات الى المحتاجين و كذلك مساندة المتعثرين فى التعليم و مساعدة الشباب فى الزواج ما رايكم فى تقديم المساعدة لهم و كذلك المشاركة معهم
و يوجد من يقوم بزيارات فى القارة السمراء للتعريف بالاسلام و كذلك تقدم المعونات لهم
و فى انتظار الردود و الاقتراحات

[مريم محمود]

السلام عليكم
الشكل الجديد تحفة جدا وجامد جدا
جزاكم الله كل خير

[فتاة المجد]

السلام عليكم ورحمة الله وجزاكم الله خير أختي ناريمان وبارك الله فيكم ، ومبروك على التغيير الجديد للموقع ولكن لي ٌقتراح بسيط أرجوووووووووووووووووووكم أن تعيدوا لنا الفروع المذكورة في اعلى الشاشة والتي بإسم ( مواضيعي ومشاركتي ) فقد كانت تساعدني كثيراً ولا ادري ما سبب حذفها أرجوكم اعيدوها وجزاكم الله خير .

[التواقه إلى الله]

جزاكم الله خيرا

[rasha84]

السلام عليكم ورحمة الله وبركاته
جزاكى الله كل خيريااخت ناريمان
بجداناكان نفسى اشارك براى والحمدالله والفضل لاختى وحبيتى بجدهى اللى لهاالفضل انى اعرف ادخل المنتدى وجزاهاالله كل خيرranik
بالنسبه للاستاذمصطفى بجددهرائع جداانابحس انه قريب منناجدالانه زيناشباب وعايش مشكلناوريبايوفقه باكترمن كده نجاح
بالنسبه للافكاراناعندى فكره جميله جداويارب تعجبكم
الاستاذمصطفى يدعى فى اخرالحلقه بدعاءجميل لانه صوته حلو جدا
اتمنى فكرتى تعجببكم

[عصافير الجنه]

السـلام عليكم و رحمـه الله و بركـاته^
الفكـره رائـعه،، و التجديـدات مزهـله،،
كنت اتمـنا هـذا حـقا و هـا الان تحـقق،،
افـكاري كتيره كتيره كتيره،،،

سابداء،،

1/الصـور الرمزيـه :ليـس بامكـاننا ان نضـيف صـور،
2/سيكـون رائـع ان نخـار بعض الاعـضاء المميـوز و نعـمل منهم لكـل
منتـدي فريـق،. لتنـظيم المسـابقات،،
3/و نـعمل فـي كل منتـدي موضـوع خـاص بالمنتـدي و افكاره و تجـديداته،،

ممممممممم
لسـي في كمـان،،
سـاعود بالمزيد ان شـاء الله

[ganna]

السلام عليكم ورحمة الله وبركاته

جزاكي الله خيرا أختي ناريمان

انا كان عندي اقتراح لموضوع كنت بعته في بنك الافكار بعنوان حمله الحياء
دي حمله أطلقها د محمد المسير واحنا كمجموعه شباب كان عندنا فكره مشابها ليها اسمها مشروع العفه في أمتنا ياريت كلنا نشترك فيها مع بعض علشان نرجع قيم العفه والحياء لينا ولبلدنا وان شاء الله حبعت تفاصي أكتر في المشاركه ايه
(ايه رأيكوا؟؟؟ في انتظار الرد)

جزاكم الله خيرا

[عصافير الجنه]

اهـلا بيـكي :
فـكرتكـي عجـبتنـي كتيـر،، و ارجـوا ان تعـرفيـنا عـنها اكـتر::.
تحـياتي :عصافـير الجنـه

[زهرة البنفسج]

السلام عليكم ورحمة الله وبركاته
بارك الله فيك اخت ناريمان والله فكرة رائعة والله يجزيك كل خير انا برأيى لو تعملوا قسم خاص للتسلية والمرح يعنى ألعاب طريفة ويا ريت يا ريت تعملوا شريط لفوق لارسال اهداء لأى أخت فى المنتدى يعنى صحبتها بكون كتير حلو وبارك الله فيكم

[راغبة فى الجنة]

السلام عليكم ورحمة الله وبركاته
شـكــ وبارك الله فيك ـــرا لك ... لك مني أجمل تحية .
انا اقترح انشاء قسم تعليمى لكل المراحل وكمان للكليات

[الاء الرحمن2]

السلام عليكم هذا الموضوع شيق وممتع وجميل

[دنيا الإيمان]

السلام عليكم ورحمة الله وبركاته
بارك اله فيكي أخت ناريمان لإحترامك لنا بس انتي ليه مش بتردي هل أعجبتك الإقترحات أم لا؟؟؟ لأن بجد الأعضاء ما شاء الله عليهم وبارك فيهم قد قدموا أفكارأ نحن بحاجة ماسة لها وان كنت داخلة لكي أطلب فكرة ولكن وجدتهم قد إقترحوا بها ياريت
أولا: لا بد ان يكون هناك قسم لترحيب بأي عضو جديد
لاننا منذ بداية المنتدي تقريبا في منتصفه فقدنا تغيباً في أقلام أفادتنا وامتعتنا وكان لها دور كبير في هذا المنتدي وبجد أن افتقدهم فلو أردت مثلا السؤال عنهم أو بالاحري نريد ان نشعرهم بكيانهم وأن هناك من يحبهم ويسأل عليهم ماذا نفعل فبرأيي هذا يوثق العلاقات ويجعل من هذا المنتدي دولة تضم أفراد يحبون بعض ويعملون علي رفعة الإسلام
فما اجمل أن يكون لك صديق يسأل عنك إذا غبت **ويدعو لك بظهر الغيب
تانيا : المواضيع الكتيرة والتي تشعر بعض الأعضاء بالإحباط وعدم الرغبة في مواصلة المشاركة في هذا المنتدي ظناً منها أنه لا يوجد من يبالي بمواضيعها ؛بل بالعكس المواضيع فقط لكونها كثيرة ومتكررة فياريت أي موضوع وان أشد علي رأي أختي فتاة المجد يتم حدفه مع بيان سبب حذفه مراعاة لشعور العضو وهو لتكرره وبهذا ينتظم كل شيء
تالتا: أن يكون هناك ترتيب بمعني أن توضع المواضيع في القسم المخصص لها وإلا يجب ان ينقل للمكان المخصص بواسطة المشرفين وكتابة منقول هذا أفضل بالتصفح والإستفادة.
أتمني من الله أن يجعل هذا المنتدي من أفضل المنتديات بل هو نحسبه كذلك إن شاء الله
والله من وراء القصد
معاً وسوياً **يداً بيد نرتقي بهذا المنتدي
أسفة للإطالة

أختكم \ دنيا الإيمان

[د.امل]

ياريت يا استاذ مصطفى
نعمل صفحة فى المنتدى

للاسئلة

الناس التى تريد ان تسال حضرتك

بدل الاتصالات والتلفونات

نعمل صفحة ليهم هنا

مسموح لكل عضو كتابة موضوع واحد فى الاسبوع

وحضرتك تدخل مرة واحدة فى الاسبوع ترد
على الاسئلة

او فريق حضرتك يقراها وحضرتك ترد عليها
او تمليهم الرد
وهما يكتبوة


الفكرة جميلة فى
1- التواصل مع الاستاذ مصطفى.
2-عدم ازعاجة وقلق راحتة
3-ضمان الرد
4-الاستفادة من بعض


انتم هتستفيدوا من مشكلتى وانا استفيد من مشاكلكم

ولو هنتكسف من بعض
نتكسف ليه مش احنا بشر وكلنا اخطاء
واللى انتى هتتكسفى منهم بيخطائو

احنا بشر

فلا احراج ولا كسوف

ومش مشكلة شخصية ولا غير

احنا منعرفش بعض
حتى لو نعرف

ايه يعنى



ننتظر الموافقة




http://www.mustafahosny.com/forum/showthread.php?t=21289&page=5

[د.امل]

عاوزين نفتح قسم جديد كده

للجامعة

للطلاب والدكاترة والمعيدين


نتكلم عن الدارسة


ونتناقش مع الدكاترة والمعيدين


مش معقول مفيش ولا دكتور جامعة ولا معيد فى الاعضاء دة

حتى لو واحد


ونتناقل اخبار الجامعات

والدارسة

والمشاكل


وتبادل الاراء

وكدة يعنى




http://www.mustafahosny.com/forum/showthread.php?t=21548

[استثمارات]

بسم الله الرحمن الرحيم

الحمد لله رب العالمين والصلاة والسلام على سيدنا محمد ..

كل عام وأنتم جميعاً طيبين وبخير ...

عندى إقتراح لو ممكن .. أرجوا جعل قسم خاص للأستاذ مصطفى حسنى للتفاعل وللرد على أسئلة وإستفسارات الأعضاء والتواصل معنا جميعاً ... فأنا عندى أسئلة وإستفسارات أود الحديث معه بشأنها ولكن لا أعرف كيف أجد الطريقة فأنا لا أعرف البريد الالكترونى الخاص به أو تليفونه ..

برجاء الإهتمام والرد ..

سلامى وخالص تحياتى وشكرى للأستاذ مصطفى حسنى وكل أعضاء المنتدى .
وجزاكم الله خيراً ، والسلام عليكم ورحمة الله وبركاته .

[βuςцřд]

بسم الله الرحمن الرحيم
جزاكِ الله خيرا اختي
طلبي في هذا المتندى او اقتراحي بما انني لا اعلم من هم المشرفين في هذا المنتدى
فأرجو منهم ان يجددوا
الصفحة او المنتدى او يغيروا الديزاين تاعه
والتغيير مش غلط برضو =)
وبكون شاكرة لكم
وجزاكم الله خيرا

[βuςцřд]

جزاكم الله خيرا
على تلبية طلبي =)

[مريم محمود]

السلام عليكم
ربنا يبارك فى حضرتك- على تغيير المنتدى والنيولوك الجديد ربنا يجازيكى كل خير

[abassi marwa]

السلام عليكم ورحمة الله وبركاته بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين montada rai3 bilfi3l

[iislam afifii]

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين
اريد وجود مكان لتنزيل الحلقات وليس مجرد الرؤية في الموقع فقط
شـكــ وبارك الله فيكم ـــرا لكم