الحلقة الثالثة عشر: اختيار شريك - شريكة الحياة [الأرشيف]

Nariman Nagui

05-31-2008, 12:57 AM

السلام عليكم و رحمة الله وبركاته

قال الله تعالي:
" و خلقنا لكم من أنفسكم أزواجا وجعلنا بينكم مودة ورحمة"
للاسف بسبب اننا نسينا هذه الاية وهذا الهدف الرئيسي من الزواج, انتشرت نسبة الطلاق في بلانا والتي وصلت الي 35% و احيانا الي 50% من نسبة الزواج...

عارفين احنا ليه بنتزوج:
1- السكن الروحي والعاطفي
2- العفة و البعد عن المعاصي
3- انجاب لذرية لاعمار الارض

في حديثين اوجزوا الشروط التي يجب توافرها في شريك أو شريكة الحياة

قال رسول الله صلي الله عليه وسلم:
" ان جاءكم من ترضون دينه وخلقه فزوجه... و ان لم تفعلوا تكن فتنة في الأرض وفسادا كبير"
" تنكح المرأة لاربع مالها وجمالها وحسبها ونسبها.. فاظفر بذات الدين تربت يداك"

الحد الأدني في الأخلاق التي بجب توافرها في شريك الحياة: ( الشباب)
1- تعامله مع نساء بيته و مع أهله
2- الاستقرار العملي والمالي
3- حاولي تركبي معاه انت وابيك وهو سائق لان علماء النفس بيقولون ان اخلاق الانسان تظهر عند السواقة

( البنات)
1- حياءها و كلامها عن أهلها
2- الشكل الظاهري

2- الحد الأدني للتدين
قاعدة عامة لو كان مش بيصلي او مش بتصلي يبقي المبدأ مرفوض لان ما بالك بانسان ضيع حقوق الله ماذا سيفعل بحقوق العبيد
لكن لو بيصلي بس مش بيصلي الفجر او مثلا بيدخن او مثلا مش محجبة... ورافضة المبدأ يبقي نبعد تماما..
لكن لو نفسه يتغير أو نفسها تتغير ومحتاجين شحنة ايمانية... يبقي نتكل معاهم لكن في حدود الخلوة الشرعية...

3- التقارب الاجتماعي والمادي:

للأسف أصبحنا في زمن اصبح الاباء يثقلون علي العريس في الماديات... ونفسهم ان بنتهم تعيش في مستوي لم بتحقق الا بعد 30 او 40 سنة من العمل... لكن في شروط اجتماعية ومادية يجب توافرها: لازم يكون الولد عنده استقرار مادي و مالي... وبالنسبة للمستوي الاجتماعي لازم يكون في تقارب اجتماعي بين العائلتين من حيث الاخلاق... وأساليب التربية.... و طرق الحياة....

لؤلؤه من الجنه

05-31-2008, 01:05 AM

الحلقه كانت جميله جدا واستفدت منها كتير
ربنا يجزيك كل خير يا استاذ مصطفى
ويارب يوفق الجميع فى الاختيار الصحيح

hossamtota

05-31-2008, 01:15 AM

السلام عليكم ورحمة الله وبركاته مصطفى حزاك الله خير على الحلقة الجميلة دى يا رب يكرم شباب وبنات الاسلام بازواج وزوجات يرضونهم وبجد العين اللى بشوف بيها ربنا هو اللى بيبصرنى بيها فا انا لو اخترة بنت او البنت اختارة ولد ربنا يحبه اكيد هو او هى كمان هتحبه اللهم ارزقنا الصبر يا لطيف يا كريم

merooo7

05-31-2008, 01:19 AM

السلام عليكم ورحمة الله وبركاته

الحلقة كانت رائعة ومفيدة جدا وربنا يكرمك يا استاذ مصطفى وجميلة حكاية السواقة دى لان الاخلاق بتظهر وهو سائق وطريقة معاملته لاهله من النساء

ربنا يستخدمك لنصرة هذا الدين يا استاذ مصطفى وجوزيت كل الخير

وشكرا استاذة ناريمان على التلخيص الجميل

مها عيسى

05-31-2008, 01:21 AM

السلام عليكم ورحمة الله وبركاته
الله اكبر وماشاء الله الحلقة كانت رائعة واقول لاستاذ مصطفى جزاك الله كل خير واعزك فى الدنيا والاخرة ويارب يرزقنا الزوج الصالح

oldfashion

05-31-2008, 01:29 AM

جزاك الله خير بجد قلت كلام كان نفسي اهلي يسمعوه اوي و يارب يهديهم و يقتنعوا بالكلام ده
المشكلة انهم بيخدوا الكلام ده نظري بس مش بيرضوا يطبقوه فعليا يارب اهديهم يارب اهديهم

ربي هب لي هدي

05-31-2008, 01:37 AM

السلام عليكم ورحمه الله وبركاته
استاذ مصطفي
ماشاء الله عليك
الحلقه اكتر من رااااااااااااااااااااااااااااااائعه
انا استفدت كتييييييييييييييييييير وحاجات وضحت لي كتيييييييييييييييييييييير
ربنا يكرمك ويعزك
ماشاء الله
ماشاء الله
ربنا يقدرك علي خدمه هذا الدين ورفع لوائه
انا بطلب من حضرتك ياريت تقول ايه اكتر فرق المفروض بيبقي بين الزوج والزوجه
وميزدش عن ايه؟
يارييييييييييييييت حضرتك توضح دي
ربنا يحبك
ويبصرك
ويدلك علي طريق الخير ويحفظك يا استاذ مصطفي
والله علمتنا بفضل الله الطريق الصح

فاطمه امة الله

05-31-2008, 01:40 AM

Maha_ramadan

05-31-2008, 01:44 AM

السلام عليكم ورحمة الله وبركاته

عن أبي هريرة - رضي الله تعالى عنه - قال:
قال رسول الله - صلى الله عليه وسلم:

ثلاثة حق على الله عز وجل عونهم:

المكاتب يريد الآداء
والمتزوج يريد العفاف
والمجاهد في سبيل الله

رواه أهل السنن إلا النسائي

حلقة قيّمة بالفعل... شكراً لقراركم بأن يتم مناقشة موضوع الزواج في أكثر من حلقة فنحن بحاجة ماسّة لذلك والله

أعزكم الله وجزآكم خير الجزاء صحبة سيد الخلق عليه وآله وصحبه أفضل الصلاة والسلام
ووفقكم إلى ما يحب ويرضى

بانتظار الحلقة القادمة بإذن الله

* * *

اميرة بنت الاسلام

05-31-2008, 01:49 AM

الحلقة كانت جميلة
الله عليك يااستاذ مصطفى كل حاجه عايزة اعرفها كانت فى الحلقة اختيار العريس ازاى اعرف منين انه انسان محترم الحلقة كانت جميله جزاك الله خير
وكلام حضرتك اهم حاجة الدين فى الاختيار والصلاه
وصلاة الفجر اكيد هو دى الاساس فى الاختيار
اسال الله العلى العظيم ان يغفرلك ويجعله فى ميزان حسناتك

بسمة امل

05-31-2008, 02:17 AM

السلام عليكم و رحمة الله و بركاته

اخواتى فى الله .....

انا لسه متفرجه على حلقه الاستاذ مصطفى من شويه و هو اتكلم فى حاجات كتير عن الجواز و افكار خاطئه عنه و كلامو جميل جدا بصراحه ... بس انا كان ليا سؤال اتمنى ان اى حد يرد عليه ... يعنى مثلا انا بنت فى واحد جارنا اتكلم مع والدتى عليا انو عايز يرتبط بيا ... و اهلى كلهم موافقين عليه و بيقولو انو شاب كويس و احنا عارفينو و كدا ... بس المشكله انى مابرتحش معاه يعنى لما بيجى عندنا و يقعد يتكلم معايا على اساس اننا نتعرف على بعض يعنى قدام الاهل و كدا بلاقى نفسى مش منجذبه اليه يعنى يمكن عشان متربيين مع بعض فا احساسى بيه على اساس انو زاى اخويا ... سؤالى هو مش المفروض انو يكون فى راحه نفسيه قبل الارتباط بشخص معين ممكن يكون فى كل الصفات الحلوه متدين و راجل و كل حاجه بس مش مرتاحين فى الكلام مع بعض ....

دى حاجه و تانى حاجه السن يعنى مثلا لو العريس اكبر من العروسه بكتير دى حاجه او لو العروسه اكبر من العريس حتى لو مش بكتير يعنى لو بسنه او بكام شهر .... هل بيبقى فى المشكله ... يعنى يا ريت حد يجاوبنى بصدق و ربنا يجزيكم كل خير يا اخواتى و اخوانى و ربنا يهدينا جميعا الى ما يحبه و يرضاه ....

السلام عليكم و رحمة الله و بركاته

اختكم بسمه

CREATIVE BOBA

05-31-2008, 02:57 AM

السلام عليكم ورحمة الله وبركاتهبالنسله للحلقه فكانت اكتر من رائعه بجد ربنا يكرمك يااستاذ مصطفى.انا بس عندى سؤال كانت واحده سالتهولى ومعرفتش اجابتهلو واحده شافت واحد كويس وانسان مهذب وعجبها ودعت ربنا انه يكرمها بيه ويكونوا من نصيب بعض طبعا من غير مايكون ليها اى علاقه بيه ومش بتتكلم معاه ولا اى حاجه حرام هى بس بتدعى ربنا كتير هو زميل معاها فى الشغل وبتشوف تصرفاته واخلاقه وتعاملاته.السؤال بس هل حرام انه يعجبها وتدعى ربنا انه يكون من نصيبها ولا مش حرام؟معلش بس ياريت حضرتك ترد على السؤال ده ولو انه شكله هايف يعنى بس بجد انا شايفاه مهم جدا. شكرا جزيلا وجزاك الله كل خير

CREATIVE BOBA

05-31-2008, 03:19 AM

السلام عليكمطبعا الحلقه اكتر من رائعه ربنا يكرمك يااستاذ مصطفى.انا بس كان عندى سؤال اتسألته ومكانش عندى اجابه فقلت اكيد حضرتك عندك اجابه وتقدر تفيدنى.واحده صاحبتى سألتنى اذا اعجبت بشخص واتمنت انها ترتبط بيه ويكون هو الانسان اللى تكمل حياتها معاه ودعت ربنا انه يكرمها وييسرلها الامر ده ويجعله من نصيبها ويكون خير ليها وله طبعا من غير مايكون فى اى علاقه بينها وبينه هو زميل فى شغلها وبس.السؤال بس هل حرام انها تعجب بيه وتدعى ربنا انه يكرمهم ببعض ولا مش حرام؟ساريت حضرتك تجاوب على السؤال ده ضرورى.وجزاك الله خيرا كثيرا وجعاه فى ميوان حسناتك. وشكرا جزيلا واسفه للاطاله

Zeinb Rezk

05-31-2008, 04:25 AM

:006:

:aaa0asmilies:
جزاكم الله خيرا على هذه الحلقه الجميله . بجد فعلا اهم حاجه الدين سواء للبنت او الولد .

وعجبنى اوى تفسيرك لزواج الصالونات انا مع اقتناعى به فبنات عائلتى تزوجوا بهذه الطريقه .
ولكن انا مكنتش عارفه اشرح الفكره دى لصديقاتى ولانهم دائما يسخروا منها وفعلا بيقولوا احنا مش حاجه فى فاترينه يتفرجوا اذا عجبهم اشتروا ولو معجبهمش يمشوا .
بس دلوقتى وضحت الرؤيه لى ولهم كمان .

:jazak-allah:

Noha Ahmed

05-31-2008, 05:02 AM

بسم الله الرحمن الرحيم
السلام عليكم و رحمة الله و بركاته

لقد شاهدت الحلقة في الإعادة الأولي

ما شاء الله و لا حول و لا قوة إلا بالله بارك الله فيك و يسر لك و لعائلتك بكل خير بقدر ما تيسر للناس أحوالهم في الدنيا أستاذنا مصطفى حسني
و ربنا يجعلك نصير للإسلام دائما

الحلقة بجد كانت رائعة و مفيدة ولقد أوضحت لي أشياء بالنسبة لمفاهيم الزواج كانت متزعزعة الثبات بانسبة لمن لم يتزوج أو تتزوج حتى الآن و ذلك لأن الله يحمل لنا الشريك الصالح عنده و رأيي أيضا حتى لو ماحدش ربنا رايد له أن يتزوج في الدنيا سيكون له زوج في الجنة إن شاء الله
و يجب أن نقضي الوقت في العبادة و معرفة أصول الدين و العمل الصالح و العطاء للدين

و ربنا يثبتنا على ما نحن عليه و يجعل لنا مخرجا للجنة

و ربنا يوصل رسالة الإسلام و تعاليمه الجميلة ديه في كل مجالات الحياة إلى كل مكان في الأرض و يستخدمنا دائما

ملحوظة: معلش إسمحلي استاذ مصطفى أنوه عن شيء بس بعد إذنك أسلوب حضرتك رائع و مقنع و لكن أحيانا أشعر بالتعسير في بعض الأشياء أو الفصل أو القطع بحد السيف أقصد أقول إن بعض الأحيان مافيش وسطية شوية في الكلام و طبعا بما أن حضرتك قدوة لشباب كتير فحضرتك لما تقول رأيك أو موقفك في موضوع يكون أشد من حل آخر حضرتك قلته في نفس الحلقة ممكن يكون فيه يسر شوية فبكده ممكن الذي يستمع إلى حضرتك يأخذ برأي حضرتك و يهمل الوسطية شويه أو الحل الأيسر
أنا طبعا مش باعدل على حضرتك و لكن لاحظت نقطة ممكن لو تغيرت بطريقة ما ممكن تفيدنا و تفيد أصحاب العقول البسيطة في الفهم شويه أو أصحاب السن الصغير من الشباب و الشابات في الجامعات.و أرجو ماكنش أزعجت حضرتك

و كان ليا رجاء إن حضرتك تتحدث عن إن من أسباب تأخر الزواج عدم الثقة في أطراف الزواج ببعضها نتيجة لما يدور حولنا من أحداث مؤسفة من الشباب والشابات و لكن أحب حضرتك تلفت النظر إن مش كل من صاحب قبل الزواج و تدين أو تدينت بعد ذلك يكون مكتوب عليه عدم المغفرة من الفتيات أو الفتيان و نيسر شويه النقطة ديه لأنها بجد من أكبر الأزمات التي تواجه الشابات المتدينات و الشباب المتدينيين عند التفكير في الزواج
وآسفة على الإطالة

best live

05-31-2008, 05:30 AM

ماشاء الله

ربنا يبارك فيك يا استاذ مصطفى بجد الحلقه كانت رائعه

بوسي

05-31-2008, 05:49 AM

:assalam::aaa0asmilies:

:victory: الحلقة النهار ده جميلة جدا و كانت الجاب الشافي لبعض الاسئلة ، لكن انت متعمقتش في المودوع كتير و متكلتش عن الاخطاء الي بتحدث فيها
و نرجوا ان تهتم بها في الحلقة القادمة
صلوا على الحيب المصطفى .
:ac: و يارب كده يحفضك لينا و يخليك ديما كده تساعدنا على حب الله و حبيبو المصطفى .

امة الله الحامدة

05-31-2008, 06:25 AM

السلام عليكم ورحمة الله كانت الحلقة جميلة جدا جدا ومفيدة ويا رب ارزق كل بنات وشباب المسلمين الازواج الصالحين ربي انك على كل شي قدير
عندي سوال كل دعاء لازم معاه الاخذ بالاسباب طيب دعاء بالزوج الصالح كيف فيه الخذ بالاسباب اذا كانت علاقات الاسرية محدودة والبنت ملتزمة يعني ما فيش صحوبية و الكالم الفاضي ده وكانت خجولة ارجو الرد على هذا السؤال ( ربي انت واصل الاسباب ---- رب اني لما انزلت لي من خير فقير)

مسلمه

05-31-2008, 06:59 AM

السلام عليكم

جزاك الله خيرا علي الحلقة

كانت جميلة جدا

وعجبني جدا فكرة ان الدين هو رقم 1 واي حاجة زيادة جنبه تزود صفر
فلو شيلت الواحد لم يعد للباقي قيمة

اللهم ارزقنا جميعا الازواج والذرية الصالحة

esraa ayman

05-31-2008, 10:09 AM

:icon_surprised::icon_razz:تحفة الحلقه بجد
ربنا يعزك يا رب
اذاى البنت تاخد بالأسباب فى موضوع الزواج مع العلم انها مش بتكلم ولاد من غير سبب
ارجو الرد:119:

مريم محمود

05-31-2008, 08:02 PM

السلام عليكم ورحمة الله وبركاتة
الحلقة بجد كانت اكتر من رائعة ربنا يبارك لك يا شيخ مصطفى وبنفعنا بعلمك يارب
والمزيد من التقدم والحلقات الحلوة
واسال الله العظيم رب العرش العظيم يزوج بنات المسلمين وامة النبى الازواج الصالحين
امين

souad1

05-31-2008, 08:38 PM

السلام عليكم بجد حلقة تحفة ربنا يعزك ويحفظك يا شيخ مصطفى

صحــ أمل ــوة

05-31-2008, 09:07 PM

السلام عليكم ورحمة الله وبركاته

جزا الله كل خير الاستاذ مصطفي ولقائمين علي هذا المنتدي

حلقة اليوم كانت رائعه سمعتها وكتبت

النقاط المهمه فيها

والحلقه جاءت في وقتها بالنسبه لي

بس اسمحولي لي راي بسيط

اتمني مناقشتكم فيه

طبعا كلنا متفقين ان العنوسه زادت بصوره ملفته للنظر

اتفق معكم في هذه النقطه

زادت ليه هي دي النقطه

ليس بسبب الماديات التي دائما تتكلموا عليها

او ما اراه امامي في المجتمعات المحيطه بيه

مش هي دي النقطه اللي الاهل يقفون عندها

دلوقتي كله بيسر الموضوع نتيجه لازمة ارتفاع سن الزواج

والسبب من وجهة نظري يتعلق بالشباب من جهه

والبنات من جهه اخري

كتير من الشباب الغير الملتزم دينيا تعرف علي بنات كتير

لما يجي يفكر يخطب بيكون خايف من البنات طبعا اصبح عنده شك

من كثرة ما راي

اما الشباب الملتزم ودي اللي بنقول عليها شر البلية ما يضحك

انه لما بيجي يختار البنت ومواصفاتها

بيختار مواصفات زي اللي بيشوفها في الاعلام ليه

بحجة انه يعف نفسه زي ما بنسمع وفي الاخر بيقول الدين

اما البنت فمنهم من تخاف من المسئوليه لانها لم تتربي عليها

ومنهم من تخاف جدا علي نفسها من الفشل

من كثرة ما تراه من ارتفاع حالات الطلاق

خلاصة الراي ان المشكله تتعلق بالطرفين نفسهم

وليس بالاهل
واسفه علي الاطاله

:015::015::015::015::015:

بارك الله فيك .. هو دا الكلام المضبوط دائما يعقلوا الموضوع في شماعة الظروف والماديات
والمشكله الكبري من الشباب نفسهم لو كل واحد يعرف بالضبط هو عايز ايه كان يريح اللي حواليه ويريح نفسه ويريح البنت كمان بدل ما يدخل ويخرج كاااام بيت ويتفرج وفي الاخر يقول مفيش نصيب
لااااااا ارجوك حدد موقفك عايز في عروستك ايه بالضبط ومدوخناش وزي ما بيقولوا صاحب بالين كذاب
يعني رتب اولوياتك وحددها وتوكل علي الله
علشان المشكله دي تتحل يجب علي الشباب ان يضعو في عين الاعتبار ان الموضوع جدي جدا مش يوم او اثنين دا عشره واولاد هتتربي بينهم

وجزاكم الله خيرا

noonaa

05-31-2008, 09:22 PM

السلام عليكم ورحمة الله وبركاته
احب ان اشارك فى ابداء تجربتى الشخصية فى هذا الموضوع
انا فتاة الحمدالله ملتزمة دينيا واخلاقيا وتعرفت على خطيبى بلصدفة لما كنت مع الجامعة فى رحلة خارج مصر المهم فاتح والده فى الموضوع لكى يخطبنى لكن والده مانع لاننى اكبر منه بحوالى سنتين وكمان علشان انا ووالدى مش عندنا عربية ولكن انا والحمد الله مبسوطين ماديا المهم ان الولد كويس جدا بس انا عائلتى اجتماعيا اكبر من ناحيت ان كلهم مراكز ومتعلمين ولكن اهله مفيش غير باباه وماماته الى متعلمين فى عليتهم وعلى الرغم من ذلك ابى وافق وقال انا بشترى راجل المهم الولد وابوه وامه بس فى حاجات قلقانى لانى انا ملتزمة شوية الحمد الله بلبس طويل وبصلى الفجر والفروض والسنن ولكن هو الحمد الله بيصلى بس بيقعد يعلق على لبسى كتير يقولى خليكى روشة وساعات بنتاخنق علشان لما بيحاول يمسك ايدى بقله حرام فيقولى انا خايف ان الدين ياخدك من الدنيا

دينا وحيد

05-31-2008, 09:36 PM

السلام عليكم ورحمة الله وبركاته
حلقة امبارح كانت ماشاء الله جميلة واستفدنا منها كتير بس بجد ياريت كلنا وخاصة الشباب نعمل باللي بنسمعه وكتير مننا حفظينه عن ظهر قلب للاسف البنت تقول انا نفسي في الشاب المتدين والخلوق ومش مهم يبقى غني او عندوا رصيد وسيارة فخمة واول ما تدخل في الجد تقول لأ انا عايزة شبكة غالية زي قربيتي الفلانية وعايزة مش عارفة ايه زي صاحبتي العلانية
وكمان الشباب يقولك الشاب وهو رايح يدور على عروسة انا اهم حاجة عندي الاخلاق وتكون زوجة صالحة وام لاولادي وكل ما يقابل عروسة مايعجبوش شكلها او جسمها يقول لأ دي قصيرة لأ دي رفيعة قوي لما خلوا البنات حتى الحلوين يحسوا انهم وحشيين قوي
طيب ليه تقول شكلها ما عجبنيش ما تقول احسن محصلش قبول وربنا يكرمك بحد احسن مني والبنت برده بجد الموضوع ده في كلام كتير قوي بس في الاخر بقول الطيبون للطيبات
وربنا يكرم كل بنات المسلمين بأزواج صالحين ويكرم كل شباب المسلمين بزوجات صالحات
وربنا يوفقك يا استاذ مصطفى ويعينك على تقديم كل ماهو نافع ومفيد

saida-aicha

05-31-2008, 09:48 PM

salam 3alykom
ostad mustafa arjok ana ta9ra2 risalati arjooook...ana la astati3 al kitaba bi lora al 3arabiya..
kolo ma orid an a9olah howa ana insana asa2t al ikhtiyar bikol ma3na al kalima..bsara7a fi machakil katira jidan..walakin arjook la tansa al kalam 3ala al motala9at..arjook la tansahom arjook..homa fi2a yowajihon so3oba kabira men al mojtama3 al 9asi wa kadilika al ahl yosi2on fahm al motala9a 7ayto honaka ba3d al aba2 yadgatona 3ala al fatat an tokamila 7ayataha ma3a insan ragma 3adam iradatha bidalik
arjoook ya ostad mustafa la tansa al motalla9at arjook
na7taj ila alwa3y likay yafham al mojtama3..arjok ya ostadna la tansahom arjiook
salaam
wa chokran

ميسون

05-31-2008, 09:51 PM

السلام عليكم ورحمة الله وبركاته.....
انا اتفرجت على حلقة مبارح... وبجد كانت رائعة رائعة جدا...ربنا يحفظ الاستاذ مصطفى ويباركلنا فيه يا رب...
وانا من رايي انو لو كل واحد وكل واحدة مقبلين على الزواج خادو بعين الاعتبار المعايير دي.. ان شاء الله هيعيشو حياة سعيدة وهتقل نسب الطلاق المبكر

غادة

05-31-2008, 10:13 PM

السلام عليكم ورحمة الله وبركاته
جزاك الله عنا كل خير ياأ/مصطفى أنا بس كان ليا ملاحظة ياريت حضرتك تقبلها:
حضرتك اتكلمت عن المستوى الاجتماعي وإنه لازم يكون فيه تقارب وده صحيح بس حضرتك مااتكلمتش عن المستوى التعليمي والمستوى الثقافي والفكري وده مهم جدا" جدا" لأنه لو مفيش تقارب في المستوى الثقافي مش هيبقى فيه لغة حوار بينهم أو مواضيع مشتركة يتكلموا فيها ،وفيه ناس كتير أوي متقاربين في المستوى الاجتماعي بس مختلفين جدا" في المستوى الثقافي والتعليمي.

أمة الله التائبة

05-31-2008, 10:58 PM

السلام عليكم ورحمة الله وبركاته
الحلقة الحمد لله بينت لى او طمنتنى على رفضى لعريس كان تقدم لى لانه رغم انه ذا دين وخلق الا انه ليس من نفس المستوى الاجتماعى فالحمد لله انى لم اظلمه ولم اشع الفتنة فى الارض والحمد لله انى استخير الله دائما .
الا انى عندى موقف اتحطيت فيه وبتهيئلى انى اتصرفت صح الا انى عوتبت بعد ذلك
الموقف انى فى مرة كنت بحضر محاضرة تبع النقابة بتعتى وبعد ما خرجت ونزلت اركب المترو لاقيت اوبمعنى اصح سمعت واحد بيقول السلام عليكم وانا كنت ساعتها عند المكن بتاع التعدية المهم انى ردت السلام ومشيت
وبعدها وجدت شخص بيكلمنى وبيقولى انا مش قولت لك السلام عليكم ازاى مترديش عليا.

قلت له انا اسفة انا رديت السلام

قال لى انا مسمعتكيش وانا اسف ممكن اسالك سؤال

قلت له تفضل قال لى انت فى نقابة ......

قلت له نعم هو حضرتك كنت فى المحاضرة

قال لى لا ولكنى شفتك واعجبت بيكى وحسيت انك انسانة ملتزمة وعايز اتقدم لكى وعايزاتكلم معاكى

انا وشى جاب الوان واتحرجت جدا من الموقف وردت عليه وقلت له هى ده طريقة تكلم بيها
واحدة ملتزمة

قال لى انا قاصد خير وتكلم عن نفسه وانا بصراحة مخى اتشل مش عارفة اعمل ايه وفى الاخر قال لى انا عايز رقم موبيلك علشان اتعرف عليكى قبل ما ااجى اتقدم لك

وهنا الدم طلع فى نفوخى وقلت له وساعتها هفرق ايه عن واحدة اصطدتها او التقطها من الشارع

زعل وقال لى انا عايز بس اتعرف عليكى قبل ما ادخل البيت علشان ابقى متاكد وصدقينى انا صادق

قلت له انا اسفة انا لا اخون اسرتى عايز تتقدم ساعطيك رقم اخويا والا فلا

قال خلاص انامقدرش اتقدم لواحدة معرفهاش

قلت له وانا لا اتكلم مع احد لا تربطنى به اى صلة

ارجو انك تناقش انه مينفعش الراجل ياتى ويكلم البنت وانه لازم يكلم اهلها
اللهم ارزقنا الجنة بغير حساب ولا سابقة عذاب اامين
وصلى اللهم وبارك على سيدنا محمد وعلى اله وصحبة وسلم.

هناء ابو احمد

05-31-2008, 11:46 PM

هناء ابو احمد

05-31-2008, 11:50 PM

اتكلم يشيخ مصطفى عن المطلقاااااااااااااااااااااااااااااااااااااااااااا ااااااااااااااات
انا اعرف واحده بتموت في اليوم ميييييييت مره من كلام الناس علييييييييييييييييييها
علشان محتاجين انو الناس يعرفوا انهم بشر ومش منبوذيييييييييييييييييين

yoyatata1987

06-01-2008, 12:03 AM

السلام عليكم ورحمة الله وبركاته جزاك الله كل الخير ياأستاذ مصطفى الحلقة كانت رائعة جدا وانا استفدت منها جدااا لانى كان عندى مبدأ معين فى اختيار شريك حياتى وهو التدين بالمعنى الحقيقى يعنى أخلاق ومعاملات وصلاة ولكن أهلى شيفين اننى مزوداها شوية مع انى اقسم بالله لا أهتم بالشكل كثيرا ولكن اريد زوج يكون متدين بجد لأن الزمن ده المتدينين بحق مش كتيير وبيكونوا غاليين عند البنات جدا زى البنت المتدينه والمحترمة بجد ما بتكون غالية عند الشباب وأيضا كنت بحس ان لو رفضت شاب لانه مدخن كنت بقول لنفسى انا بتبطر على النعمة وربنا كده مش هيدينى انسان كويس بس الحمد لله اننا سمعناك لان اهلى حسيت انهم اقتنعوا جدا بكلام الاستاذ مصطفى لانهم بيحبوه جداا ولا تتصور ياأستاذ مصطفى انك ريحت قلب بنات كتييير وانا منهم اننا نصبر ونسبح ربنا ونصلى على سيدنا النبى عليه افضل الصلاة والسلام وهو هيرزقنا بالانسان المتدين اللهم امين ونريد منك الحلقة القادمة ان تقول عن الحدود بين المخطوبين وهل ممكن يخرجوا مع بعض لوحدهم ويتحدثوا مع بعض على التليفون فترات طويلة وايه هى الحدود المسموح بيها فى ديننا وايضا ايه الاختبارات اللى ممكن البنت تقوم بيها او الولد عشان يعرفوا ان الطرف الاخر مش بيكدب عليهم زى التدين والصلاة لأننى سمعت قصة من بنت قريبتى ان زوجها أيام فترة الخطوبة كان بيقولها فى فترات الصلاة يالا نقوم نصلى وأكتشفت للأسف بعد الزواج أنه كان بيخدعها وان اصلا مش بيصلى كويس خالص والاكتر من ذلك مش بيصوم شهر رمضان عن تعمد لانه مش بيستحمل الجوع اننا وصديقاتى البنات من كتر ما سمعنا عن الحكايات السيئة والخداع اللى بيحصل والمشاكل اصبحنا نخاف جدا من الزواج ومن الاختيار الخطأ وربنا يحفظنا جميعا ويرزق البنات المسلمة جميعا بالازواج الصالحة ويرزق الشباب المسلم جميعا بالزوجات الصالحات اامين

mousalima

06-01-2008, 12:32 AM

baraka lah fik ya akhi mustafa il hala2a gamila gidan chokran likol li5wa wil a5awat 3ala lkalam ilgamil

بسبوسة

06-01-2008, 02:02 AM

السلام عليكم
اشكرك جدا يا استاذ مصطفى بجد الحلقة جميلة جدا وجاية فى وقتها بالنسبة لى
بس انا عندى سؤال خاص بموضوع الصلاة اذا اتقدم عريس لى يعيش فى بلد اجنبى وعرفت انه لا يصلى
مش استهتار بالصلاة ولكن بسبب عدم استقراره وغير موجود ما ينصحه ويساعده خاصة ان احنا عارفين ان المادة غالبة على البلاد الاجنبية ونادر ما تلاقى شاب متدين
ازاى احدد ان هذا الشاب ممكن يكون فى امل منه للصلاة والتدين ؟ خاصة وانى سوف اعيش معه بالخارج فاتكلم معه ازاى ومن خلال رده اعرف ان كان فيه امل ام لا ؟
وجزاك الله خيرا

ahmed attia

06-01-2008, 02:49 AM

الحلقه كانت جميله جدا

و ممتازه ...جدا

princess of peace

06-01-2008, 03:45 AM

السلام عليكم ورحمة الله وبركاته
بسم الله والصلاة والسلام على رسول الله
ما شاء الله عليك استاذي مصطفى
استفدت كثيـــــــــــــــــــــــــــــــــــــــــــــــ ــــرا
يسلم كل من عمل لهذه الحلقة وغيرها
اعانك الله ورزقك الاخلاص ما حييت

princess of peace

06-01-2008, 03:46 AM

كان عندي رجاء
لو حضرتك تعمل حلقة عن من ليس له رغبة بالزواج
جزاك الله خيرا

princess of peace

06-01-2008, 04:09 AM

الاخت noona قصتك شدتني جدا
وكنت عاوزة اسأل حضرتك عملتي ايه معاه
فهمتيه ان كدة غلط ولا سيبتيه ولا ايه؟

انا اسفة ان كنت بتدخل
لو حضرتك مش حابة تحكي.. مفيش مشكلة

وربنا يبارك فيكي وفـ اهلك
رزقك الله الثبات ما حييتي, اختي
وجزاكي الله خيرا

المغربية

06-01-2008, 04:35 AM

السلام عليكم ورحمه الله وبركاته
استاذ مصطفي
ماشاء الله عليك
الحلقه اكتر من رااااااااااااااااااااااااااااااائعه
وكلنا استفذنا من كلامك جزاك الله خير

muslima_89

06-01-2008, 12:47 PM

السلام عليكم ورحمة الله

حلقة رائعة ما شاء الله بارك الله فيك ...

لكن للأسف في كتير مش بيبانوا إلا بعد الزواج ... عشان كدة بقى لازم نواظب على صلاة الإستخارة لانها مهمة جدا وندعي لو خير ربنا ييسره ولو شر ربنا يبعده

د.نهى

06-01-2008, 02:17 PM

عاشقة القرآن

06-01-2008, 02:32 PM

جزاك الله خيرا أستاذ مصطفى
فعلا أهم حاجة الدين
اللهم أرزق بنات المسلمين بالزوج الصالح وارزق شباب المسلمين بالزوجة الصالحة

أمة الله التائبة

06-01-2008, 08:14 PM

ربنا يباركككككككككككككككككككككككلك على الكلام اللي طلع من بقك ده.......والله استفدنا كتييييييييييير كتير....بس عنديييييييييي سؤاااااااااااااااااااااااااااااااااااااااااااااااا اااال...
انت قلت انو ممكن الشاب يختار بنت عندها ايمان وعوزه زقه علشان تصلي...
بس الشاب لو مكنش بيصلي انت قلت انو ترفض.....بس لو كان عاوز زقة برضوا؟؟؟؟؟؟؟؟؟

وفي كمان سؤال..
انا متقدملي شاب من عيلة كويسه
ويقدر يفتح بيت
ومتعلم ...عمل دكتوراه وبيستمر يعمل درجه اعلى
يعني شغله مضمون
وكل اهلة متدينين امه وابوه واخوتة بس هو مش بيصلي ولا يصوم
دي الحاجه الوحيده اللي نقصاه...بس هو متربي كويس جدااااااااااااااااااا وكريم وكله
بس مش بيصلي.....وسألته مره سؤال لو اختك جت وسألتك لو تتحجب
قلي لا مبحبش انها تتحجب؟؟
اعمل ايه؟؟؟ ابعد عنه ولا احاول انا اشده للدين...ولا اعمل ايه؟؟؟؟؟؟؟
السلام عليكم اختى الكريمة من البلد الحبيب فرج الله كربكم
ارجو منك انك تسمعى الحلقة مرة اخرى لان استاذ مصطفى لم يفرق بين شاب لا يصلى والبنت التى لا تصلى وقال ان كليهما مرفوض لانه فرط فى حق الله فهم يخشى منهم ولكنه قال على الذين يجدوا صعوبة فى القيام لصلاة الفجر هم دول اللى اتكلم عنهم انهم محتاجين زقة بارك الله فيكى اختى
فى حاجة كمان اختى اكرمك الله نفسى اقولها لك بس خيفة انك تزعلى منى بس انا هقولها مصداقا لقول الرسول صلى الله عليه وسلم "الدين النصيحة" بالنسبة للشخص اللى متقدم لك برضه هنرجع للحلقة فكرة مثال "الدين عامل زى الواحد واى حاجة جانبه تبقى صفر فلو ان واحد متدين ومعاة فلوس بقى عشرة ولوكمان معاه مركز اجتماعى بقى الف بس لو اتشال الواحد هيفضل اصفار" فخدى بالك وانت بتفكرى واسفة ان كنت ضايقتك
وارجو من الاخوة والاخوات ان يردوا غيبة الشيخ وان يصححوا الاخطاء ولا يمروا عليها مر الكرام حتى لا تاخذ ماخذ عليه وجزاكم الله خيرا
واللهم ارزقنا جميعا الجنة بغير حساب ولا سابقة عذاب اامين
وصلى اللهم وبارك على سيدنا محمد وعلى اله وصحبه وسلم .

marwa el desokey

06-01-2008, 08:53 PM

السلام عليكم و رحمه الله و بركاته
انا فعلا استفدت قوى من الحلقه ربنا يكرمك يا شيخ مصطفى و خصوصا موضوع زواج الصالونات انا كان رايى فيه يعنى كده
بس بجد اكتر حاجه عجبتنى ان الدين كأنه واحد صحيح و أى حاجه من غيره صفر
جزاك الله خيرا
و ربنا يكرمك يا نورى و يرزقك الزوج الصالح

Remooo

06-01-2008, 09:54 PM

فعلا الحلقة بجد أقل ما يقال عنها انها راااااائعة

كلام استاذ مصطفى رائع واسلوبه مقنع جداااااا

كل كلمة وكل نصيحة قالها فى الحلقة كانت مفيدة جدا

ربنا يجازيه كل خير عنّا جميعا ويجعله فى ميزان حسناته

وربنا يكرمه ويزيده علم يفيدنا جميعا بيه

وله منى كل الشكر والإحترام

حنان اسماعيل

06-01-2008, 10:04 PM

الحمدلله ربنا جعلك سبب فى تثبتى على الراى الصح لانى رفضت عريس عشان هش بيصلى وحصل مشاكل مع اهلى لان كانوا شايفينو كويس وكان الشيطان بدا يدخلى وحلقة جاءت فى الوقت المناسب ربنا يعزك

fatma nabih

06-01-2008, 11:32 PM

السلام عليكم ورحمه الله وبركاته انا مشفتش الحلقه بس الموضوع جميل شكرااااااااااااااااااااااااااااااااااااااا للاستاذ مصطفي حسني

بنت الجزائر

06-02-2008, 12:15 AM

الحلقه كانت جميله جدا واستفدت منها كتير
ربنا يجزيك كل خير يا استاذ مصطفى
ويارب يوفق الجميع فى الاختيار الصحيح

amira444

06-02-2008, 01:34 AM

السلام عليكم ورحمة الله
بجد اشكرك جزيل الشكر يا ا/ مصطفى البرنامج اكتر من رائع والحلقة تحفه ومهمة جدا.ربنا يجعلة في ميزان حسناتك و يجعلك مع ا/ عمرو خالد وا/معز مسعود وانتم تقودونا الى حوض النبي يفرح بنا ويدخلنا بجوارة في جنة الفردوس الاعلى.

ياريت تقول لنا الحلقة الجاية ان شاء الله:
1- ازاى نتخلص من الوساوس اللى بتخلينا طماعين وعايزين كل حاجه مثلا فى العريس طبعا لازم دينة و اخلاقة لكن برضو مركزة العلمى او مركزة ووضعه الاجتماعى والوساوس او خدع الشيطان اللى بتخلينا نفكر في نظرة الناس للعريس او مثلا اشتراط العروسه كون العريس ذو مستوى علمى متميز مثلا لكى لا يكون اقل من والدها كى يتربى ابنائها فى نفس المستوى.او اى مستوى اخر متميز كالمستوى المادى او.......الخ.

2- ياريت برضو تتحدث عن فكرة السفر مع الزوج في اول الحياة الزوجية الى الخارج و المخاوف من طبيعة فى دولة اخرى مع شخص الى حد ما غريب ولم نكتشف جميع جوانب شخصيتة و شكل انفعالاته .
او مثلا الخوف من السفر معاه ويكون متزوج هناك من سيدة اخرى او سكن الزوجية سئ او ........الخ
هل هي فعلا مخاطرة؟؟ ام افكار ومخاوف شيطانية ؟؟ وماذا نفعل لنتخلص من هذا الشيطان وافكارة السلبية؟؟

fleur dor

06-02-2008, 11:51 AM

السلام عليكم احبائى فى الله
اولا احب ان اشكر الاستاذ مصطفى حسنى على هذا البرنامج الرائع و لا ننسى كل العاملين فى البرنامج
ثانيا انى اؤيد الاخت فاطمة امة الله و لكنى اضيف عليها ان مشكلة عدم المسئولية تكون اكثر بكثير عند الشباب و ارجع ذللك للاهل طبعا لان المعروف فى المجتمع الشرقى ان لابد الاعتناء جيدا بتربية البنات و احاطتهم بقيود معينة و يكون عند معظم الاهل ان هدفهم فى ذلك كلام الناس و لذلك يطلقون العنان للشباب فى التصرف و الخروج كما يحلو لهم و لا يهتمون باعطائهم الدروس الدينية التى تزرع فيهم كل القيم و الاخلاق ومنهج الحياة الذى تركه لنا رسولنا الكريم صلى اله عليه و سلم.ارجو سماع اى رأى لا يتفق مع رايى و اسفة للاطالة.

little angel

06-02-2008, 03:26 PM

السلام عليكم ورحمة الله وبركاته:
الحلقه كانت متفصله علينا بالمقاس ومش لاقيه تعبير غير كده اقوله لان مصطفي اتكلم في كل اللي احنا بتسأل نفسنا فيه من غير ما نتكلم

اجمل حاجه مصطفي قالها ان الدين زي الواحد الصحيح والباقي كله اصفار ... كان تشبيه جميل وبليغ ومأثر فيا جدا .. ربنا يعينه ويجازيه عنا خير وان شاء الله نتابع بقية الحلقات

music.cairo

06-02-2008, 04:40 PM

بسم الله الرحمن الرحيم
الحلقه كانت جميله جدا جدا جدا
ربنا يفتح عليك يا استاذ مصطفى
انا عاوز اقول حاجه يمكن الاستاز مصطفى يقرأها او حد يوصلهالو
اي شخص فينا بيكون في حد أثر فيه او فتح عنيه على شئ مهم اوي
انت يا استاذ مصطفى واحد من الاشخاص اللي فتحو عنيا على حاجات انا مكنتش واخد بالي منها
ربنا يكرمك ويفتح عليك كمان وكمان
ان شاء الله تشوف الكلام دا
واتمنى اني اقدر اتكلم معاك وجها لوجه
شكرا

eman soliman

06-02-2008, 09:41 PM

الحلقة كانت رائعة جدا و عرفت منها كتير و استفدت منها جدا و وضحت لي مفاهيم و امور لم اكن اعلمها من قبل فبارك الله لنا فيك و اكثر من امثالك يا استاذ مصطفي ااااااااااااامين يا رب

هادية جبار

06-02-2008, 10:30 PM

السلام عليكم ورحمة الله وبركاته---الله يوفقك يا أستاذ مصطفى ---أنا دائما أقول أني لاأتقبل فكرة الزواج بواحد لا يصلي وكنت أتصور أني أزيد فيها ولكن لما سمعت قول الاستاذ عرفت أنو صح ،هل خطأ أن أقول ادعولي بالزواج وبالرجل الصالح -أرجوا الافادة-هل خطأ مني أن أشترط أن يكون لنا بيت لحالنا ؟وهذا لأسباب عدة ‘على فكرة أنا فرحة جدا لانضمامي اليكم والمشاركة معكم، أحبكم في الله ---

سنبلة الايمان

06-02-2008, 11:49 PM

:aaa0asmilies:
جزاك الله خيرا يا استاذ مصطفى على الحلقة التي كانت اكثر من رائعة بس ليه الاسئلة اللي الناس بعتينها في المنتدى محدش رد عليها لان في اسئلة منها كان نفسي اعرف الرد هيكون ايه؟؟؟؟
:jazak-allah:

هناء ابو احمد

06-03-2008, 12:03 AM

انا شفت الحلقه تاني وبجد مكنتش وخده بالي.. وبالنسبه للعريس انا فاتحته بالموضوع وبرضه رفض الفكره انو يصلي وراح لحال سبيله وربنا يهديه
وشكرا جدا لنصيحتك

فاطمه امة الله

06-03-2008, 01:01 AM

:015::015::015::015::015:

بارك الله فيك .. هو دا الكلام المضبوط دائما يعقلوا الموضوع في شماعة الظروف والماديات
والمشكله الكبري من الشباب نفسهم لو كل واحد يعرف بالضبط هو عايز ايه كان يريح اللي حواليه ويريح نفسه ويريح البنت كمان بدل ما يدخل ويخرج كاااام بيت ويتفرج وفي الاخر يقول مفيش نصيب
لااااااا ارجوك حدد موقفك عايز في عروستك ايه بالضبط ومدوخناش وزي ما بيقولوا صاحب بالين كذاب
يعني رتب اولوياتك وحددها وتوكل علي الله
علشان المشكله دي تتحل يجب علي الشباب ان يضعو في عين الاعتبار ان الموضوع جدي جدا مش يوم او اثنين دا عشره واولاد هتتربي بينهم

وجزاكم الله خيرا

اشكرك اختي الحبيبه علي ردك لي

وانا متفقه مع حضرتك ان الشباب دلوقتي بيدخلوا البيوت علشان يتفرجوا

لكن مش محددين حتي هما هدفهم ايه من الزواج

وفي ناس كتير تمتلك الماديات لكنها مش بتتزوج

يعني المفروض نناقش نقطه تانيه غير الماديات

السلام عليكم ورحمة الله وبركاته
احب ان اشارك فى ابداء تجربتى الشخصية فى هذا الموضوع
انا فتاة الحمدالله ملتزمة دينيا واخلاقيا وتعرفت على خطيبى بلصدفة لما كنت مع الجامعة فى رحلة خارج مصر المهم فاتح والده فى الموضوع لكى يخطبنى لكن والده مانع لاننى اكبر منه بحوالى سنتين وكمان علشان انا ووالدى مش عندنا عربية ولكن انا والحمد الله مبسوطين ماديا المهم ان الولد كويس جدا بس انا عائلتى اجتماعيا اكبر من ناحيت ان كلهم مراكز ومتعلمين ولكن اهله مفيش غير باباه وماماته الى متعلمين فى عليتهم وعلى الرغم من ذلك ابى وافق وقال انا بشترى راجل المهم الولد وابوه وامه بس فى حاجات قلقانى لانى انا ملتزمة شوية الحمد الله بلبس طويل وبصلى الفجر والفروض والسنن ولكن هو الحمد الله بيصلى بس بيقعد يعلق على لبسى كتير يقولى خليكى روشة وساعات بنتاخنق علشان لما بيحاول يمسك ايدى بقله حرام فيقولى انا خايف ان الدين ياخدك من الدنيا

اسمحيلي اختي ان اتدخل في الموضوع

براي المتواضع واقول لكي انك لا تاخذي الشخص بمفرده ولكن تاخذي شخص واسره

هل الاسره دي تستطيع ان تربي اولادك تربيه حسنه كما تريدين

عايزه اوصل لنقطة ان مش الزوج لوحده هو اللي بيربي او الزوجه لوحدها

لكن الاسرتين كمان بيربوا مع بعض

واسفه جدا لتدخلي وفقكي الله ويسر لكي الحال

السلام عليكم احبائى فى الله
اولا احب ان اشكر الاستاذ مصطفى حسنى على هذا البرنامج الرائع و لا ننسى كل العاملين فى البرنامج
ثانيا انى اؤيد الاخت فاطمة امة الله و لكنى اضيف عليها ان مشكلة عدم المسئولية تكون اكثر بكثير عند الشباب و ارجع ذللك للاهل طبعا لان المعروف فى المجتمع الشرقى ان لابد الاعتناء جيدا بتربية البنات و احاطتهم بقيود معينة و يكون عند معظم الاهل ان هدفهم فى ذلك كلام الناس و لذلك يطلقون العنان للشباب فى التصرف و الخروج كما يحلو لهم و لا يهتمون باعطائهم الدروس الدينية التى تزرع فيهم كل القيم و الاخلاق ومنهج الحياة الذى تركه لنا رسولنا الكريم صلى اله عليه و سلم.ارجو سماع اى رأى لا يتفق مع رايى و اسفة للاطالة.

طب لو كان يتفق بلاش اكتبه :icon_razz:

انا متفقه معاكي اختي ان عدم تحمل المسئوليه بيكون من الطرفين

سواء الزوجه او الزوج

وعدم تحمل المسئوليه من الزوج مشكله لان الزوجه بتحس انها

عايشه لوحدها هي اللي بتعمل كل حاجه وهو عايش لوحده

واشكرك اختي علي اتفاقك الراي معي

انا شفت الحلقه تاني وبجد مكنتش وخده بالي.. وبالنسبه للعريس انا فاتحته بالموضوع وبرضه رفض الفكره انو يصلي وراح لحال سبيله

ربنا يرزقك بالزوج الصالح

فاطمه امة الله

06-03-2008, 01:17 AM

السلام عليكم ورحمة الله وبركاته

استاذ مصطفي جزاك الله الف خير استفدت من حضرتك كثيرا

واتمني ان ترد علي حضرتك لكن من خلال البرنامج لاستفادة الجميع

ساعات لما عريس يتقدم واقول مفيش نصيب علشان مثلا تدينه مش زي او اي سبب اخر

اجد من يقول لي ان بتفتري وربنا هايحاسبك يوم القيامه

طب امتي نعرف ان ده افتري وامتي نعرف ان ده حقنا؟؟

العريس الكذاب واسفه لهذه الكلمه كيف نكتشف انه كاذب

المتشدد ، البخيل كيف نعرف انه بخيل

اكيد في حاجات كتير عايزين نعرفها بس ده اللي فاكراه دلوقتي ههههههههههه

أمة الله التائبة

06-03-2008, 02:14 AM

انا شفت الحلقه تاني وبجد مكنتش وخده بالي.. وبالنسبه للعريس انا فاتحته بالموضوع وبرضه رفض الفكره انو يصلي وراح لحال سبيله وربنا يهديه
وشكرا جدا لنصيحتك
اللهم اهدى جميع من شرد عن طريقك وعن الفطرة السليمة
ربنا يعوضك بخير منه وانتظرى من الله الخير لانك تركته علشان هيبعدك عن ربنا فاكيد ربنا هيعوضك باحسن منه
اللهم ارزقنا الازواج الصالحين الذين ياخذوا بايدينا الى الله وجنة الخلد
واللهم ارزقنا الجنة بغير حساب ولا سابقة عذاب اامين
وصلى اللهم وبارك على سيدنا محمد وعلى اله وصحبه وسلم

ayarizk

06-03-2008, 02:08 PM

السلام عليكم الحلقه كانت جميله جدا ماشاء الله ،ربنا يكرمك يااستاذ مصطفي
انا كنت عايزه اعرف حدود الكلام في التليفون مع الطرف التاني ،وكمان لو العريس اللي جاي ده لو سالته علي اي حاجه مثلا علي الصلاه ،ماهو هيجاوب بس اعرف من فين انه صادق ولالا ماممكن يكون مش بيقول الحقيقه،هاعرف ازاي بقي؟
ربنا يجزيك خير يااستاذ مصطفي

زرقاء اليمامة

06-04-2008, 04:27 PM

ما شاء الله عليك يا استاد مصطفى و الله يجزاك خير الجزاء مناقشتك لموضوع الزواج رائعة جدا وكنت عايزة اسال سؤال لو متلا اتقدم للبنت واحد يعني متدين و بيصلي بس عند مشكلة في غض البصر ايه الحل

روح الاسلام

06-04-2008, 05:23 PM

حلقة جميلة جداااااا واستفدت منها كتير الحمد لله وربنا يجزيه خيرا

حياه بلا تدخين

06-04-2008, 07:06 PM

شاركنا ...
قول كلمه حق...
قول للدخان لأ

http://img152.imageshack.us/img152/7343/picture107qd8.jpg

أنتظرونى
أن شاء الله تعالى قريبا على الموقع
مع فريق حياه بلا تدخين
http://www.mustafahosny.com/mh/library/logo.jpg

نور الهدى24

06-04-2008, 10:47 PM

السلام عليكم ورحمة الله تعالى وبركاته
جزاك الله ألف خير يا أستاذنا الفاضل ، على مجهوداتك الجبارة التي تقوم بها من اجل حماية الشباب من نزوات الدنيا ، وتوضيح المعلومات الخاطئة التي يتمسك بها.على العموم كل المواضيع التي ناقشها الاستاذ مصطفى حسني رائعة وبالاخص هذا الأخير الذي يضع اسس لاقتناء شريك الحياة صح. كانت حلقة قمة في الروعة ،وانا عن نفسي استفدت منها كثيرا، وتعلمت حاجات أكثر.
اتمنى لو كل الشباب المقبل عن الزواج ان يتمسك بما قاله الأستاذ الفاضل،وان شاء الله راح يوفق في اختياره.الله يستر علينا يا رب. وجزاك الله خيرا يا أستاذنا وجعل اعمالك في ميزان حسناتك يا رب
قولوا آمين.

نور الهدى24

06-04-2008, 10:56 PM

ان شاء الله راح نكون في الموعد ، وهذا واجبنا حتى نحمي اخواننا المتدخنين من هذا السم القاتل.وليتذكر كل انسان متدخن انه يرمي بنفسه للتهلكة ، بغض النظر عن الأضرار التي يلحق بها من بحوله.

الله يرفع مقدارك يا أستاذ يا رب وجعلك من أهل الجنة ،آمين يا رب العالمين.

شاركنا ...
قول كلمه حق...
قول للدخان لأ

http://img152.imageshack.us/img152/7343/picture107qd8.jpg

أنتظرونى
أن شاء الله تعالى قريبا على الموقع
مع فريق حياه بلا تدخين
http://www.mustafahosny.com/mh/library/logo.jpg

Marwa Yassin

06-05-2008, 02:13 AM

يااااااااااااااااااارب يجازيك خيرياأستاذنا..
و يوفقك ويرعاك ويبارك لك فى اولادك وصحتك ووقتك..
ان شاء الله.
الحلقة كالعادة ما شاء الله جميلة جداااااااااااا..
و اهم حاجة فعلا اكتشفتها ان العريس او العروسة اللى مش بيصلى
مش حاينفع خااااااااااااااااالص ولا حتى بعد مناقشات, لانه لا يقوم
ببدايات الدين, فما بالنا بما خفى.. !!

marwa_rm

06-05-2008, 08:53 PM

السلام عليكم ورحمة الله وبركاته
ربنا يجزيك خير الجزاء ياأستاذ مصطفى ويكرمك ياأستاذة ناريمان ويبارك للقائمين على المنتدى والله كانت حلقة جميلة جدآ وكانت أكثر من رائعة واستفدت منها كتييير والحمد لله وربنا يجعلكم دائمآ فى خدمة الاسلام :af7a:
وصلى اللهم وسلم وبارك على سيد الخلق أجمعين سيدنا محمد صلى الله عليه وسلم

حياه بلا تدخين

06-05-2008, 09:35 PM

http://img362.imageshack.us/img362/2451/picture232aq9.jpg

أنتظرونى
أن شاء الله تعالى قريبا على الموقع
مع فريق حياه بلا تدخين
http://www.mustafahosny.com/mh/library/logo.jpg

http://www.mustafahosny.com/forum/showthread.php?t=11137&page=31

ندى الليالى

06-05-2008, 10:24 PM

السلام عليكم و رحمه الله و بركاته

اولا احب اهنيك على الحلقه يااستاذ مصطفى
كانت فى منتهى الروعه
و استفادنا منها جدا
ربنا يكرمك يارب و جعله الله فى ميزان حسناتك
اللهم آمين يارب العالمين
ثانيا ياريت حضرتك ترد على اخواتى فى اسئلتهم لكى يستفيد الكل
و كان عندى سؤال لحضرتك فى موضوع اختيار شريك او شريكه الحياه
طبعا حضرتك حددت الحلقه الماضيه المعايير اللى على اساسها يتم الاختيار
طيب لو العريس اللى بيتقدم للبنت بيكون علشان هدف معين
علشان ممكن اهلها يكونوا عندهم شقه فبيكون باصص على الشقه
و عاوز يتجوز فى الشقه اللى عندها دى لانه مش باستطاعته انه يجيب شقه او ياجر
و متستغربش لان فيه شباب كده انا عن نفسى شفت كده
و لو مثلا الشاب اللى بيتقدم للبنت بيشترط انها لازم تكون بتشتغل او تكون موظفه
بيتقدم علشان شغلها بس
انا معرفش ليه الماديه دى
بس هوا فيه كتير ممكن يرضوا على نفسهم كده
و بيقولوها بمنتهى الصراحه و بدون احراج
ايه راى حضرتك فى العريس اللى بالطريقه دى
انا عارفه ان ممكن البنت تكون بتشتغل على سبيل المساعده فى بناء البيت
بس صعب ان بنت تقبل بكده و هيا عارفه ان ده شرطه فى الجواز بيها
او السبب اللى جعله يتقدم ليها و يريد الزواج بها
ياريت اسمع راى حضرتك فى النقطتين دول
و لو كان فى البرنامج يبقى افضل لكى يستفيد الجميع

و السلام عليكم ورحمه الله و بركاته

فاطمة الباقر

06-06-2008, 12:06 AM

السلام عليكم ورحمة الله وبركاته

جزاك الله كل الخير ا/ مصطفى
وجعله في ميزان حسناتك باذن الله

الحلقة ما شاء الله جميلة وممتعة ..واوضحت لنا الكثير من الاسس

عن تجربة شخصية .....كانت تجربة خطوبة انتهت بما لم اكن اتوقعه على الاطلاق
فخطيبي هذا كنت احس انه مناسب جدااااااااااااااااااااا ومتوافق معى جدااااااااااااااااااااااااا
وفجأة وبدون اي مقدمات انهي هو الموضوع واتفسخت الخطوبة ...والي الان لم اعرف الاسباب

هو كان الحمد لله على قدر كبير من الالتزام والتدين ......وكنت شايفه فيه زوج صالح ومناسب

اتوقع ان خجلى وكسوفي الدائم من الحديث معه اتفهم على انه ضعف شخصية ....
فلم تدم خطوبتنا الا شهرين ....

يمكن مش هقدر اشرح القصة كلها والاحداث بتفاصيلها
لكن بتمني ان حضرتك توجه كلام للشاب وللبنت وهي التأني .....تأنى اولا في الاختيار ومن ثم في التعامل وفي الحكم على الشخصية ......واكيد ده بيبان من كثرة المواقف والتعاملات...
فمن حق الشباب انه يرفض ومن حق البنات انها ترفض ...لكن لازم الرفض يكون على اساس واسباب واضحة ومقنعة
ومش يكون اللعب بالعواطف والمشاعر هكذا ....

بتمني طبعا الخير لكل شباب وبنات المسلمين
اللهم ارزق شباب المسلمين زوجات صالحات
وارزق بنات المسلمين ازواجا صالحين

وفقك الله لكل ما يحبه ويرضاه اخي الكريم مصطفي

في حفظ الله..

ربيحة

06-06-2008, 02:06 AM

يا رب يوفقك الى المزيد ونصرة الاسلام.:036:
يا ريت توصي المسلمين الرجال بعدم الكدب على شريكة حياتهم لان الكدب يؤدي الى فقد الثقة وطريق ما لها:marsa22: نهاية
عندي سؤال انا في منصب قاضية و القانون يخولي ان اعقد قران رجل وامرأة هل هادا جائز شرعا يا ريت ترد عليا وادعوا لي بزواج قريب لاني مخطوبة وربي يحفظ خطيبي
شكرا يا ريت ترد عليا في email :rebiha_b**********

ربيحة

06-06-2008, 02:11 AM

اهنئ كل المسلمين بشبابنا الواعد و نرفع ايدينا لله عزوجل واحنا بليلة الجمعة المباركة ينصر السلمين ويوفقنا الى صلاح ديننا اهنئ واعتز بالاستاد مصطفى كونه مسلم يشرف المسلمين ورمز شبابنا المسلم ربي يحفظك ويخليك في خدمة الدين:icon_razz:
شكرا لاعضاء والمشرفين على المنتدى الرائع والهادف

الطيبة

06-06-2008, 02:27 AM

اخى فى الله الاستاذ مصطفى وفقك الله و جعل عملك فى ميزان حسناتك و لكن عندى سؤال هل اقبل انسان بيصلى بس فى البيت و هل اقبل انسان بيسمع اغانى و يشاهد الافلام مش عارفه ليه بحس ان الموضوع صعب لاننى لا اشاهد هذا الفسق الذى يدمر العقل و يملىء القلب بشهوات فانيه من فضلك عرفنى رايك

ayarizk

06-06-2008, 02:29 AM

السلام عليكم ،لوسمحت يااستاذ مصطفي تجاوب علي السوال ده عشان في بنات كتير بتفكر فيه
لو انا كنت عارفه واحد بس الحمد لله قطعت كل علاقات الصحوبيه واستغفرت ربنا ومابقتش اكلم حد خالص وبقيت اتقي ربنا ،لما بقي يجي يتقدملي واحد وسالني انتي كنتي عارفه حد قبليه اقوله ايه؟
والكل عارف ان لو واحد متدين اتقدم لبنت وسألها السوال ده وقلتله ايوه كنت عارفه حد قبليك هيعمل ايه
يارب تجاوب علي السوال ده وربنا يكرمك ويجزيك كل خير

درة الكون

06-06-2008, 01:55 PM

السلام عليكم و رحمة الله و بركاته
الحلقة كانت رائعة و جزاك الله خيرا
و ياريت توضح لنا ازاى نعرف إذا كان بخيل و لا لأ

درة الكون

06-06-2008, 02:03 PM

أريد من سيادتكم توضيح آداب الخطبة و العقد

بثينه

06-07-2008, 05:46 AM

ربنا يجزيك كل خير. ويارب يجعله فى ميزان حسناتك .وفى ميزان القائمين على البرنامج. لانه بجد برنامج اكتر من رائع. وحلقاته بنستفيد منها.ربنا يثبتك ويزيدك من علمه.عندى سؤال ياريت حضرتك تجاوب عليه فى الحلقه القادمه.وهو ان فى مواقع زواج على النت هل المواقع دى صح .ارجو ان تجاوب على سؤالى.

صيدلى مسلم

06-07-2008, 06:38 AM

السلام عليكم ورحمة الله وبركاته

الحلقة الحمد لله بينت لى او طمنتنى على رفضى لعريس كان تقدم لى لانه رغم انه ذا دين وخلق الا انه ليس من نفس المستوى الاجتماعى فالحمد لله انى لم اظلمه ولم اشع الفتنة فى الارض والحمد لله انى استخير الله دائما .
الا انى عندى موقف اتحطيت فيه وبتهيئلى انى اتصرفت صح الا انى عوتبت بعد ذلك
الموقف انى فى مرة كنت بحضر محاضرة تبع النقابة بتعتى وبعد ما خرجت ونزلت اركب المترو لاقيت اوبمعنى اصح سمعت واحد بيقول السلام عليكم وانا كنت ساعتها عند المكن بتاع التعدية المهم انى ردت السلام ومشيت
وبعدها وجدت شخص بيكلمنى وبيقولى انا مش قولت لك السلام عليكم ازاى مترديش عليا.

قلت له انا اسفة انا رديت السلام

قال لى انا مسمعتكيش وانا اسف ممكن اسالك سؤال

قلت له تفضل قال لى انت فى نقابة ......

قلت له نعم هو حضرتك كنت فى المحاضرة

قال لى لا ولكنى شفتك واعجبت بيكى وحسيت انك انسانة ملتزمة وعايز اتقدم لكى وعايزاتكلم معاكى

انا وشى جاب الوان واتحرجت جدا من الموقف وردت عليه وقلت له هى ده طريقة تكلم بيها
واحدة ملتزمة

قال لى انا قاصد خير وتكلم عن نفسه وانا بصراحة مخى اتشل مش عارفة اعمل ايه وفى الاخر قال لى انا عايز رقم موبيلك علشان اتعرف عليكى قبل ما ااجى اتقدم لك

وهنا الدم طلع فى نفوخى وقلت له وساعتها هفرق ايه عن واحدة اصطدتها او التقطها من الشارع

زعل وقال لى انا عايز بس اتعرف عليكى قبل ما ادخل البيت علشان ابقى متاكد وصدقينى انا صادق

قلت له انا اسفة انا لا اخون اسرتى عايز تتقدم ساعطيك رقم اخويا والا فلا

قال خلاص انامقدرش اتقدم لواحدة معرفهاش

قلت له وانا لا اتكلم مع احد لا تربطنى به اى صلة

ارجو انك تناقش انه مينفعش الراجل ياتى ويكلم البنت وانه لازم يكلم اهلها
اللهم ارزقنا الجنة بغير حساب ولا سابقة عذاب اامين
وصلى اللهم وبارك على سيدنا محمد وعلى اله وصحبة وسلم.

السلام عليكم ورحمة الله وبركاته
بارك الله فى اخينا الفاضل مصطفى حسنى
وهدانا الله جميعا الى ما يحبه ويرضاه. ارى ان تصرفك فى هذا الموقف اختى الفاضلة انه عين الصح وانه سليم مية فى المية . وان كان هذا الشاب ملتزم وعلى خلق كان يكفيه ان يعرف اسمك فقط ويرجع الى النقابة ومنها يعرف معلومات عن مكان بيتك ويذهب مباشرة الى البيت (تؤتى البيوت من ابوابها) مش علشان واحد يخطب واحدة هيصحابها شوية وبعدين يفكر ..........اللهم ارزقنا جميعا بالخير اينما يكون

صيدلى مسلم

06-07-2008, 07:10 AM

السلام عليكم جميعا....حلقة اختيار شريك الحياة فعلا جت فى وقتها...بس حيرتنى اكتر وحاولت اتصل بالبرنامج بس كان مشغوووول دايما...دلوقتى لو فيه انسان ملتزم وبيصلى فى المسجد وبيحفظ قرآن بس المشكلة انه مستواه الاجتماعى اقل منى ومن اهلى...مش باقصد المستوى المادى يعنى هو مثلا ابن واحد حرفى وانا دكتورة و بنت رجل ذو مكانة مرموقة...فهل الفرق الكبير دة مش هيسبب مشاكل بعد كدة فى التعاملات وتربية الاولاد؟؟؟
استاذ مصطفى قال ان التكافؤ الاجتماعى مهم...بس هل ممكن الانسان يتغير للاحسن او يتطبع بطباع الاخر...اصلى مالاقيتش التدين دة فى اى حد قبل كدة...ومش عارفة ارفضه ولا ايه؟؟؟
ارجووووكم ردوا على بسرررررعة لانى مابانامش..........
وجزاكم الله خيرا
السلام عليكم ورحمة الله وبركاته
اسمحى لى اختى الفاضلة ان اقول رايى فى موضوعك
اعتقد انه اذا كان هذا الشخص مستواه المادى كويس ومستواه التعليمى فى نفس مستواكى اى انه دكتور زيك اى انه ليس اقل منك فى المستوى التعليمى فهذا يرفع من مستواه الاجتماعى بالنسبة اليكى بغض النظر عن مهنة والده . مع ملاحظة ان راى الاباء لابد ان ناخذ به بمعنى اذا توفرت هذه الشروط فى هذا الشخص ولكن والد حضرتك رفض لان والده حرفى وهو مركزه مرموق فلابد من طاعة والدك لانه اكيد ذو خبرة اكثر واكثر بكثير منك .....ووفقك الله الى الخير .

ظاظو

06-07-2008, 07:56 AM

الحلقة أكثر من رائعة بس نفسى حضرتك توجه كلمة للاباء الذين يرفضوا شباب على دين وخلق ومستقبل واعد لأسباب واهية مثلا(شكل العريس مش حلو)-(أهله مش مستوى أو مش class..من منظورهم هم)وينسوا أننا أمانة فى أيديهم وسيسألوا عنا أمام الله

88shemo

06-07-2008, 09:55 PM

انا متابعاك على طول يا استاذ مصطفى وبصراحة سلسلة الجواز دى تحفة بجد ربنا يكرمك عايزة حضرتك برضة تتكلم عن الافراح والمساوئ اللى بتحصل فيها وتتكلم برضة عن الفرح الاسلامى وياريت برضة تقولنا خبرتك الشخصية فى اعداد فرح حضرتك وعملته ازاى
جزاك الله خيرا

روانا

06-11-2008, 02:40 PM

اشكر الأستاذ مصطفى و منها للأعلى انشالله, و اشكر الأخت ناريمان(اسمك رائع) و الله يوفقك و يوفق كل شباب و بنات المسلمين و يصلح أسرنا و بيوتنا و يرزق الأمة الخير.و عجبتني فكرة السواقة و اثرها بشخصية الشاب. و الف شكر:marsa159:

ساندى

06-13-2008, 08:55 PM

انا كمان عايزه اشكر استاذ مصطفى فعلا على المجهود الرائع الى بيبذلو عشان يخرج لينا الحلقه بالشكل الجميل دا بصراحه كل الحلقات روعه بس الحلقه دى بذات كان دمها خفيف اوى
ربنا يكرم حضرتك ويباركلك

marwa87

06-15-2008, 09:52 PM

السلام عليكم ورحمة الله وبركاته
الله اكبر وماشاء الله الحلقة كانت رائعة واقول لاستاذ مصطفى جزاك الله كل خير واعزك فى الدنيا والاخرة ويارب يرزقنا الزوج الصالح وبجد بسم الله ما شاء الله كل حاجه عايزة اعرفها كانت فى الحلقة اختيار العريس ازاى اعرف منين انه انسان محترم الحلقة كانت جميله جزاك الله خير

روفيدة سعد

06-18-2008, 06:36 PM

الحلقة جميلة جداااا وجزاك الله خيراااااا 00000 يا استاذ مصطفى 0

mus3ab

06-19-2008, 05:45 AM

بجد موضوع جميل

شكرا

Sultan

06-21-2008, 08:04 PM

Thank you for all your hard work,
but i hope you can say something about this:
some families reject young men that have ALL the criteria needed but the only problem would be that the bride is older than the groom... sometimes the difference is only a few months and yet the family of the bride would still reject... How does Shari3a respond to this attitude ?
JAKK
(i'm sorry but typing in arabic would consume alot of time , it has nothing to do with not being proud of my heritage :icon_razz:)

moushira

06-21-2008, 08:22 PM

ربنا يوفق الاستاذ مصطفى ويجعله فى ميزان حسناته:marsa101:

dawawin31

06-23-2008, 09:55 AM

السلام عليكم ورحمته وبركاته
اولا جزاك الله عنا كل خير وفتح عليك وبارك لك ولكل من ساهم في توصيل هذه الحلقة
ثانيا اريد ان اقول فقط هذة القصة ان هناك فتاة من عائلة محافظة ولله الحمد تقدم لها شخص من عائلة كبيرة ودخله جيد وبيده صنعة سالو اهلها عنهمن المنزل للعمل وبالعكس سالو عن العائلة عائلة راقية ومحترمة وكبيرة سالو اهله عن صلاته فقالو ما شاء الله عليه وهي كانت يتيمة الاب وهو كذلك فصلت الاستخارة فتيسرت الامور بسرعة
وكتب الكتاب وفي فترة الخطوبة لم يكن يتحدث كثيرا واهلها كانو يجلسون معها ولم يكن يحضر كثيرا عندها بل كان مقل
وقالو ان معه شهادة الثانوية ولم يكمل ودخل في مجال صنعته وفي تلك الفترة الفتاه كانت تصلي الاستخارة دائما لانها غير مرتاحة ولكن كلما صلتها تفتح ابواب التيسير
وبعد زواجها اكتشفت انه لا يحفظ من القران غير سورة الفاتحة والاخلاص وسورة الناس لا يحفظها جيدا لا يستطيع القرائة والكتابة الا بصعوبة فائقة لا يخاف الله لسانه غير نظيف حتى انه يكفر يكذب كثيرا حتى انه يحلف على المصحف كذب لا يغار على عرضه وكان بخيلا جدا جدا واسم العائلة التي ينتمي اليها كان ابوه قد غيره ليكبروفي المجتمع وبالطبع الفتاة تطلقت بعد ان تنازلت عن حقوقها وحقوق ولدها الذي كانت ستخسره وهي تسحب وتحر كالدابة الى الشارع بشعرها وترمى امام عيون الجيران واخيها وبعد ان اتهمها زوجها هي واخيها بالسرقةوتجر الى المحاكم والشرطة وهي حامل وبعد كل هذا طلب منها ان تعود لهبعد ان اخذ حتى مهرها واكثر وعندما ظهرت برائتها في المحكمة التي دامت منذ حملها بالشهر التاسع الى ان اصبح عمر ولدها 10شهور قال لها ولاخوها(مبروك البرائة)
لكن هذه القصة عليها اسئلة
من ليس لها اخوان حولها لانهم مغتربون كيف تسال عن شريكها
من تسال عن صلاته وبخله وتعامله مع اهله اذا كان اهله نفسهم يمدحون به
من تسال عن الفاظه وطباعه في عمله ان كانو اصحابه مثله
ثالثا اردت ان اقول لو اننا نضع كلام حبيبنا رسو الله صلى الله عليه وسلم ان حب لاخيك ما تحبه لنفسك لكنا بحال افضل بكثير
رابعا اهدي سلامي لجميع القائمين على هذا البرنامج الرائع والمسلمين في كل مكان
والسلام ختام

دينا ابو بكر محمد

06-30-2008, 01:40 AM

حاولت اكون ايجابية يوم خطوبتى هاجمتنى الناس وقالولى انتى مش فرحانة

مروة

07-04-2008, 06:17 PM

سلام عليكم ورحمة الله وبركاتة
يارب كلكم تكونوا بخير ان شاء الله
عايزة اعرف حلقات خدعوك فقالو موجودة فى المنتدى هنا صوتيات ولا لاء ؟؟
لان للاسف قناة اقرا بثها مش متوفر عندى
ياربت تفيدونى وجزاكم الله خير الجزاء ويارك فيكم جميعا

dr_simsim

07-21-2008, 11:56 AM

السلام عليكم ورحمة الله وبركاته
اولا انا باشكر حضرتك جدا على الجلقه دي وفعلا هي جايه في وقتها انا كمان كنت بارفض ناس على اساس مادى يعنى الشقه والشبكه بس هو ده الوضع الاجتماعي اللى كنت انا فاهمه انه صح وجيت حضرتك صلحتلى اللبس ده
بدون ما اطيل عليكم يا اخوتى وياريت اللى يقرا رسالتى دى يفيدنى ويقوللى رايه لانى بجد في حيره فظيعه تقريبا مش عارفه اركز في حاجه لان خايفه ارفضه يبقي حرام عليا الموضوع باختصار ان احنا اصلا زملا في الماسترز ونعرف بعض معرفه سطحيه جدا يعنى مااقدرش ادي راي فيه الا اذا قعدت معاه المهم انه حصل بعد ما والدى قعد معاه وعجبه الشحصيه وقاللى انه طيب وابن حلال قلت خير بس المشكله انه عايش في الارياف وعايزنى اروج معاه في الاول انا رفضت بشده بس لما راجعت نفسي لقيت ان ظروف الشباب صعبه اوى انى اطلب منه انه يسيب البيت التمليك ويجي علشان خاطري يجيب شقه ايجار فقلت اقعد معاه واتعرف عليه و واحاول اشوف هو ده الانسان المناسب دينيا وخلقيا ولا لا ايه على الاساس ده اقدر احدد واقررر صح قرار ما اندمش عليه وقد كانت الصدمه كل ما اسئله سؤال الاقيه خايف يرد لمده ثلاث ارباع الساعه واحنا بالطريقه دي مع العلم اننا كنا في النادي وقاعدين على تربيزه مش بعيده اوي عن اهله المهم بطبعى العصبي مقدرتش اصبر عليه اكثر من كده رحت سالته انت جاى ليه النهارده ؟؟؟؟؟؟؟؟؟؟؟؟؟ قاللى انا جاي علشان اشوف طلباتك استفزنى جدا مش عارفه اعمل ايه حاسه انه مش عايز يتكلم او بيتكلم في حدود ضيقه اوي معلوماته عن الدين تكاد تكون ضعيفه اوي مش عارفه خايف منى ليه مع انى والله بشوشه وبحب الناس كلها وبتعامل بتلقائيه مش بحدة

السؤال اللى تعاعبنى لما انت مش ادى واد الكلام معايه عايز تتجوزنى ليه علشان تخنقنى ولاايه ممكن يكون ده بسبب امه معجب بيه من سنتين فاتوا
ياريت يا استذ مصطفي توجه الشباب لحاجه مهمه اوي انها بتفرق جامد مع البنت اللقاءات الاولى والبنت مش عايزه من الولد غير انه يحسسها بالامان معاه وياريت كمان لو تدينى رايك في الموضوع ده انا واخده حضرتك قدوه ومثل اعلى ونفسي اتجوز حد في على الاقل حبك للدين والدنيا مع بعض وجزاكم الله خير

alsuha

07-21-2008, 06:16 PM

عن تجربة

بسم الله الرحمن الرحيم

السلام عليكم ورحمة الله وبركاته

(رب اشرح لي صدري ويسر لي أمري واحلل عقدة من لساني يفقهوا قولي)

مع انني حزنت جدا لأن حلقة اليوم كانت اعادة لكني استفدت من هذه الحلقة جدا

ليس لي ولكن لأنصح اخواتي وصديقاتي ومع اعرف بما جاء في الحلقة مع انني كنت احتاج هذه الحلقة لنفسي قبل 6 سنوات

فقد تقدم لي عريس ووافقت عليه قبل 6 سنوات، لم انتبه لكثير من نقاط أشرت أنت اليها في شروط اختيار العريس المناسب ولذلك كان مصير هذا الزواج ليس الطلاق بل الخلع

فمن كنت قد ارتبطت به ظهر حبه لأهله ولكن فعلا معاملته كانت جافة وقاسية احيانا على اخواته وهذا ما كان معي ايضا

وعندما ذكرت (سواقة السيارة جلست اضحك واضحك) لأنك فعلا ذكرتي بسواقته للسيارة وماذا كانت يقول عندما كان يسوق ويعصب

وأما عمله الثابت فقلت في نفسي (سبحان الله) كيف لم افكر في هذا ؟؟؟؟ فقد كان لا يثبت في عمل (اقصى حد هو شهر) ولا يثبت في عمل لعدم حبه للالتزام والارتباط في مكان معين وزمن معين

فعلا كل النقاط التي اشرت إليها هو المنظار الذي تحتاج إليه كل فتاة لكي تعلم أن الرجل الذي سترتبط به هو رجل جيد أم سيء في المعاملة وكل شيء......

جزاك الله خير الجزاء على ماتقدمه للاسلام

وسؤالي هل لديك افكار سريعة لخدمة الاسلام على النت بشكل فعال وسريع