همـــــــــــ بيحبوك زي ما بتحبهم ــــا؟؟!!

[سما سيف]

بســــــــــــــم الله الرحمــــــــــن الرحيــــم
**********
(وقل ربي ارحمهما كما ربياني صغيرا...)
(وان جاهداك علي ان تشرك بي فلا تطعهما وقل لهما قولا معروفا ولا تقل لهما اف ولا تنهرهما.....)

"من احق الناس بصحبتي :امك ثم امك ثم امك ..ثم ابوك"

ماسبق كان نقلا لفكرة بعض الايات وحديث شريف وليس نصا للايات او للحديث ولكني اقصد نقل الفكرة:mail:
|

|

|

ياجماعة انا جاية أسأل سؤال بس بالله عليكم محتاجة اجابة :sunshine1:
والدك ووالدتك بيحبوك زي ما بتحبهم !!
عارفة ان في ابناء مش بيحبوا أبائهم او للأسف مش بيتشرفوا بيهم
بس في حالة انك بار بوالديك هما مقدرين ده ولا قلبهم مايل لأحد اخوتك؟؟:marsa85:
|
|
قال سيدنا يعقوب لابنه سيدنا يوسف عليهما السلام:
(يابني لا تقصص رؤياك علي اخوتك فيكيدوا لك ...)
يعني فيه اعتراف من القران ان في غيرة بين الاخوات
هل والدك ووالدتك بيراعوا مشاعرك لما يفضلوا اخوك او اختك؟
هل والديك بيراعوا مشاعر اخوك او اختك لما بيفضلوك عليه ؟؟
|
|
طب والحل هتجاهد نفسك رغم تفضيلهم لاحد اخوتك عليك
ولا ستأتي بدم كذب علي قميصه وتدعي ان الذئب اكله:marsa22:
|||||||
*اخواتي واخواني شاركوني رايكم والديك بيحبوك ولا بيحبوا احد اخواتك او اخوانك؟؟:engry1:
*وبتعامل اخوك المفضل المدلل عادي ولا بتكيد له؟؟:marsa74:
* بتعامل والديك عادي رغم انكاره لجهودك وتفضيله لاخوك المدلل؟ ام انك تتجادل لاظهار الحق؟؟

ياجماعة انا مش جاية اهدي النفوس ولا الفت نظركم لظلم الوالدين بس محتاجة رايكم المفروض نتصرف ازاي لو حسينا بالظلم من احن الناس علينا :icon_sad:؟؟!!


اللهم ارزقني بر الوالدين واشفهما وعافهما وارحمهما كما ربياني صغيرة وارزقني واياهم حسن الخاتمة
اللهم اشفي اباء وامهات المسلمين والمسلمات وبارك لهم فيما اعطيتهم وحنن قلوبهم علينا واجعلنا لهم ذرية صالحة وسبب لدخولهم الجنة اللهم اميـــــــــ:119:ـــن

[sasy]

انا بحب ماما وبابا جدا وبحب اخواتى جدا ربنا يخليهملى
مفيش ام او اب بيفرقوا فالحب بين اولادهم بس دايما المريض او المسافر يعنى بيبقى فى ظروف خاصة ممن تخلينا نحس ان ابائنا وامهاتنا بيفضلو حد عن التانى وبكرة كلنا نجرب ده مع اولادنا وبعدين كفايه قوى رضا ربنا علينا مش يمكن خدمتنا ليهم هى التدخلنا الجنة

[يسر لي امرى]

السلام عليكم اكيد يا جماعة هما بيحبونا جدا جدا اكثر مما نتخيل ياجماعة واحنا لو اعدنا نبر بيهم عمرنا كله مش هنديهم حقهم لكن سعات بيتهيا لنا ان هما بيفضلوا اخواتنا علينا ودا والله تهيا بالنسبة لنا لانهم بيحبونا كلنا زي بعض وربنا يرزقنا برهما

[سما سيف]

دعـــااء وساســـي بارك الله لكما ولوالديكما ولاهلنا جميعا اللهم اميين
واعاننا الله علي ارضائهم في الدنيا والاخرة اللهم اميــــــــــن:036:

[ايمـــان]

ربنا يكرمك عزيزتى سما على هذا الموضوع الجميل
انا بس اللى عايزة اقولهوله ان مافيش حد هيتمنولك الخير والسعادة سوى الأم والاب
فياريت مهما زعلونا ولا حتى قصروا معانا فى شئ اوع فى مرة تنام ليلة وانت زعلان منهم
وخصوصا لما هما غاضبين منك
اسال الله ان يرزقنا سويا حب والدينا دايما واجعلنا دوما بارين بيهم
يارب العالمين

[ايمـــان]

:victory: بر الأمهات طريقنا للجنه

[سما سيف]

بــــــ الله ـــــــــارك فيكي ايمان ورزقنا واياكي بر الوالدين اللهم اميين

[ايمـــان]

اللهم آمين .... اللهم آستجب

[HEBA]

السلام عليكم ورحمة الله وبركاته

بجد يا سما موضوع مهم اووووووي
وبصراحه بفكر فيه كتيييييييير كتييييييير كتيييييييييير

والله يا سما انا مش عارفه ايه الصح
ببس فعلا انا في تفرقة عندي في البيت
احيانا بحس بيها جدااااااا
واحيانا احس اني غلطانة
فبقول ان
الله تعالي اعلي واعلم
ولما بحس بالتفرقة دي
ربنا اللي يعلم اني بدعييلهم بالهداية والمغفرة
بيني وبينك
ساعات مش بستحمل
فببعد وخلاص
ادخل الوضة بتاعتي مثلا واعيط شوية وادعي
بروق بعدها الحمدلله
بس كتير اقول لنفسي
حتي لو احساسي ده اصلا غلط
هما مش المفروض يخلوه ييجي في دماغي
وبعدين ارجع اقول
كل الناس بتغلط واحنا كتير غلطنا في حقهم
عادي يعني هما بشر
يعني صرااااااااااع في التفكير
احسن نستغني عنه ببرهم
واجرنا هيكون من ربنا سبحانه وتعالي اكيييييييييد
والدعاء والدعاء ليهم كمان

جزاكي الله خيرا يا سمسم
بحبك في الله:119::119:

[سما سيف]

حبيبتي هوبة ربنا يهدينا واياكي وينور بصيرتنا وكوني دائمة الدعاء لي ولكي اللهم اشرح قلب امي وابي لي واشرح قلبي لهما
ويارب يرزقنا برهما ورضاهما والجنة اللهم امييييييييييين:icon_sad:

[rosabella]

شكرا يا سما على الموضوع المهم جدا جدا ربنا يكرمك يارب

[نور الهدى1]

ازيكم
بجد يا جماعه الموضوع ده مهم جدا
انا مشكلتى فيه انا اختى الاكبر منى هى اللى حاسه انا ماما بتفضلنى عليها مع ان العكس صحيح والله
شوفى هى كل طلباتها مجابه كل حاجه عايزاها بتتعملها واخده حقها وحقنا وبرده شايفه انهم مفضلنى عنها لكن الفرق ان هى ما بتسمعش كلام ماما وطول اليوم بيتخانقوا مع بعض لكن انا والله كل اللى بتقولهولى بعمله على الرغم انه ساعات بيبقى على حساب سعادتى .حاجات بتبقى بتضايقنى وبتضغط على اعصابى لكن بعملها عشان ارضيها وحتى لو زعلانين من بعض اللى عايزاه بعملهولها
فا عشان كده هى ساعات بتعاملنى كويس عن اختى لان طبعا اختى عكسى فى الموضوع ده

لكن المشكله ان كل خناقه بينهم تدخلنى فيها وتقول مانتى بتفضليها عليا

لكن والله انا لابيفرق معايا انها تعاملنى احسن ولا اوحش انا المهم عندى رضا ربنا عليا وبخاف ازعلها عشان ربنا
انا بقولكم بصراحه يمكن كمان اللى قلته ما يجيش حاجه من اللى بيحصل
بس فى الاول وفى الاخر انا مش زعلانه من ماما بالعكس انا بحبها هى وبابا واخواتى كلهم وحتى اختى الاكبر منى دى كمان بحبها زيهم ومش زعلانه من حد انا بس حبيت احكيلكم حكايه يمكن تستفادوا منها
بس النصيحه اللى اقدر لااقولهالكم
هى ان مفيش اب ولا ام بتفضل حد عن حد لكن احيانا بيضطروا يعملوا كده عشان يرضوا ابن من ابنائهم مش راضى عن حاله وحاسس دايما انه هو المظلوم
و نصيحتى مهما امكم او ابوكم عمل معاكم طيعوهم وماتزعلوش منهم وتطيعوهم فى كل حاجه الا فى اى حاجه تغضب ربنا ولو فى حاجه انتم حاسين او متأكدين انها ممكن تضركم اقنعوهم وماتعملوش حاجه تغضب ربنا ولا تضركم واكيد اللى هايضركم ده شىء يغضب ربنا لان ربنا مل بيرضاش بحاجه تضر الانسان
معلش سامحونى طولت عليكم
استودعكم الله الذى لاتضيع ودائعه

[سما سيف]

السلام عليكم ورحمة الله وبركاته
--------------------------------------
نور حبيبتي في الله بارك الله فيكي ورزقنا واياكي بر الوالدين والجنة اللهم امين و انا سعيدة جدا بمشاركاتك في المواضيع وردودك بارك الله فيكي ورزقكي كل الخير اللهم اميين
وانا معاكي ان الامهات والاباء لازم نيجي عيل انفسنا ونعاملهم حلو حتي لو قسوا علينا او الشيطان صور لنا انهم ظالمينا بس النفس امارة بالسؤ وللاسف الانسان مش دايما بيقدر ييجي علي نفسه لارضاء حد تاني خصوصا لو الحد ده الوالدين اللي غضبهم عقوق نعوذ بالله من الكبائر ...
وربنا يعيننا علي مجاهدة انفسنا وربنا يحبب فينا ابائنا وامهاتنا ويجعلهم راضيين عنا ابدا اللهم اميين

[eg_lolo]

السلام عليكم ياسما على فكرة الموضوع حلو بس انا عاوزة اقولك ان عندنا فى البيت فكرة التفرقه دى مش موجوده والله لان الحمد لله هما متدينين ويعرفو شرع ربنا كويس وعمرهم مايفكرة يعملو حاجه زى كده وانا واخواتى الحمد لله مع بعض كويسين وربنا يخليهملى جميعا واقدر ارضيهم ومشكوووووووووووووورة على الموضوع

[سما سيف]

بارك الله فيكي يا لولو لمشاركتك ويارب يبارك لنا جميعا في اسرنا واخواتنا وامهاتنا وابائنا
وانا لااقصد التفرقة تبعا لنقص في الدين ولكن اغلب الاسر قديميل الاب او الام لاحد الابناء ربما لانه يشبهه في طفولته او لانه مطيع او لتفوقه وهذه قصص سمعتها من جدود واباء انهم يميلون ابن عن اخر او ابنة عن اخري رغما عنهم وهذه ليست قاعدة ولكنها تحدث في اغلب الاسر انتي مثلا ربما تميلين لاحد اخواتك عن الاخر او الاخري لانها تنصحك او تسمعك او تسامحك او تعطيكي ملابسها هههههههه
فهمتيني انا لا اقصد البتة تفرقة في التعامل ولكن الميل لاحد الابناء عن الاخرين وربما الميل لكل الابناء واجتناب احدهم لانه غير مهذب او غير متفوق وهكذا......
ونسال الله ان نكون من الابناء البارين المتفوقين المطيعين حتي يحبونا ابائنا وامهاتنا هههههههههههههههههههه نورتيني يالولو

[toaa]

شكرا يا سما على الموضوع الجميل
وبجد انا بحب ماما وبابا اوي ربنا يخليهملي
بس ما اعتقدش ان فى حد ممكن يفرق بين ولاده؟؟؟؟؟؟؟؟؟
طيب وله دول ولاده كلهم !!!!!!!
وشكرا على الموضوع يا قمر

[سما سيف]

انا اللي بشكرك علي مشاركتك وربنا يبارك لكي في والديكي اللهم امين
ربي اوزعني ان اشكر نعمتك التي انعمت علي وعلي والدي وان اعمل صالحا ترضاااااااااااه اللهم امييييييييين

[الفراشه200]

بسم الله الرحمن الرحيم
السلام عليكم ورحمة الله وبركاته
موضوع يا سما بجد مهم . بيني وبينك كنت زمان بحس ان فى تفرقه لكن اكتشفت انه كان وهم . لان فى الاخر كلنا ولادهم ربنا يخليهملى
وجزاك الله خيرا

[سما سيف]

جزاكي الله كل خير يافراشة وربنا يبارك لكي ولنا في ابائنا ويرزقنا برهما اللهم امين

[bosy2003]

بسم الله الرحمن الرحيم
انا اعتقد ان مفيش اب و ام اسويا بيفرقوا بين اولادهم والحمد لله ان ربنا رزقتني بوالدين رائعين
ربنا يخليهم ليه

[سما سيف]

جزاكي الله كل خير حبيبتي وبارك الله لكي ولنا وللمسلمين والمسلمات في ابائنا وارحمهما كما ربيانا صغاااااار اللهم اميين