سندريلا

[samir dobal]

أنا مشتركة جديدة فى المنتدى أنا دخلت بإسم بابا علشان بجد هو مثلى الأعلى فى كل حاجة أما بالنسبة لموضوع الصحوبية فأنا عندى رأى خاص معرفش إذا كنتوا هاتتفقوا معايا ولا لأ :marsa87:أنا شايفة إن البنت اللى بتصاحب بترخص نفسها جدا ومش بس نفسها بس كمان أهلها مع إنها لوفكرت للحظة واحدة هتلاقى ان الولد اللى عايزبنت بيعمل حاجة من الأتننين إما يدخال من الباب ويتقدم لها وإما يحاول يتكلم معها ويتعرف عليها وفى الحاتين الولد مش بيختار الطريقة بس البنت هى اللى بتجبره على اختيارها فبصراحة وعن تجربة أنا عمر ما ولد فكلر يكلمنى أويعرض عليا أى علاقة وكانه مرسوم على وجهى إنى برفض أى علاقة على الرغم من بقية اصحابى اللى تقريبا اتعرضوا للحاجات دى وكانوا مستغربين لأنى والحمد لله امتلك قدركبير من الجمال بفضل الله فأنا عايزة البنت اللى بتصاحب تقكر فى حاجتين أولها هى البنت اللى بيتعب الولد عشان يكلمها ويكمل معها بقبة حياته وبيجيب أهله عشان يخطبوها من الباب أحسن منها فى إيه وبلاش تقول اصل احنا بندرس بعض وتفكر احسن فإن الولد اللى بيدرس شخصيتها ده وعلى افتراض إنه هيجوزها فضل إنه يعرفها ويكلمها من غير مايكون ملتزم ملتزم بأى حاجة وده معناه إنه غير متحمل المسؤلية ومش واثق لفيها ولا فى نفسه ومفيش أى مبرر فى الدنيا يخلى بنت تحط وجهه أبيها فى الأرض قدام الناس بسببها مهما كانت المبررات.:marsa22:فلو سمحتوا اتقوا الله فى نفسكم وأهليكم.

[اميرة بنت الاسلام]

الله عليكى بجد انتى انسانة محترمة وكلامكى صح جدا وانا معكى فى كل الكلام للى قولتها و البنت السهلة لااحد يحترمها
جزاكى الله خير

[Marwa Yassin]

ربنا يبارك لك.. يارب.
ويثبت خطاكى, ويرزقنا واياكى بالزوج الصالح.. ان شاء الله.

[samir dobal]

شكرا يابنت الإسلام وربنا ييحبك ويضحكلك امين

[الا رسول الله]

حقيقى كلامك صح فى كل حاجه قلتيها

[merehan]

فعلا عندك حق في كل كلمه قولتيها انا تفكري كان زيك كدة بالضبط والحمدالله رجع تفكري تاني كدة ونصيحه لكل بنت فعلا مترخصيش نفسك خليه يجري وراكي مسافات كبيرة عشان يوصلك بس انت الي تقربيله المسافه

[بنت اليمن]

كلامك صح جدا ....
ربنا يهدينا كلنا الى ما يحب ويرضى ...

[عاشقة الفردوس]

السلام عليكم ورحمة الله وبركاته
حضرتك كلامك كله صح
انا كنت فكرة ان انا بس معقدة
علشان تفكيرى كده الحمد لله ان ده هو الصح
اثبت لكم كلامها ياشباب
الولد اللى بيصاحب كتير ومقطع السمكة وذيلها يعنى
لو مرة عرض على بنت انه يصاحبها ورفضت
بشدة والله بيتمسك بيها لانه مش ممكن يتزوج
غير بنت مصاحبتش اى حد قبل كده
وعلى فكرة ده افكار كل الولاد الشرقيين
الفرى والمعقد والرجالة بجد
كفايه كده
ههههههههههههههههههههههههههههههه
لالالالالالا فى حاجه عجبانى اوى فى كل البنات اللى معانا
على الاستفتاء
مفيش بنت قالت اصاحبه الاول
انتو كلكم بجد رجاله
رجاله جدعان كمان
سلالالالالالالالالالالالالالالالالالالالام بءه يا قمرات

[ado]

انا عاوزه احيكى على كلامك و فرحانه اوى ان فى ناس كتير كويسين لانى بصراحه مختلفه جدا عن اصحابى و ساعات بحس انى معقده بس بجد انا نفسى فى اصحاب كويسين و يا رب يكونوا منكم و السلام عليكم و رحمه الله و بركاته

[m_mona]

فعلا كلام حضرتك صحيح ، أنا مش عارفة البنات بتعمل في نفسها كده ليه !!!!!!!! يا بنات.... حواء قد خلقت من ضلع ادم يعنى : هو اللى نقصه جزء نقصه حاجة غالية قوي عليه سيبوله الفرصة بقى يدور عليها و يجري وراها و بلاش ترخصوا نفسكم و انتم اللى تجروا وراه . بجد هو محتاجلك بس في صورة معينه : 1-محتاج زوجة تحبه و تحافظ عليه و ترضي ربنا فيه .
2-محتاج أم يامنها على ولاده .
3-محتاج حبيبة تكون مصدر الهدوء بالنسبه له .
وسلام وللكلام بقيه إن شاء الله .

[سماح جوده]

انتي انسانه مهذبه ومحترمة يا ريت نقبليني صديقة ليكي

[monamooo]

ربنا يبارك لك.. يارب.
ويثبت خطاكى, ويرزقنا واياكى بالزوج الصالح.. ان شاء الله.

[ssss]

اكيد نفسى كل البنات يبطلو الصحوبيه لان شرها اكتر من نفعها بس ياريت هما يفهمو كده ما بيعرفوش كده غير لما يجربوا ويتكسر قلبهم

[goodgirl]

فعلا كلامك كله تماااااااااااااام ميه فى لميه انا شايفه ان هما لو بيقولوا ع اللى ميعرفوش ولاد معقدين وكده
فأنا راضيه انى اكون كده لو ربنا راضى عنى ومسامحنى مع ان البنت المتلزمه مش لازم تكون معقده ابدا

[samir dobal]

أنا لسه فتحه الكومبيوتر دلوقتى ويشرفنى انك تكونى اخت ليا فى الله وربنا يجمعنا واياك على الخير

[goodgirl]

واناطبعا يشرفنى اكتر وربنا يخليكى ويثبتك يارب

[فتاة القران]

انا جيت زى ما طلبتى وانا موافقة على كلامك جدا لانى انا فى مدرسة مشتركة وبقابل اولاد كتير لكن الحمد لله رغم انهم بيكلمو اصحابى وبيتعاملو معاهم بشكل يمكن مش فى الحدود اوى لكن الحمد لله محدش فكر مرة يكلمنى ابدا وانا عمرى مفكرت اكلم حد فيهم دايما بحس ان ادام فى بنات ايه لازمة الجأ لولد ربنا يخليلى البنات هههههه
وشكرا على الموضوع الرائع ده
لكن بالنسبة للاستفتاء انا مش عيزاه تقليدى وفى نفس الوقت مش لازم نتقابل خارج البيت
ممكن اكون اعرفه وتكون عجبانى شخصيته ويقدر ربنا ويحصل توافق ويتقدم ونتقابل فى البيت ونقرب لبعض اكتر ومتهيألى كده مفهاش حاجة غلط
انا بتمنى ده يحصل لكن اكيد مهما حصل مستحيل اغضب ربنا
ونفسي ميكنش تقليدى ابدا

[أسماء أحمد علي]

أخترى صحباتك الطيبات واللى يخشين الله

[داليا مصطفى]

بجد رأيك جميل وصح جدا ربنا يثبتك على ايمانك

[yasmin82]

كلامك جميل اوي واكيد هو ده الصح وفعلا الولد بيحترم البنت اللي بتحترم نفسها وتحافظ على سمعتها انا مش شايفه ان فيه فرق بين الزواج التقليدي اللي بيسموه زواج صالونات والارتباط قبل الزواج لو فكرنا هنلاقي ان في الحالتين الولد بيطلب الارتباط بيكي بس الفرق بقى ان الزواج التقليدي الولد بيحترمك وبييجي لحد بابك وبيطلبك من اهللك انما اللي يجيلك بقى من ورا اهلك ويلف ويدور يبقى ما يستاهلش انك تزعلي ربنا منك عشانه وصدقيني في الاخر انتي اللي بتخسري سمعتك وهو بيروح يخلي مامته تنقيله واحده محترمه يتجوزها معلش يا جماعه طولت عليكو بحبكو في الله

[rasha84]

السلام عليكم ورحمة الله وبركاته

ربنا يبارك فيكى ويجعله فى ميزان حسانتك

الله عليكى انتى بنت محترمه بس الحمدالله لقيت ونيس ليه لان اصحابى بيقولوا عليه معقده انا مش معقده بس انا مش برتاح لما بتكلم مع ولد غريب ربنا يثبتنا على هذا الايمان

جزاكى الله كل خير

[sahar el shereif]

السلام عليكم ورحمة الله وبركاته
ماشاء الله كلامك فعلا صح واناكتير بدخل فى نقاش مع اصحابى على موضوع الزواج التقليدى وللاسف بيشوفو انه تخلف ورجعية
وبقول لكل البنات اللى بتحس انها غريبة وسط اصحابه ووسط البنات بسبب التزامها "طوبى للغرباء"

[SARA SASO]

جزاكى الله خيرا
كلامك جميل وصح اوى

[آمال نبيلة]

بارك الله فيك
ثبتنا الله واياكم

[El-gana]

السلام عليكم ورحمة الله وبركاته الموضوع اكثر من رائع شـكــ وبارك الله فيك ـــرا

[esraa foda]

السلام عليكم ورحمة الله وبركاته
عندك حق يا سمير ف كل كلمه قولتيها ........
وانا مجربه الكلام دا عندى ف الكليه .بمعنى ان الولد يمشى مع البنت ويطلع يقول لصحابوا دى مش محترمه ووحشه ودى لو اختى انا اموتها......
وهيا يا حرام فاكره انوا بيحبها وهو مش بيحبها ولا حاجه
هو بيتسلى بيها......
ويارب يهدى كل البنات ويعرفواالحقيقه دى
اانا منى وحده عمرى ماكلم واحد الى اذا دخل الباب من بيته ..........ومفيش احلى من الحاجه لما تكون ف النور
وربنا يسر عليا وع كل بنات المسلمين........