تتر جديد للبرنامج خدعوك فقالوا

[القعقاع]

ايه رأيكم كل واحد يختار نشيد هو بيحبه ونعمل تصويت علشان نختار تتر للبرنامج
ده مش اعتراض على مصطفى
لكن بجد انا نفسى البرنامج يخرج فى أحسن صورة

ابتدى أنا
نشيد نسيمالشوق لأبو خاطر
ورونا

[القعقاع]

انتم فين؟ ؟

[شجرة التوت]

السلام عليكم ورحمة الله وبركاته

يارك الله فيك أخى

ولكنى لى رأى أخر ، فى الحقيقة التتر كلماته معبرة عن البرنامج وفكرته

لكن المشكلة الحقيقية هى أن التتر فيه موسيقى وده مخالف فلو اتعمل من غير موسيقى هيبقى فعلا أجمل وأروع

وجزاك الله خيرا

[muslima_89]

جزاكم الله خيرا

اعتقد ان لو فيه اغنية اتنشرت بالفعل والناس سمعتها
(زي نسيم الشوق مثلا)
مينفعش تتحط مقدمة لبرنامج خدعوك فقالوا لأن دة برنامج جديد ومن حقه تكون له اغنية خاصة بيه والكلمات لازم تعبر عن محتوى البرنامج..

عموما مش هي دي المشكلة يا جماعة .. يعني الكلمات مليانة و مرطرطة ماشاء الله ممكن حد يكتب كلمات قوية وتنجح جدا ... وكذلك الصوت ممكن الاستاذ مصطفى يختار صوت جميل يغني الاغنية

المشكلة في الموسيقى

وانا شايفة ان الاغنية بتاعت برنامج خدعوك فقالوا تبقى هي هي لأن البرنامج ارتبط بالأغنية..
وهي فعلا رائعة والصوت جميل برضه بس تتشال الموسيقى اللي فيها حتبقى حلوة جدا ومعبرة عن موضوع البرنامج و مفيهاش حرمانية بإذن الله

اللهم اهدينا لما تحب وترضى

[القعقاع]

شـكــ وبارك الله فيكم ـــرا ...
كل قصدى من الموضوع ياجماعةانا احنا نحاول نجعل التتر من غير موسيقى
وانا لا أنتقد مصطفى
ولكن أتمنى أن أرى البرنامج فى أبهى صورة

وومكن نحشد أصواتنا ونقول لمصطفى إن أحنا عايزين تتر برنامجنا يبقى من غير موسيقى
وفى الآخر مصطفى هو أخونا الكبير وعارف الأصلح للبرنامج

[دينا]

السلام عليكم و رحمة الله و بركاته
يا جماعة بصراحة أنا شايفة إن التتر كده حلو جدا و معبر عن فكرة البرنامج و هدفه بشكل رائع و مش محتاج يتغير أو حتي تتشال الموسيقى بتاعته بالعكس البرنامج ارتبط عند الناس بكل حاجة فيه حتي التتر

[نفسى يبقى ربنا راضى عنى]

انا بصراحه شايفه انى التتر جمييييييييييييييييييييييييل وبيعبر عن فكرة البرنامج والموسيقى وكل برنامج لازم يبقى ليه الاغنيه الخاصه بيه وكلمات الاغنيه فى منتهى الجمال وبتعبر عننا وبتعبر عن اللى بيحصل فعلا
انا من وجهه نظرى البرنامج والتتر وكل حاجه فيه كويس اوى كده ومفيش حاجه ناقصه فيه وارتبطنا بالبرنامج على كده وانا الاغنيه اتعلمت منها وكل مرة اسمعها اقول صح اوى كلام الاغنيه
ده راى

[muslima_89]

السلام عليكم ورحمة الله

لما العلماء يتفقوا على تحليل او تحريم حاجة معينة مينفعش اجي بعد كدة واقول في رأيي انها حلال او انها حرام..وفلان تاني يقول لا انا رأيي كزة و واحد تاني مش عاجبه الكلام يقول لا مش متفق معاكم انتم اللتنيين ؟!!!

يا جماعة احنا سايبين امرنا لله سبحانه وتعالى ولما يأمر بالتمسك بحاجة لازم نكون خاضعين لأمره بدون نقاش او جدال وكذلك لما يأمر بالبعد عن معصية لازم نبعد ونقول حاضر يارب واحنا راضيين مش ساخطين على حكمه... وكلنا عارفين ان ربنا كريم ولما يحرم شئ يبقى اكيد دة فيه خير لينا كلنا

لكن لو كل واحد مشى برأيه ويقول انا رأيي كدة،،يبقى ليه بقى القرآن موجود؟والأحاديث النبوية؟و آراء العلماء؟
موجودين عشان يهدونا للصواب ومش كل واحد يمشي بمزاجه وإلا بقى كان زمانها بقت بوظة
صحيح العلماء اختلفوا في آرائهم...لكن في الموضوع اللي انتوا بتناقشوه دلوقتي أغلب العلماء متفقين على تحريم المعازف..

انصح نفسي واياكم بالتأمل في تفسير أوائل سورة لقمان وان شاء الله ربنا حيهدينا للصواب
لأنه كما قال تعالى :
(إن هذا القرآن يهدي للتي هي أقوم)
واقرءوا الاحاديث الدالة على تحريم الموسيقى

[بنت غزة الصمود]

فكرة حلوة كتير كتير الله يبارك فيك اختي الفاضلة ،،،،،،،،،

[القعقاع]

جزاكم الله خيرا على ردودكم
ولكن هل من الأفضل نعدل التتر نشيل منه الموسيقى
أو...............

[HooSaaM]

السلام عليكم ورحمة الله وبركاته

أنا شايف ان تتر البرنامج حلو جداً ... كلماته مع فكرة البرنامج و حلوة جداً
أما عن الموسيقى ... مليش دعوة :)

[رب يسر لي امري]

انا كمان شايفه ان التتر يفضل زي ما هو
هو كده مناسب و حلو اوي و مفيش مشاكل من الموسيقى
و محمد فضل صوتوا جميل و الكلمات حلوه
و بصراحه الموضوع ملوش لازمه يعني .............

[القعقاع]

أكيد الموضوع ليهلازمة لأنه بيوضح حق
ولوأنا على باطل ردونى

[حكاية روح]

السلام عليكم ورحمة الله وبركاته
انا بصراحه دخلت علشان اسال سؤال هو مش سخريه او اعتراض علي البرنامج انا من اشد المحبين للبرنامج وعلشان كده بطرح السؤافل ( هي مش اغنيه المقدمة حرام علشان بها موسيقي وفي ناس بصراحه انتقدوا البرنامج علي موسيقه المقدمة ) بس البرنامج رائع ولو كانت الاغنيه بدون موسيقي او بالدف كانت افضل ... مع جزير الشكر

[القعقاع]

شـكــ وبارك الله فيكم ـــرا ...
هدفنا البرنامج يخرج فى أحسن صورة
وعلى فكرة انا شفت موضوعين كمان بيناقشوا نفس الفكرة على المنتدى
بجد محتاجين أستاذ مصطفى يرد علينا

[muslima_89]

ياريت يرد والله عشان انا مسمعتش الاستاذ مصطفى اتكلم عن موضوع الموسيقى قبل كدة ومش عارفة ايه السبب !

[mannora]

أنا رأيى ان الأغنية دى مناسبة اوى للبرنامج وكلماتها حلوة اوى

ومن الناحية الدينية المفروض فعلا يبقى مفيهاش موسيقى

[دعاء الملاح]

بسم الله الرحمن الرحيم والصلاة والسلام على سيدنا محمد علية افضل الصلاة والسلام **انا اساسا عمرى ما شفت برنامج فى الدنيا زى برنامج الاستاذ مصطفى حسنى بجد جميييييييييييييييييييييييييييييييييييييييييييييييي يييييييييييييييييييييييييييييييييييييييييل جدا جدا جدا يارب يزيدو ربنا من ايمانة يارب برنامج بجد عمرى ما شفت زيو بجد واللله الف شكر للاستاذ مصطفى انو عملنا حاجة زى كدة ربنا يحمية يارب والاغنية حلوة جدا جدا جدا بجد جميلة ومع ان وقتها صغير بس بتتكلم عن حاجات كتير اوى وياريت تسمعوها كويس وتاخدو بالكو من اسمها وياريت معلش بلاش تغيروها ***
عايز تعيش ومتندمش ع السنة والقران امشى عنيك تشوف الصورة اوضح
طب بزمتكو هوا فية احلا من كدا كلام
الحمد لله على نعمة الاسلام سلام عليكم متشكرة جدا:marsa101:

[القعقاع]

جزاكم الله خيرا على ردودكماللى نابعة من حبكم للبرنامج والحب ده أكيدد سببه حب الله ورسوله
وطبعا نفس الحب ده هو السبب فى اعتراضى على الموسيقى فى التتر
وطبعا لإنه برنامج مميز جدا
لازم كلنا نسعى انه يخرج فى أحسن صورة
ياجماعة لو واحد تاب من سماع الموسيقى والتزم
وجه يسمع البرنامج ولقى فيه موسيقى
يعمل ايه
1
2

[عباد الرحمن]

التتر كلماته جميلة بس المشكلة ذي ما قال معظم الاعضاء

هي الموسيقى

لو ازلنا الموسيقى هايكون تتر جميل لبرنامج ديني جميل اتعلمنا منه حاجات كتير في ديننا

عايذين يكون البرنامج كامل متكامل

انا اعرف واحد كان عاجبه مصطفى حسني اوي وكان بيحب يسمع كلامه وبعدين لما سمع تتر البرنامج لان موسيقته عالية جدا وظاهرة بطريقة واضحة جدا بصراحة قعد يتريق على التتر وقعد يقول الناس لما تسمع اللتر ده هاتقول يبقى الاغاني مش حرام ما هو مصطفى حسني عامل اغنية برنامجه بموسيقى وكمان لفما جاب التمثيلية التصورية بتاعة العرسان اللي بيتقدموا لوالد العروسة جت فيها موسيقى لاغنية لمطرب اجنبي فبصراحة ناس كتير انتقدت الجزء ده وقال كده الشباب اللي مش ملتزمين هايفتكروا الاغاني دي مش حرام

فياريت مصطفى حسني ياخد باله من الجزئية دي

[الضائعة]

بس ياريت التتر من دون الموسيقى أما الكلمات فهي روووووووعة

[muslima_89]

انا فعلا اتصدمت لما شفت الجزء اللي اتقدم فيها العريس اللي داخل يرقص دة حاطين اغنية اجنبية لناس ميعرفوش الاسلام ولا يفهموه بمعنى اصح مشركين بالله...دة غير ان الموسيقى اساسا حرام بغض النظر عن انها عربية او اجنبية ...

فعلا زي ما قال ( عباد الرحمن ) انا اعرف ناس كتير انتقدوا الجزء دة من الحلقة واستغربوا جدا ازاي الاستاذ مصطفى وافق على اذاعة الجزء دة ؟!!

بصراحة و كلمة حق ؟؟ انا شايفة ان دة بداية تساهل وتسيب من الناحية دي ... والله اعلم

[القعقاع]

انا فعلا اتصدمت لما شفت الجزء اللي اتقدم فيها العريس اللي داخل يرقص دة حاطين اغنية اجنبية لناس ميعرفوش الاسلام ولا يفهموه بمعنى اصح مشركين بالله...دة غير ان الموسيقى اساسا حرام بغض النظر عن انها عربية او اجنبية ...

فعلا زي ما قال ( عباد الرحمن ) انا اعرف ناس كتير انتقدوا الجزء دة من الحلقة واستغربوا جدا ازاي الاستاذ مصطفى وافق على اذاعة الجزء دة ؟!!

بصراحة و كلمة حق ؟؟ انا شايفة ان دة بداية تساهل وتسيب من الناحية دي ... والله اعلم

كلامك يخوف
أنا مشفتش الحلقة

[القعقاع]

الأعضاء الموافقون على حذف الموسيقى من التتر
شجرة التوت
muslima89
حكاية روح
عباد الرحمن
الضائعة
mannora

الأعضاء المعارضون لحذف الموسيقى
دينا
نفسى ربنا يبقى راضى عنى
رب يسر لى أمرى
دعاء الملاح


العضو
HossaM
قال مليش دعوة
مش كده ياحسام
لازم تبقى ايجابى


جزاكم الله خيرا
وأرشدنا لما فيه الصلاح للأمة

[عباد الرحمن]

طيب يا ريت مصطفى حسني يدخل ويقول لنا ايه رأيه في كلامنا

[عباد الرحمن]

انا فعلا اتصدمت لما شفت الجزء اللي اتقدم فيها العريس اللي داخل يرقص دة حاطين اغنية اجنبية لناس ميعرفوش الاسلام ولا يفهموه بمعنى اصح مشركين بالله...دة غير ان الموسيقى اساسا حرام بغض النظر عن انها عربية او اجنبية ...

فعلا زي ما قال ( عباد الرحمن ) انا اعرف ناس كتير انتقدوا الجزء دة من الحلقة واستغربوا جدا ازاي الاستاذ مصطفى وافق على اذاعة الجزء دة ؟!!

بصراحة و كلمة حق ؟؟ انا شايفة ان دة بداية تساهل وتسيب من الناحية دي ... والله اعلم

فعلا يا مسلمة

انا سمعت الموسيقى في الفقرة دي لم تععجبني ما كنتش اعرف انها موسيقى اغنية اجنبية لكن اخي كان جالس يتفرج معي فلما سمعها قعد يقول ايه ده ايه اللي مصطفى حسني جايبه ده دي موسيقىا اغنية للمطرب ( فلان ) مطرب اجنبي يعني كمان مش مسلم فقال اذاي مصطفى يوافق على عرض الموسيقى دي هم عايذين يظهروا في الفقرة دي ان العريس اللي متقدم شاب هايف حياته كلها اغني وسهر بس في ناس لما تسمع ده هاتفتكر ان اغاني المطرب ده مش حرام هايقولوا لك اذا كان مصطفى حسني جاب موسيقتها في فقرة في برنامجه الديني

كان في الفقرة ممكن يبينوا ان العريس ده مش ملتزم وهمه السهر والاغاني بشكله وكلامه مش بموسيقى اغنية اجنبية

بصراحة ده مش نقد لمصطفى حسني فالله يعلم انا باحترمه جدا واتمنى ان يرزقني الله بزوج صالح مثله لكن في بعض النقط يجب ان نبدي رأينا بها

[القعقاع]

شـكــ وبارك الله فيكم ـــرا ...
إن شاء الله الرد فىحلقة يوم الجمعة 27/6
بأمر الله

[Yara Korayem]

أنا آسفة يا قعقاع، أنا مش عارفة انت ولد ولا بنت.

أنا فاهمة قصدك، إنه يبقى كل أو كل كم حلقة يبقى فيه نشيد مختلف كدة أو شئ.
فرأيي إنه يبقى في التتر بتاع مؤخرة البرنامج نشيد يعبّر عن موضوع الحلقة أو نشيد وخلاص. لكن يحتفظ بتتره في المقدمة عشان الأغنية معبرة عنه وخاصة بيه.


بالنسبة لتحريم الموسيقى، كذا قناة إسلامية سامحة بوجود موسيقى وقنوات ثانية، لأ.
مش معنى كدة إن اللي بتسمح بالموسيقى إنها غلط. المسئولين عن القناة واحنا مغمضين كدة أكيد مش غافلين وناسيين شئ زيّ دة.
وبالنسبة للمسموح من الموسيقى، فهو أنواع معينة منها.
كمان فيه شيوخ بيحرّموا الطبول وبعدين تسمعوا إن الدف مش حرام.. طب إزاي؟!
وأيام الرسول عليه الصلاة والسلام، كانوا بيستعملوا الطبول في المناسبات لكن مش بشكل موسيقي كبير.

ففي ميل للتحريم لإنه الروح بالطبيعة بتميل للموسيقى فغالباً هيلهي عن ذكر الله سبحانه. فتحريمه في رأيي أنا هو لتقنينه، للتقليل منه قدر المستطاع، لإنه شئ معروف ومش هنختلف، إن المفروض نسمع ونقرأ قرءان وكذلك نذكر الله أكثر من الأناشيد أو الأغاني.

طب أنا هأشير لحاجة مهمة. اشمعنى لما ظهر مشاري راشد بالأخص، الناس بنسبة كبيرة حبّت أكثر تسمع القرءان؟ لإنه بيلحّن فيه بس بيلحّن في التلحين المسموح به في قراءة القرءان وحوليه طبعاً علماء. مش هيصدر تلاوة قرءان أو نشيد وفيه شئ ملتبس عليه الأمر.

فمن الآخر هو شئ راجع لقلب الواحد إن التساؤل هو، هل ممكن يسمع أغاني عامةً بس يتأثرش بيها وما يفضلش دايماً يسمعها؟
طب حتى لو بيسمع نشيد من غير موسيقى، هل بردو هيتحكّم في نفسه إنه ما يطّربش منها ويعيش في طربها ولحنها؟ ... هي دي الفكرة.

(لوسمحت لو حدّ هيرد عليّ، يقرأ رسالتي مرتين على الأقل :119:مش من أهميتها، لكن عشان ماحدش يفهم غلط لمجرد إن فاتته تفصيلة. مفيش وقت نفهم بعض غلط. ولو فيه شئ مش واضح، أوضحها طبعاً.)


ربنا يهدينا للأقوم ويقوّينا.

[alice]

شكرآ ليك على الفكرة الجديدة الحلوة دى
أنا بصراحة معرفش الأغنية
اللى أنت ذكرتها بس لو كانت كلماتها
ليقه مع موضوع البرنامج أكيد مفيش أى مشكلة
أنا بردة قرأت المشاركات عرفت أن الأغنية المذكورة مش جديدة
فيعنى هتكون فكرة حلوة لو يكون للبرنامج أغنية خاصة ليه
بس والله فكرتك جميله أوى تسلم إيدك

[alice]

وشكرآ ليكى بردوه يا yara والله أنتى كلمك زى العسل
علشان كدة حبيت أشكرك أنتى كمان وكلامك كان واضح
ولايهمك يا قمر

[muhammad elfat7]

موضوع غريب وردود غريبه ,, البرنامج ( خدعوك فقالوا ) جااااااااااامد جدااااااااااا

والتتر ملهوش حل , نعملكم ايه لو انتم دماغكم مقفله

مبتعترفش باختلاف الاراء والازواق

واختلاف الفقهاء كمان ,,,, وعلى فكره

الحلقه بتاعة العريس والله من اجمد الحلقات

سبتوا كل حاجه ,,,,, وامسكتوا في موسيقة اغنيه اجنبيه ؟؟؟؟؟؟؟؟


ايه السلبيه دي ؟؟؟؟؟؟

[القعقاع]

بسم الله الرحمن الرحيم

أخى محمد

كيف حالك

تابعت ظهورك المميز فى المنتدى وكنت أنوى أن اكلمك لكنك سبقت

أما عن انتقادى الشديد فلك أن ترى ماتراه يا أخى

وأنا لا أجحد فضل استاذ مصطفى فله على فضل كبير

ولما رأيت أنه من الواجب نصحه رأيت أن أنصحه

والموضوع كان مفتوح للنقاش وليس لفرض الرأى

وشكرا على تحذيرك لنا من السلبية والرأس المقفلة

جزاك الله خيرا