يا بنات ارجوووووووووووووووكم بلاش الكلام ده..

[salma salah]

السلام عليكم ورحمة الله وبركاته..
يا بنات احنا داخلين على المنتدى ده عشان نفتح مع ربنا صفحه جديده انا واحده من البنات اللى كانوا مرتبطين بس الحمد لله نهيت العلاقه دى علشان ربنا. وداخله المنتدى وكلى حماس انى اعمل حاجات صح ارضى بيها ربنا وعارفه وكل بنت عارفه ان اللى كانت بتعمله ده غلط سواء كانت بتخرج مع صاحبها او بتكلمه او حتى بيمسك ايديها اى حاجه حصلت مابينهم كلها غلط مهما كانت صغيره او كبيره لان الموضوع كله من اوله غلط بس فى بنات قالوا انهم كانوا بيضعفوا لو مثلا الولد طلب منها انه يسمك ايديها والشيطان مابيصدق وبيحليلها الموضوع .واكيد كل واحده ضميرها بيأنبها بعد كده وبتحس بالغلط ده وزى ما قلتلكم احنا داخلين هنا عشان نلاقى صحبه صالحه تقربنا من ربنا فارجووووووووووووكم متفتحوش مواضيع تقولوا فيها ان البنت اللى بتعمل كده مش كويسه وبترخص نفسها والكلام ده لو سمحتوا احنا عايزين كلام ايجابى كلام نشجع بيه البنات اللى نهت علاقتها بالشاب اللى كانت مرتبطه بيه ونشجعها على الخطوه اللى اخدتها لكن الكلام السلبى واللى بيجرح فى البنت ده بجد ممكن يضيعها اكتر ويبعدها عن المنتدى وعن الصحبه اللى احنا عايزين نعملها انتوا كده بتقلبوا عليها المواجع وبتقولولها انها مش كويسه(انا حاسيت انى مش منكم وبجد فكرت انى مدخلش المنتدى تانى لانى حاسيت ان المنتدى لناس معينه وانا وغيري مش منهم )فلو سمحتوا الكلام ده يتقال لبنات بره فى الشارع او فى الجامعه لانى معتقدش ان فى بنت لسه مصاحبه وبتدخل على المنتدى وحتى لو هى لسه مصاحبه وناويه انها تنهى علاقتها دى هتحس باللى انا حاسيته انى منفعش اكون واحده منكم .مع احترامى لأى بنت عايزه تقول رأيها بس ياريت يكون ايجابى مش سلبي .واسفه على الايطاله.

[ouassila]

السلام عليكم
انا معك يا اختى فى الله . الحمد لالله الدى هدانا . اللهم ثبتنا و اعفوا عنا
انا اقول من استطاعت ان تبتعد عن الصحبة المحرمة و بصفة خاصة التى استطاعت ان توقف علاقاتها المحرمة خوفا من الواحد الاحد ان الله يحبها و معها فى كل خطوة تخطوها و ايضا انها فى جهاد الدى هو جهاد النفس .
اللهم اقدرنا على فعل الخير . اللهم ثبتنا على دينك . اللهم ارزقنا لدة النظر الى وجهك العظيم . اللهم انصرنا و اصلح شباب المسلمين .

[merehan]

انا متفقه معاكي اوييييييي كتر الكلام السالبي للبنات الي مصاحبه او كانت مصاحبه دة هيخليها حاسه انها خلاص مينفعش تعمل اي حاجة تانيه او حتى تفتح صافحه جديدة مع نفسها وانها هتحس هنا انها غريبه فعوزين كلنا نكون اخوات و اصدقاء والي كانت مصاحبه دي خدت خطوة حلوة اوييي و ربنا يكرمها و الي لسه مصاحبه يلا تخد خطوة تفرح الله والرسول وربنا يكرمنا

[Mori]

لأ يا Salma لازم تدخلى على المنتدى إحنا هنا كلنا إخوات وعاوزين نكون صحبة صالحة بس يمكن بعض أخوتنا خنهم التعبير وأكيد ما حدش فيهم كان قاصد يجرح حد بالكلام وإحنا بشر وطبيعى جدا إننا نغلط بس أهم حاجة إننا أول مانعرف إن الى إحنا بنعمله ده غلط نتوقف عن عمله ونرجع لربنا وصدقينى ربنا بيحبنا أوى وحنين علينا قوى قوى وبيسامح على طول وثبتى على موقفك واوعى ترجعى للولد تانى عشان بجد مافيش أحسن من حبنا لربنا ( من ترك شيئا إبتغاء مرضاه الله عوضه الله خيرا عنه)

[fatma nabih]

السلام عليكم ورحمه الله وبركاته شكرا يا سلمي علي كلامك ومتسبيش المنتدي علي فكره انا برده من الكلام اللي بقرأه اللي بيقولوا البنت تبقا كده مش كويسه وكده بتضايق زيك طبعا بس مفكرتش اسيب المنتدي ولو ينفع اكون صديقه ليكي لو تحبي والسلام عليكم ورحمه الله وبركاته ..........

[فراشه عاصم]

http://www.imgall.com/img3/ebbe5162bb.gif

[همس الاسلام]

السلام عليكم
هوا ده الكلام الصح يا سلمى
يسلم فومك (هههههههههههههههههههههههه)

[salma salah]

شكرا يا بنات على ردودكم انا مقدرش اسيب المنتدى لانى لو سيبته هضيع نفسي لانى مش هلاقى صحبه حلوه زيكم كده بس انا بقيت لما بدخل المنتدى بخاف اقرأ اى موضوع بنت كتباه احسن الاقيها كاتبه كلام يضايق بس انا مقدرش اسيب المنتدى.واهلا بيكي ياfatma nabihوياريت نكون صحبه احنا وكل البنات اللى فى المنتدى.انا فى واحده بحبها اوى فى بنات المنتدى كان نفسي الاقيها كتبالى رد يارب تدخل وترد عليا.

[سلام الروح]

شكرا ليكي سلمى عالموضوع الجميل

انا بس بدي ينتبهو البنات لطريقة اخي الفاضل مصطفى في حلقة الصحوبية

لما يتصل فيه حد ويقلو انا كنت مصاحب ودي الوقت تركتها شفتو استاذ مصطفى شو بيرد عليه

بيقلو انت راااااااااجل

شايفين الطريقة الراقية والرد العظيم

احنا بدنا هيك تشجيع للبنات

وشكرا وجزاكم الله كل خير

[الا رسول الله]

السلام عليكم ورحمه الله وبركاته ازيك ياسلمى مين قال ان احنا كدا بنحبطهم بالعكس وانا واحده من الناس كنت مرتبطه وقلت كدا قبل كدا والبنات هنا فى المنتدى ربنا يكرمهم كلهم وقفوا معايا بعد ربنا وشجعونى عاللى بعمله وانا مش قصدى احبطها والله أبدا بس بصحى كل واحده لسه بتعمل حاجه زى كدا لو تلاحظى انا طارحه سؤال فى موضوعى وهو الغلط على مين والبنات تقرأه عشان تصحى لنفسها وتعرف الكويس من الوحش لأن احنا معانا هنا بنات لسه مرتبطين وعاوزين تشجيع جامد عشان تبعد عن الالاتباط دا واحنا بنعرفهم الصح من الغلط وعشان كمان يعرفوا نظره الولد بتبقى عامله ازاى لكل بنت بس مش اكتر لكن انا والله بجد لبحبط حد ولا بدايق حد بدليل انى واحده من الناس كنت مرتبطه يعنى انا مش شيخه انى اقول دا حرام ودا حلال وكلنا هنا صحابك ياسلمى ومش تزعلى خاااااااااالص ياقمر

[اميرة بنت الاسلام]

لا سلمى اوعى تقولى كدة دى المنتدى اتشرف بيكى
واكيد كلنا بنغلط احنا بشر مش ملائكة واى انسان يبعد عن الحرام لم يعرف انسان فيه الخير والرسول صلى الله عليه وسلم قال الخير فى امة الى يوم الدين
نورت ياسلمى جزاكى الله خير
ربنا يحبكى

[الكلمةالطيبة]

اللهم صلي وسلم وبارك على سيدنا محمد وعلى اله وصحبه اجمعين
اختي سلمى لا تضايقي حلك وخليكي مع خواتك كلنا محتاجين بعض هنا معك حق المسألة صعبة شوي اننا نسمع مثل هالكلام احيانانا في بعض الشيوخ لما بسمعهم بقو ليش خلاص سكرو كل دروب التوبة لكن يمكن هما يريدو يخوفنو من خطر المسالة وعواقبها مهم انتي مع اخواتك ويسعدنا اننا نكون دايما جنب بعض واي واحدة ضايقها شئ نكون معها فلا تضايقي حالك حبيبتي
احبكن في الله :icon_razz:

[bent aleslam]

كلامك صح يا سلمى مافيش حد فينا كله حسنات و ماعندوش سيئات
بس اكيد الكلام السلبي ده مش مقصود
ربنا يرزقنا الحكمة و القول السديد

[المشتاقة لرؤية الله]

أختي الجامدة و الشجاعة أوي سلمى
إوعي تعملي كده و تسيبينا و سيبك من اللي بيقول الكلام ده
دا ربّنا غفور رحيم و مش بس كده دا هو العفّو الكريم
ثّم ما تعرفيش ان اللي بيحبو ربّنا يتوب عليه و انتي منهم و كلنا من التائبات ان شاء الله لأنّو كلنا بنغلط
و حسبنا حب ربنا لينا دا بيغنينا عن كل الناس

[ناردى محمد]

السلام عليكم
يا مقلب القلوب ثنت قلبى على دينك

[salma salah]

يا بنات انا كنت عايزه اعتذر لاختى حبيبتى(الا رسول الله) عشان انا شكلى خبط فيها جامد وانتقدت موضوعها جامد بس والله العظيم انا مقصودش وانا فهمتها كده .ياريت تقبل اعتذارى ومتضايقش منى:022: ولا من اسلوب كلامى وانا شاكره ليها لانها وضحتلى السبب اللى كتبت عشانه موضوعها وهى مهما عملت فهى صح حتى لو كلامها كان سلبى بس ممكن الكلام السلبى يجيب نتيجه مع بنات تانيه وياريت لو كلامى ضايق اى بنوته فى المنتدى تسامحنى احنا كلنا اخوات وانا مش عايزه اخسر ولا واحده فيكم انا ماصدقت لاقيتكم ربنا يخليكوا ليا انا بجد محتاجاكم تكونوا جنبى حتى ولو بالكلام بس.
جزاكم الله كل خير

[eldodi]

السلام عليكم ورحمةالله وبركاته
ازيك ياسلمى وازى كل البنات اللى داخلين
طبعا كلنا بنغلط بس الحمد لله تعالى ربنا بيفوقنا وبنفوق وبنصحى من اللى احنا فيه
وياريت تقبلونى اختك معاكم هنا ونكون اصحاب مع بعضاتمنى بجد انى اتكلم معاكم ونشوف ونعرف بعض
وعندىفكرة حلوة ان شا الله تعجبكم
انحنا عشان نكون اخوات صح وبحب بعض فىالله وحبنا لبعض يكفينا عن الحب الحرام
اننا تقرب مع بعض ونتفق علىمعاد مناسب لينا كلنا ندعى فيه مع بعض لبعضنا ان ربنا يهدينا ويهدى بنات وشباب المسلمين ايه رايكم وهنزل حتى ده هنا فى مضووع منفص عشان نتفق فيه ونحدد واتمنىمشاركتكم والدعاءبيجيب نتيجة لان الله هو القريب مجيب دعوة الداع اذا دعاه وندعى لكل واحدة باللى بتحبه وتتمناه وانه يكون خير ليها وانه يرزقها الزوج الصالح فى الحلال ان شاء الله تعالى

جزاكم الله كل خير
احبكم فى الله

[eman_8]

كل ابن ادم خططاء وخير الخطاءين التوابين
فعلا احنا لازم نقف مع اى بنت ومينفعش ان احنا نغلط فيها او نعاملها على انها نكرة
كلنا بنغلط الاحسن اننا ناخد باديها وندعيلها وربنا يتقبل مننا انشاء الله

[samir dobal]

معلش ياسلمى ازيك الأول انا مشتركة جديدة انا عمرى ما كلمت ولد فى حياتى بس دخلت المنتدى ده علشان كنت عارفة انى ممكن الاقى بنات كتير محتاجة لمساعدة فى الموضوع ده ويمكن ده كان من احد اهداف النتدى ان البنات اللى بتصاحب تلاقى صحبة صالحة وتقول اللبنات اللى مابتصحبش على تجربتها وتحظر البنات اللى بتفكر تصاحب وعشان كده لازم نقف جنبيهم مش نسمع بس اللى احنا عايزين نسمعه وده من اسس الصداقة السليمة اللى علشنها اتعمل النتدى واتمنى ان تصوتى معنا فى استفتاء سندريلا وكمان رأيك لأرجو الرد

[eva]

انا بس حبيت اشارك في الموضوع دا ... بأني هقول اللي عندي انا مرتبطه مش هقول مصاحبه بس هقول بحب والأنسان دا جاي ان شاء الله يخطبني الشهر الجاي هو بيحبني جداااااااااااااااا وبيخاف عليا وانسان متدين عارف ربنا وعمر كلامنا ما خرج عن ايطار الأدب او التعدي بأي شكل من الأشكال وبعدين هو كل اهله عارفين الموضوع انا مش عارفه اعمل ايه دلواقتي انا عرضت عليه موضوع انو بلاش نكلم بعض لحد ما تحصل حاجه رسمي قلي انو لازم يكون على اتصال بيا هو ووالدته عشان يقدرو يحددو الوقت اللي هيجو فيه والظروف وكدا .... :s بجد محتارة ومش عارفه اعمل ايه وبعدين انا جربت ابعد عنة بس بامانة لا هو قدر ولا انا قدرت بجد ادعولي ربنا يجمعنا على خير وفي الحلال عما قريب

[goodgirl]

انا معاكى فى الكلام ده ولازم تدخلى ياسلمى المنتدى عشان نكون مع بعض فى الدنيا ع الطريق الصح
ونجتمع فى الاخره فى الجنه ان شاء الله ويارب تفضلى منورانا ع طول

[goodgirl]

معلش اانا حبيت اعلق ع الكلام بتاع اختنا eva
االاستاذ مصطفى كان قال فى الحلقه انه ممكن اخوكى يتواصل معاه او مامت حضرتك او كده ومتسمعيش
ومتتخدعيش بكلام الشيطان ولازم يكون عندك يقين ان اللى مكتوبلك عند ربنا هو اللى هيحصل ويارب يجمعكوا ع الحلال وتكونى دايما فى سعاده انتى وجميع اخوتنا يارب

[hidaya]

اختي سلمى اشكرك على صراحتك و على انك وصلت فكرة ممكن الكثير من البنات لما دخلن و قران خرجن بدون تقديم الملاحظة انت عندك حق احنا هنا علشان نقوي ايماننا مش علشان نتعاتب "جل من لا يسهوا" جل سبحانه من لا يخطئ من منا لم يخطئ في الدنيا لكن المهم هو ايقاف الخطا فقط كل ما سبق لا يهم المهم ما هو ااات الله سبحانه يغفر للكافر كفره عندما يسلم عندما يصبح مسلما يعود كما ولدته امه شوفي عظمة ربنا سبحانه فكيف للمسلم اذا تاب اختي سلمى يجب دائما ان نتصالح مع ماضينا لكي نبدا من جديد و لا احد له الحق ان يطلق احكاما على غيره لانه هو ايضا ليس معصوما من الخطا كل الناس كل البنات هنا احبابنا التقية و العاصية و القوية و الضعيفة نحن هنا لنتكاثف و للي عندها هم على قلبها مرحبا بها قلوبنا كلها ستحمل معها انها حلقة هنا
الكمال لله وحده ما ينقصني اجده عندك يقويني و ما ينقصك تجدينه بيننا هنا كلهن هنا اخوات طيبات ذوات قلوب طاهرة يبحثن عن الصراط المستقيم او يدعون اليه ان كنت محجبة ام لا او متدينة او لا لا يهمنا التحيز فكل من دخل الى هنا فيه خير و نيته صادقة فمرحبا للجميع و ربنا يهدينا جميعا لما يحبه و يرضاه

[salma salah]

اختى حبيبتى evaاولا اهلا بيكي يا قمر فى المنتدى .ثانيا عايزه اقولك على حاجه قالها الاستاذ مصطفى حسنى ربنا يباركله موضوع انكم بتحبوا بعض حاجه حلوه اوى بس فى نفس الوقت لازم نشوف حدود ربنا ونحطها اودامنا فى كل حاجه احنا بنعملها عشان منندمش بعد كده بصي يا قمر انتى قولتى ان اهله عارفين وانه هيتقدملك بعد شهر معتقدش ان الشهر ده كتير لو قطعتوا الكلام مع بعض ولو عايزين يبقى فى تواصل يبقى عن طريق والدته او اخواته البنات وده مش كلامى انا بس كل البنات هتقولك كده صدقينى شهر واحد ده ممكن يكون عند ربنا حاجه كبيره اوى ممكن ربنا يغير حاجات كتير اوى ويبعد عنكم مشاكل كان ممكن تحصلكم وكان ممكن توقفلكم موضوع ارتباطكم بس عشان وقفتوا الموضوع عشان ربنا ربنا هيرضيكم وييسرلك كل الامور بصي يا حبيبتي لو بيحيك بجد وعارف ربنا هيفهم كلامك كويس وهايعمله.بصي انا لما سيبت اللى كنت مرتبطه بيه وكان برضه بيحبنى اوى ومامته واخته عارفينى حصلت مشكله بنفس الموضوع عشان قلتله نقطع كلامنا لمده شهرين بس هو قالى لا ولازم نتواصل بس انا صممت على رأيى وهو لو بيحبنى بجد هيقتنع وهيرجعلى تانى.حبيبتى مفيش حاجه اسمها متقدريش تبعدى انا كنت فاكره كده بس طلع الموضوع ابسط مما تتخيلي مادام لربنا كل شئ يهون(ماذا فقدتى اذا وجدتى الله وماذا وجدتى اذا فقدتى الله)وربنا يجمعكم على الخير ان شاء الله ومتنسيش تفرحينا بيكي لما يتقدملك ان شاء الله.اسفه على الاطاله

[تفوكت]

اللهم اهدنا في كل حين...وكن معنا

[salma salah]

شكرا يا هيدايا على تعليقك وربنا يكرمك ان شاء الله ويجمعنا على الخير.

[ghada2020]

والله بجد يا جماعه الكلام سليم انا عن نفسى بعد ما سمعت حلقه الاستاذ مصطفى وسبت اللى كنت مرتبطه بيه وكنت فعلا عاوزه حد يشجعنى ولقيت ده هنا معاكوا بجد وربنا يثبتا واياكم باذن الله
لا اله الا انت سبحانك انى كنت من الظالمين يا حى يا قيوم برحمتك استغيث اصلح لى شأنى كله ولا تكلنى الى نفسى طرفه عين

[may ahmed]

مع احترامى ليكى ياسلمة مش كل اللى بيصاحبو او بيرتبطو بحد قليلة الادب او مش مؤدبة كلنا لازم نكون متاكدين من كدة ويارب كل واحدة كانت مصاحبة ربنا يهديها ويقربها من منو ويسامحنا على كل اللى بنعمله ونكون متاكدين ان ربنا هيكرمنا وهيعوضنا خير ان شاء الله يابنات والحمد لله على اى حاجة

[سماح جوده]

لا يا سلمي اوعي الشيطان يضحك عليكي و يبعدك عن الطريق الصح بس انتي عندك حق في كلامك وانا بضم صوتي لصوتك البنت اللي نهت علاقتها تبقي بنت ممتازة بنت ربنا بيحبها و كتب لها الهداية لانها طيبة و ياريت الاخوات يحافظوا علي شعور بعض احنا هنا عشان ناخذ بايد بعض ونعين بعض علي الطاعة .

[اختكم في الله صفاء]

جازاك الله كل خير اخت سلمي و الله انت عطيتيني الحماس

[ya_2llah]

السلام عليكم
ان الله غفور رحيم ..... اهم حاجه الاخلاص فى التوبه ... و اكيد انت عارفه يا سلمى ان كل ما تندمى عليه ان شاء الله ربنا حيبدله لحسنات ان شاء الله .... ربنا يثبتك يا اختى فى الله
ربنا يلهمنا الصواب و يبعد عنا كل سوء

[الراجيه عفو ربها]

حبيبتي في الله
متزعليش نفسك ابدا واكيد اللي قالت كلام زي دا متقصدش بيه حاجهابدا ولا تقصد تزعلك اصلا بس هوه الشيطان اللي بيهيأ الكلام بالطريقه اللي تخديها بالمعني السلبي
كلنا اخوات هنا واوعي تفكري تسيبي المنتدي
هوه ينفع تسيبي يبتكوا وتروحي تسكني عند حد تاني
احنا اخواتك هنا واللي يزعل اي واحده فينا يزعلنا كلنا
ورب طائع اليوم عاصي غدا
محدش مننا معصوم من الخطأ
ربنا يغنمنا السلامة ويكرمنا بالازواج الصالحة
وصلي اللهم علي سيدنا محمد البشير النذير وعلي اله وصحبه وسلم

[mai hani]

انت صح يا سلامة لان احنا لازم نشجع بعد ونساعد على فكرة انا عضوة جديدة وانهردة اول مرة اكتب بس اول مدخلت اول مرة اكثر وحدة لفتت نظرى كنت انت وانا نفسى اخز امالك بس انا مش عارفة ياريت تبعتهولى او اقول لكى انا هكتبلك يمالى واعمليلى اد عندك بس ارجوكى متنسيش لانى انا دخلت هنة علشان قررت اغير حياتى معاكوا كلكم يا ريت تقبلونى صيدقة معاكوا
بارك اللة فيكى وفي كل اخوتنا لو اصبحنا اصحاب هبعتلك حاجة يمكن تساعد فى هداية ناس كتير

[mai hani]

السلام عليكم:marsa101:
انا كنتقلت ليكى يا سلمة انى هبعتلك امالى علشان تعمللى اد عندك بس ارجوكى متنسيش اول متعدى انا كمان نفسى ان كل اخوتنا البيدخلوا هنا يخدوة علشان انا بجد محتجلكوا كلكم :022:علشان تسعدونى و e-mail
angles_mahy@*******
يا مقلب القلوب ثبتنا على دينك و اخرج امة النبى من الظلام الزى يعيشوا فية
جازاكم اللة كل خيرو اسعدكوا و وفققوا فى حياتكم:marsa101:السلام عليكم

[salma salah]

شكرا يا مي على مرورك بس ياريت ياقمر توضحيلي ايميلك على الياهو ولا على الهوت

[mai hani]

انا على الهوت
بس فى حاجة انا عايزة اقولها الى الكل انا طبعا معرفش كل واحد فيكوا ازى بيدععى بس لو عملكوا مقتصر على المنتدى بس مينفعش مشكفاية لازم نحاول مع كل اصبنا,اريبنا,جرنا يعنى بمنى اصح مع كل الناس عايزين نحاول اننا نعمل حاجة فى كتير جيدا بيدورو على حاجة تخرجهم من الظلام العيشين فية بس مشلقين مينفعش نسيب الموضوع كدة للصطفة ان حد يدخل هنا فيدغير لان انا نفسى دخلت هنا صطفة بعد ما قالت انى ادخل علشان اشوف حلقتان أ.مصطفى حسنى عن الصحبية و بعدان اصلن ازى نكون احنا امت النبى صلى اللة علية وسلم ونكون عيشين فى الفساد و الظلمة دية يعنى ربنا فضلنا على الناس كلها و جعلنا مؤمنين هل يكون هزا شكرنا لربنا؟ بالطبع لا هو اكيد فى حل بس الحل مش هتعملة واحدة لوحدها لا دة احنامحتجنا كلنا نساعد بعد و اوعوا حد يقول احنا اقلية هنعمل اية لا ان شاء اللة هنعمل كتير بفضلة نقول مثلا لو كل وحدة فى المنتدى ربنا جعلها تكون سبب فى هداية واحدة كمان شوفوا هنبقى اد اية اكيد هنبقى عدد كبير جيدددددددددددددددددااااااااااااااا بس المهم الاول نحاول انا هستنى رددكو يارت متنسوش.:022:انا اسفة انى طولت علاكوا :aaa0asmilies::marsa101:

[salma salah]

شكرا يا مي على اقتراحك الجميل ده:012: وان شاء الله كلنا ندعى كل اصحابنا وقاريبنا وكل الناس علشان يدخلوا المنتدى هنا انا ولله الحمد قلت لبنات خالتى وقالولى انهم هيدخلوا يالا يابنات شدو حيلكوا وقولوا لكل الناس وربنا يجعله فى ميزان حسناتكم وفى ميزان حسنات مى.

[امانى ابراهيم محمد نبوى]

بسم الله الرحمن الرحيم و به نستعين انا كنت مرتيطة بس لقيت ان ارتباطى بربنا احسن من الارتباط باى شخص انا موافقاكى يا سلمى

[امانى ابراهيم محمد نبوى]

انا ميلي ع الياهووووىوووووووووووو mobprincess_15

[بنت غزة الصمود]

الله يبارك فيك اختي الفاضلة سلمى ، الموضوع مهم جدا ولازم يتطرح داااااائما

وانا متفائلة بالشيخ والاخ الفاضل مصطفى حسني لانه حيوصل بالشباب والشابات لبر الامان باذن الله عز

وجل واتمنى لكم التوفيق باذن الله وجزاكم الله الخير.......

والسلام عليكم ورحمة الله وبركاته

[EMANREDA]

مش من حق اى حد يجرم حد تانى كل الناس بتغلط بشكل او باخر واحنا داخلين علشان نساعد بعض مش علشان نزعل بعض و نكره بعض فى بعض
كل بنت غلطت و دخلت هنا معناه انها عايزة ترضى ربنا و المفروض ان احنا نباركلها ونساعدها ونحاول نرضى ربنا كلنا سوا

[zordok]

السلام عليكم يا أحلى سلمى و أحلى بنات أنا بجد بقول الكلام ده من قلبي و بجد انتي جميلة و جواكي حاجات جميلة و بجد احنا جمبك و حنخدك للطريق الصح و اوعي تسيبي المنتدى عشان أنا شخصيا حبيتك اوي بجد الله يثبتك و يثبتنا و يثبت كل الأخوات العزيزات......