بجد يا جماعه معاد البرنامج (خدعوك فقالوا) لازم يتغير...(انتوا ايه رأيكم؟؟؟)

[ahmed attia]

السلام عليكم ... بسم الله و الصلاه و السلام على رسول الله

مبدأئيا يا جماعه هذه الرساله ما هى الا نصيحه لأخ غالى جدا و (ا/مصطفى حسنى) و اغلى اعضاء و اخوه و هم اعضاء هذا المنتدى الجميل

الموضوع بأختصار يا جماعه هو موعد برنامج (خدعوك فقالو ) .... يا جماعه مينفعش ابدا ابدا نكون مسلمين و البرنامج فيه ما فيه من الخير و الحض على اتباع سنه النبى و يكون موعد البرنامج هو نفسه موعد صلاه العشاء ... حتى انى لم استطيع مشاهده البرنامج لمرتين او تلات مرات متتاليه بسبب انى اعود من المسجد على حدود الساعه 9:30 او 9:45...و بالطبع يكون فات اكثر من نصف البرنامج ... و للأسف الأعاده تكون فى موعد متاخر و اعاده يوم السبت غالا ما نكون فى امتحانات او فى العمل ... يا استاذ مصطفى و الله انى احبك فى الله و ارجوا الا تضيع هذا العمل العظيم و هو هذا البرنامج الذى قيه من تصحيح المفاهيم و الخير ما فيه .. بسبب انشغال الناس عن الصلاه .. و و الله كثيرا ما تم تعديل الكثير من مواعيد البرامج فى القنوات الأخرى كقناه الرحمه فقد قام المسؤلين بتعديل البرامج لموعد لا يتعارض مع موعد الصلاه و الأمر مش هيكون كتير و الله فالأمر قد يتطلب التأخير لمده 20 دقيقه مش اكتر ... المهم اتمنى ان تعرض هذا الأمر على اداره القناه و ان شاء الله و فضله ستستجيب .. و جزاك الله خير و انى و الله احبك فى الله

[Nariman Nagui]

السلام عليكم ... بسم الله و الصلاه و السلام على رسول الله


مبدأئيا يا جماعه هذه الرساله ما هى الا نصيحه لأخ غالى جدا و (ا/مصطفى حسنى) و اغلى اعضاء و اخوه و هم اعضاء هذا المنتدى الجميل


الموضوع بأختصار يا جماعه هو موعد برنامج (خدعوك فقالو ) .... يا جماعه مينفعش ابدا ابدا نكون مسلمين و البرنامج فيه ما فيه من الخير و الحض على اتباع سنه النبى و يكون موعد البرنامج هو نفسه موعد صلاه العشاء ... حتى انى لم استطيع مشاهده البرنامج لمرتين او تلات مرات متتاليه بسبب انى اعود من المسجد على حدود الساعه 9:30 او 9:45...و بالطبع يكون فات اكثر من نصف البرنامج ... و للأسف الأعاده تكون فى موعد متاخر و اعاده يوم السبت غالا ما نكون فى امتحانات او فى العمل ... يا استاذ مصطفى و الله انى احبك فى الله و ارجوا الا تضيع هذا العمل العظيم و هو هذا البرنامج الذى قيه من تصحيح المفاهيم و الخير ما فيه .. بسبب انشغال الناس عن الصلاه .. و و الله كثيرا ما تم تعديل الكثير من مواعيد البرامج فى القنوات الأخرى كقناه الرحمه فقد قام المسؤلين بتعديل البرامج لموعد لا يتعارض مع موعد الصلاه و الأمر مش هيكون كتير و الله فالأمر قد يتطلب التأخير لمده 20 دقيقه مش اكتر ... المهم اتمنى ان تعرض هذا الأمر على اداره القناه و ان شاء الله و فضله ستستجيب .. و جزاك الله خير و انى و الله احبك فى الله



السلام عليكم و رحمة الله وبركاته
الاخ الكريم
اولا جزاك الله خيرا
ربنا يثبت حضرتك و يعينك علي مدوامة الصلاة في جماعة ان شاء الله
لكن يا اخي مواعيد اذاعة البرنامج ليس لأستاذ مصطفي دخل بها بمعني انه لا يستطيع تغيير موعد برنامج لان خريطة البرامج يتم وضعها حسب توقيت السعودية

[ahmed attia]

يا اختنا الفاضله جزاكى الله خيرا ... بس النهارده المشاهد يحاول التطبع و الأقتداء بمن يتحدث عن الله و رسوله فكيف اذا كان الحال هو ضياع ركن من اركان الدين و السبب هو خريطه البرنامج .!!!!

انا لا اوم على الأستاذ مصطفى و لكن اكيد ان له قدره و امكانيه للتحدث فى مثل هذا الأمر خاصه و ان الأستاذ مصطفى هو الدعامه الرئيسيه بالبرنامج و ثانيا ان معظم مشاهدى هذا البرنامج من مصر ... فأنا اتمنى منه المحاوله لمجرد تجنب ان يتحدث احد او يظن انه يضيع فرض الله و العذر (و ما هو بعذر) خريطه البرنامج و انا و الله ظنى خير فى حبيبى فى الله (ا/مصطفى حسنى ) و انه لا يضيع الصلاه بسبب البرنامج ... فياريت يراعى هذا الأمر ... لأنى نفسى اشاهد البيرنامج

[جنه خاتون]

السلام عليكم ورحمة الله وبركاته
اخى احمد جزاك الله خير على هذه المداخله والله انا كان نفسى اكتبها بس حسيت ان مفيش حد بياخد بكلامنا
قبل كده اعترضت على اعلان معين فى البرنامج وجانى نفس الرد
(الاستاذ مصطفى ليس له دخل دى سياسة قناة)
ورغم عدم اقتناعى بهذا الرد
( لان الأستاذ مصطفى له ثقله ويمكنه ان يملى رأيه )
علشان كده قلت مفيش داعى ان اطلب تغيير الميعاد بس ده ما يمنعمش انى اضم صوتى لصوتك ده انا حتى فى الصلاة فى البيت بأخر السنه والشفع والوتر علشان الحق البرنامج من الاول
فشكرا انك بادرت بهذا الطلب وان كان لن يؤخذ به فيكفيك شرف المحاولة

[N a s R]

اللي بعرفو انو البرنامج بينعاد بعد بنفس اليوم بالليل ، الساعه 12 او 1 ، موعد الاعادة هاد ما بناسب ؟

وكمان انا بصراحه الموعد ما بناسبني ، لذا بنزل الحلقات من النت ، اذا النت عندكم سريع بتقدرو تنزلوها ..


مشان الصلاه ، بظن التوقيت بيختلف من منطقة لمنطقة ، يعني صعب يكون مناسب للجميع ..

[muslima_89]

السلام عليكم ورحمة الله ...

اخي أحمد جزاك الله خيرا على اهتمامك في عدم اضاعة صلاة الجماعة في المسجد
ربنا يثبتك ويسدد خطاك ويثبت كل من يحافظ على الصلاة في المسجد لانها حقا من الفروض والضروريات ولا يجب ان يستهان بها من جانب الرجال
انا قبل كدة طرحت الموضوع دة لكن مش عارفة اذا كان الاستاذ مصطفى شخصيا ً بيقرأ مقترحاتنا ومداخلتنا ولا لا ؟
ليظهر البرنامج بصورة أحسن وأجمل ترضى الله عز وجل اولا ثم ترضي مشاهدي البرنامج ، وانا والله متأكدة بأن رضا الله عز وجل عن اي شئ بيخلي الواحد كمان يرضى ويحب الحاجة اللي ربنا راضي عنها ويعملها بعد كدة بكل ثقة واطمئنان ما دام ملك الملوك راضي وحابب الحاجة دي...
البرنامج فيه بعض الشوائب للأسف..
احنا مش بنقول البرنامج لازم يكون 100 % 100 مفيش حاجة كاملة
لكن دي مسائل في الشرع زي الموسيقى مثلا دي محرمة وبجد مزعلاني اوي انها داخلة في البرنامج..
وصلاة العشاء وتضييعها ..انا شايفة ان صلاة العشاء كون انها تفوت على الاستاذ مصطفى نفسه دي حاجة تزعل،،لأن هو قدوة لينا
بالذات ان في رجال ميعرفوش مدى اهمية الصلاة في المسجد وبيحسبوها فضل مش فرض ، فلما يلاقوا الشيخ نفسه اللي بيقدم البرنامج مفوت صلاة الجماعة يبقى حتيجي الفكرة في دماغه تلقائيا ً ان الصلاة في المسجد في بعض الاحيان قد تكون ليست ضرورية لأنه بيسمع محاضرة علمية .. لما يبقى فاضي يبقى ينزل يصلي لكن دلوقتي دة درس علم وحاجة مفيدة !!
مينفعش محاضرة علمية تكون في وقت صلاة ابدا بالذات للرجالة..الستات مش مطالبين بصلاة الجماعة

يعني في رأيي ان الاستاذ مصطفى يقدم او يأخر معاد البرنامج عشان الصلاة .. اما بالنسبة لباقي الدول اللي مواعيد الصلاة فيها مختلفة اعتقد ان كدة الاستاذ مصطفى ارضى ضميره ومضيعش الصلاة في المكان اللي هو فيه..
لأنه مش مطالب يمشي ورا كل بلد يشوف مواعيد الصلاة فيها مناسبة مع معاد البرنامج ولا لا

الخلاصة ان ياريت محدش يضيع الصلاة عشان يشوف البرنامج..واللي مش مناسبه المعاد يشوف الاعادة او ينزل الحلقات من النت بتبقى واضحة

اسفة جدا على الإطالة :yf--:

[احمد سعيد ابراهيم اسماعيل]

السلام عليكم ورحمة الله وبركاته
ياريت معياد الايعادة يبقى بليل عشان انا برجع من شغلى متأخر
انا بشوف البرنامج فى ميعادة وحتى الايعادة بيبقى الظهر
مش بعرف اشوفة
وبشوف البرنامج على الموقع

[ahmed attia]

شكرا يا جماعه على انضمامكم لهذا الموضوع و ارجوكم انضموا لى لتوصيل صوتى للأستاذ/مصطفى حسنى

[سما3000]

السلام عليكم ورحمة الله وبركاته احنا اللى بنشكرك لانك تجرات وطلبت هذا الطلب وان شاء الله صوتنا هيوصل للاستاذ مصطفى حسنى

[ahmed attia]

شكراااااااااااااااا يا جماعه

[فراشة]

لقد تحدثت عما كان يدور ببالنا جميعا..

فجزاك الله خيرا..

أ / مصطفى ..أظن أنه صديق لمدير قناة اقرأ فكيف لا يستطيع أن يقنعه بتغيير ميعاد البرنامج؟؟

صحيح أن الميعاد لا يمكن أن يتناسب مع جميع الدول....لكن لا يمكنهم أن يهملوا توقيت أحد أهم الدول العربية وهو توقيت مصر..

جزاك الله خيرا..

[let's be better]

جزاك الله خير اخى من اول ما التوقيت الصيفى بدأ وانا مش عارف اتفرج على ولا حلقه ممكن نقترح ان نعمل زى ما البرامج اللى على قناة الناس بتعمل يعنى وقت الصلاة البرنامج بيقف والمقدم للبرنامج بيصلى بالموجودين فى الأستوديو ونقدر نصلى احنا كمان فى الوقت ده انا بشوف الشيخ محمود المصرى والشيخ محمد حسان بيعملوا كده فى كل برامجهم

[بلقاسم تيطاوني]

بسم الله الرحمن الرحيم
السلام عليكم ورحمة الله وبركاته
بداية نسال الله عز وجل ان يوفقنا لما يحبه ويرضاه و نساله عز وجل ان يثبتنا على اداء
صلاة الجماعة .
اخي احمد ارضاء الناس غاية لا تدرك قد يناسبك تغيير وقت البرنامج المحبوب في السعودية
ولا يناسبني في الجزائر..... ماذا اردت القول علينا ان نقدم الاولويات ثم الباقي حسب الاستطاعة
خاصة اننا نعيش في عصر التكنلوجيا يمكننا متابعة البرنامج مباشرة او عند الاعادة او عبر الموقع
الالكتروني ... ربما فيه امور خارج نطاق الاخ الكرم مصطفى حسني .....علينا ان ناخذ الامور
حبة حبة حبة ..... وان شاء الله تعود المياه الى مجراه الطبيعي .
وفي الاخير اعطيك معلومة ... صدقني التقيت بزميل لم القاه منذ مدة تجاذبنا اطراف الحديث
فوصلنا الى نقطة القنوات الفضائية خاصة الدينية فقال والله دي نعمة من الله عز وجل اراد الله بها
ان يصلح امور امة نبيه وغييرها من الامم .ثم اضاف في وقت مضى و بالضبط في فترة الستنيات
والسبعينيات هنا عندنا بالجزائر كان الاذان ممنوع ان يسمع خارج المسجد ....... والله اعلم
الا ترى باننا في نعمة يا اخي احمد .........
السلام عليكم ورحمة الله وبركاته

[ahmed attia]

جزاكم الله خيرا جميعا يا جماعه ... لكن كل ما اقصده هو ان البرنامج يسجل فى مصر ...و الأذان يأتى وقت تسجيل البرنامج .. و الأستاذ مصطفى قدوه لشباب كثير و انى اخشى و الله ان يدخل الشيطان للشبا من مدخل انه يقدم البرنامج على وقت الصلاة و غيره من الأشكاليات و التغير فى الموغد لن يزيد عن 20 دقيقه او اقل ...و الله المستعان

[Noha Ahmed]

السلام عليكم و رحمة الله و بركاته
إسمحلي أقول رأيي أخي الفاضل أظن أن البرنامج مش مححتاج تغيير ميعاد لأن ده ممكن يكون خارج عن إرادة الشيخ مصطفى لأن القنوات ملتزمة بجدول برامجها بحيث يكون فيه عدل في عرض البرامج و كمان ممكن يكون الميعاد مناسب إنه يصل للدول الأخرى بشكل اكبر
و الإعادة الأولى تكون بعد الحلقة الأصلية ب4ساعات فقط و الإعادة الثانية اليوم التالي 1:00ظهرا و كمان الحلقات موجودة على الموقع و يمكن تسجيلها و تثبيتها على الكومبيوتر بشكل سهل و بعدة طرق في المنتدى
فبكده أنا شايفة إن أي حد ممكن يشوف أي حلقة بسهولة و في أي وقت و ليس شرط أن تراها حضرتك بث مباشر
خاصة إن قناة إقرأ خريطة برامجها مليء بالبرامج و كلها مهمة
و لو في وسع الشيخ مصطفى إنه يلبي لحضرتك طلبك أكيد مش هيتأخر
و إني قرأت من قبل حديث إن الرسول صلى الله عليه و سلم كان ساعات يؤخر العشاء قليلا في بعض الأوقات و لكنه لم يواظب على ذلك حتى لا تؤخذ عليه سنة مؤكدة يعني ممكن نؤخرها لو فيه حاجة مهمة بنعملها
والله أعلم

خبر عاجل من إقرأ في إحدى البرامج:
-إسلام 55 شخص في موزنبيق و سوازيلاند
-عمل مسابقة شعرية(الرسول محمد رحمة للعالمين) في روسيا لمدح و ذكر سيرة الرسول الكريم صلى الله عليه و سلم
-إفتتاح أول كلية علوم إسلامية في بلجيكا و هناك الآن (30) طالبا لخدمة أبناء الجالية الإسلامية هناك و بها مكتبة كبيرة و قسم لتعليم اللغة العربية
-كاتبة إيطالية تقول شرف لي أن أتحدث عن الإسلام و أصدرت كتاب بعنوان "الإسلام ذلك المجهول في الغرب"
بعد ما قرأت في الدين الإسلامي
-بلغاريا تخطط لبناء مساجد في سجون البلاد
-بث برنامج عن الإسلام في التلفيزيون الروسي

وشرف لي ان أطلعكم على مدى إنتشار الإسلام في الدول الغربية الآن من خلال موضوع حضرتك

اللهم صلي على محمد عدد من صلى عليه و صلي على محمد عدد من لم يصلي عليه

[ahmed attia]

شكرا لحضرتك و جزاكى الله خيرا على هذه البشريات

[mariama]

بسم الله الرحمن الرحيم
والله يا اخواني انا فنظري كلكم معاكم حق فكون ان البرنامج بيبث فتوقيت صلاة العشاء فمصر و الله انا متفهمة حرصكم على الصلاة فمعادها و الاستفادة من البرنامج بس بردو زي ما قالت الاستادة نريمان القناة عندها جدول فعشان نرضي الطرفين بقترح ان موعد بث المباشر يفضل زي ما هوه و يتغير موعد الاعادة بحيث انه يكون مناسب للاخوان فمصر برئي ده اضعف الايمان و بكده ممكن نرضي الطرفين مفيش حلول غير كده الاخوان فمصر يتنازلو عن انهم يشوفو البث المباشر عشان الصلاة و الاخوان العاملين فالقناة يتنازلو و يغيرو موعد الاعادة انا عارفه ان ده صعب بس الله يخليكم متدخروش جهد انكم تعمل لي عليكم عشان الاخوة المشاهدين يبقو راضيين
و السلام عليكم

[مروة عصام]

طيب ايه رايك لو تتباعي يوم الجمعه الساعه9:00 مساءا النصف الاول من الحلقه وتصلي العشاء وتتابعي الاعاده يوم السبت الساعه1:00 الظهر النصف الثاني بعد ان اداء صلاه الظهر حل موقت

[nahla\mostafa]

البرنامج معاده كويس جدا

[محبة لله ورسوله]

أنا كمان بأضم صوتي لصوت حضرتك يا أستاذ أحمد وأتمنى أن يصل صوتنا جميعا" لأخينا الفاضل الأستاذ مصطفى ربنا يثبتنا جميعا" ويرزقنا الأخلاص ويجعل أعمالنا خالصة لوجهه الكريم

[بن مصباح خديجة]

انا بصراحة التوقيت يساعدني كتييير كتييير لانو على التاسعة بتوقيت مكة و السابعة بتوقية الجزائر و هو توقيت ملائم لي جدا و لكن ناخذ براي الغلبيةصح

[فريدة]

السلام عليكم و الله انا شايفة ان ارضاء الناس غاية لا تدرك و انا ملاحظة انكم اختلفتم في شئ ما لازم تختلفوا عليه انا التوقيت مناسبني و لكن تاخيره 20 دقيقة لا يزعجني و لكن يمكن يكون مضايق حدا ثاني على شان هيك اتركوا الامر لاهله اما توقيت الصلاة و ان الاستاذ مصطفى لا ياديها في وقتها فلا اتصور ان شئ مثل هاد يفوتو و يا الاخ احمد انا ما سعدت لما الت انو اغلب مشاهدي البرنامج من مصر الشقيقة و الحبيبة لان الاستاذ مصطفى استاذنا كلنا استاذ الامة العربية و اقول السلام عليكم

[bancy]

السلام عليكم ورحمة الله وبركاته
يا جماعة اذا كان الوقت مش ممكن يناسب الجميع فكفاية على الاقل ان الاستاذ مصطفى هو وفريق الاعداد مش يضيعوا صلاة الجماعة وهتكون اكبر لفتة جميلة لو البرنامج بدا ووقت الصلاة بقه فيه فاصل ونقوم احنا كمان للصلاة ولما تنتهى الصلاة يتكمل البرنامج
والسلام عليكم ورحمة الله وبركاته

[souad1]

السلام عليكم انا بصراحة ارى ان فعلا الاستاذ مش فايدو حاجة يعملها لاني لا اظن انو حياخر الصلاة بمزاجو من غير مايكون اي مانع

[هبه عبد الفتاح]

السلام عليكم ورحمة الله وبركاته
انا عرفه ان المعاد مينسبش معظم الناس فعلا لاذان العشاء بس معلش اعزروا الشيخ لان دى فعلا مواعيد قناه ولو زى حضرتك ما بتقول يتاخر20 دقيقه ده هياثر على البرامج الاخرى فمعزرة ممكن تشوفه فى الاعاده الساعه الواحده صباحا لو مقدرش الشيخ ان ياجله او يغير المعاد وفى حاجه تانيه ارجو ان تصل للشيخ مصطفى ان يكون البرنامج مرتين فى الاسبوع او فى المره ساعتين لان ساعه بصراحه مش بتقضى كل حاجه شـكــ وبارك الله فيك ـــرا لك ... لك مني أجمل تحية .