للقاء شباب المنتدى بمسجد يوسف الصحابى... [الأرشيف]

Osama14

06-07-2008, 05:41 PM

قال رسول الله صلى الله عليه و سلم قال الله عز و جل وجبت محبتي للمتحابين في و المتجالسين في و المتباذلين في و المتزاورين في)

هى الفكرة سبقونا فيها بنات المنتدى..
وانا حبيت اننا نستغل المنتدى كوسيلة للتعارف والمحبة والاخوة فى الله
انا فى الاول هانتظر تفاعلتكم وافكاركم بخصوص الموضوع
وبعد كده نبقى نحدد موعد ومكان للمقابلة

وانا شاء الله ممكن الموضوع لا يقف عند حد التعارف
ممكن نعين بعضنا البعض لكى نكون افضل ايمانيا ان شاء الله

عبدالله المصرى

06-07-2008, 11:09 PM

فكرة طيبه, اعجبتني الصراحه

وللاسف بنات المنتدى سابقنا فى كل شئ :marsa85::mi--:
:001:

فى انتظار شباب المنتدى:119:

Osama14

06-10-2008, 12:18 PM

:sunshine1::sunshine1:

يبدو ان الامتحانات هى السبب

فى انتظار الشباب بعد انتهاء الامتحانات

mus3ab

06-17-2008, 07:20 AM

tamam

7aga 7elwa tab3an

w el emt7anat 5leset 3and mo3zam el nas

fa ya ret tzabato meeting

=D

Osama14

06-19-2008, 09:48 PM

الى
عبدالله المصرى و mus3ab

هو مافيش درس الاسبوع الجاى

ممكن لو تحبوا نتقابل يوم الاربعاء فى المسجد برضو

مستنى ردكم

norhan_sayed

06-21-2008, 01:44 PM

وعليكم السلام ورحمة الله وبركاته يا شباب،
هي فكرة كويسة جدا والحمد لله وأفادتنا جدا، بس بما اني كنت المنظمة للقاء بنات المنتدى، دعوني الفت نظر حضراتكم للأشياء التي قد تحدث لكم لتافديها ان شاء الله.
أولاً، يستحسن الاتفاق على مكان معين في المسجد للقاء "مثلاً عند الباب الجانبي للمسجد"، كما يفضل وضع لافتة تعلن "هنا ملتقى شباب المنتدى" ويوضع أيضأ عنوان موقع الأستاذ مصطفى لجذب أعضاء جدد.
كما انني لا أظن ان اللقاءات مسموحة داخل المسجد لأن المسجد غالبا ما يكون مغلقا بين الصلوات، فممكن حضراتكم تتفقوا على مكان تتقابلوا فيه، وممكن يكون هذا المكان بمصر الجديدة حتي يسهل للأعضاء الوصول إليه.
كما أرجو الأ تشعروا بالحزن إن لم يأتي الكثير من الأعضاء إلى اللقاء، فكل لقاء تنظموه سيأتي إليه شباب أكثر بإذن الله.
جزاكم الله خيراً.

Osama14

06-21-2008, 04:41 PM

شكرا جزيلا وجزاكى الله خيرا

على هذه المعلومات

وسوف نأخذها فى الاعتبار ان شاء الله

بس كنت عايز اعرف نحط لافتة ازاى يعنى ؟؟
وجزاكم الله خيرا

وشكرا على تثبيت الموضوع

ahmed attia

06-21-2008, 05:01 PM

معاكم بس ياريت تبقوا تبعتولى رساله علشان مش انسى

Osama14

06-22-2008, 11:42 AM

ان شاء الله يا أحمد

لو قصدك رسالة خاصة على المنتدى

يبقى خلاص ان شاء الله هابعتلك رسالة فى اول معاد

اما لو قصدك رسالة على الميل مثلا

فياريت تكتبلنا الايميل بتاعك

MOHAMED

06-22-2008, 10:47 PM

ALSALAM 3LYKOM
FEKRA KWAYESA GDN GDN GDN
GAZAK ALLAH KHAYRN YA OSAMA WALLAHI
I'M READY & SO ARE ALL MY FRIENDS

Osama14

06-23-2008, 02:18 PM

ربنا يعزك ويرفع قدرك ويكرمك يا محمد
وان شاء الله موعدنا قريب

ومرحبا بيك وباصدقائك

ياريت لو عندك اقتراح بالنسبة للمعاد تقوله

Osama14

06-23-2008, 02:33 PM

عبد الله ومصعب واحمد عطية انتو فين
مستني ردكم واقتراحتكم بالنسبة للمعاد والمكان ان شاء الله
:119::119::119:

شاعر الاسلام

06-29-2008, 08:16 PM

السلام عليكم
هي طبعا فكرة جميلة جدًا جدًا
لكن مش عارف ان كنت هقدر أشارك فيها بسبب فرق السن وكدة
يعني مثلا اسامة اكبر مني ب 9 سنين
بس هشوف
وبالنسبة للمعاد اقترح مثلا يكون قبل الدرس بساعة او حاجة أمام الجامع

وعندي اقتراح تاني(لكن دة ممكن يأخر معاد اللقاء شوية)
إن كل واحد يقول هو ساكن في انهي منطقة بحيث ان اللي ساكنين قريب من بعض يتقابلوا الاول (على اساس انهم حافظين منطقتهم) بحيث لما نتقابل كلنا ميحسش كل واحد انه غريب او يتردد ييجي...

Osama14

06-30-2008, 04:00 PM

شكرا على مشاركتك يا شاعر الاسلام
انا باعتلك رسالة خاصه على المنتدى
اتمنى قراءتها والتواصل معنا

شاعر الاسلام

06-30-2008, 04:05 PM

شكرًا يا أسامة وأنا الرسالة وصلتني وإن شاء الله أقدر أكون معاكم
بس عايز أعرف الميعاد هيكون امتى بالظبط وفين (تحديدًا)

SHINY LIFE

07-02-2008, 07:59 PM

ياحماعة الفكرة جامدة جدا وانا معاكو ان شاء الله بس المعاد هيبقي امتي والمكان فين إن شاء الله

Osama14

07-03-2008, 03:55 PM

ياحماعة الفكرة جامدة جدا وانا معاكو ان شاء الله بس المعاد هيبقي امتي والمكان فين إن شاء الله

اهلا وسهلا بيك يا shiny life
انت كتبت الرساله دى امبارح (يوم الدرس) الساعه 7
فللاسف مالحقناش ننسق معاك ونتشرف بلقائك
بس (خيرها فى غيرها) وسنتواصل قريبا ان شاء الله

للاسف الدرس توقف لمدة شهر تقريبا
بس انا كنت قرأت رساله ليك بتتكلم عن موضوع درس فى الشيراتون

ياريت لو عندك تفاصيل تقولى لانى ماسمعتش كويس اخر حاجه قالها الاستاذ مصطفى فى الدرس امبارح

وان شاء الله لو ممكن ن(صبر) نفسنا بدرس اخر لحين عودة الاستاذ مصطفى حسنى ليوسف الصحابى مرة اخرى

منتظر ردك

Osama14

07-03-2008, 03:59 PM

الحمد لله تم اول لقاء بين شباب المنتدى امس
شرفنا باللقاء (شاعر الاسلام)
وان شاء الله فى انتظار المزيد من الصحبة الصالحه

بس عندى استفسار بسيط لو حد يعرف
انا بالصدفة لاقيت موضوع بتاريخ شهر ابريل بيتكلم عن نفس الموضوع !!!
بعنوان لقاء شباب المنتدى فى المسجد

فياريت لو فى فعلا تجمع حصل حد يقولنا عشان نتواصل جميعا

islamic

07-03-2008, 04:14 PM

Osama14

07-03-2008, 05:12 PM

السلام عليكم جميعا....
اولا احب اشكر الاخ osama علي الموضوع...
فعلا فكرة جامدة اوي......لان الواحد فعلا نفسه يتعرف علي صحبه صالحة زيكوا كده.....
اولا اعرفكوا بنفسي...انا مصطفي حسين و عندي 19 سنة......
يا ريت تعملوا حسابي في اول لقاء ان شاء الله....
و يا ريت كمان تبعتولي رساله ع الخاص لو في جديد......

السلام عليكم ورحمة الله وبركاته

وعليكم السلام ورحمة الله وبركاته
اهلا بيك يا مصطفى
اتمنى ان تكون وفقت فى الامتحانات
وعقبال النتيجة ان شاء الله

فى اول لقاء قادم هابعتلك رساله ان شاء الله
بس للاسف تأجيل الدرس احزننا جميعا

لكن لو فى اى لقاء اخر هاقولك ان شاء الله

بس هاطلب منك ومن الجميع طلب
لو عندك اى اقتراح بالنسبة للقاء شرفنا بيه
لان حتى الان ماحدش قال اى اقتراح !!!
سلام عليكم

islamic

07-03-2008, 06:32 PM

السلام عليكم ورحمة الله وبركاته
و الله بص الدروس في المساجد مش بتخلص...
وزي ما قال مصطفي حسني امبارح في درس في جامع الصديق....
بس للأسف ماسمعتش امتي بالظبط و لانهي شيخ...
عموما حتي ولو مفيش درس...احنا ممكن نتقابل لوحدنا...
مفيش اي مشكلة....و ويا ريت يكون الميعاد في نفس معاد الدرس...
يوم الاربعاء بعد صلاة المغرب.....
دا اقتراحي.............ايه رأيكوا؟؟؟؟؟؟؟؟؟؟؟؟

Osama14

07-08-2008, 11:54 AM

اللقاء الثانى لشباب المنتدى ان شاء الله

السلام عليكم ورحة الله وبركاته....

عقبال مالدرس يعود مرة اخرى ان شاء الله
ممكن تبقى فرصة اننا نقوم بنشاط اخر فى نفس الميعاد
زى ماتفضل واقترح علينا islamic

فهناك درس تجويد بالمسجد يوم الاربعاء الساعه 7
(حسب مالاستاذ مصطفى قال الاسبوع الماضى)

ان شاء الله اذا لم يكن لديكم مانع ، نتقابل يوم الاربعاء الساعه 7 امام المسجد
من سيأتى ان شاء الله يرسل لى رسالة خاصه عليها رقم موبايله علشان نتفق على التفاصيل ونعرف نلاقى بعض ان شاء الله

واللى شايف انه الافضل نتقابل بعد المغرب يبعتلى برضو فى نفس الرساله .... بحيث لو اتفقنا جميعا انه بعد المغرب هاقولكم بإذن الله...

اسأل الله ان يجمعنا دائما على الخير

yahia

07-15-2008, 03:56 AM

السلام عليكم ورحمة الله وبركاته
اخى اسامة
الفكرة جميلة جدا وانا نفسى اتقابل معاكم ياريت تقولى هتتجمعو امته وفين
وجزاك الله كل خير وجعل هذا العمل فى ميزان حسناتك

Osama14

07-15-2008, 12:07 PM

شكرا ليك يا يحيي وبارك الله فيك

وانت تنورنا :icon_smile:

والتجمع القادم اكيد هايبقى فى المسجد باذن الله

ان شاء الله عند اللقاء القادم سارسل لك رسالة خاصة

khaled gamil

08-05-2008, 07:23 PM

السلام عليكم
والله الفكره دى جميله جداااا انا نفسى اتقابل معاكم فعلا واصاحب اصدقاء مثلكم ونعمل انشطه ان شاء الله نجدد الموعد يوم الاربعاء القادم
جزاكم الله خيرا

Osama14

08-08-2008, 07:46 PM

رسالتك وصلت يا خالد
وجزاك الله خير

فى نقطه بالنسبه للرسايل الخاصه
انت ماجرد ماكتبت الرساله وضغطت ارسال هى بتتبعت
بس مابيظهرش ليك انها اتبعتت الا تانى يوم مثلا

فده عيب فى المنتدى هنا
يعنى انت كل مره بتضغط ارسال بتتبعت

وان شاء الله موعدنا قريب

khaled gamil

08-08-2008, 10:21 PM

ان شاء الله يا اسامه وانا اسف على كثره الارسال ونتقابل على خير ان شاء الله جزاك الله خيرا

Osama14

08-10-2008, 11:55 AM

يا جماعه ان شاء الله الاربعاء القادم الموافق 13/8/2008

هانتقابل ان شاء الله بمسجد يوسف الصحابى

والحاضر يعلم الغائب

وهنتقابل قبل الدرس بفترة قليليه

من يريد تفاصيل اكثر

يرسل لى رساله خاصه

وانا هابعتله كل ما يريد من تفاصيل ان شاء الله

ملحوظه هامه :: بالنسبه للرسائل الخاصه
انت ماجرد ماكتبت الرساله وضغطت ارسال هى بتتبعت
بس مابيظهرش ليك انها اتبعتت الا تانى يوم مثلا

ramy m

08-11-2008, 02:58 PM

السلام عليكم ورحمة الله وبركاته

يا شباب انا عضو جديد وكما هو واضح من العنوان للموضوع اريد بس ان اعرف هل فكرة اللقاء مازاله قائمة الاني والحمد لله ربي هداني عن قريب بس وانا شوفت حلقات الاستاذ مصطفي حسني واحببتة في الله كثيرا وان شاء الله اول يوم هو يوم الاربعاء القادم يوم 13/8 هيكون اول مرة اروح الدروس في يوسف الصحابي فحبيت اعرف الدروس في مواعيدها وهل استطيع الانظمام اليكم شـكــ وبارك الله فيك ـــرا لك ... لك مني أجمل تحية .

Osama14

08-11-2008, 08:29 PM

اهلا بيك يا رامى وانا باعتلك رد على راسالتك
اتمنى ان اكون قدرت اوضحلك

ramy m

08-12-2008, 12:35 AM

اهم حاجة يا شباب مش تنسوني الله يخليكم علشان موعد الدرس والالتقاء ان شاء الله
وان شاء الله نلتقي علي باب الجنة ان شاء الله

Osama14

08-12-2008, 01:29 AM

ان شاء الله يا رامى ونتقابل بقى فى الدنيا (((على باب المسجد ))):icon_smile::icon_smile::icon_smile:

وفى الآخره ((((ان شاء الله)))) على باب الجنه

اللهم ارزقنا الفردوس الاعلى

محمد عواد

08-13-2008, 04:32 AM

السلام عليكم
انا عايز اشارككم المقابله يوم الاربعاء ان شاء الله
يعني النهارده

Osama14

08-15-2008, 03:21 AM

شكرا للشباب اللى حضر الدرس الاربعاء الماضى
وبجد كان درس جميل ولقائنا بعد الدرس كان أجمل

وان شاء الله نبقى احسن وافضل ونشارك بشكل اكتر لارضاء ربنا

ربنا اللى عرفنا من الدرس قد أيه بيحبنا
فأقل حاجه نقدمهاله اننا (مع بعض) ندور بكل طاقتنا على اي طريقة لننول رضاه عز وجل

مستنى افكاركم عن افكار وحاجات نعملها مع بعض لنكون صحبه صالحه بجد

واهو رامى بدأ لما كتب فى احد مواضيعه عن كيف يشارك فى انشطه
وعرفنا عنوان جمعية صناع الحياة بمدينة نصر

ياللا يا شباب علوا الهمم

shazly

08-20-2008, 02:44 AM

السلام عليكم ورحمة الله هو الاربعاء القادم في درس ولا ايه وهو فيه درس في الساقية

Osama14

08-20-2008, 11:08 AM

وعليكم السلام ورحمة الله وبركاته
ان شاء الله يا شاذلى فيه درس الاربعاء ده اللى هو النهارده
20/8/2008

اما بالنسبه لساقيه الصاوى فانا ماعنديش فكره والله
ممكن تدخل منتدى ساقية الصاوى وتسأل هناك

محمد عواد

08-20-2008, 05:38 PM

ان شاء الله النهارده خالد ورامي واسامه وانا هنبقى موجودين في الدرس
وهنتقابل بعد الدرس فين باقي الشباب

Osama14

08-21-2008, 05:00 PM

معلش يا جماعه انا باكرر اعتذارى
محمد وخالد ورامى

معلش عشان ماقدرتش اجى الدرس اللى فات
ظروف الشغل والله ....
زمايلى فى الشغل واحد بيتجوز والتانى مسافر والضغط بقى عليا جامد
ادعولى وربنا يكرمكم على الانتظام فى الحضور

ان شاء الله سأكون اول الحاضرين الاربعاء القادم
فى انتظاركم

-------------------------------------------------------------------
خلينا نتفق على حاجه حلوه
كل واحد فينا يدعي للباقى

لان دعوة الاخ لاخيه افضل واكثر استجابه من دعوة الانسان لنفسه

عن ابن عباس : ( عن النبي صلى الله عليه و سلم قال : خمس دعوات يستجاب لهن : دعوة المظلوم حين يستنصر ، و دعوة الحاج حين يصدر ، و دعوة المجاهد حين يقفل ، و دعوة المريض حين يبرئ ، و دعوة الأخ لأخيه بظهر الغيب ـ ثم قال : و أسرع هذه الدعوات إجابة ، دعوة الأخ لأخيه بظهر الغيب
****************************
وانا هابدأ الاول ادعى من خلال منتدانا
وان شاء الله سادعو لكم بظاهر الغيب ايضا

يارب وفق محمد وخالد ورامى الى كل ماتحبه وترضاه
يارب اجعلهم من عبادك المخلصين
يارب وفقهم فى الامتحانات واجعلهم من المتفوقين
يارب انصر بهم الاسلام واعز المسلمين كلا فى مجاله
يارب بلغهم رمضان
وجميع شباب المسلمين ...امين امين

ramy m

08-23-2008, 03:46 AM

ا لسلام عليكم ورحمة الله وبركاته

يا اسامة ولا يهمك المهم النية والظروف دي علي ربنا هو الذي يدبر فيها كما يشاء

ون شاء الله مش ننسى اخوانا في الدعاء

khaled gamil

08-24-2008, 03:32 AM

السلاام عليكم ورحمه الله وبركاته

عادى يا اسامه زى ما رامى قالك كده انوى وسيب الظروف على الله
وباذن الله لا ننسوكم بدعائنا ولا تنسونا بدعائكم
ونتقابل ان شاء الله الاربعاء القادم

khaled gamil

08-29-2008, 07:33 PM

السلام عليكم ورحمه الله وبركاته
معلش يا اسامه ويارامى والله كان نفسى فعلا اجى الدرس ده انا ومحمد بس الظروف بقى كان فيه مشوار كنت لازم اعمله بس الحمد الله وجزاكم الله خيرا

Hossam Ashour

10-12-2008, 10:02 AM

فكره كويسه جدا بس يا ريت تعرفونا امتى وفين
وجزاكم الله خيرا

عبدالله المصرى

10-16-2008, 09:09 PM

فكرة طيبه, اعجبتني الصراحه

فى انتظار تحديد الزمان والمكان

elzahaby

10-17-2008, 07:41 PM

جزاك الله خيرا
واللهى فكرة ممتازة
وارجو اعلامى بالموعد والمكان وان شاء الله بكون متواجد
ربنا يتقبل منا ومنكم

Osama14

10-21-2008, 12:12 PM

ازيكم يا شباب ربنا يكرمكم جميعا ويجعلكم من المتقين

ان شاء الله الاربعاء القادم 22/10/2008 امام مسجد يوسف الصحابى الساعه 6 وربع قبل العشاء بنصف ساعه
وكل اربعاء احنا بنتقابل
واللى هايجي متأخر بنتقابل معاه بعد نهاية الدرس خارج المسجد
على الموعد ان شاء الله

اى حد عايز يعرف تفاصيل اكتر او هايشرفنا بحضوره ان شاء الله
يبعتلى رقم موبايله على رساله خاصه وانا هاكلمه ان شاء الله

شكرا لكم جميعا

أحمد عبد الجواد أحمد

10-21-2008, 01:13 PM

السلام عليكم
فكرة جميلة جدا
أنا معاكم وانا على فكره بعمل كده بس على قدي يعني
اتعرفت على 5 أصحاب بدون سابق معرفة ولا يجمعنا سوى الدرس
الناس اللي بتحضر دروس مصطفى حسني ناس مؤدبه جدااااااااااا
أتمنى أعرفهم كلهم
والسلام عليكم ورحمة الله وبركاته

shazly

10-22-2008, 01:09 AM

السلام عليكم ورحمة الله وبركاته
الفكرة جامدة جدا
وانا معاكم ان شاء الله

ابو عبيدة بن الجراح

10-22-2008, 01:35 AM

فكر جميله بس اتمنى التنفيذ باذن الله

محمود ابراهيم

10-24-2008, 02:48 AM

السلام عليكم
يا نخبه من الشباب
الموضوع ده جميل بس ممكن اعرف حد من المنوفيه علشان يبقي سهل امشي معاه

انا يا اسامه عايز ابقي معاكو بجد والله
بس الطريق وياريت اي حد من محافظه المنوفيه يبعتلي علي رساله زائر اوخاصه اوايميل الي يعجو
ورقم تليفوني مه اخي اسامه

Osama14

10-25-2008, 08:49 PM

جزاك الله خير يا يا محمود على الاصرار
والله انا اعرف ان المشوار من المنوفية مش كبير اوى يعنى تقريبا ساعتين بالكتير

انا هاخلى احد الشباب يكلمك ويوصفلك وانا هاكلمك واوصفلك برضو الطريق ازاى

وربنا يكرمك على النيه دى وان شاء الله تلاقى كمان شباب من المنوفية يشجعوك

Osama14

10-25-2008, 08:51 PM

الى كل الشباب اللى رد على الرساله بس ماباعتليش على الخاص او ماشوفناهوش فى المسجد

احنا كل اربعاء بعد انتهاء الدرس بنبقى واقفين امام المسجد لو يحبوا يشرفونا يبعتلى بس رقمه على رساله خاصه

وجزاكم الله خيرا

والى اللقاء ان شاء الله

محمود ابراهيم

10-27-2008, 06:41 PM

السلام عليكم
شكرن يا اخ اسامه

nancy

11-07-2008, 05:37 PM

alf salama 3ala waled el ostaz mustafa hosny w erab eowm blslama

gemy_128

11-09-2008, 08:20 PM

السلام عليكم
اخوكم فالله محمد جمال من الشرقيه ياريت تقبولني اكون معاكو انا من الشرقيه ادعولي ااعرف اجي الاربعاء القادم

Osama14

11-11-2008, 12:42 AM

منتظرينك ان شاء الله يا محمد ونتشرف بيك
وربنا يوفقك فى المشوار

mizar

11-11-2008, 10:38 PM

اولا وا في بكر ه درس ولا يتاجل
ثانيا انا اديت للاستا مصطفي اسطوانه دي في دي عامل عليها موقع ليه علي قدي كنت عايز اعرف رد ممكن تقولي

khaled gamil

11-14-2008, 12:35 AM

السلام عليكم ورحمه الله وبركاته
انا بعتذر جدا جدا جدا ليك يا اسامه علشان مش باجى بس والله ظروف جامعتى هى اللى منعانى وان شاء الله هحاول بعد الامتحانات بتاعتى للعلم امتحاناتى الاسبوع القادم ادعولى يوم السبت اللى جى ادعولى بالله عليكم
وان شاء الله هنتقابل الاربع اللى بعده.
جزاكم الله خيرا.........

gemy_128

11-14-2008, 09:34 PM

اصحابي السلام عليكم ورحمه الله وبركاته
بعتذر علي تقصيري انا الحمد لله جيت الدرس وكان ممتع للغايه الحمد لله واسف لاني معرفتش اقابلكم في الدرس لاني معرفتش انتو فين ولا واقفين فين بعد الدرس كان فيه زحمه وبصراحه كنت مضطر امشي بدري عشان المواصلات انتو عارفين بقي الشرقيه والمواصلات بتبقي صعبه

وبشكرك يا استاذ اسامه علي اهتمامك وهكلمك قريب ان شاء الله عشان اعرف اقابكلم الدرس الجاي

بحبكم فالله