دعوة لاشتراك في فريق عزة السلام

[tito_tito64210]

السلام عليكم ورحمة الله وبركاتة
الحمد لله والصلاة والسلام علي رسول الله صلي الله علية وسلم
نتشرف بدعوة سيادتكم لاشتراك في مشروع العمر وهو مشروع فريق عزة الاسلام وهو فريق هدفة مساعدة الفقراء والمساكين والمحتاجين والايتام والارامل والمسنين
1- احنا عندنا بفضل الله تعالي مشاريع عاوزين ننفذها ومحتاجنكم معانا من مشاريعنا مشروع تلاجة الخير في كل مسجد وعاملين لها شعار من انهاردة محدش هيبات من غير عشا وفكرتها بسيطة كل مجموعة في اي بلد بيشتروا تلاجة ولو حتي نص عمر واهل المنطقة بيجيبوا الفايض منهم من طعام لو رغيف عيش لو حتة جبنة لو حتة حلاوة اي حاجة لو جبت فاكهة موزتين مشمشتين متضحكش عليا بس بجد هي دي فكرة المشروع وفعلا بفضل الله نجح بس محتاج انة ينتشر في مصر كلها وفي جميع بلدان المسلمين
اعرف انك بتنام وشبعان ممكن يكون جارك نايم وهو جعان اعرف ان في ناس بتبات من غير عشا اوعي تقول انا في منطقة غنية صدقني في غلابة كتير جدا ومساكين ومحتاجين وفقراء بالذات النساء الارامل زوجها مات والايتام وووو هناك كثير من يحتاج لفائض طعامك والمشروع دة بفضل ربنا ممتاز والحمد لله الذي هدانا لفكرة هذا المشروع ان انتا ممكن تكون عارف غلابة فعلا وعاوز تديهم بس مكسوف وفيها احراج المشروع كبير وغيرة مشاريع كتيرة تفضلوا بزيارتنا علي موقع الاستاذ عصام حمدي والاشتراك معنا في فريق عزة الاسلام
احنا هدفنا عزة الاسلام ونصرة الرسول صلي الله علية وسلم ونهضة الامة الاسلامية وبنجمع اي مشاريع او افكار يقدر يقوم بيها الشباب والاخوات وعندنا كمان مشروع كسوة الفقير ومشروع صيدلية الخير احكلكوا علي اية ولا اية ما شاء الله الفريق جميل وهيبقي بيكم اجمل واجمل واحلي واحلي تفضلوا بزيارتنا في الموقعwww.essamhamdy.com
يارب الاستاذ مصطفي حسني يشاركنا ويارب يعجبكم الفريق والمشروع وتعلنوا عنة في المنتدي بنحلم نبقي ايد واحد وبنجمع الدعاة زي استاذ عمرو خالد والاستاذ مصطفي حسني والاستاذ عصام حمدي
عاوزين نعمل حاجة بجد لاسلام والمسلمين عاوزين نعز الاسلام
مستني ارئكم وافكاركم ومشاريعكم وانكم تشاركونا في فريق عزة الاسلام ويارب تعرفوا استاذ مصطفي والادارة هنا بالفريق ويارب تشاركونا كلكم بنحبكم كلكم في الله ودة لينك الافكار والمشاريع واحلام واهداف فريق عزة الاسلام
http://www.essamhamdy.com/vb/f180.html

جزاكم الله كل خير والسلام عليكم ورحمة الله وبركاتة

[may ahmed]

جزاك الله خيرا
فكرة جميلة جداااااااااا
وعلى فكرة انا مضحكتش لما قلت حتة جبنة وموزتين ومشمشتين
لان ممكن حتة الجبنة دى مش هتفرق عندى لاكن هتفرق عند غيرى
وبعدين حتة منهنا وحتة كمان منهنا بقو حتتين واكيد هيعملو فرق
بس المشكلة ازاى نعمل دى فى كل المحافظات مش فى القاهرة بس
لان اغلب الفرق او الجمعيات بتبقى فى القاهرة ومش بتنزل للمحافظات الباقية
وعلى العموم ربنا معاكو وان شاء الله هيكرمكو علشان انتو فعلا بتعملو خير


http://www.imgall.com/img3/ae1ab6ef52.jpg

[tito_tito64210]

متشكر اوي يا اخت مي جزاكي الله كل خير بس احنا محتاجين شباب ومجرد انك تحكي الفكرة لاقارب لاصحاب للجيران لاخ للوالد يكلموا شيخ المسجد الموضوع سهل جدا اي تلاجة نص عمر متعديش 200 او300ج الفكرة مش محتاجة غير ان حد يجيب التلاجة ويضعها في المسجد ويعلنوا في الميكرفون وبيضعوا ورقة علي باب المسجد شاركوا معنا في تلاجة الخير لو عندك اي طعام متبقي وسبحان الله المشروع نجح وكان لينا اخت زي حضرتك حكت بس المشروع لصاحبتها وفعلا جابوا تلاجة وبتقولي ان التلاجة مبتفضاش وبعدين محتاجينك معانا حضرتك وكل الاعضاء في مشاريع تانية كتير شاركونا في فريق عزة الاسلام
جزاكي الله كل خير علي قراءة الموضوع وعلي كتابة التعليق ربنا يبارك لحضرتك والسلام عليكم ورحمة الله وبركاتة

[amat allah]

اخى السلام عليكم

بارك الله فيك وفى كل من يشارك الفكرة اكثر من رائعة جعلها الله بميزان حسناتك االهم اميييييييين انا ان شاء الله هحاول انشر الفكرة على قد ما اقدر وربنا يعنا ان شاء الله ولكن انا كان عندى طلب من حضرتك لو تسمح طلبى هو اننا فى حملة اسمها حملة "انا عبد" عوزين نعمل لوجو للحملة عشان ننشر الفكرة فى اماكن كتير ولكن محتاجين لحد يكون بيعرف يصمم لوجوهات لوحضرتك تعرف او تعرف حد يقدر يساعدنا يبقى جزاك الله خيرا ولك الثواب ان شاء الله ويشرفنا اكتر لو انضممت حضرتك معانا كعضو بالحملة وتشاركنا بعملك واقتراحاتك وعن الحملة اللينك بتاع الموضوع بالتوقيع بتاعى

وجزاك الله الخير وانا بأنتظار رد حضرتك

[tito_tito64210]

اخت امة الله بجد ربنا يكرمك وجزاكي الله كل خير علي قراءة الموضوع وعلي كتابة تعليق
انا بصراحة معرفش في موضوع الوجو دة انا علي ادي في الكمبيوتر
عجبني جدا شعار يلا ناخد بايد المسلمين وبلاش نكون سلبيين وهو دة هدفنا في فريق عزة الاسلام نفسنا نعمل حاجة مش بس كلام وخلاص عندنا مشاريع كتير تلاجة الخير صيدلية الخير مشروع تجهيز عروسة وبنحلم نبني مستشفي للعلاج من الادمان بالمجان هدفنا 1- عزة الاسلام 2- نصرة الرسول صلي الله علية وسلم 3- نهضة الامة الاسلامية بنحلم باتحاد العمل الخيري التطوعي يعني اتحاد كل الدعاة استاذ عمرو خالد واستاذ مصطفي حسني واستاذ عصام حمدي نفسي تشاركينا حضرتك وكل اصدقاءك وكل المنتدي ويشرفنا لو انضم الينا استاذ مصطفي حسني واعلن عن فريق عزة الاسلام هنا في منتدي ونكون كلنا ايد واحدة ونساعد الفقراء والمساكين والمحتاجين عاوزين نتحد عاوزين نعز الاسلام جزاكم الله كل خير والسلام عليكم ورحمة الله وبركاتة

[amat allah]

السلام عليكم

اخى جزاك الله خيرا على الرد واتمنى من الله ان يعيننا جميعا الى ما يحب ويرضى ولو حضراتكوا فى الفريق محتاجين اى مساعدة ممكن انى اقدمها لن اتأخر ان شاء الله وعلى فكرة ممكن حضرتك تكلم الأستاذ مصطفى وتعرض عليه الفكرة وهو ن شاء الله هيرحب بيها جدا ولو حتى انه يعلن عن المشروع بدروسه بالمساجد واذا حضرتك احتجت الرقم انا ممكن اكتبه , واتمنى لو حضرتك وكل الأعضاء تشاركوا معنا بحملتنا حملة"انا عبد" وتشاركونا الثواب , ولكن بعد اذن حضرتك انا عندى اقتراحات متواضعة:

انا عندى فكرة ننشر بيها مشروع تلاجة الخير للناس كلها بمنتهى السهولة وهى عبر الأيميل لو كل واحد فينا همل COPY ثم PAST للموضوع على الأيميل بتاعو وبعتوا لكل الCONTACTS العندو الموضوع هينتشر جدا واى حد من اصحاب الهمم العالية هيوصله الأيميل هيشتغل على طول وهيبدأ بالتنفيذ وهيساعنا ايضا بنشر الأيميل فأيه رأى حضرتك بالفكرة لو نالت القبول انا ان شاء الله هبدا بالتنفيذ فورا , وعندى ايضا فكرة اخرى ممكن كمان عشان نحرك اعضاء المنتدى للعمل بالمشروع ونيسر الموضوع عليهم نعمل لكل منطقة موضوع خاص بالمشروع ونجمع ساكنى هذه المنطقة ونقولهم على المسجد الفى منطقتهم الهتتعمل فيه التلاجة ونحدد لهم اسم شخص معين هو المسئول عن هذا الموضوع بالمسجد عشان العاوز يدفع تبرع لشراء التلاجة او يساهم بأى شىء يبقى الموضوع اسهل وكنوع من التحميس : يعنى مثلا لو حد ساكن فى منطقة مساكن شيراتون ممكن يكلم حد بالأدارة مسجد معروف هناك مثل (الصديق)مثلا عن الموضوع ويعمل هنا موضوع يقول لساكنى مساكن شيراتون يوم كذا الساعة كذا سيتم اجتماع كل من يريد ان يساهم بمشروع تلاجة الخير عشان نجمع التبرعات ونشترى التلاجة , وبمجرد الشراء والأعلان يبقى تحقق المشروع والجمع الناس متعبش فى اى حاجة غير انه خد الثواب بمجرد ادلاله للناس على الخير وهكذا كل واحد منا يعمل بمنطقته مدينة نصر, مصر الجديدة , وكل المناطق ولو اتعمل كدة فى مسجد واحد من كل منطقة الفكرة هتنتشر فى كل المساجد . يا رب تكون هذه الأفكار مناسبة

اسفة جدا على الأطالة

[tito_tito64210]

السلام عليكم ورحمة الله وبركاتة
مش عارف اقولك اية خالص
1- محتاجين حضرتك طبعها تشاركينا في فريق عزة الاسلام عاوز طلب من حضرتك زوري المنتدي واقري وشوفي افكار الفريق ومشاريع الفريق واحكيها لاصحابك واصدقائك وياريت تشاركونا كلكم
بجد محتاجين للشباب والاخوات الي زي حضرتك بافكارهم وزكاءهم ومقترحاتهم ومشاريعهم علشان نعز الاسلام وعلشان ننصر الرسول صلي الله علية وسلم وعلشان ننهض بالامة الاسلامية عندنا مشاريع كتيرة ومحتاجنكم معانا
2- انا محتاس خالص مش عارف اراسل استاذ مصطفي حسني يبقي نابك ثواب كبير وخدمتيني خدمة العمر لو تعرفي تبلغية اننا في فريق عزة الاسلام بنحبة جدا ومحتاجينة يحط ايدة في ايدنا ونبقي حاجة واحدة كبيرة وعاوزين نعز الاسلام بلغية اني بتشرف بدعوتة لانضمام لفريق عزة الاسلام انا مش عارف اراسل استاذ مصطفي حسني لان قوانين ادارة المنتدي لازم اكون كتبت حوالي 15 مشاركة قبل ما اراسل اي حد من الادارة وانا لسة غلبان جدا ومكنتش متصور ان في حد ممكن تعجبة الفكرة زي حضرتك كدة ومكنتش متصور اني هلاقي حد يتحمس للفكرة وللمشروع اوي كدة انا مش عارف اتكلم
لو تعرفي حضرتك توصليلة الفكرة وانة يعلن عنها في المساجد ياااااااااااا اكون متشكر جدا جدا جدا جدا جدا لله اولا ثم لحضرتك ربنا يجعلة في ميزان حسناتك ان شاء الله وكمان الرقم مش عارف اقولك اية حاسس ان ربنا بعتك لينا هدية متشكر اوي والله علي المجهود والتفكير والاراء والافكار والمقترحات وكتابة تعليق مش عارف اقول اية بجد حضرتك بتساعدينا وواقفة معانا وقفة رجالة متشكر اوي بجد علي الاهتمام ربنا يكرمك والله ويسعدك دنيا واخرة
2- بصي حضرتك هو طلب نفسي بجد تشتركي معانا في فريق عزة الاسلام وضعي كل افكارك وكل مشاريعك واي حملة تعالي اعرضي فكرة حملة انا عبد عندنا في المنتدي في جزء مشاريع فريق عزة الاسلام والكل ان شاء الله يشارك احنا بنجمع الشباب والاخوات والافكار والمشاريع والحملات الايمانية ضعي مشروع عندنا في فريق عزة الاسلام وان شاء الله الكل يشارك بس تبقي متابعة معاهم وكدة يعني لان بنحب الي يكتب مشروع او حملة يبقي مسئول عنها ويتابعها لغاية ما تشوف النور ان شاء الله
3- بالنسبة لكوبي وباسط فكرة ممتازة فكرة تحفة فكرة خرافية بالله عليكي تشاركينا في فريق عزة الاسلام ولو بافكارك وارئك ومقترحاتك وهاتي مشروع او حملة انا عبد واعلني عنها عندنا في المنتدي والمفروض تعلني عنها في كل المنتديات لتنتشر الفكرة معانا تنتشر كل افكارك ومشاريعك وتتنفذ ان شاء الله وتشوف النور
وفكرة تخصيص لكل منطقة تعمل المشروع بجد كلام كبير اوي اوي من ناس بتفكر لخدمة الاسلام انا مش اد الكلام دة خالص مكنتش متصور ان المواضيع هتكبر كدة انا فاكر كلام بيتكتب وخلاص ولا حد هيعمل حاجة لاكن ماشاء الله في اخوات بتعمل الي معملوش الرجالة
بصي انا مش عارف اقولك اية الي تعرفوا تعملوة اعملوة لنشر فكرة تلاجة الخير انا مش اد الكلام الكبير دة انا غلبان جدا مش اد المواضيع الكبيرة دي مخي ميستحملش الكلام دة
انا مجرد شاب ضايع في الدنيا ونفسي الاقي حاجة عدلة اعملها في حياتي وكتبت الموضوع هنا اي كلام وخلاص لاكن انة يتنفذ والمواضيع تكبر مش قادر استوعب
مش عارف اتكلم اقول اية انا اسف جدا بس فرحان بيكم جدا جدا جدا ما شاء الله الله اكبر
فعلا ولينصرن الله من ينصرة
سيري علي بركة الله حضرتك انا هسلمك الراية وانتي من دلوقت قائد مشروع تلاجة الخير في منتدي الاستاذ مصطفي حسني لاني اكتشفت اني صغير اوي واني مش اد الكلام الكبير دة الي تعرفي تعملية اعملية تكلمي استاذ مصطفي تنشري الايميلات يبقي في كل منطقة والكلام الكبير دة اعملوا الي تعملوة انا مليش دعوة انا مش اد الكلام دة خالص
كل الي اقدر اقولة لحضرتك ربنا يسعدك دنيا واخرة ويجعل كل غلبان وكل يتيم وكل ارملة وكل فقير وكل محتاج وكل مسكين وكل طفل شوارع وابن السبيل واي انسان جعان لايجد ما يسد جوعتة ربنا يجعلهم جميعا في ميزان حسنات حضرتك
طلب مستني حضرتك تسجلي معانا في فرق عزة الاسلام وتعرضي الافكار الكبيرة اوي دي عندنا في المنتدي لاني مش اد الكلام دة بجد تعالي بنفسك ووصلي افكارك للناس لان افكار كبيرة عليا والموضوع هيكبر وناويين تنفذوة فعلا وبتاع فتتناقشي في المواضيع دي مع اعضاء الفريق انا يمكن اصغر عضو في الفريق ومليش لازمة اساسا لحسن تفتكروني حاجة ولا بتاع
بجد محتاجين عقول مفكرة ونيرة زي حضرتك ومحتاجين افكار واراء ومقترحات ومشاريع وحملات ايمانية زي حملة انا عبد طلبي سجلي في المنتدي وضعي مشروعك في قسم فريق عزة الاسلام
انا مش مصدق ان في ناس واخوة واخوات بالحماس دة الله اكبر الله اكبر
ما شاء الله لا حول ولا قوة الا بالله العلي العظيم
لينك المنتدي www.essamhamdy.com (http://www.essamhamdy.com)
للتواصل مع الداعية الاسلامي الاستاذ عصام حمدي رقم التليفون 0183477788
جزاكي الله كل خير جزاكي الله كل خير جزاكي الله كل خير
والسلام عليكم ورحمة الله وبركاتة

[monamooo]

مجهود رائع جداااا اخى الكريم

tito_tito64210

جزاك الله خيرا على افكارك وفعلا هحاول انفذها ان شاء الله مشروع تلاجة الخير مع صديقاتى وجيرانى
وانشرها فى كل مكان زى مشروع بنك الطعام

ان شاء الله اوصل الفكرة لفريق حياتى لله

بارك الله فيك

جزاكى الله خيرا أمه الله على أفكارك الرووووووووعة جداااااااااا

ربنا يجعلة فى ميزان حسناتكم جميعاااااااااااااا

[tito_tito64210]

اخت امة الله نسيت اسالك لو فيها تعب تقوليلي بالتفصيل ازاي ابعت ايميل لكل المنضافين عندي لو فيها تعب خلاص بلاش انا اعرف compose لارسال رسالة لاكن ازاي ارسلها مرة واحدة لكل الي عندي ولا اصدك ارسلها لواحد واحد
الاخت مني متشكر جدا جدا جدا علي مرور حضرتك وعلي قراءة الموضوع وعلي كتابة تعليق
فعلا الفكرة بفضل الله من سهولتها سهلة تتنفذ في كل المحافظات يعني مش في مصر بس وكمان هي عاملة فعلا زي موائد الرحمن وزي بنك الطعام بس دي موجودة بقي في كل مسجد في العالم لمساعدة فقراء العالم
طلب اخت مني ممكن تشرفينا حضرتك والفريق الجميل اسمة جميل حياتي لله وتنضموا لينا في فريق عزة الاسلام ونبقي ايد واحدة واعرضوا افكاركم ومشارعكم معنا ونساعد بعض في تنفيذ كل المشاريع علي فكرة من اهدافنا اننا نوحد جميع الجمعيات الخيرية وجميع الفرق زي رسالة وبنك الطعام وصناع الحياة بندعو الجميع اننا نضع ايدنا في ايد بعض واننا ان شاء الله نوحد الجهود وذلك لعزة الاسلام ولنصرة الرسول صلي الله علية وسلم ولنهضة الامة الاسلامية
وربنا يجعل كل فقير ياكل من تلاجة الخير في ميزان حسناتك ان شاء الله
متشكر جدا علي المرور وعلي الاهتمام وعلي التفاعل وعلي المشاركة
وجزاكم الله كل خير والسلام عليكم ورحمة الله وبركاتة

[monamooo]

السلام عليكم ورحمة الله وبركاتة

جزاك الله الفردوس الاعلى على مجهودك اخى الكريم

ان شاء الله أوصل لهم الفكرة واعرضها عليهم

وهما أكيد هيكونوا سعداء بكل عمل خير ينفعنا جميعاااا واياكم باذن الله

وان شاء الله هقولهم يتوصلوا مع حضرتك فى الحملة

ربنا يجعلة فى ميزان حسناتكم يارب

بارك الله فيك

[Eng_ahmed]

السلام عليكم

فكره اكيد جميله جدا فعلا وانا بحى حضرتك عليها لان بالتأكيد هتحل مشكله كبيره جدا عند ناس كتير

وانا ان شاء الله هعرض الفكره دى فى فريق حياتى لله وهنفذها فى الفريق ان شاء الله

وجزاك الله كل خير وربنا يتقبل منك ويجعله فى ميزان حسناتك ياااااااارب

[tito_tito64210]

السلام عليكم ورحمة الله وبركاتة
متشكر اوي يا اخ احمد ربنا يكرمك وجزاك الله كل خير علي قراءة الموضوع وعلي كتابة تعليق
وجزاك الله كل خير ان حضرتك هتعرض الفكرة علي فريق حياتي لله
وياريت حضرتك والفريق تنضموا لينا ونبقي ايد واحدة ونحقق وننفذ احلامنا واحلامكم سوا
بسم الله الرحمن الرحيم
واعتصموا بحبل الله جميعا ولا تفرقوا
صدق الله العظيم
والحمد لله ان الفكرة تلاجة الخير عجبت حضرتك ويارب تتنفذ وربنا يجعل كل غلبان وكل مسكين وكل محتاج ياكل منها في ميزان حسنات حضرتك
جزاكم الله كل خير يا جماعة علي المشاركة وعلي التفاعل
والسلام عليكم ورحمة الله وبركاتة