اعمل ايه ؟؟؟؟؟؟؟؟؟؟؟؟؟

[ahmed amr]

انا مش عارف اعمل ايه انا مشكلتى انى عارف لكن مش عارف انا ليه مش عايز اعمل
مع العلم ان انا لما بيجى عليا فتره ابقى فايق فيها انا بجد ببقى حاسس باحساس مش بحسه الا فى الوقت ده والمشكله فى حاجه ان اللى بيبقى فايق بيبقى بيعمل حاجه معينه حتطها فى فكره ونفس الكلام مع الغافل انوا بيبقى غافل لانه بيعمل حاجه ومتعلق بيها هى اللى مخلياه غافل لكن معايا انا تختلف لان انا مفيش حاجه بعملها لا كده ولا كده ويجى واحد يقولى ابعد عن اصدقاء السوء كلام جميل جدا لكن لما يبقى صديق السوء ده اقرب واحد ليك ازاى هتبعد عنه انا نفسى والله نفسى الاقى حد يشدنى لفوق لكن للاسف اللى متوفر دلوقتى اللى بيشد لتحت اللى متوفر دلوقتى اللى بيجيب الارض مش معنا كده ان مفيش حد بيساعد الناس ويحاول انو يحطهم ولو على اول الطريق الصح لكن دلوقتى بقوا قليل اوى يا اما فاسد ويفسد اللى حوليه ياما واحد فاهم وعارف لكن ماشى لوحده وملهوش دعوه بغيره وقليل اللى بيحاول يساعد الناس بجد انا متلغبط اوى واظن ده واضح من طريقة كلامى لكن هو ده احساسى اللى جوايا تخيل لما توصل لدرجه انك مش فاهم نفسك حتى...... انا كده دلوقتى.. ومش عارف اعمل اييييييييييييييييييه
(لا اله الا الله محمد رسول الله )

[&nourhan&]

اخويا فى الله
انا فعلا لما قرأت كلامك فى الاول مكنتش فاهمة اى حاجة ف اية حاجة
بس لما كلمت حسيت بالى انت فية
وانا هحكيلك حكاية خاصة بيا انا يمكن تفيدك
انا كان ليا صاحبة بردو كانت صاحبة عمرى فضلت صحبتى 7سنين
كنا بنعمل كل حاجة مع بعض ناكل ونشرب ونزاكر ونخرج كل حاااااااااااااجة مع بعض
وجت فترة ماما صممت انى ابعد عن البنت دى
وانا اقولها ازااااااااااااااااااااااى دى روحى حد يسيب روحة
وهى تقولى دى مش كويسة ودى كذا وكذا وكذا
وانا اقولها لا يا اماما دى صحبتى وانا عرفاها
المهم فضلنا كدا حوالى 3 شهور وبعدين انا خلال الفترة دى
كنت على طول ادعى ربنا واقولة يا رب ابعد عنى اصحاب السؤ وارزقنى بصاحبى كويسة
وفعلا حسيت انى ابتديت ابعد عنها ومن غير سبب واضح
كل الحكاية انى استعنت بربنا
يا رب اكون قدرت افيدك
ولو بحاجة بسيطة

[نيره]

انا بصراحه الكلام مش مركز خالص بس واضح ان حضرتك اصلا مش مركز وتعبان بجد من الى انت فيه كتير مننا بيحس انه تايه ولازم تحس بكده علشان تحس بطعم الاطمئنان والطعم ده مش هتلاقيه الا ف القرب من ربنا وحاول تدور على حد صالح غير صاحبك ده ومعلش انت اكيدهتتعب شو يه فالاول بس والله فالاخر هترتاح
اخى الفاضل ياريت تصلى قيام الليل وتشتكى لربنا وانشاء الله هو هيحلها ليك ويبعتلك الى ياخد بايد وترسى بيه لبر الامان والطاعه وباذن الله يكون قريبا انشاء الله
ادعو الله ليك بالهدايه والثبات على الطاعه والصحبه الصالحه انشاء الله

[Janna]

اليك مني أخي في الله ....
خلق الله سبحانه وتعالى ابن ادم وأعضاؤه وجعل لكل عضو منها كمالا ...فاذا فقده أحس بالألم .. و جعل لملكها وهو القلب كمالا ..اذا فقدة حضرته أسقامه من الغموم والهموموالأحزان .. فالقلب خلق لمعرفة فاطره وتوحيده والسرور به والرضى عنه والتوكل عليه .. وأن يكون الله أحب اليه من كل ما سواه .. وهذا بمنزلة الغذاء والصحة والحياة ... فاذا فقد غذاؤه وصحته وحياته فالهموم والغموم مسارعة اليه من كل صوب ...
وقد قال الشاعر ..
رأيت الذنوب تميت القلوب .. وقد يورث الذل ادمانها ...
وترك الذنوب حياة القلوب .. وخير لنفسك عصيــــانها...
ولمعرفة المزيد عليك بكتاب الطب النبوي لابن قيم الجوزية ..
وأخيرا دعواتي لك أخي في الله بأن يفرج الله همك ويرفع كربك ويفتح عليك ...

[فتاة القران]

اخى فى الله لازم تعرف ان الى انت فيه ده اختبار من ربنا وانت قربت تنجح فيه لكن محتاج حد يشدك زى ما انت قلت ،كفاية انك حاسس ان فى حاجة غلط وعايز تصلحها فى غيرك مش حاسين كده لكن متفتكرش ان الصديق الى هيقربك من ربنا هيجيلك او انه هو الى هيبدأ
انا واحدة من الناس بقولك انى رغم انى بحب الناس جدا وانى عايزة اشوف العالم كله كويس لكن احيانا بيجيلى احساس بالاحراج انى اروح اكلم بنت عن حاجة بتعملها غلط بخاف تفهمنى غلط او انا اكلمها بطريقة غلط فأخسرها وهى تفتكر ان الدين وحش(عياذ بالله) علشان كده لازم انت الى تدور وتروح وتطلب من اصدقاء الخير صحبتهم والمنتدى عندك اهو كله شباب جميل ممكن تتعرفو وتتقابلو فى دروس الاستاذ مصطفى ويكون هو ده الى هيشدك لفوق
واعتذر عن الاطاله:marsa101:

[رضاك ربى]

اخى فى الله زى ما اخواتى قالوا اللى انت فيه ده اختبار من ربنا ليك كونك تفكر انت صح ولا غلط وانك نفسك تبعد عن اصدقاء السوء اللى هو فى نفس الوقت اعز اصحابك ده فى حد ذاته انجاز ليك المفروض تفرح بيه كونك مشترك فى المنتدى ده ده دليل على ان جواك خير جواك واحد تانى عايز يظهر ويغير من نفسه "ان الله لا يغير ما بقوم حتى يغيروا ما بانفسهم" انت الحمد لله عايز تتغير يبقى ان شاء الله هتتغير قرب من ربنا وناجى فى صلاتك ربك انه يبعدك عن المعاصى وعن اصدقاء السوء والله المستعان
اسفة على التطويل

[let's be better]

انا مش عارف اعمل ايه انا مشكلتى انى عارف لكن مش عارف انا ليه مش عايز اعمل
مع العلم ان انا لما بيجى عليا فتره ابقى فايق فيها انا بجد ببقى حاسس باحساس مش بحسه الا فى الوقت ده والمشكله فى حاجه ان اللى بيبقى فايق بيبقى بيعمل حاجه معينه حتطها فى فكره ونفس الكلام مع الغافل انوا بيبقى غافل لانه بيعمل حاجه ومتعلق بيها هى اللى مخلياه غافل لكن معايا انا تختلف لان انا مفيش حاجه بعملها لا كده ولا كده ويجى واحد يقولى ابعد عن اصدقاء السوء كلام جميل جدا لكن لما يبقى صديق السوء ده اقرب واحد ليك ازاى هتبعد عنه انا نفسى والله نفسى الاقى حد يشدنى لفوق لكن للاسف اللى متوفر دلوقتى اللى بيشد لتحت اللى متوفر دلوقتى اللى بيجيب الارض مش معنا كده ان مفيش حد بيساعد الناس ويحاول انو يحطهم ولو على اول الطريق الصح لكن دلوقتى بقوا قليل اوى يا اما فاسد ويفسد اللى حوليه ياما واحد فاهم وعارف لكن ماشى لوحده وملهوش دعوه بغيره وقليل اللى بيحاول يساعد الناس بجد انا متلغبط اوى واظن ده واضح من طريقة كلامى لكن هو ده احساسى اللى جوايا تخيل لما توصل لدرجه انك مش فاهم نفسك حتى...... انا كده دلوقتى.. ومش عارف اعمل اييييييييييييييييييه
(لا اله الا الله محمد رسول الله )
سلاموا عليكم الأول كده عايز اقولك انى بحبك فى الله
ثانيا :صلى على النبى
ثالثا:عايز اقولك حاجه يا حبيبى انا مشكلتى كانت اد مشكلتك 1000000مره بص عارف الولد صحاب صحبه اهو انه كنت كده اصحابى دول كانوا حياتى بص مينفعش يتقبلو وانا مش موجود بص كانوا بيجروا فى دمى بص الصراحه لقيت نفسى بحب ربنا اكتر منهم اسمع كده ربنا بيقول ايه (ومن الناس من يتخذ من دون الله اندادا يحبونهم كحب الله والذين امنوا اشد حبا لله) فلقيت ان لربنا لأصحاب السوء اخترت ربنا الأختيار مكنش سهل بص كان الشيطان بيجى يقولى انت مزودها ده ايه ده يا عم الشيخ واصحابى يقولولى كده بس انا كان معايا ربنا اللى اقوى منهم قولتله وحكتله نفسى فى اصحاب خير نفسى ارتاح والحمد لله ربنا رزقنى اصحاب من الجمهوريه كله ودلوقتى اصحابى بتوع زمان صعبنيين عليا لدرجة ان هما لما بيحكولى عن مغامراتهم بحس انها لعب عيال ربنا يثبتك طولت عليك بس احنا كلنا اخواتك..

http://ahmedlove2.jeeran.com/احبك.jpg

[AYMAN ZIDAN]

السلام عليكم ورحمة الله وبركاته
بس انا للاسف مش قادر اكتب كلام كثير بس ملخص
ماذا فقد من وجد الله وماذا وجد من فقد الله

من ترك شيئا" لله عوضه الله خيرا" منه

[ساره 19]

ربنا معاك وان شاء الله تكون راضي عن نفسك بس اه حاجه تلجأ لربنا لان مفيش غيره هو القادر علي كل شيء
قال تعالي :-وقال ربكم ادعوني استجب لكم

[نور الصباح 2008]

اخى ربنا يعوضك باحسن منه
انا والله كان ليا صديقه والله العظيم اكتر من الاخوات يمكن كنا بنبات مع بعض
وفجاه لقيتها بعدت عنى ومن غير سبب والله ودعيت ربنا يعوضنى بغيرها يعنى عشرت سنين من واحنا فى الحضانه سوا وخلصنا سوا وفى الاخر سبتنى وافترقنا لان ربنا كتب لينا كده ادعى ربنا اخى واكيد هايعوضك

[mostaghfira]

اخي في الله
انا حاسة بيك جدا و فاهمة عايز تقول ايه
انا حكلمك من خلال تجربتي .انا كل اصحابي اصحاب سوء
بس بحبهم جدا
لما حبيت اتوب حاولو يبعدوني
بس اخطائي كانت كثيرة و اغلبها بسببهم و بضعفي
ساعتها بقى قدامي خيارين
1 طريق ربنا
2 طريق صحابي
لما جيت اعرف ربنا لقيته بحبني اكثر منهم و من امي ازاي انا بحب بالكلام بس
قررت اعرف اكثر صدقني لما عرفته حبيته حبيته جداااااا
نصيحتي لك من اخت كانت ضائعة قبل ايام
1 اعرف ربنا و حبه
2 تقرب منه (نوافل و قيام ليل و صوم..)
3 لما تحبه مش حتقدر تغضبه
انا سبت اصحابي و دلوقتي عايشة لوحدي بس بدور على صحبة صالحة حتى لو على النت
اسفة على الاطالة و بتمنى اكون افدتك ولو شوية

ادعو الله ليك بالهدايه والثبات على الطاعه والصحبه الصالحه انشاء الله

[هديه]

بص يا اخى لازم تعرف ان المرحله اللى انت بتمر بيها حاليامعظمنا مر بيها وديه حاجه تطمئنك ان شاء الله انها مرحله مش اكتر سواء قصرت او كبرت .
وفعلا زى مقال اخى من وجد الله مااااااااااااااااااذا فقد ومن فقد الله مااااااااااااااااذا وجد؟؟؟؟؟
ويا اخى انت ربنا اختارك من بين كل اصحابك ميزك لازم تحس بهذه النعمه
وانا كنت مثلك لحد لما حضرت دروس استاذ مصطفى كنت حاسه انى غريبه فى الدنيا والحمدلله
(عليك بالدعاء )وان شاء الله اللى جى هيكون احســــــــــــــــــن من اللى فااااااااات الصبر انت فى اول اختباااااااااار

[بلقاسم تيطاوني]

بسم الله الرحمن الرحيم
السلام عليكم ورحمة الله وبركاته
الاخ الفاضل اسالك سؤال وان شاء الله تتفضل علينا بالاجابة الصريحة
لو كنت في سفينة وحدك في وسط البحر هل تترك امرها للبحر او للرياح ؟
السلام عليكم ورحمة الله وبركاته