متولي هاينزمان

[osama_sherif]

http://www.ever-acc.com/accounts/blog/metwally_logo.JPG
السلام عليكم

ملحوظة هامة جدا: هذه القصة غير واقعية، إنما الهدف منها السخرية من الجهل
أكرر: هذه القصة غير واقعية
أكرر عشان فيه ناس لا مؤاخذة بتتظاهر إنها تحت خط الذكاء: هذه القصة غير واقعية

ده نموذج (غير حقيقي ومبالغ فيه) للرسايل العقيمة اللى المسلمين بيتداولها دلوقتى

كان ياما كان
كان فيه راجل ملحد معادي للإسلام اسمه
" هاينزمان "
راح الراجل ده في مرة عشان يناظر أحد علماء المسلمين في القرن الثاني الهجري
ولما قابل فعلا أحد العلماء قال له بخبث ودهاء: تعالى بقى يا شيخ لما أغلبك في مناظرة
تقدر تقول لي لما رقم اتنين قبله رقم واحد، يبقى رقم واحد قبله رقم كام؟؟؟
قال له الشيخ بكل ثقة: صفر

اندهش الملحد من ذكاء وعبقرية الشيخ
وقال: كيف لرجل في القرن الثاني الهجري أن يعرف هذه المعلومات
أشهد أن لا إله إلا الله
ورمى طاقية اليهود اللي كان لابسها على الارض، مع انه ملحد
ونزل على الأرض ليقبل تراب مصر عشان بلد الأزهر الشريف
والناس لما شافوه السنة اللي بعدها بيحج قالوا له: مش انت الراجل اليهودى الملحد (مش عارف ازاى) اللي كنت بتحارب الاسلام طول عمرك؟
قال لهم: أنا أسلمت وغيرت اسمي لـ
" متولي هاينزمان "

وبعدها اترقى لحد ما بقى الرجل الاول والاوحد في وكالة ناسا لعلوم الفضاء
واتعمل له تمثال في ميدان العباسية نظرا لدفاعه المستميت عن الاسلام
لكن الانجليز لما دخلوا مصر قالوا: مش ده هاينزمان الرجل اليهودي الملحد اللى اسلم
ومن ساعت ما اسلم وهو مسهرنا الليل وعامل لنا رعب وقلق بدفاعه المستميت عن الاسلام
فلما جم يكسروا التمثال ... سبحان الله ... لقوا ايد التمثال اترفعت
والتمثال بيقول لهم، انا الجنى حارس التمثال
...امشوا من هنا يا اولاد الـ

ومن ساعتها والناس بتروح ميدان العباسية عشان تزور مقام سيدي هاينز
والعجيب والغريب والمريب والرهيب إنهم لما صوروا قبره بالليل لاقوه بينور
والراجل اللى صوره (اللى لحد دلوقتى مش عارفين هو مين) بيحلف انه شافه منور
يا حلاوة

وبعدين لما الامريكان حبوا يشوهوا صورة هاينز مان
عملوا كاتشب بلون الدم سموه "هاينز" في اشارة الى الارهاب والعنف والدموية فى الاسلام
شفتوا المؤامرة اللي ضد الاسلام عاملة ازاى
بعد كده الراجل صاحب فكرة الكاتشب دي لاقوه في شقته ميت محروق، مخنوق، غرقان، مضروب بالنار، مشنوق
بس كوندوليزا رايس مكتمة على الخبر

ودي كانت قصة متولي هاينزمان
الشخصية الاسطورية اللي اخترعها صديقي أسامة عباس

اوعى تكون مش مصدق الاعجاز العلمي الجديد ده ولا حاجة
لو مش مصدق ابعت رسالة لـ"متولي هاينزمان" على الايميل ده
metwally.heinzmann@xxxxx (metwally.heinzmann@gmail.com)


ده حتى بالأمارة الحاج أحمد حامل مفتاح الكعبة (شخصية أسطورية برضه) شاف "متولي هاينزمان" في المنام
وغير كده فيه واحدة اسمها فاطمة لما كان عندها الحصبة والدكاترة قالوا لها هتموتي يعني هتموتي، شافت "متولي هاينزمان" برضه في المنام
( ماهى طبعا لازم يكون اسمها فاطمة عشان تبقى ماشية مع القصة، يعني هيبقى اسمها فكيهة مثلا؟؟؟ )
وقال لها حال المسلمين مش عاجبني يافاطمة والناس بقيت وحشة اوي اوي
والحل (ومافيش حل غيره) إنك تبعتي الرسالة اللى انا كاتبها لك على حتة القماش دي لكل الناس
( ماهي لازم برضه تبقى قماشة، يعني هيعملها لها على ورقة "ايه فور" مثلا؟؟؟ )

فضلا، مش امرا ولا بالعافية
ما تخليش الرسالة دي تقف عند جهازك
ولا تخليها تقعد عند جهازك
اقول لك ... امسحها من سكات كده

او ابعتها لـ13 شخص عشان "متولى هاينزمان" يجي لك فى المنام وهيقول لك على خبر كويس
واحد ضابط بعت الرسالة دي جت له ترقية في نفس اليوم بعد 13 دقيقة وماحدش عرف موضوع الـ3 اللى كان بيعذبهم يومها
وواحد تاجر اهملها وقعد يتتريق عليها خسر كل ثورته فى 13 دقيقة
واحد في هندسة عين شمس نشرها جاله امتحان الفيلد سهل جدا جدا ولقى نفسه عمال يحل كويس
وواحد زميله فى نفس السكشن اهمل الرسالة جاله امتحان الميكانيكا صعب
واحد تاجر أدوات صحية كبير، استهزأ بيها فاتحشر في التواليت اللي في المحل عنده
وواحد تاجر مخدرات رهيب، فنشرها 1256934 مرة فوروورد فالحمد لله، صفقة الهيروين اللي جاية من ليبيا عدّت على خير

انشرها يمكن تاخد ذنب حلو
او يمكن تكون تلكيكة عشان تاخد ايميل صاحبتك وتبعتها لها
بس خليها
BCC
والا مصر كلها هتعرف ايميل صاحبتك
ويا سلام بقى لو هي ترد عليك بنفس الرسالة
عشان تتطمنوا ان الحب بينكم لسه مستمر مهما كانت الظروف

وبعدين خلى بالك من حاجة مهمة جدا
شركة هوت ميل برعاية "هاينزمان" وشركاه بقالهم 5 سنين بيقولوا ان الشركة خلاص بتفلس والخدمة هتبقى بفلوس بعد كده
الا لو انت بعت رسالة "هاينزمان" دي لـ13 شخص، ساعتها هتفضل الخدمة بالنسبة لك ببلاش
وطبعا مش لازم يقعدوا يحلفوا ان المرة دي هم صادقين، عشان الشعب المصري غلبان وبقاله 5 سنين بيصدق على طول

أنشرها فقط لأن فيها
" لا إله إلا الله "
يعني مش مهم كل الهجص اللي مكتوب ده، المهم تنشرها عشان فيها
" لا إله إلا الله "

وده كان مثال مبسط للجهل اللى احنا عايشين فيه
ربنا يهدينا

ملحوظة: يمكن ناس كتير تبقى مش عارفة أنا باتتريق على ايه بالضبط
بس معلش، اعتبروا المعني في كرش الشاعر

والسلام عليكم

[osama_sherif]

كان لازم احط القصة دي هنا لأني لاقيت ناس كتير محتاجة تفكر في الموضوع شوية
تابعوا مغامرات "متولي هاينزمان"ـ
http://metwallyheinzmann.blogspot.com/

[مايا]

مشكورة اختي
ومعك حق والله في ناس عايشة بجهل فظيع واوقات بيأدي هالشي لكفر وهن مش حاسين

[osama_sherif]

مشكورة اختي
ومعك حق والله في ناس عايشة بجهل فظيع واوقات بيأدي هالشي لكفر وهن مش حاسين

جزاكي الله خيرا
بس ملحوظة صغيرة
انا اسمي
osama_sherif
اكيد ما ينفعش يبقى اسم بنت عشان تقولي لي "مشكورة اختي"ـ
:119:

[osama_sherif]

أهم المواقع للبحث في صحة الرسائل المنتشرة

http://www.dorar.net/hadith.php (http://www.dorar.net/hadith.php)
للبحث في الأحاديث وصحتها من عدمها

http://www.khayma.com/da3wah/latanshr.htm (http://www.khayma.com/da3wah/latanshr.htm)
للبحث عن ردود على معظم الرسائل الخاطئة المنتشرة

http://www.altazkia.com/khorafat (http://www.altazkia.com/khorafat)
بعض الخرافات والردود عليها

http://ee2010.com/forums/viewtopic.php?f=10&t=532 (http://ee2010.com/forums/viewtopic.php?f=10&t=532)
مجموعة رسائل خاطئة والردود عليها

http://www.metwallyheinzmann.blogspot.com (http://www.metwallyheinzmann.blogspot.com)
ومافيش مانع تبقوا تعدوا على مغامرات متولي

[Khaled Yousry]

بجد موضوع جامدة قوى ... وفعلاً إحنا بنشوف قصص وهمية وخرافات كتيرة منتشرة على الإنترنت والمنتديات بدون مصدر ولا دليل وبيقولك إنشهرها عشان فيها "لا إله إلا الله" !!

[هاجره الدنيا]

السلام عليكم ورحمة الله وبركاته

كثرت الرسائل العقيمه الفكر بين شباب المسلمين
وله كثير من المبررات لما فيه الشباب من فراغ فاصبحوا
يؤلفوا قصص لا عقل يقر بها ولا يصدقها نصف عاقل
قد نعيد تفكيرنا من جديد في الرسائل التي نرسلها
وان اخذ هذا وقت فمجتمعنا يحتاج الي صياغه فكريه من جديد
قد لا تٌحل بهذه المقالات ولكن تحتاج الي ما هو اكبر منها بكثير
فالله المعين

ولك مني خالص التقدير

[هاجره الدنيا]

السلام عليكم ورحمة الله وبركاته
سبحان الله العلي العظيم
يعني انا ممكن اقدر اقولها من هنا للصبح
والله العظيم بعد ما قريت موضوعك وكتبت التعليق
جالي الموضوع ده عن طريق البريد الخاص بيه
والموضوع هعمله كوبي علشان نشوفه الا اني انا مش
بتريق علي الموضوع بالكامل ولكن فيه جوانب اجابيه بعض الشيء
ولكنها قليله جدا ومش هطول اكتر من كده واليكم الموضوع
مساء الخير للجميع
ارجو ان تأخذوا هذه الرسالة بمحمل الجد لأنها مهمة كتير ........
وشكرا لك من قرأها


السلام عليكم ورحمة الله وبركاته>>>>>>>> (((( رســـالــه وصــلـتــــني ،،،، والله أعــــــلــم ))))>>>>>>>>>>>>>>>> يوم القيامة قريب والدليل>>>>>>>>>>>> رســــالة .... إقرأها كاملة ولا تهملها و إلا ستأثم>>>>>>>>>>>> وصية الرسول- صلى الله عليه وسلم- ... في منام الشيخ أحمد>>>>>>>>>>>> (( حامل مفاتيح حرم الرسول الكريم- صلى الله عليه وسلم -))>>>>>>>> ------------------------------------>>>> وصية الرسول عليه الصلاة و السلام في منام الشيخ أحمد حامل مفاتيح حرم الرسول الكريم صلى الله عليه وسلم>>>>>>>>>>>> بسم الله الرحمن الرحيم>>>>>>>>>>>> السلام عليكم ورحمة الله وبركاته>>>>>>>>>>>> أقسم أن الرسالة استقبلتها اليوم فأرجوا أن تقرؤوها كاملة وتعلموا ما بها ... هذه الوصية من المدينة المنورة من الشيخ أحمد إلى المسلمين من مشارق الأرض ومغاربها وإليكم الوصية>>>>>>>>>>>>>>>>>>>> يقول الشيخ أحمد : أنه كان في ليلة يقرأ فيها القرآن الكريم وهو في حرم المدينة الشريف ... وفي تلك الليله غلبني النعاس ورأيت في منامي الرسول الكريم و أتى إليًّ>>>>>>>>>>>>>>>> وقال:- إنه قد مات في هذا الأسبوع 40 ألف على غير إيمانهم وأنهم ماتوا ميتة الجاهلية>>>> و أن النساء لا يطعن أزواجهنَّ ويظهرنَّ أمام الرجال بزينتهم من غير ستر ولا حجاب وعاريات الجسد ويخرجن من بيوتهن من غير علم أزواجهن ...>>>>>>>> وأن الأغنياء من الناس لا يؤدون الزكاة ولايحجون إلى بيت الله الحرام ولا يساعدون الفقراء ولا ينهون عن المنكر>>>>>>>>>>>>>>>> وقال الرسول (صلى الله عليه وسلم): أبلغ الناس أن يوم القيامة قريب وقريباً ستظهر في السماء نجمة واضحةً ... وتقترب الشمس من رؤوسكم قاب قوسين أو أدنى وبعد ذلك لا يقبل الله التوبة من أحد وستقفل أبواب السماء ... ويرفع القرآن من الأرض إلى السماء>>>>>>>>>>>> ويقول الشيخ أحمد أنه قد قال له الرسول الكريم (صلى الله عليه وسلم) في منامه :>>>>>>>>>>>> أنه إذا قام أحد الناس بنشر هذه الوصية بين المسلمين فإنه سيحظى بشفاعتي يوم القيامة ويحصل على الخير الكثير والرزق الوفير .....>>>> ومن اطلع عليها ولم يعطها اهتماماً بمعنى أن يقوم بتمزيقها أو القائها أو تجاهلها فقد أثم إثماً كبيراً .....>>>> ومن اطلع عليها ولم ينشرها فإنه يرمى من رحمة الله يوم القيامة .>>>>>>>>>>>> ولهذا طلب مني المصطفى عليه الصلاة والسلام في المنام أن أبلغ أحد المسؤولين من خدم الحرم الشريف أن القيامة قريبة فاستغفروا الله وتوبوا إليه.>>>>>>>>>>>> وحلمت يوم الإثنين أنه من قام بنشرها بثلاثين ورقة من هذه الوصية بين المسلمين فإن الله يزيل عنه الهم والغم ويوسع عليه رزقة ويحل له مشاكلة ويرزقه خلال 40 يوماً تقريباً>>>>>>>>>>>> وقد علمت أن:->>>> احدهم قام بنشرها بثلاثين ورقة رزقه الله 25 ألفاً من المال>>>>>>>> كما قام شخص آخر بنشرها فرزقة الله تعالى 96 ألفاً من المال>>>>>>>> وأخبرت أن شخصاً كذب َ الوصية ففقد ولده في نفس اليوم ... وهذه معلومة لا شك فيها>>>>>>>>>>>> فآمنو بالله واعملوا صالحاً حتى يوفقنا الله في آمالنا ويصلح لنا شأننا في الدنيا والآخرة ويرحمنا برحمته ...>>>>>>>>>>>>>>>> قال تعالى:\\\' فالذين آمنوا به وعزروه ونصروه واتبعوا النور الذي أنزل معه أولئك هم المفلحون \\\'. الأعراف>>>>>>>>>>>> قال تعالى:\\\' لهم البشرى في الدنيا والآخرة\\\' يونس>>>>>>>>>>>>>>>> قال تعالى:\\\' ويثبت الله الذين آمنوا بالقول الثابت في الدنيا والآخرة ويضل الله الظالمين ويفعل الله ما يشاء \\\'. إبراهيم>>>>>>>>>>>> علماً أن الأمر ليس لعباً ولهواً ... أن ترسل هذه الوصية بعد 96 ساعة من قراءتك لها...>>>>>>>>>>>> وسبق أن وصلت هذه الوصية أحد رجال الأعمال فوزعها فوراً ومن ثم جاء له خبر نجاح صفقته التجارية بتسعين ألف زيادة عما كان يتوقعه.>>>> كما وصلت أحد الأطباء فأهملها فلقي مصرعه في حادث سيارة فأصبح جثة هامدة تحدثعنها الجميع.>>>> وأغفلها أحد المقاولين فتوفى أبنه الكبير في بلد عربي شقيق .>>>>>>>>>>>> يرجى إرسال 25 نسخة منها ... وبشر المرسل بما يحصل له في اليوم الرابع وحيث أن الوصية مهمة للطواف حول العالم كله>>>> فيجب إرسال نسخة متطابقة إلى أحد أصدقائك بعد أيام ستفاجئ بما سبق ذكره .>>>>>>>>>>>>>>>> فآمنوا بالله واعملوا الخير واعملوا ما أنا عملته ووضعته بين يديكم>>>>>>>>>>>> وادعوا لنا ولكم بالخير القريب إن شاء الله>>>>


هذه الرساله كما وصلتني بالنص
تحياتي

[Khaled Yousry]

فعلاً كلنا وصلتنا الرسالة دى !
ربنا يهدى كل واحد بيبعتها