افتونى فى أمرى !!!

[mahmoud ahmed 20082008]

السلام عليكم ورحمة الله وبركاته لو سمحتم يا اخوانى انا اريد ان اطرح عليكم مشكله وقعت فيها ولم اعرف ماذا افعل فيها انا الان اعمل وهذا العمل يتكون من خمس افراد فانا والحمد لله اصلى احمد الله على ذلك ويوجد من الاربعه الاخرين شخص واحد هو الذى يواظب على الصلاه واما الاخر فانه يقطع فيها ويوجد اثنين وهو صاحب العمل والعامل فهما لا يصلون ابدا ولكن لكى لا اكون ظالماً لاحد فان صاحب العمل هذا يصلى فى اوقات قليله جدا جدا
ولكن العامل لا يصلى ابدا ابدا فانا لا اعرف كيف ادعو هذا العامل فانه غير متعلم ولا يفقه كثير عن امور دنياه ولا عن امور دينه ومن الصعب جدا اقناعه وبصراحه شديده انا لا اقدر على مواجة شخص او لا اقدر على اقناعه وهذا بالذات لانه عنيد لدرجه لا تتخيلوها والمشكله انه يسمع وعند انتهاء اخر كلمه لا تجد ادنى تأثير او تغيير وان قلت له تعالى نصلى يقول لك (حاضر) ويجلس كما هو لا يتحرك وانا انزل الى المسجد وارجع وهو ما زال جالس فى مكانه كما هو وعلما بأنه يبلغ من العمر 41 سنه وانا ابلغ من العمر 17 سنه ولا اعلم كيف ادعوه بطريقه يستجيب بها فانا فقدت احساسى بانه مسلم لانه وصل الى درجه انه يستهزء بى عند قراتى للقرأن ويتعمد ان يقاطعنى بأساله سخيفه حتى لا اكمل قراتى ارجوا منكم ان تفتونى فى امرى لانى اريدهم جميعاً يلجؤن الى الله ونعبد الله حق عبادته لان من واجبى ان ادعو هؤلاء فا انا اريد منكم ان تدلونى على الطريقه الصحيحه
وجزاكم الله خيرا

[نيره]

واضح ان حضرتك حاولت معاه كتير جدا بس للاسف مش قادر تقنعه انا هقولك حاجه بلاش تقوله تعالى صلى وكده انت حاول لعلى اد ما تقدر لو قاعدين يعنى ف غير وقت الشغل تتكلم انت وصاحبك الى بيصلى معاك ده وتقولو قصص لناس كويس ربنا رحمهم بصلاتهم او اى حكايه عن الصاحبه او قصه انسان مات ساجد وايه الى بيلاقيه بعد كده عن ربنا يعنى قصص تخليه يتمنى انه يكون زى الاشخاص دى يعنى يمكن تحرك مشاعره شويه هو ممكن بس يكون بيعاند علشان انت اصغر من ولاده ولو ان الدين مفهوش الكلام ده
انا مش عارفه الى قولتلو ده هو الصح ولا لاء بس انا دايما بحب اسلوب الترغيب وليس الترهيب وانشاء الله ربنا يهديه ويجازيك على مشاعرك النبيله دى وحبك للاسلام
قال تعالى( انك لاتهدى من احببت ولكن الله يهدى من يشاء) صدق الله العظيم
وانشاء الله يهدى كل عاصى باذن الله

[mahmoud ahmed 20082008]

اشكرك اختى على ردك وجزاكى الله خيرا لكن انا هقولك على حاجه حصلت معاه هو الراجل ده عاصى لابوه وامه وفى مشاكل بينهم ولا يحضر لهم اى فرح او حزن حتى لدرجه انوا وصل انوا ميحضرش فرح اخوه فا انا لما عرفت فا قولتلوا حاول على قد ما تقدر انك متغضبش ابوك ولا امك منك لانك مش هتدخل الجنه الا برضاه تخيلى عمل ايه ؟؟ لقيتوا راح ضحك ضحكت سخريه كده وقال لى انا هقولك على حاجه انا لو دخلت الجنه مش هلاقى حد اعرفه لكن لو دخلت النار انا هلاقى كل حبيبى ومعرفى انا سمعت الكلمه منطقطش معاه بعديها ومتخيلش واحد بعد ما قال الكلام ده انوا ممكن يتأثر بالقصص او الحكايات انا مش معنى كده ان انا بنفى تأثير القصص والاحاديث على ناس كتيره لكن مش مع كل الناس فا مش عارف والله

[midos]

أخي في الله


بارك الله لك


أولاً هو ممكن يكون مكسوف انه يأخد النصيحة منك

ف لو تقدر توصلهاله بطريقة تانية وتعمل معاه مواقف كويسة جداً تقربك إليه وتعرف تكسبه مثل أخاك الكبير وتنصحه بعد كده بإذن الله

[عاشقة الفردوس]

السلام عليكم ورحمة الله وبركاته
بصراحه هيا مشكلة فعلا
بس هقول لك حاجه
اعتقد انه مش هيسمع لاى حد انا مش بعجزك
بس هو شكله يائس من كل حاجه انت عارف هو عايز ايه
هو عايز ايد تهون عليه ما هو فيه برفق لانه اعتقد عنده مشاكل الدنيا كلها
ومعندوش وعى دينى فياس من كل حاجه
حاول اخى معه وربنا يوفقك
سلالالالالالالالالالالالالالالالالالالالالالالالال الالالالام:marsa87:

[نيره]

اشكرك اختى على ردك وجزاكى الله خيرا لكن انا هقولك على حاجه حصلت معاه هو الراجل ده عاصى لابوه وامه وفى مشاكل بينهم ولا يحضر لهم اى فرح او حزن حتى لدرجه انوا وصل انوا ميحضرش فرح اخوه فا انا لما عرفت فا قولتلوا حاول على قد ما تقدر انك متغضبش ابوك ولا امك منك لانك مش هتدخل الجنه الا برضاه تخيلى عمل ايه ؟؟ لقيتوا راح ضحك ضحكت سخريه كده وقال لى انا هقولك على حاجه انا لو دخلت الجنه مش هلاقى حد اعرفه لكن لو دخلت النار انا هلاقى كل حبيبى ومعرفى انا سمعت الكلمه منطقطش معاه بعديها ومتخيلش واحد بعد ما قال الكلام ده انوا ممكن يتأثر بالقصص او الحكايات انا مش معنى كده ان انا بنفى تأثير القصص والاحاديث على ناس كتيره لكن مش مع كل الناس فا مش عارف والله

والله انا ما عارفه اقولك ايه اخى العزيز بعد الى انت قولتلو وحكيتو عنه ده بس كل الى هقولهولك ادعيلو بالهدايه وربنا قادر انشاء الله يهديه وانشاء الله يجازيك على كل الى بتعمله وانت فعلا والله مثال لشاب المسلم ربنا يباركلك انشاء الله

[mahmoud ahmed 20082008]

جزاكم الله خيرا
ولكن ارجوكم ان تدعو له بأن يهديه وتدعو لى ان يفتح الله عليا ن اكون ولو جزء من سبب لهداية هذا الرجل وغيره وان يستخدمنا فى نصرة هذا الدين العظيم
والله الموفق

[بشرى للتائبين]

جزاك الله خيرا أخى الفاضل على حرصك على هداية هذا الشخص
أولا أريد أن منك ألا تكلم هذا الشخص فى أى شئ فى الصلاة مؤقتا لماذا؟؟ أنا عاوزك تخليه يحبك الأول
عازوك تبقى حنون معاه ورفيق بيه وتهزر وتضحك معاه وبأى وسيلة تكون مشروعة تحاول تخليه يحبك
يعنى مثلا ممكن تعزمه مرة عندك يعنى أى حاجة من الحجات دى
بعد كده يعنى بعد ما يحبك ويرتحلك إن شاء الله تبدأ فى الخطوة القادمة
وأهم حاجه برضه قبل الصلاة عاوزك تتعرف عليه أكتر وأكتر وتحاول تحل مشكلته مع والده ووالدته
لأن بصراحة أى مشاكل أو عقوق مع الأب والأم بتبقى الدنيا سودا فى وش الواحد ومش حاسس بأى راحة خالص وبيبقى عنده يأس فى الدنيا كلها
وحاول برضه لو فى وقت أو مفيش مشاكل ممكن تزور والده فى البيت وتعرف منهم إيه السبب فى كل ده
وتحاول تحنن قلوبهم شوية على إبنهم
لإن مهما كان برضه الوالدين قلوبهم رحيمة جدا بأبنائهم مهما فعلوا معهم
وبعد كده حاول تتيديلوه أمل فى الدنيا وإن رحمة ربنا واسعة وإن مهما الإنسان عمل لو تاب إلى ربنا ربنا هيتقبل إن شاء الله
إلى غير ذلك
وبعد كده حاول تكلمه عن الصلاة بطريقة غير مباشرة
وأهم شئ مستعجلش النتيجة خالص
أصبر
وربنا ييسر
وعليك بالدعاء له
وربنا يوفقك
بس قولنا عملت إيه

[هند احمد]

السلام عليكم و رحمة الله و بركاته
أنا أضم صوتي لصوت كل من يقولك انت ماتكلموش في الدين دلوقتي خااااااااالص .
خليه يطمنلك الأول لأنه قال كلمة باين منها انه وحيد و لا يثق في أي حد و هي (( وقال لى انا هقولك على حاجه انا لو دخلت الجنه مش هلاقى حد اعرفه لكن لو دخلت النار انا هلاقى كل حبيبى ومعرفى ))
و أكيد ده هياخد وقت معاك بس لا تيأس ، و بعدين المرحلة اللي بعد كدة برضه ماتدخلش في الموضوع على طول و لا حتى اي كلمة خليها افعال يعني ايه؟
هو ساعتها هيكون بيحب الجلوس معاك و في عز ما انتم قاعدين و الاذان اذن استأذن منه و قوم صلي ، هيلاقي ان الوقت الوحيد اللي ما بيكنش معاك فيه هو وقت الصلاه ، هيحصل حاجة من اتنين يا إما هيقوم يصلي معاك أو هيفكر في الموضوع و لكن لن يقوم للصلاه ، لو حصل ثاني شئ ابدأ كلمه في الموضوع و لكن بالراحة و مش كلام كتير و بالتدريج ان شاء الله هيقتنع.
و لا تنسى الدعاء قبل كل ذلك.
و الموضوع دة هيحتاج منك حاجتين :
1- براعتك في جذب هذا الرجل لمصادقتك في مثل هذا السن.
2- اليسر في كلامك و التبشير دائما و معرفتك ( متي ترهبه و متى ترّغبه) .
و الله معك و يوفقك
و السلام ختام

[mahmoud ahmed 20082008]

جزاكم الله خيرا وانا ان شاء الله هحاول والله المستعــــــــــــــــــــان

[بشرى للتائبين]

وأهم حاجه أخى الحبيب
لا تستعجل النتائج

[AYMAN ZIDAN]

السلام عليكم ورحمة الله وبركاته
ادعى لهم بلهديه واتبع دعوة الحال( ابقى كويس ادمهم وكمان ملتزم دين ودنيا )

[jojo.G]

اخى محمد جزاك الله خيرا على احساسك بالمسؤليه تجاه دينك وثبتك الله واعانك ان شاء الله

بالنسبه للعامل رأى اخواتى كتير حلو
وفعلا حاول ما تتكلم معاه فى اى شىء وبسلوكك الحسن وقرأة القران امامه ممكن الله يفتح قلبه ويهديه بسبب ايه ان شاء الله ..

ربنا يهدى المسلمين جميعا لما يحبه ويرضاه يارب