مش عايزة فرح اسلامى!!!

[88shemo]

السلام عليكم ورحمة الله وبركاته
طبعا مش انا اللى مش عايزة دة بعض البنات اللى اخدين فكرة مش مظبوطة عن الافراح الاسلامية
موضوع الفرح الاسلامى اتناقش كتير ويمكن بعضنا حضر بعض الافراح دى
وشاف سلوكيات حلوة وسيئة
والبنات بيبقوا محتارين اعمل فرح عادى واهى الناس تنبسط
ولا اعمل فرح اسلامى وماعصيش ربنا
طبعا مفيش مجال للمقارنة
لكن بعض البنات خايفين من حكاية الفرح الاسلامى دة حعملهم فى نقط
1- بعض الناس اخدين فكرة ان الفرح الاسلامى لازم الستات لوحدهم والرجال لوحدهم
2-حيبقى فى اغانى دينية بس وحتبقى حلقة ذكر ومش حعرف افرح
3- بما ان الرجال لوحدهم والستات لوحدهم يعنى مش حعرف اشوف عريسى او عروستى وهو ايه الفرح دة اللى من غير عريسى ولا عروستى!!
4-لازم الفرح يبقى فى مسجد
دول يمكن اللى مخى دلوقتى
وعايزاكم بجد يا جماعة تتناقشوا وتحطوا حلول
ويا رب يا رب الاستاذ مصطفى حسنى ياخد باله من الموضوع دة ويتكلم عنه شوية فى الحلقة الجاية بتاعة اختيار شريك الحياة وبالذات النقطة الاولى بتاعة الاختلاط
وجزاكم الله خيرا

[rahik]

جزاكى الله الف خير ي شيمو على طرحك للموضوع:icon_razz:
فعلا انا من البنات اللى نفسهم يعملو فرح اسلامى وفى نفس الوقت ينول اعجاب الجميع
وانا معاكى ان الناس واخدة فكرة وحشه عن الافراح الاسلاميه فى مصر بالذات ..
بصى انا حضرت افراح اسلاميه كتير بصراحه معظمها مش حلوة ده غير التريقه اللى اخدتها العروسه .. بس فيه واحد من الافراح دى كان تحفه .. كان فى قاعه نساء بس ومعاهم فرقه بنات وكان الرجال خارج القاعه معاهم DJ اسلامى .. كانت النساء بجد داخل القاعه مبسوطين جدااااااا والاغانى اللى الفرقه كانت بتغنيها كانت تحفه وفى اخر الحفله بنات الفرقه رقوا العروسه الرقية الشرعيه و برده الرجال خارج القاعه كانو مرتاحين .. اما بالنسبه للعريس والعروسه كانو فرحنين جدااااا ومكنوش مدايقين انهم بعيد عن بعض لانهم هما الاتنين كانو مقتنعين بالفكرة وعرفو ازاى يقنعو الناس بيها ..
بجد كان من احلى الافراح اللى حضرتها متتصوريش الراحه اللى كنا فيها داخل القاعه واحنا كلنا بنات ونساء فقط الكل كان واخد راحته جدااااااااا ...
بصراحه انا نويت اعمل كده برده ان شاء الله فى فرحى بس ادعيلى ربنا يرزقنى بزوج متفهم لاهميه ان يكون الفرح اسلامى ..
اسفه للاطاله وبجد جزاكى الله الف خير:119:

[88shemo]

ويجازيكى يا اختى
انا برضة مرة حضرت اسلامى كان فى المسجد نفسه!!وصراحة استغربت جدا اتخيلى كدة انتى فى المسجد ومن شوز وقاعدة عالارض!
هو كان حلو بصراحة وصاحبات العروسة قعدوا يغنولها اناشيد بس برضة مستغربه انهم كانوا بيغنوا فى المسجد وبعدين وزعوا عصير بيست وماكنش فيه اكل:022:
وكان الفرح من المغرب للعشا واحلى حاجة اننا صلينا العشا جماعة
بس بردة حكاية ان العريس فى حتة والعروسة فى حتة حاسه انها صعبة عليا شوية

[أم انس]

بسم الله والصلاة والسلام على رسول الله
ليه يعني الفرح بالمسجد؟؟؟!!!!!
انا صاحبتي تجوزت وعملت فرح اسلامي بس ببيتهم ومش بالمسجد
والdj اسلامي طبعا
وانا ان شاء الله رب العالمين لما ربنا يقسلمي حعملو اسلامي وحلبس حجاب يوم فرحي
رضا ربنا احسن من رضا الناس كلها
حتى ربنا بباركلك بكل خطوه بتخطيها
الله المستعان

[88shemo]

طب سؤال لتنشيط الموضوع
تفضلى الرجال لوحدهم والنساء لوحدهم ولا اختلاط بحدود؟؟
واتمنى ان الاستاذ مصطفى يرد

[Noha Ahmed]

أعتقد إن الفرح الإسلامي مافهوش أي مشاكل و لكن فكرته اللي أعرفه إنها مش منتشرة في مصر من زمان إلا في القرى أو في جنوب مصر سواء النوبة أو الصعايدة
و رأيي إننا لازم نعمم الفكرة ديه و نشجع ليها و ممكن يكون الفرح البنات لوحدهم و ليهم رقصاتهم و أغانيهم لوحدهم و الرجال لوحدهم و ليهم برضه الأغاني اللي يحبوها
و و قت البوفيه أو الأكل يتجمع كل من في الفرح و العريس يشوف العروسة عادي و لكن يجب أن لا يسمح لها طبعا إنها تكون غير محجبة لو هي محجبة أصلا في الفرح أما لو هو مختارها مش محجبة ده طبعا ييقى يرجع للعريس
و اهم حاجة نحافظ على إن العروسة تفضل محجبة في فرحها أو خطوبتها لأن ديننا لا يسمح بغير ذلك و ممكن تكون مع العروسة معاها كوافيرة تربطلها الحجاب قبل وقت البوفيه الربطة اللي كانت ربطاها علشان تحافظ على شكلها و في نفس الوقت تبقى مرتاحة مع صحباتها و قرايبها عادي بشعرها

و الكلام ده أنا شايفه إنه مناسب للفرح سواء كان في البيت أو في قاعة او في نادي أو جنينة أو في باخرة و لا الباخرة هتبقى ديقه شوية بلاش في الباخرة و بانسبة للجنينة يبقوا يعملوا مثلا صالات خيم بالمقاس اللي هما عايزينه و البوفيه يبقى بره الخيم
إيه رأيكم؟؟؟؟؟؟؟؟

و أتمنى إن الأستاذ مصطفى يتحدث عن الموضوع الفرح الإسلامي برضه

[88shemo]

اعتقد ان الاستاذ مصطفى الحلقة الجاية ان شاء الله حيتكلم بقى عن الفرح والحاجات الغلط اللى مخدوعين بيها
لكن كلنا متفقين ان الفرح لازم يكون ملتزم لكن مختلفين فى ان الفرح يبقى ملتزم ازاى وياريت نعرف استاذ مصطفى عمل فرحه ازاى
وربنا يفرح الجميع

[حفيدة رفيدة]

ربنا يكرمك ياشيمو
الموضوع جميل أوي ونفسي ان شاء الله أعمل فرح اسلامي لما ربنا يرزقني بالعريس الصالح
بس كمان باتمنى انه يكون في قاعة واحده
ومهمة أوي النقطة اللي اشارت ليها أختي نهى وهي ان العروسة تفضل بحجابها
عرايس كتير بيقولوا اهي ليلة العمر
ويارب ان شاء الله أستاذ مصطفى يتكلم عن مخالفات الأفراح
وربنا يرزقنا جميعا بأزواج صالحين

[88shemo]

الا الحجاب هى اه ليلة فى العمر بس ليله يا اما حبداها بمعصية يا اما حبداها بطاعة
اللهم ثبتنا
لكن ساعات برضة العروسة بتبقى محجبة وبترقص!!! والله بتحصل كتيييير
بس ساعات الحجاب مش بيبقى حجاب اوى بمعنى انهم بيقولوا على العروسة اللى لابسة بونية تبقى محجبة
طب انا والله العضيم شوفت عروسة لابسة طرحة كبيرة وتصدقوا بايه شكلها ملااااااااااااااااااااااك والله احسن بكتير من اللى لابسة بونية دة وبيقولوا عليها محجبة طب ما هى رقبتها باينة اه ممكن يكون فستانها هاى كول لكن برضة ساعات ودنها باينة ورقبتها من ورا برضة باينة
كنت مرة بتكلم مع ماما فى ساعة صفا كدة عن شكل فستان فرحى طبعا اتوقت انى حعمل زى البنات والبس البونية والفستان ابو رقبة وكدة ابقى محجبة قلتلها لا انا حلبس طرحة كبيرة زى ما بخرج بالظبط
هو مين اللى حياخد الذنب انا ولا انتو
ربنا المستعان دى فتنة والله

[روانا]

اشكر الصديقة اللي طرحت الموضوع بس العادة عنا بالأردن عالأغلب ان الأفراح مش مختلطة و العروس و كل الستات المعزومين ما بتقيدوش بالحجاب. يمكن هيك مريح اكتر. :119:

[88shemo]

عشان كدة احنا عايزين نعرف راى الدين
سؤااااااااال خطر فى بالى من زماااااااااااااان ونفسى اعرفه
هو ايام الرسول عليه الصلاة والسلام كانوا بيعلنوا الزواج ازاى؟؟
نفسى اعرف

[دمعة]

انا دايما بفكر ازاى اعمل فرح ماغضبش فيه ربنا بس برضه اكون مرتاحة واثبت ان مش كل حاجة الناس فاكراها ترضى ربنا تبقى مترضيناش احنا


انا مثلا فكرت ان الفرح يتعمل فى بيت -يكون كتب الكتاب فى الجامع بعد العشا وبعدين العريس واصحابه يخرجوا ويعملوله زفه وبعدين يرجعوا ع البيت ويكون معمول فيه بوفيه فى الجنينه مثلا(لو فيه جنينه) او ع الرووف

وتكون العروسة واصحابها وقرايبها فى شقة وتكون لابسة فستان فرح عادى ولو مفتوح براحتها وكشفه شعرها ومشغلين اغانى ومهيصين وبعدين يدخل العريس يعد شوية وممكن تكون العروسة عملة تقفيلة للفستان تلبسها وتلبس الحجاب وينزلوا وتتزف شوية او تتصور وبعدين تروح او يسافروا اى حاجة -
انا شيفة ان الفرحة الكبيرة لما يبقوا مع بعض مش لازم اقلع وارقص انا وهو ادام الناس
وعلى فكرة دا مش هيبقى فرح بسيط او فرح -بيئة- زى ما بيقولوا دا ممكن يبقى فرح راقى جدا بالذات لو البيت فيه جنينة

[alice]

تسلم إيديك يا قمر ع الموضوع والفكرة الرااااااااااائعة وأنا من رأيى أنو مش لازم أبدا أن الفرح يكون فى المسجد عادى ممكن يكون فى قاعة ونقسمها مثلآ ويبقى جانب سيدات والأخر رجال وطبعآ العروسه تكون مع العريس بس محجبة والأغانى بتكون دينية ودة بصراحة كان فرح حضرتة وكان بالنظام دة بس والله كان تحفة بجد كان يجنن لأنى كنت أول مرة أعرف أيه هو الفرح الأسلامى دة ,ومرسى مره تانيه ع التوبيك الرااااااااااااااائع يا جميل

[يامنة]

السلام عليكم ورحمة الله وبركاته بصراحة انا كمان نفسي اعمل فرح اسلامي وحضرت لحفلات اسلامية وحفلات عادية بس المشكلة حتكون فانك تجدي انسان يوافقك على الفكرة دي بس فعلا الافراح دي بتكون جميلة جدااا جدا جدا و ربنا يوفق الجميع يا رب اختكم في الله يامنة