نــاس ونــاس

[lolita]

نــاس ونــاس
http://graphics.************/greypixel.gif

شفت كتير أشكال أجناس
شفت وشوش
شفت رتوش
شفت الناس من بين الناس
*******
ناس شقيانه
وناس تعبانه
وناس تتعب لو مضغوا لبانة
وناس ظهرها محني من الفاس
*******
ناس من كتر الغلا مكبوتة
مش قادرين يشترو كيلو قوطه
وناس مبسوطة
عايشه حياتها في شرب الكاس
*******
ناس فقرا ومش قادرة تعيش
أكتر كلمة تقولها مفيش
وفي ناس تاخد ما بتديش
وعشان تدي إيديها تتباس
*******
ناس كرامتها فوق الكل
رغم الفقر ما ترضاش ذل
وفي ناس واطية زي الفل
تِوْصَل لو حتى هتنداس
*******
ناس دايماً واقفين طوابير
لقمة عيشها ده هم كبير
وفي ناس رغم إنها طنابير
عمر ما تتعب ولا تحتاس
*******
ناس تديها ظهرك تإذيك
وناس تتمنى إنها ترضيك
عايشة حياتها كلها ليك
بتكمل معنى الإخلاص
*******
ناس عايشة في زحمة ودخان
شمس وحر وخنقة كمان
وفي ناس تانية قليل ما تبان
وبتتشال كده فوق الراس
*******
ناس تلاقيها ساعة الجد
عمر ما تتعب ولا تتهد
وفي ناس عمر ما ساعدت حد
نفسي وبس – أنا وخلاص
*******
ناس بالرغم إنها محتاسه
ما بتطلبش عشان حساسه
وناس تندب في عينها رصاصه
ناس منزوع منها الإحساس
*******
لكن بين الناس والناس
شفت وشوش
شفت رتوش
شفت الناس كده غير الناس
*******

http://graphics.************/greypixel.gif

[عاشقة الأقصى]

:f83::bf--:جزاكم الله خيرا حبيبتي لوليتا كلمات بسيطة جدا ومعبرة جدا
بارك الله فيك

[lolita]

جزاكى الله خيرا:icon_surprised:
حبيبتى عاشقةالاقصى على كلماتك الرقيقه

[عاشقة الأقصى]

جزانا و إياكم حبيبتي في الله

[رينادا]

روووووووووووووووووووووعة اختى
جمعتى صفات الناس كلها فى كلمات بسيطة جداً
اتمنى لك التوفيق

[onemile]

:bf--:
ما شاء الله لا قوة إلا بالله

[ســ المبدعة ــارونا]

جزيتي كل خير عزيزتي "لوليتا" ......

كلمات معبرة ......

لا تحرمينا من إبداعكـ

[sa-adel]

عجبنى اااااااوى الكلام يا لوليتا
الله يجزيكى الخير

[lolita]

جزاكم الله كل الخير حبيباتى فى الله

[lollty]

وانا كمان عجبنى موووت ما شاء الله عليكى ربنا يجازيكى خير

[nada el eman]

ايه ياعم الكلمات الججامده ده

ربنا يكرمك :) احبك فى الله وياريت ابدعاتك الرائعه كدا دايما ياقمر

[lolita]

:0051: جزاك الله كل الخير يا نداء الايمان احرجتينى بكلماتك الرقيقة دى,,,,,,,,,
احبك الله الذى احببتينى فيه,,,,وبعدين ده بعض ما عندكم

[islamic girl]

بجد ماشاء الله عليكى وعلى اختيارك الرائع لولو بجد منتهى الواقعية والحقيقة بس يا ترى انت اللى الفتيها ولا نقلتيها اصلها بتفكرنى شوية بكتابات الراحل صلاح جاهين ولا ايه؟ولو كده او كده ذوقك جميل جدا ورقيق جداجداجداااااااااااا