الحلقة العاشرة: بر الأباء و الأمهات بأبنائهم.

[Nariman Nagui]

أبي و أمي...


أنا مش بعدل عليكم... بس أنا نفسي أقرب منكم أكثر...


نفسي نبعد عن أي تفكك أسري...


نفسي نعيش مع بعض أحلي حياة عشان نتقابل علي باب الجنة....





فاكر يا أبي...فاكرة يا أمي...


كل سجدة و أنتم بتدعوا بالذرية الصالحة...





فاكر يا أبي...فاكرة يا أمي...


فرحتكم مع أول نفس ليا في الدنيا... فاكرين كل لحظة كنتم بتحسوا فيها بالسعادة و بتشكروا ربنا عليها و أنا بكبر قدامكم...





عارف يا أبي ... عارفة يا أمي...


أنا مش ناسي فضلكم عليا... أنا مش ناسي كل حاجة بتعملوها و عملتوها عشاني... و كمان مش ناسي الحب اللي ربنا زرعه في قلوبنا لبعض...



يا أبي و يا أمي...


أنا ليا 3 طلبات ... نفسي تعملوها... بس سواء عملتوها أو لأ... أنا بحبكم و حبركم:



1- ممكن تعلموني ديني:



يا أبي و يا أمي...حافظوا لي علي ديني عشان نتقابل علي باب الجنة...


مش تمنعوني من الصلاة في المسجد... و لا من درس في المسجد... سيبوني أرضي ربي.. و أتحجب...






2- الحنية:



يا أبي و يا أمي...أنا بحبكم... و نفسي افضفض معاكم... نفسي تخدوني في حضنكم..

فاكرين يا أبي و يا أمي... السيدة فاطمة لما كانت بتدخل علي سيدنا محمد كان بيقف و يقبلها في جبهتها... عارف يا أبي عارفة يا أمي ...
أنا نفسي أكون في نفس الموقف معاكم.



يا أبي و يا أمي...نفسي توصفوني بأحسن الصفات الايجابية...و علي طول تشكروا فيا... حتي لو غلطت و جهوني ما أنا ابنكم... و اكيد معنديش نفس خبراتكم...



· يا أبي و يا أمي...
أؤمروني...بس فهموني ليه... و اطلبوها مني بحب الصديق...


· يا أبي و يا أمي...
متدعوش عليا.. لأحسن ربنا يستجاب الدعوة... و أندم أنا و أنتم...



3- تكوين شخصيتي:

يا أبي و يا أمي...
مش تحسسوني اني معنديش شخصية...
اهتموا بتكوين شخصيتي... اهتموا بكتب بناء الشخصية...




بس عارفين يا أبي و يا أمي مهما حصل :

-أنا حعبد ربنا و أرضيكم

-أنا حكون عامل زي عبد الله بن عوف اللي تصدق ب4 الالاف درهم لما رد علي أمه بطريقة أغضبته هو...

-أنا حعيش تحت رجليكم مهما عملتم فيا... أنا تحت أمركم....


بس خليكم قدوتي... متكسرونيش... حافظوا لي علي ديني... خلوني أعيش في حضنكم...



حلقتنا الجاية حتتكلم عن:
" خير تعمل شر تلقي!!!!..."

[Maha_ramadan]

السلام عليكم ورحمة الله وبركاته


عن أبي هريرة -رضي الله عنه- قال: قال رسول الله (صلى الله عليه وسلم)


" أعينوا أولادكم على البر، من شاء استخرج العقوق من ولده"

رواه الطبراني في الأوسط


أعزك الله وجزآك خيراً مع فريق الإعداد على هذه الحلقة وبارك الله فيك أختي نرمين، ورزق آباء وأمهات المسلمين الجنة يدخلونها بغير حساب ولا سابقة عذاب ... اللهم آمين


*** *** ***

اللهم ياذا الجلال و الإكرام يا حي يا قيوم ندعوك باسمك الأعظم الذي إذا دعيت به أجبت، أن تبسط على والدي ووالدي المسلمين جميعاً من بركاتك ورحمتك ورزقك ... اللهم ألبسهما العافية حتى يهنئا بالمعيشة ، واختم لهما بالمغفرة حتى لا تضرهما الذنوب ، اللهم اكفيهما كل هول دون الجنة حتى تُبَلِّغْهما إياها ...برحمتك يا أرحم الراحمين

*** *** ***

اللهم لاتجعل لهما ذنبا إلا غفرته ، ولا هما إلا فرجته ، ولا حاجة من حوائج الدنيا هي لك رضى ولهما فيها صلاح إلا قضيتها ...اللهم ولاتجعل لهما حاجة عند أحد غيرك

*** *** ***

اللهم أقر أعينهما بما يتمنياه لنا في الدنيا...اللهم إجعل أوقاتهما بذكرك معمورة...اللهم أسعدهما بتقواك ... اللهم اجعلهما في ضمانك وأمانك وإحسانك ...اللهم ارزقهما عيشا قاراً ، ورزقا داراً ، وعملا باراً... اللهم ارزقهما الجنة وما يقربهما إليها من قول واعمل وباعد بينهما وبين النار وبين ما يقربهما إليها من قول أو عمل ...اللهم اجعلهما من الذاكرين لك ، الشاكرين لك ، الطائعين لك ، المنيبين لك

*** *** ***

اللهم واجعل أوسع رزقهما عند كبر سنهما وإنقطاع عمرهما...اللهم اغفر لهما جميع ما مضى من ذنوبهما ، واعصمهما فيما بقي من عمرهما ، و ارزقهما عملا زاكيا ترضى به عنهما... اللهم تقبل توبتهما ، وأجب دعوتهما... اللهم إنا نعوذ بك أن تردهما إلى أرذل العمر... اللهم واختم بالحسنات اعمالهما... اللهم آمين

*** *** ***

اللهم أعنا على برهما حتى يرضيا عنا فترضى ...اللهم أعنا على الإحسان إليهما في كبرهما... اللهم ورضهم علينا ، اللهم ولا تتوافهما إلا وهما راضيان عنا تمام الرضى ، اللهم واعنا على خدمتهما كما يبغي لهما علينا، اللهم اجعلنابارين طائعين لهما

اللهم ارزقنا رضاهما ونعوذ بك من عقوقهما

اللهم آميـــن

[رحاب اسماعيل الجبلى]

شـكــ وبارك الله فيك ـــرا ...

[samar 51]

السلام عليكم ورحمة الله وبركاته
كعادة استاذ مصطفى الحلقه كانت رائعه ويارب يكون كل الاباء والامهات شافوها لان الموضوع بجد مهم جدا جداوكان لازم يتكلم فيه واستاذ مصطفى بجد ماشاء الله عليه كان بيتكلم بكل ادب واحترام وكان بيحاول ميقولش كلمه واحده تزعل الناس منه جزاك الله كل خير واكرمك في الدنيا والاخره استاذ مصطفى

[اميرة بنت الاسلام]

استاذ مصطفى قال كل حاجة عايزينا نقولها الحلقة كانت جميلة اوى ومفيدة وطريقة كلام استاذ مصطفى جميلة ومحترمه اوى ربنا يعزكى ويحبكى يااستاذ مصطفى ويرزقكى الجنة من غير حساب او سابقة عذاب
يارب ارزقنى بر ابى وامى يارب

[nosnos]

السلام عليكم ورحمه الله
الحقيقه الحلقه مينفعش حد بتكلم عليها من كتر جمالها وكفايه ان الاستاذ مصطفى دخل منطقه كان نفسنا حد يتكلم فيها من زمان وبجد الحلقه اكثر من رائعه وربنا يثبتك ويحفظك ويكرمك ويجزيك خير يا استاذنا اسمحولى يا جماعه انا عندى مشكلتين

الاولى ميعاد البرنامج يا جماعه بقى مشكله دلوقتى لان ميعاد الهوا مع صلاه العشاءوالاعاده الاولى متاخره والتانيه مع صلاه الظهر انا عايزه والدى يتفرج على الحلقات ومش عارفه اعمل ايه لو ممكن او ينفع ان ميعاد اى اعاده يتغير او يتقدم ساعه وخصوصا الاعاده الاولى انا عارفه انه موضوع شبه مستحيل بس رجاء خاص اوى يا جماعه لو ينفع حاولوا وربنا يكرمكم ويجزيكم كل خير ان شاء الله

الثانيه انا عايزه اراسل الاستاذ مصطفى ويرد عليا بشكل مباشر ومش عارفه ازاى او المفروض اعمل ايه يعنى اراسله هنا ولا على منتدى محبى مصطفى حسنى وفى قسم ايه على المنتدى ارجوكم لو حد يعرف يفيدينى وجزاكم الله خير
على فكره يا جماعه بجد ومش نفاق والله انى مبوسطه اوى انى عضوه معاكو هنا وفخوره كمان ونفسى اشارك اكتر بس ادعولى بقى الامتحانات وان شاء الله فى الاجازه تكون مشاركاتى اكتر وربنا يعين كل الطلبه وينجحهم ويوفقهم يارب ان شاء الله

واخيرا الى مزيد من الموضوعات الرائعه يا استاذ وانا متاكده ان حلقه الاسبوع القادم هاتبقى جامده جدا زى حلقه انهارده ويمكن اكتر لان الخدعه دى بجد انتشرت اوى فى حياتنا وانا فى اشد الشوق واللهفه وفى انتظار الحلقه القادمه وربنا يقدرك دايما على مزيد من النفع للمسلمين وارجو الرد على الطلب التانى للاهميه وجزاكم الله خيرا
:marsa101::marsa101::marsa101::marsa101::marsa101:

[hanaa 3lom]

السلام عليكم ورحمة الله و بركاته ....
انا النهارده كنت بنتفرج لاول مره على برنامج خدعوك فقالوا ..
بجد اثر فيا اوى اوى و كنت بتمنى بابا وماما يكونوا معايا وانا بسمعه عشان يعرفوا اد ايه مصاحبتهم ليا هتكون جميله جدا و ان خبرتهم هتفدنى كتير اكتر من اصحابى ...
عائلتى بتعيش اكبر معنى لحالة التفكك الاسرى وفعلا نفسى تدعولى كلكوا وتدعولى بالهدايه اكتر ..
و جزاكم الله كل خير و جزاك يا شيخ مصطفى عنا كل خير ان شاء الله

[مريم محمود عبد القادر]

السلام عليكم ورحمة الله وبركاته
ربنا يكرم حضرتك ويجازيك كل خير عن كل كلامك وحلقاتك الرائعة بجد حسيت ان تقريبا معظم اللى حضرتك قلته يحصل فى بيتنا او اى بيت بس يارب ده ميكترش وكنت فعلا بتمنى ان ابى يسمع كلام حضرتك لانى اكثر الافعال اللى النبى صلى الله عليه وسلم نهى عنها وحضرتك وضحتها هو يفعلها ولا نملك نحن الابناء سوى ان ندعو الله ان يهدى ابائنا وامهاتنا...اللهم آمين ...
وجزاك الله كل خير
والسلام عليكم ورحمة الله وبركاته

[nashwa mohamed]

السلام عليكم ورحمه الله وبركاته
بجد الحلقه كانت اكتر من رائعه ..
ربنا يباركلك يا استاذ مصطفى والله حضرتك اتكلمت عن الحاجه اللى مش عارفين نوصلها
وجزاك الله خيرا على كل شىء وجعله الله فى ميزان حسناتك بإذن الله

[المحبه لله]

شكـــــــــــــرا وجزكم الله خيرا
يارب ارزقنى رضا ابى وامى يارب

[amat allah]

حقا لا يوجد كلام بعد ما قيل بهذه الحلقة ولكن كل ما استطيع ان اقوله


موضوع حلقة لم يطرح من قبل

[مريومه]

حلقه كانت فى غاية الرووووعه والجمااااااااااال

ربنا يبارك فيكم جميعا يا فريق الاعداد

ربنا يجعل اعمالكم جميعا فى موازين حسناتك

ربنا يبارك فيك استاذى الفاضل

ربنا يدخلك فسسيح جناته

ربنا ينفع بحضرتك الاسلام اكتر واكتر

ربنا يسهلها مع حضرتك

[a7madal7osiny]

السلام عليكم ورحمة الله وبركاته
الحلقة رائعة يا شيخ مصطفى وفيها افادة للآباء والامهات

[التائبه الى الرحمن]

الف شكر ليك ياستاذ مصطفى على الحلقه الاكثر من رائعه لان فى كتير منننا كان محتاج ان الاباء يسمعوا الحلقه دى لانها بقيت ظاهره شائعه دلوقتى بعد كتير من الاباء عن ابنائهم واختلافهم فكتير من وجهات النظر واسلوب الاستاذ مصطفى رائع جعل كتير من الاباء يستمعون الى الحلقه ويارب ويقتنعوا فعلا بالحلقه دى

[battot kimo]

الله عليك يا استاذنا مصطفي بجد الله يكرمك الحلقه وصلت كويس اوي للشباب والوالدين انا الحمدلله خليت ماما تسمعها بس بابا مكنش موجود وكنت فرحانه جدا لانها سمعتها عشان تعرف احنا بجد عايزين ايه وكنت حاسه ان حضرتك كنت بتتكلم بلسانا بالظبط بس كان كلام رااائع وعجبني فعلا اخي اشرف لما كان بيتكلم علي بناته ربنا يخليهوملو ويارب يخلي ابائنا زيو وزي النبي عليه الصلاة والسلام مع ابنته فاطمه
وياخدونا في احضانهم لاننا بجد محتاجينهم اوي وخصوصا في القوت والزمن دا
يارب يكرمك ويجعله كلو في ميزان حسناتك

[المغربية]

شكرااا اختى بارك الله فيك
الحلقة رائعة وموضوع مهم جدااا
شكرااا اخى مصطفى جزاك الله خيرااا كثيراااا

[Mona Ashraf]

سلام عليكم
جزاك الله كل خير استاذ مصطفى على الحلقة كانت حقيقى رائعة ما شاء الله
ربنا يكرمك يا ناريمان و جزاك الله كل خير على شغلك فى المنتدى

[رحيله]

مشاء الله حلقه رائعه جدا

[amra]

بسم الله الرحمن الرحيم
الدرس يوم الاربع الماضى اول مرة مقدرش انفذ الوصية عايزه اوى لكن مش عارفه ازاى؟؟؟ سعات بنجح ولا يطول الحال واعود مفيش مبرر ينفع ابرر به لكن انا بتعذب مهما عملوا لازم احسن ..انا عارفه ودى المصيبة العذاب فى الدنيا وكمان فى الاخرة ..بجد نفسى ربنا يرضى لكن ...اللهم خذنا من انفسنا اليك...

[dr.rasha]

السلام عليكم ورحمة الله وبركاته
موضوع الحلقة النهاردة حلوة جداا بارك الله فيك بجد غيرت كتير في تفكير بابا وماما وتعاملهم مع اخويا
كنت دايما بحس ان العلاقة بينا وبينهم لازم تكون حب واحترام مش خوف
بس رغم كده لما نغلط بينسوا بقي ولا صحابنا ولا اي حاجة حتي مش بيسالوا ليه عملنا كده ويعلمونا الصح من الغلط مش بيفتكروا غير بس انهم وظيفتهم يعقبوا ويمارسوا الحق ده
انا عارفة ان ده حقهم لانهم شايفين ان اولادهم لازم يكونوا احسن ناس في الدنيا بس لازم نغلط علشان نتعلم.

[monamooo]

جزاك الله خيرا وبارك الله فيك

أستاذ مصطفى

الحلقة كانت رائعة أووووووووووى اوووووووووووى

وكان فعلا كتير محتاجين الحلقة علشان يسمعوا كلام حضرتك المقنع جداااا


لابائهم


زى أختنا ياسمينة الله

اللى كلمت حضرتك فى أخرة الحلقة

ماشاء الله كلمتنى بعد الحلقة وهى فرحانة جدا

بالحلقة وبرد حضرتك على مشكلتها

ربنا يبارك فيك استاذ مصطفى يارب

جزاك الله الفردوس الاعلى

ربنا ينفع بحضرتك الاسلام اكتر واكتر

[الغربة]

الحقيقه الحلقه مينفعش حد بتكلم عليها من كتر جمالها وكفايه ان الاستاذ مصطفى دخل منطقه كان نفسنا حد يتكلم فيها من زمان وبجد الحلقه اكثر من رائعه وربنا يثبتك ويحفظك ويكرمك ويجزيك خير يا استاذنا

اللهم ارحمهما كما ربياني صغيرا

[هديه]

السلام عليكم جزاك الله خيرا يا أخى

وانا سعيده لانى فى تعليقي في الحلقه السابقه طلبت من حضرتك ان ترجع تعملنا ندوه فى الساقيه والحمد لله طلبى اتحقق والحمد لله

(اللهم انا نعوذ بك من السلب بعد العطــــــــــــاء)

[فراشه عاصم]

بسم الله الرحمن الرحيم

اولا : استاذ مصطفى احب اقول لحضرتك ان الحلقة دى جميلة جداااااااااااا

ثانيا وأخيرا : فى مننا شباب وبنات كتير بيعاملوا امهاتهم واباءهم

بطريقة لا تليق ابدااااااااااا بكونا مسلمين وان دول اهلنا ولازم نكون

معاهم وليهم وتحت رجليهم زى حضرتك ما بتقول ويتحججوا ان اهلهم

مش قريبين لربنا وانهم مش كويسين وحاجات كتيييييييير جدااااااااا

واعزار اكتر بس انا مع حضرتك وبقول لاخواتى واخوانى فى الله حتى لو

اهلنا مش زى ما احنا عوزنهم او مش زى ما كنا نتمنى انهم يكونوا ففى

الاخر هما اهلنا الى اكيد بيتمنوا لينا اننا نكون احسن وهما الى تعبوا

فينا وهما سندنا فى الدنيا وممكن يكونوا احد السباب او السبب الاساسى

فى دخولنا الجنه فاتمنى يا اخواتى واخوانى فى الله اننا نكون جمب اهلنا

ونكون فى احضانهم حتى لو عقبونا او زعلونا نحاول نستحمل فى سبيل

انهم يكونوا رضيين عنا علشان ربنا يرضى عنا .

وأحب اقول لياسمين الى كلمت الاستاذ مصطفى فى الحلقه انا عارفة انها

اخت معانا فى المنتدى ارجوكى اختى الغالية ان تكونى بجانب اهلك ولا

تبعدى عنهم لانهم بعاد عن ربنا ممكن بسببك يتقربوا من ربنا فلا تبخلى

عليهم ابدااااا بهذه النعمه وحاولى حتى لو تعبتى حاولى تانى وتالت لو

حتى بالدعاء فقط حاولى بس كونى جمبهم انتى قولتى انكم اسرة مفككه

مش سهل عليكى طبعا لو قولت ليكى تحاولى تقربيهم من بعض انا عارفه

انه مش سهل لان ده نتاج سنوات من عدم قربكم من بعض بس نحاول

يمكن تعرفى تعملى حاجه وفى النهايه اختى فى الله احنا كلنا فى الدنيا فى

امتحانات سواء صعبه ولا سهله فكلها تؤدى الى طريق واحد وهو

الطريق الى الله والجنه باذن الله فحاولى انك تنجحى فى امتحانك اختى

والشيطان متخلهوش يضحك عليكى ويبعدك ويقولك انك غلط لا لا اختى

باذن الله انتى صح قربى من اهلك وادعى لهم هترتاحى ويرتاح قلبك .

اتمنى من الله ان يجعل الاستاذ مصطفى سببا لقربنا وقربكم اخواتى

واخوانى من الله عز وجل واتمنى ايضا ان تذهبوا وتقبلوا ايادى امهاتكم

وابهاتكم وتقولوا لهم انكم تحبونهم فى الله ولله حتى تسعدوا فى الدنيا

وفى الاخرة واخر دعوانا ان الحمد لله رب العالمين .

السلام عليكم ورحمة الله وبركاته

أختكم فى الله فراشة عاصم

[M.O.H.A.M.E.D]

بسم الله الرحمن الرحيم

ابويا يا مصطفي مش قاسي وبيعزبني بقي والكلام دا
بس هو مش بيتكلم معايا ومش بيفهمني خالص وبيحسسني كتير اني عيل صغير
عارف انك هتقولي اني احط دماغي تحت رجليه هو امي ربنا يباركلي فيهم وعلى قد مااقدر وربنا يعلم اني بمسك نفسي وانا بكلم وانا مثلا مضايق ولا حاجة
ربنا يثبتنا يارب

بس انا نفسي اتجوز عشان اربي رجالة وبنات عندهم شخصيات صح يقدروا يختلفوا معايا ونناقش أرائنا مع بعض كأصدقاء بحب
بجد انا نفسي ف كدا اوي

ربنا يكرمك يا مصطفي وتخلي ابنك على زيك كدا
ويعز بينا وبيك الاسلام يارب

[cutie_queen]

الحلقة إمبارح خليتني أعيط أويييييييييي ..:icon_sad:مش لما أصلاًَ ماما أو بابا أو أي حد في العيلة يرضوا يتفرجوا على برنامج زي ده أبقى أصلهم الكلام ده ....:marsa22:ده أنا بتفرج سرقة .. 5 أو عشر دقائق و لو حد عدى بقفل التلفزيون عشان عارفة كمية الترقية إللي حخدها لو حد شافني بتفرج كان نفسي يسمعوه أوييييييييي ...:icon_sad:بس الحمد للخ أنا أحسن من غيري .. آباءهم بيمنعوهم من فروض أو طاعات كبيرة ..بس طبعاً هما أغلى أم و أب في الدنيا ربنا يخليهم ليا .. ياااااارب

[دينا وحيد]

السلام عليكم ورحمة الله وبركاته
ماشاءالله على الاستاذ مصطفى في اختيار الموضوع وفي اسلوب العرض بجد قال كل حاجة جوانا ويمكن لما بنيجي احنا نتكلم فيها مع اهلنا بنتكلم بأسلوب خطأ وده بيزود الاختلاف
بس ماشاءالله بجد حلقة اكتر من رائعة وبابا وماما اتفرجوا عليها معايا وانا باحمد ربنا على بابا وماما انهم بابا وماما ومهما نختلف في الاراء ده ما بياثرش ابدا على علاقة الحب والاحترام اللي بينا
وجزاك الله كل خير يا استاذي على الموضوع وفي تقدم دائم ومزيد من التوفيق والاخلاص

[ام ايمن]

ااسلام عليكم واالله ااحلقة كانت اكثر من رائعة وجزاه االله خيرا لاستاد مصطفى لقد افادنا كثيرا في خدعوك فقالو

[منه]

السلام عليكم ورحمة الله وبركاته ,جزاك الله عنا خير الجزاء استاذ مصطفي,بجد كنت حاسه انك بتتكلم عني,بس المشكله ان انا اللي اعدت اسمع مشكلتني مش اهلي اللي اعدو يسمعوها ده انا بخاف اتفرج علي البرامج ادام والدي مش علشان تريئه بس بابا كل ما اعمل اي حاجه ابسط عقاب يئولي مفيش حضور دروس ولا مقراه مدام مش بتستفادي مع اني ولاهي بستفاد الحمد لله هي دي المشكله ان مفيش تشجيع من الاهل لاي خطوه ايجابيه للابناء بالعكس ساعات كتييييييييييييير بيكونوا العقبه لدرجه اني مرات كتير ببطل صلاه و ائول ازا كان بابايا مش راضي عن اللي انا بعمله ربنا هيرضي؟؟واسئله تانيه كتير بتؤدي لنفس النتيجه ابطل دروس و صلاه و حفظ قران...فالمشكله مش في ان حد يول مشاكلنا المشكله في انهم يسمعوها اصلا..واحب اقول ل ياسمينا ان مشكلتك نفس مشكلتي بالظبط و ياما عملت مع بابايا مشاكل علشان يصلي علي الاقل في رمضان بس برضه انك لا تهدي من احببت و لكن الله يهدي من يشاء.. فا كل اللي علينا ندعلهم...اللهم اهدهم الي سواء السبيل و اجعلنا سبب في تقربهم اليك و ارزقنا حسن معاملتهم و طاعتهم.. اللهم امين..اسفه طولت عليكم:D..

[asmaa talaat mohamed]

أستاذي وفقك الله الي كل مايفيد المجتمع المسلم
وبارك لنا فيك وأعانك
بجد حلقه أكتر من رائعه
وبها كل ما نتمني قوله لكن باسلوب غايه في الرقه والادب
فليس دور الاب فقط أن يتحمل عبء الانفاق
وليس دور الأم فقط أن تطعم صغارها
فهم مشكورين ومقدرين علي ذلك
ولكن حاجه الابناء تتعدي ذلك بكثير
فنحن في زمن صعب وماقد يهونه حضن أباءنا و أمهاتنا
وما قد يجعله مستحيل غيابهم عنا
أدعو الله لكل الأباء والأمهات أن يعينهم الله علي هذه الأمانه الكبيره
وأن يعين الأبناء علي برهم وتذكر تضحياتهم

[meroE]

بسم الله الرحمن الرحيم
جزاكم الله كل خير وضى الله عنكم وعنا بجد حلقه حلوه اوى زى كل حلقاتك يا ا/مصطفى بارك الله فيك وبارك فى فريق الاعداد ومستنين باقى حلقاتك

[لؤلؤة الجزيرة]

مشكورين حلقة واضح انها كانت ممتعة بس للاسف مكنش ليا نصيب انى اشوفها:marsa22: بس لما قراة المضوع حسيت باللحلقة وان شاء الله احملها واشفها

[souad1]

شكـــــــــــــرا وجزكم الله خيرا
يارب ارزقنى رضا ابى وامى يارب

[muslima_89]

السلام عليكم ورحمة الله
الحلقة أكثر من رائعة
بجد بجد ربنا يبارك فيك ويجزيك عنا كل خير يا استاذ مصطفى
برنامجك هايل والحلقات كلها اجمد من بعض :119:
إلى الأمــاااااااااااام

[قدوتى الرسول]

موضوع جميل اوى اوى وجزاك اللة خيرااا

[نعمه مكرم سيد مهران]

السلام عليكم ورحمه الله وبركاته.جزاك الله خيرا على هذا المجهود الرائع وعلى كل البرامج التى تقدمها لكن ارجوا منك انت تعد حلقه اخرى عن مراعاه الابناء للوالدين الموضوع مهم جدا وخطير ايضا وبصراحه ان لى اخت تحب والدتى كثيرا وتعمل من اجلها كثيرا تكن الحوار والرد باسلوب لا يليق بالحديث مع والدتهاودائما تحرجها بالكلام ويكون بينهم ايام واوقات اسابيع بدون كلام عاى الاطلاق وهى من اشد المحبين لك ولجميع البرامج التى تقدمهاومع ذلك فهى ملتزمه فى الصلاه والصوم واعمال الخير وجزاك الله خيرا ونفع بك امه محمد صلى الله عليه وسلم (لى رجاء كل من يقرا رسالتى هذه ان يدعو لى بالهدايه والصلاح فى الدنيا والاخره)اترككم فى رعايه الله وامنه*

[دمعة تائب]

جزاك الله خير حلقة في غاية الاهمية وهادفة
الله يجعلها في ميزان حسنانتك

[منة الله]

السلام عليكم ورحمة الله وبركاته
أولا أحب أني أقول إن الحلقه كانت ماشاء الله بتتكلم بلسان معظمنا وكمان عجبني أوي إن الأستاذ مصطفى وصانا على أهلنا يوم الأربعاء الأول قبل ما يوصي أهلنا علينا يوم الجمعه على العموم الحلقه كان فيها مشاكل كتير أوي بجد بتحصل بين الأهل وأولادهم بس طبعا مش كلها كان نفسي أوي يعرض مشكلة التفريق بين الأبناء و العصبيه اللي للأسف بيعودو الأبناء على رؤيتها من الصغر بس طبعا دى وقت البرنامج محدود جدا و المشاكل محتاجه وقت طويل و أكتر حاجه عجبتني في الحلقه إن الأستاذ مصطفى كان بيتكلم بإسلوب الأبن البار ربنا يكرمنا و نكون مثله إنشاء الله على العموم في النهايه أحب أن أقول ياريت كل الناس لهم أب و أم ذي والديا الحمد لله ربنا رزقني أحسن أب و أم في الدنيا و الله إنها لنعمه من أكبر نعم الدنيا .
الحمد لله كما ينبغي لجلال وجهك و عظيم سلطانك أعتذر على الإطاله :icon_smile:

[Zeinb Rezk]

السلام عليكم ورحمة الله وبركاته ربنا يجزيكم خير على المجهود ده وبجد كانت حلقة بتخص شريحة كبيرة جدا من الناس بس انا والحمد لله ربنا عفانى من هذا فانا اعيش فى اسرة مترابطة جدا حتى اختى المسافرة كانها معنا وكمان كلنا بنساعد بعض على طاعة الله فمثلا عند صلاة الفجر تجد البيت وكانه الظهر بابا واخى فى المسجد وانا وماما واختى نصلى فى البيت لذلك اشاء الله لما اكون اسرة هعمل كل جهدى لتكون اقرب ما تكون لاسرتى واخيرا ربنا يجازى كل ام واب خيرا وربنا يجزيكم على البرنامج ده كل خير ويرزقنا جميعا الاخلاص 0

[اريام]

:aaa0asmilies: ربنا يبارك في حظرتك يا استادنا والحلقة كانت مهمة جدااا لانها كانت بدور على مشكل اغلبنا بنعاني منو.ويارب يكون كتير من الباء والامهات اتفرجوا على الحلقة عشان يخفو علينا شوية بئة:yf--:.وربنا يحفظهم و يطول في عمرهم احنا من غيرهم ولاحاجة.وجزاك الله خيراااااااوشكرررررا.

[rasha talat]

السلام عليكم ورحمة الله وبركاته
أزيك ياأستاذ مصطفي وبارك الله لك ولــ فريق الاعداد ربنا يارب يكرمكم وجزاكم خير علينا
طبعا الموضوع جميل جدا وأتمني أكون أم زي ما حضرتك قولت انهاردا

[مريم محمود]

السلام عليكم مشكورررررررررررررررررررررر جدا على الكلام الجميل جدا اوى موت ومافيش كلام بعد حضرتك شكرا على الحلقة الجميلة والمزيد من التقدم والحلقات الحلوة

[ديني عصمة امري]

جزاكم الله خيرا ربنا نتلاقى في جنة الفردوس
احبكم في الله

[JKM-minas]

جزاكم الله خير على الموضوعات الرائعة اللي بتقدموها دايما
الحلقة كانت مبكية بصراحة
قد إيه لازم نكون مخلصين مؤدبين مع آباءنا وامهاتنا .. قد إيه حسيت بمعاناة الكثير من الاهالي الايام دي بسبب أولادهم .. ومعاناة أيضا الاولاد بسبب آباءهم وأمهاتهم .. وبالفعل وكما قال الاستاذ مصفى حسني القدير ..
يا أبوية يا أمي خلو بالكم مني .. خلو بالكم من سلوكي علموني الدين علموني الأخلاق ..
ماتوقفوش ضدي ..
ماتحسسونيش إني انسان غير محترم .. ماتخلونيش كدة عايش مش عارف حاجة
أحضنوني كأب وكأم
حنو علية
وقفو معاية .. ساعدوني علشان أحقق طموحاتي

والله يا إخوان الكلمات دي ليست بهينة .. لمن ملك الإحساس والقلب
كلمات ليست بهينة
ياما شباب تاهت بسبب ظلم أهاليها
وياما أهالي ماتت حسرة على عقوق ولادهم ليهم الله المستعان
والله يا إخوان مرة سمعت قصة عن بنت .. طالبة جامعية
كانت انسانة لا مبالية وطايشة بمعنى الكلمة .. شيطانها مسيطر عليها بشكل مريع
وأمها كانت دايما بتنصحها وتوجّها وتمنعها مرات عن الخطأ .. إلا إن الحنان الزايد
قلب الحكاية عكس ما يتوقع البعض
في يوم من الأيام جاءت هذه الفتاة إلى الجامعة وهي في منظر لا يليق بفتاة مسلمة بنت أب وأم صالحين
فجاء شاب من الشباب .. على قد ما هو تأذى من منظرها اللاذع ..
فقال ليها .. إنتي إزاي أهلك سمحولك إنك تخرجي كدة ؟؟!!!!!!
البنت طبعا انصدمت من السؤال وقالت .. أهلي مالهومش دعوة بيا انا بعمل اللي انا عاوزاه
رد عاد السؤال عليها
قالتلو انا "وقعت أمي عن الارض وخرجت وماسألتش .. وقعت أمي عن الارض وخرجت وماسألتش .. وقعت أمي عن الارض وخرجت وماسألتش .. لإني انا حرة وبعمل اللي انا عاوزاه .. الله المستعااااااااااان .. والعياااذ بالله .. اللهم ارحمنا برحمتك يارب يالله..
الجهل بخطورة الأمر والفعل .. وأيضا تسيّب الأهل وعدم التربية الصارمة .. وايضا عقوق واستسلام للشيطان بشكل خطير أدى إلى كل هذه الامور
والله كل يوم بتلاقي كثير من الابناء يرمون أهاليهم لمآوي العجرزة
انت متخيلين قد إيه أصبحت الأجيال .. فيها الكثير الكثيرر من اللا مبالاة وعدم الإحساس .. بغض النظر عن أي ظرووف يعيشها الإبن والأهل .. ماتستهينوش بكمية مآوي العجزة في بلاد العرب .. وللأسف كانو زماااان بييتريؤو على الغرب وأسولب حياتهم .. ودلوقتي العرب أصبحو كدة بل أسوأ الله المستعان
والمشكلة إنو الابناء بيرمو بأهاليهم .. ويروحو ومايسألوش حتى فيهم .. وكإنو الام دي أو الاب ده ماتعبوش خمس وعشرين سنة مثلا في تربية الشاب او الفتاة .. إزاااااي يقدر يعيش وأموو .. الأم طبعا كلنا عارفين مكانة الام .. والأب أيضا .. إزااي يقدرو يعيشو يوم واحد وهو مش عارف اذا كانت أمو بخير او لأ .. والعياذ بالله .. الله المستعاااان .. من إمتى كان عندنا حاجة اسمها مأوى العجزة من إمتى .. وليه يكون في حاجة اسمها مأوى العجزة والله تعالى والرسول عليه أفضل الصلاة والسلام قد أمرووووووناااا ببر الوالدين يقول الله تعالى {وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَآ أُفٍّ وَلاَ تَنْهَرْهُمَا وَقُل لَّهُمَا
قَوْلاً كَرِيمًاِ(23)وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًاِ} الإسراء
وجزاك الله خير يا أخي في الله مصطفى حسني وجعل في كل درب من دروبك نورا من عند الله
وأفاد بك الامة أجمعين
في رعاية الله

[ايمان عتابي]

بصراحة الحلقة اكثر من رائعة قد اية الحلقة غيرت من اسلوبي لـ بنتي لاني عصبية مع انها عندها 3 سنين فقط ولكن عنيدة جدا وبحاول اجد لها سلوب للتعامل معها لذلك انا هطلب من حضرتك طلب وياريت حضرتك تفكر فية بجدية وهو ان حضرتك ذكرت ان وسائل الاعلام لها دور كبير في تربية الاطفال وتكوين شخصيتهم ولذا اقترح علي حضرتك ان يكون هناك برامج اطفال تحث علي الاخلاق الحميدة وطاعة الله والاباء والاخلاص قد اية هيكون مؤثر في تربية الاطفال وخصوصا انة هيكون توجية بطريقة غير مباشرة وياريت ما يكنش فيها اي عنف زي الكرتون المعتاد نفسي في قناة تكون كلها كرتون هادف
وجزاك الله خيرا ان شاء الله

[أمة الله التائبة]

السلام عليكم ورحمة الله وبركاته
احنا كبرنا خلاص على ان اهلينا يبرونا ودلوقتى جه درنا احنا المفروض اننا نعلمهم اللى احنا اتعلمناه فى الدين بادب واحترام.
واننا نحضر انفسنا لاولادنا وكيف سنبرهم
انا بتكلم عن الانسان اللى اتخرج زيى
اللهم بارك فيكم ويرزقنا جميعا الجنة بغير حساب ولا سابقة عذاب ااامين
وصلى اللهم وبارك على سيدنا محمد وعلى اله وصحبه وسلم

[bisho2000]

:aaa0asmilies:

جزاك الله كل خير ان شاء الله اعمل بالنصيحه

:frh--:

[mariama]

السلام عليكم و رحمة الله
الحلقة طبعا لا تناقش و مفيش اثنين هيختلفوا انها كانت رائعة و ناجحة بكل المقاييس ما شاء الله على الناس اللي شغالين في البرنامج و ربنا يفتح عليهم كمان و كمان عشان يتحفونا زي كل مرة

[sososmsm]

بصراحة الحلقة كانت صعبة بالنسبة لي

لكن الشيء الذي أنحرمت منة لن أحرمه لأودي

و بالله التوفيق..............

[ghada2020]

جزاك الله خير يا شيخ مصطفى بجد انا كان نفسى حضرتك تتكلم عن النقطه دى لانى عمرى بجد ما لقيت حد بيتكلم فيها وهيه ان الابناء بيقربوا لربنا اكتر من الاباء وده بيكون صعب جدا لان عن نفسى بحس انه مش من المفروض ان الاهالى همه اللى يمنعوا اولادهم من انهم يقربوا لربنا وهيه فعلا مشكله لما ننصح حد بالهدايه واهله اصلا محتاجين نصيحه يا ريت يا استاذ مصطفى يكون فى طريقه نراسل حضرتك وترد علينا لانى كنت عاوزه اتكلم مع حضرتك فى مشكله والسلام عليكم ورحمه الله

[شمس الإسلام]

السلام عليكم
الحلقة كانت واقعية وجميلة والصراحة موضوع التواصل بين الأباء و الأبناء مشكلة كبيرة بس حضرتك قدمت الحلقة بإسلوب قمة فى الأدب والأخلاق ما شاء الله علمتنا إزاى نتكلم مع أهلنا حتى لو كانوا غلطانين
والمشكلة الحقيقية إن معظم الشيوخ لما بيتكلموا عن هذه العلاقة لا يتكلمون إلا عن بر الأبناء للأباء وده شىء جميل بس لازم يتكلموا فى باقى العلاقة ولا يتناولوها من هذا الجانب فقط

والمشكلة فى مجتمعنا الشرقى أن معظم الأباء لا يعترفون بأخطائهم على إعتبار إن ذلك شىء عيب أو أن ذلك سيهدم الصورة المثالية لهم فى عنيين أبنائهم وده طبعا خطأ كبير وبالعكس هما لو إعترفوا بأخطائهم سيكونون أكثر واقعية وأكثر صدق وقرب من أبنائهم ولازم الأباء يهتموا ببناء الشخصيات المستقلة
الصراحة إحنا عندنا مشكلة فى موضوع التربية فى المجتمعات العربية ولو إقتدينا بسنة النبى فى التربية أو إستفدنا من الدراسات والعلوم الحديثة فى التربية لكان وضع الشباب أفضل بكثير.

[اثراء]

:aaa0asmilies:
حجة اي ولد او بنت في مصاحبتهم او اي معصية ليهم هييييييييييييييي
((( ماما مش متقربة مني بعيدة عني وبابا بيهزقني مفيش صداقة بيننا همه الفلوس وبس
او الام بتشتغل ومشغولة عننا او دلع الاولاد ثم لا يستطيع السيطرة بعد ذلك او الاب مسافر والام لاتستطيع التربية لوحدها )))
هذا الدرس مهم جدا لاي ام او اب لان التربية هي اساس تكوين الابن او الابنة وهي التي تجعلهم يتجهوا الى الصحوبية او المخدرات او ...............من الفساد:020::016::jazak-allah::at--:

[سهام سامى]

السلام عليكم
اخوانى فعلا ان بعض الا باء والامهات مقصرين فى حق ابنائهم
فابى مثلالا يعاملنا المعامله
الحسنه
ولا التربيه الا خلاقيه التى تمتلء بالحب والامن يريد فقط ارضاء رغباته فقط دون الاهتمام بنا :icon_sad:
فيجب على كل اب ان يهتم باولاده لكى يقومواايضا ببره كما يجب
فكما فيه بر الابناء للاباء وللامهات
فيه ايضا بر الاباء للابناء:marsa101:

[نور الجنة]

جزيتم كل الخير


شكرا جزيــــــــــــــــــــــــــــــــــــــــــلا

[poucy_29]

بسم الله الرحمان الرحيم
السلام على من إتبع الهدى و حضرتك منهم
ربنا يكرمك و يباركلك يا أستاذنا الفاضل
و يعزك و يجازيك عنا كل خير
و صلي اللهم و سلم و زد و بارك على سيدنا و حبيب قلوبنا سيدنا و حبيبنا المصطفى و على آله و صحبه أجمعين و سلم تسليما كثيرا
و السلام عليكم و رحمة الله تعالى و بركاته
أختك في الله عبير من تونس

[uk muslima]

does any one know mustafa hosny's email address?

[kaouter]

السلام عليكم أشكرك جزير الشكر ياأستاذ مصطفى والله لم أرى الحلقة حتى اليوم و ذهلت لأني كنت أكلم أمي بالموضوع فحقا تأثر كل منا بكل كلمة قلتها حقا يا أسد الاسلام أنت و من مثلك نفتخر بهم وفقكم الله و جعلنا و اياكم من أهل الفردوس امين و لكن أخي في الله عندي تعليق صغير و أرجو أن تتقبلوه مني و هو الموسيقى في الجينريك فالموسيقى حرام يقول القحطاني في نونيته
ان التقي لربه متنزه عن صوت أوتار و سمع أغاني
وتلاوة القران منأهل التقى سيما بحسن شجى و حسن بيان
أشهى و أوفى للنفوس حلاوة من صوت مزمار و نقر مثان
فيا أخي ما قصدت هذا الا أمر بالمعروف و لكن لا ينسينا هذا الشكر عن كل مجهوداتكم المبدولة نصركم اللهو أطال في أعماركم

[أسيرة التفكير]

والله ربنا يجزيك عنا ألف أستاذي الكريم مصطفى
الصراحة ان هذي هي مصيبتي ومش عارفة أحلها وتعبت منها جددددددددا ومعدت قادرة استحمل زيادة وبجد مش عارفة اعمل اييييه والله

[nore]

جزاك الله خيرا استادنا الكريم على هذه الحلقة التي تعالج اكبر مشكل يعاني منه
الشباب اليوم فنحن محاربين ليس من طرف الاعلام فقط ولكن من لدن اسرنا
ايضا

[kaouter]

السلام عليكم أشكرك كثيرا على الحلقة و لكني أرى معاملة أمي تزداد رغم أني كلمتها في الموضوع و رأت الحلقة ولكن دائما نفس الشيء والله و ما زاد الطين بلة معاملة أختي الأصغر مني معي والله أحمد ربي على هذا الابتلاء و لكن أرجوكم أن تدعو لي و بالعكس أبي في معاملته معي قدوة حبيبي يا أبي لم يجرح مشاعري في يوم جعله الله من أهل الفردوس و اياكم و الله ما خطت أناملي هذه الكلمات الا و ذموعي تجري أسال الله أن يغفر لنا أجمعينأرجو الرد

[DR.YARA]

وفقكم الله لما فيهالخير لامة الاسلام بجد الحلقة كانت فى قمةالروعة