يا بنات ساعدوني وردوا عليا

[ALLAH IS GREAT]

السلام عليكم ورحمة الله وبركاته
أولا أحب أعرفكم بنفسي أنا طالبة في ثانية صيدلة المنصورة أنا بصراحة مش لقيت حد أحسن منكم احكي له عن حكايتي لان أنا مش بكلم أي حد ومنطوية جدا جدا جدا وكل مشاعري مكتومة جوايا
أنا من عيلة محترمة جدا وملتزمة لأبعد الحدود ووالدي متوفي وأنا عندي سنتين (ادعوا له بالرحمة) وأمي امرأة مجاهدة اشتغلت وربتنا أنا واخواتي أحسن تربية (آسفة على الإطالة)
*نخش في الموضوع أنا لي ابن خالة أكبر مني بسنة ونص وبصراحة كده أنا كنت معجبة بيه وأنا في 3 إعدادي وكنت بفكر فيه طول الوقت وبعدين تحول الإعجاب لحب بس كل ده وأنا مش بقول لحد أي حاجة ولاحتى هو كنت بكلم معاه أكتر من (ازيك / الحمد لله) فكنت فاكراه مش واخد باله مني
وفجأة السنة اللي فاتت قبل الدراسة (قبل ما ادخل الكلية) بدأ يبعتلي رسايل ع الموبايل وبيقولي إنه معجب بيا وطبعا أنا كنت فرحانة بالكلام ده زي أي بنت وطلب مني إن أنا اروح معاه كلية في القاهرة بس ماما صممت إن أنا اروح المنصورة عشان أقرب لنا (بس طبعا مش ده السبب بس كانت خايفة عليا من ولاد عمي بسبب المشاكل اللي بينا)
*المهم بعد ما دخلت الكلية كان لسه بيراسلني بس أنا والله كنت بقوله إن اللي احنا بنعمله ده حرام حرام حرام وبطلنا شوية وبعدين بيرجع يبعتلي تاني بس أنا والله تبت ومكنتش برد عليه
*كل ده كنت بحكيه لبنت خالتي من نفس سني وكنت فاكراها كاتمة سراري بس هي مشكلتها انها بتحكي كل حاجة لمامتها اللي هي خالتي وطبعا مامتها تحكي لماما فماما واجهتني بالحقيقة كلها فطبعا ما انكرتش وكان رد فعلي البكاء بحرقة وندم على ما فات وطبعا نصحتني إني ابعد عنه واعامله كابن خالة وبس
بس أنا بصراحة مش عارفة هو بيحبني بجد ولا لأ وليه أنا بالذات دونا عن كل البنات
*وكمان ساعات كنت بحس إن في حاجة بينه وبين أختي اللي من نفس سنه وكنت بعيط لما بشوف أي حاجة تحصل بينهم حتى هو كمان قاللي إن كان بينهم حب بس هي دلوقتي اتخطبت لابن عمي بس هو مسافر يشتغل بره وهي آخدة راحتها عالآخر لدرجة انهم ممكن يكلموا ع الشات وماما شايفها وعادي لكن معايا مش عادي معرفش ليه؟؟؟؟؟؟؟؟؟
*بس أنا والله عمري ماكلمته face to face في أي حاجة كله رسايل موبايل
أنا نفسي أواجهه واسألوا على موقفه بالضبط بالنسبة ليا بس إزااي مش عارفة؟؟؟؟؟؟؟؟؟؟؟؟؟
أرجوكم انصحوني بس بكلام واقعي مش كلام إنشاء

[ALLAH IS GREAT]

يا جماعة أرجوكم محدش يدخل ومش يجاوب أنا محتاجة لآرائكم ضروري جداااااااااا

[ALLAH IS GREAT]

آه نسيت أنا آسفة جدا إني طولت عليكم بس

[سجل أنا عربي]

السلام عليكم و رحمة الله و بركاته
إزيك يا حبيبتي أخيتي __ALLAH IS GREAT__؟؟
يا رب يريحك و يفرج كربتك و كربة كل اللي ينطق لا اله الا الله
اسمعيني أخيتي الحبيبة أنا مش هطول عليكي بس هقول ليكي بعض الأسئلة تطرحيها على نفسك و تجاوبي عليها بنفسك و اللي هي
يا ترى يا أمورة بتثقي في ربنا سبحانه يقييييين؟؟؟
لو قلتي أيون هقولك طب همك ليه؟؟ ما دام إذا كان نصيبك و الله هيكون نصيبك و مش هترتبطي بغيره ..و إذا ما كنش هو نصيبك يا حبيبتي و الله و إن جا ليكي و قال ليكي انه بيحبك بجنان و الله صدقيني مش هيغير ده من نصيبك و لا شعرة
قوليلي يا حبيبتي..بتخلصي للي هيكون زوجك بإذن ربي ؟؟ سواء هو أو غيره؟؟
طب قوليلي كمان .. تفتكري إذا ربي رزقك بشخص طيب رااااااائع إن شاء الله بيحبك حب سيد الخلق صلوات ربي و سلامه عليه لأمنا عائشة..تفتكري إنه مش هيملي عينك و حياتك؟؟ صدقيني و الله ما هتفكري في أي حد غيره ..
بس عشان ربي يبارك ليكي و فيكي و يرزقك باللي بتتمنيه في الدنيا دي =الزوج الصالح بإذن ربي
سواء الأخ ده إذا كان الخير فيه أو غيره ..لازم مجاهدة و جهاد فعلا..تضرعي للحبيب الحليم الودوود سبحانه..أطلبيه باللي تتمني زي ما دعانا حبيبنا سيد الخلق صلوات ربي و سلامه عليه قائلا --سلوا الله حوائجكم حتى الملح..-- أطلبي من اللي بث فيكي الروح أي حاجة لأنه سبحانه إسمه القادر + السميع + المجيب +الحليم + الودوود + الرحيم جل جلاله
فقط شرط دعائك اليقين فيه و التوكل عليه
معذرة عالإطالة و ربي معاكي و بتمنى أكون فدتك و لو بكلمة طيبة
قلبي معاكي حبيبتي و اقبليني أخت و صديقة ليكي
:119:
الله يريحك يا رب و كل بنات و شباب هذه الأمة

[سائره الى الله]

اختى الحبيبه
ربنا يبارك فيكى
وادخلك جنه الفردوس
مدام تعرفين انه حرام وقلبك صاحى اظن انكى اخت طيبه وتخافى الله
اولا اختى كلنا نواجه فتن فى حياتنا
ولكن اشد فتنه تمر امام اى بنت هى التعلق بالحب
لان فطرت البنات تميل الى انها تحب وتتحب وما شبه ذللك
لكن اختى الحبيبه
انصحك لله انكى تبعدى تماما عن ابن خالتك وان تقولى لنفسك
انا غاليه لن ينال اى احد منى بكلمه الا ويكون محلل لى
يعنى يكون زوجك فى الحلال
وصدقينى اختى ما ترك شيئا لله عوضه بخير منه
انصحك ان تذهبي لدروس في المسجد وتسمعين دروس دينيه لشيخ تحبينه وبتعدى عن اى معصيه صغيره
تحسبوه هين وهو عند الله عظيم
وتبحثين عن صحبه صالحه
ووفقكى الله يا اختى في الدنيا والاخره
واذكرك اختى ابعدى عن اى تواصل مع ابن خالتك
لكى يعلم انكى غاليه وانه لن ينال منك بكلمه الا وانتى حلاله وزوجتو
وحافظكى الله من فتن الدنيا والاخره لو اردتى اختى الكريمه التواصل معى ارسلى لي رساله خاصه با ايمللك الخاص

[ولمن خاف مقام ربه جنتان]

السلام عليكم ورحمه الله وبركاته
اختى فى الله ابحثى عن صحبه صالحه واتركى هذا الامر وتضرعى الى الله بالدعاء ان لايجعل فى قلبك حبا الا له وادعى انما اشكو بثى وحزنى الى الله واستعينى بقراءة القران والله يعينك على ترك هذه الفتنه

[جبالى]

السلام عليكم اختى الحبيبه انصحك لله ان تتركى ابن خالتك هذا فورا وتحاولى تشغلى نفسك اكتربصحبه صالحه وهذا متوفر اليك فى منتدى الاستاذ مصطفى حسنى انا واحده من البنات وبقولك ان اول مره حبيت فيها قلت هاموت من غيره ولا مت ولاحاجه ومع الايام عرفت مدى الخطاء الذى ارتكبته فى حق الله اولا وحق نفسى واهلى ثانيا انا عارفه انها صعبه عشان ده مشاعر بس والله والله والله لما تسبيه ابتغاء مرضات الله والله ربنا هايسعدك لان قلوبنا بين اصابع الرحمن يقلبها كيفما يشاء فتاكدى ان الله معاكى فى كل وقت وهو اعلم بما داخلك والله قادر على ارضائك ان شاء الله ويا رب لو هو انسان صالح يكون ليكى نصيب فيه او يرزقك زوج صالح والله ده مش كلام انشاء ده عن تجربه والله يوفقك ويجعلك عابده صالحه ان شاء الله

[amalnasrus]

السلام عليكم
ازيك يا اختى الحبيبة
انا رايى انك اشغلى وقته فراغك بحفظ القران والصلاة واعملى اشياء تحبيها بحيث لا تفكرى فى الموضوع انا عارفه انه صعب فى البداية بس هقولك على تجربة حصلت ليه انها صعب فى البداية بس انا دلوقتى انا سعيدة جدا و عايشه حياتى و بحقق احلامى و اجمل حاجه انى دلوقتى حسه انى فى النور و هقولك ممكن تصلى استخارة و تدعى ربنا و فى الخير هيقدمه ربنا

[miss_roaa]

يا بنتى الحوار ده مش نافع اصلا تعالى نخدها من الناحيه الاجتماعيه او الذوقيه الاول ازاى هو هيكون بيحب اختك او كان بيحبها وبعد كده يحبك ده كدب لانه ازاى هيعامك بطريقه كويسه وانتى تصدقيها وكان فى قلبه حاجه لاختك عارفه يعنى ايه اختك يعنى كل مناسبه هيقبلها ان لم يكن اسبوعيا يعنى انتىكل اما تشوفيهم هتفتكرى الموضوع ده غير انك هتبقى شكه ان فى حاجه " يعنى مش هترتاحى فى حياتك" ده لو مكنش قالك انه بيحبك علشان يكون قريب من اختك اصلا.....


تعالى بقى نخدها من الناحيه الدينيه انا مش هقولك غير كلمه واحده أؤمن بيها جدااااااا

" كل حب لغير الله ينهار"

[tasneem1]

حبيبتي أنا راح أحكيلك عن قصة مشابهة حدثت لبنت خالي وكانت تحكيلي كل أشي وكنت أنصحها أنه تبعد عن شاب بكون أخويه تصوري ظلت مش عارفة أزا بحبها ولا لأ وحكتلي أني أحكي معو طبعا أنا ما وافقة لأنو أزا كان ما بحبها راح تصير بموقف محرج وظلت على هدا الحال 3 سنين وبسبب هدا الموضوع رسبت في التوجيهي مرتين و كانت تحكيلي أني أنا مو حاسة فيها بس كنت أفهمها أنو هي مو فاهمة على حالة و مو عارفه شو بدها وأخيرآ بعد ما ضيعت من عمرها وراحت كتير أحلام عرفت أنو بيحكي مع بنات غيرها وأنتهت قصتهم فاحذري تغلطي غلطتها و أصلآ لما عرفتي أنو بيحكي مع أختك لازم شطبتي من بالك لأنو واحد ----
والحياة حلوه وانتي شاطرة لأنك داخلة صيدله نصيبك راح يجي وأنشاء الله يكون شاب يصونك ويحترمك و لو ما فيكي خير كان ما بتحسي أنك عاملة أشي غلط قربي من الله وحبي الحياة وبتمنى بس تقرأي رسالتي أنك تبتسمي :036:

[رحاب ام عمر]

انا واحده من البنات وبقولك ان اول مره حبيت فيها قلت هاموت من غيره ولا مت ولاحاجه ومع الايام عرفت مدى الخطاء الذى ارتكبته فى حق الله اولا وحق نفسى واهلى ثانيا انا عارفه انها صعبه عشان ده مشاعر بس والله والله والله لما تسبيه ابتغاء مرضات الله والله ربنا هايسعدك لان قلوبنا بين اصابع الرحمن يقلبها كيفما يشاء


انا كمان والله حبيبتى كنت بقول زى جبالى القمر دى كده بالظبط
وبعد كده لما كبرت شويه والمواضيع دى عدت عليها فتره ولعلمك فترة مش كبيرة والله
بعد شويه فضلت أحمد ربنا على انى خلصت من اللى انا فيه وفوقت لنفسى كمان
وعاوزه اقولك ان الحاجات والله من اكتر الحاجات اللى بندم عليها دلوقتى

فخلى بالك من نفسك ومش تهدرى مشاعرك ورا سراب حافظى عليها للى يستاهلها وتكون فى مرضاة الله

وربنا يهدينا جميعا يا جميلة ويوفقك يا رب
وعاوزة كمان اقولك على نصيحة حاولى تشغلى نفسك عشان تبعدى عن التفكير فيه وربنا يعينك يا رب

[salma salah]

السلام عليكم ورحمة الله وبركاته...
اهلا بيكي معانا فى المنتدى وقبل ما اقولك اى حاجه عايزه اقولك انك مادام دخلتى المنتدى ده صدقينى هتدمنيه ومش هتخرجى من عليه ومش هتفكرى فى حاجه تانيه لا ابن خالتك ولا غيره مش هتلاقى وقت تشغليه فى حاجه تانيه غير طاعة الله مع الصحبه الجامده دى.بصي يا قمر متستعجليش على نصيبك واوعى تكلميه فى اى حاجه لانه ممكن يفكر انك انتى اللى بتقوليله انك بتحبيه وساعتها لو هو كان بيحبك فعلا او مش بيحبك ممكن يغير نظرته ليكي ويقول انك بتعرضى نفسك عليه انا اسفه على كلامى بس انتى اللى طلبتى مننا ان احنا ننصحك بكلام واقعى وده واجب علينا من غير ماانتى تقويلي احنا هنا اخوات وبنخاف على بعض.انا برضه كنت زيك بس كنت فعلا مرتبطه بواحد بقالى سنه ونص وصعب انى اسيبه وكنت كل ماجى اسيبه باقعد افكر ازاى هعيش من غيره بس صدقينى الموضوع بسيط وربنا هيبسطه اكتر وهيسهلهولك مادام انتى بتعملى كده عشان ربنا.(عسى ان تكرهوا شيئ وهو خيرا لكم وعسى ان تحبوا شئ وهو شرا لكم)(لو علمتم الغيب لراضيتم بالواقع) زى ماالبنات قالولك ازاى هتعيشي معاه وهو كان فيه بينه وبين اختك مشاعر هتعيشي فى شك على طول بس لو ليكي نصيب فيه ربنا هيبعتهولك وهيطلبك للجواز وهيحبك اكتر من اى حد ومش بعيد ان ربنا يمحى حبه لاختك من قلبه وانتى تنسى الحكايه دى وتعيشي سعيده معاه.بصي يا حبيبتى مش عايزه اطول عليكي بس نصيحه متستعجليش انتى لسه صغننه وفى كليه جامده ومستقبلك ان شاء الله كويس حاولى تخلى كل مشاعرك دى تكون لربنا بس وبكره يجيلك وانتى تحطى رجل على رجل وتقعدى تفكرى:th: وتقوليله هافكر وعلقيه شويه شوفيه بيحبك بجد ولالاهههههههههههههههههه وقبل ماتقولى اه ولالا هتكونى طبعا استخرتى الله وربنا يسعدك ياجميل. واهلا بيكي مره تانيه فى المنتدى. يابينتى سيبك منه خليكي معانا محدش هينفعك:nono: غيرنا ان شاء الله.اوعى الكلام ميعجبكيش وتروحى مترجعيش تانى احنا مش هنسيبك وهنجيبك هنجيبك .وياجميل:aa--: متشلش هم اى حاجه الدنيا احلى من كده بكتر واحنا فى الخدمه يا باشا انت تؤمر واحنا ننفذ:victory:

[mai hani]

السلام عليكم و رحمة اللة و بركتة
ممتك عادى بالنسبة ليها ان اختك تكلمة على الشات علشان هى فى نظرها كبيرة و كمان علشان هى مخطوبة و كمان من كلامك واضح ان ممتك مكنش تعرف حاجة عن المشاعر الكانت بنهم امهم ان انت متزعليش ومتحيريش نفسك واحسن انك بدل ما يبقى فى حد فى قلبك بيشركك حب ربنا و سيبى كل شى على ربنا و ربنا هيكرمك ان شاء اللة "كلن ما يصينا الا ما كتبة اللة لنا"

[t.n.t]

مرحبا اول شي بدي اقلك اشي مهم " عمرك ما تقول ليه هي مش انا وليش انا مش هي" اول اشي الواحد بمارس قناعت وانت زي ما قلت ان الكلام مع ابن خالك من غير ارتباط حرام فما يأثر فيكي تعامل امك وان كان غير عادل!!! وبعدين مني منك ما بكلف نفسي افكر في حتى لان انسان غير امين و غير صادق في مشاعر ( ازا بتكلم معاكي و مع اختك المخطوبة بنفس الوقت) بجد ازا انت حاس نفسك بتحبي او معجب في فأشغلي وقتك في اشياء تنستكي اياه وصلي و اطلب من الله ان يبعدك عن لان وحياتك واحده زيك نقية بدها واحد نقي زيها

[roselife]

السلام عليكم ورحمه الله وبركاته
انا اسمي roselife2 انا حابه ارد علي مشكلتك ومش هقولك حرام وازاي تعملي كده وانت غلطانه لكن خلينا نتكلم كلام واقعي وكلام شباب يعني هتكلم معاكي باللغتنا بتاعت الجامعه بصي انت قلتي ان ابن خالك بيقول انه بيحبك طيب تيجي نفكر بشكل منطقي وننقد كل اللي بيقوله :: هو قال انه بيحبك ؟ طيب ايه اللي عمله عشان يثبت حبه اتكلم مع اهلك؟ أعلن حبه ليكي قدام العيله واكد علي انه عايز يخطبك ؟
قال لمامته وباباه اللي هو خالك ؟
اتكلم مع مامتك بصراحه وقال لها علي حبه ليكي ورغبته في الارتباط بيكي ؟
اجوبك انا؟
لا . معملش اي حاجه لانه لو عمل اي حاجه صح مكنتيش دلوقتي محتاره
وهقولك علي حاجه اللي يقولك انه كان بيحب اختك قبلك هو كده حاطك في ركن الاختيار مابينه ومابين اختك
ده بالاضافه انه دخل من الشباك ومراعاش انك بنت خاله يعني دمه ولحمه والمفروض ان هو اللي يحافظ عليكي من الغريب لكنه للاسف عمل ذي الغريب بالظبط
يبقي اقوليلي يا اختي يا ذكيه وانا متاكده من ذكائك بس الحب ساعات كتيييير بيعمي القلوب عن الحقيقه قوليلي انت اذاي لسه بتسالي اذا كان بيحبك ولا لأ وعلي العموم استني لما يبعت رساله من اللي بيبعتهم واللي بيتكلم فيها عن حبه وهيامه وردي عليه برساله دي ( يا فلان انت بتقول انك بتحبني وانك بتخاف عليا وانا بقولك ان اللي بيحب حد بيثبت حبه ده يعني لو بتحبني انت عارف طريق بيتي , لاني مجرد بنت بتخاف من ربنا وعايزه تعيش حياتها في النور وبشكل محترم وانا مش هقدر استمر معاك بالشكل ده وكاننا بنسرق لا احنا فعلا بنسرق وكمان انا حاسه انيبخون ثقه امي فيا فلو سمحت متبعتش رسايل تاني ولا تتصل بيا تاني ويا امه نكون اقرايب بس او نكون مرتبطين بشكل رسمي ومعنديش اختيار تاني )
انا عارفه ان الرساله طويله انت اكتبي مضمونها بس اوك
وعموما انا راي انه مينفعش لانك كده هتخسري اختك واعي تخسري اختك او امك عشان اي حد في الدنيا وربنا معاكي
لو حابه يكون ليكي اخت تانيه راسليني انا roselife2 وعلي فكره انا في ليسانس اداب فلسفه جامعه القاهره:icon_razz::aaa0asmilies::Egypt:

[براق]

انسي كل شيء ولا تفكري وتهتمي انسي كل شيء وابائي من جديد:icon_razz:

[ola zahra]

alsalam 3lekm warhmat alah wbarkath
akhty fe alah , nasehat okht ela okht ebta3edy 3an ebn khaltek wamlaay wakt faraghaky fe thekr alah lan ebn khaltek bayn 3alehfady ashghal lanh zay mahakety kan yheb your sister.batmanah men alah 3az wagal an yahdeky ela altarek alsaheh.alah ma3ek

[نورى]

اختى اولا انا من المنصورة ذيك انا مش هقولك كلام انشاء ان ده حرام وعيب انا بس هقولك حافظى على امك اللى تعبت فيكى وكمان انت صغيرة قوى ياجميلة ربتا معاكى

[ALLAH IS GREAT]

يا جماعة شكرا جدا على ردودكم اللي أفادتني كتير وعرفتني أنا هعمل ايه بالضبط
ومعلش أنا مش دخلت المنتدى من زمان

[bosy cat]

اختى فكرى شوية عشان متخلش حد يتسلى بمشاعرك ولما تلاقية خطب بعد كدة تحسي اد اية بالتعب ان حد استغل مشاعرك وبالذات انك بتقولى ان كان بينة وبين اختك حاجة نصيحة متحطش نفسك فى مكان تندمى علية وافتكرى دايما ان لو هو نصيبك هيجيلك كدة كدة بس لما يحس انك بجد كويسة ورفضة حتى مجرد رسايل هيحترمك اكتر وافتكرى دايما ان الشيئ البعيد والى بحاول كتير لحد ما بوصلة بيكون اغلى بكتير من الحاجة السهلة متخلش نفسك حاجة سهلة مجرد ما يفتح الموبيل يحصل عليكى انتى اغلى من كدة بكتير وبجد حولى تلاقى الصحبة الخير الى تقف معاكى وانا اختك فى الله بجد ممكن نكون اصحاب بجد وننصح بعض وربنا يوفقك فى خير الاعمال:022: