الى الجنة زمرا

[المشتاقةلعفوالله]

السلام عليكم ورحمة الله وبركاته
نعم الى الجنة زمرا باذن الله ,أنا جاتللي فكرة ويا ريت تعجبكم
الحديث بيقول (رجلان تحابا في الله اجتمعا عليه وافترقا عليه)
ايه رأيكم ننفذ الكلام ده عملي ,يعني احنا ممكن نكون من بلاد مختلفة وامكانية اللقاء بينا مش متاحة لكن أرواحنا من السهل جدا أن تلتقي واللقاء ده يدوم لو كان على طاعة
علشان كده بقترح عليكم ان كل أخت تدخل تقترح علينا طاعة نعملها مع بعض بحيث اننا لما نعملها نبقى عارفين ان كل الأخوات اللي في المنتدي بيعملوا نفس الطاعة في نفس الوقت فده يشجعنا أكتر ,وياريت اللي تقترح طاعة تقولنا فضلها علشان تشجعنا أكتر ,
يلا يا بنات عايزين الطاعات تمطر علينا ,وما تنسوش من سن سنة حسنة فله أجرها وأجر من عمل بها.
معلش طولت عليكم بس يا ريت اللي تشوف الموضوع ما تحرمش نفسها من الثواب , وتحرمنا من اقترحتها.
مستنية ردودكم وان شاء الله حبدأ بنفسي

[المشتاقةلعفوالله]

ان شاء الله حبدأ زي ما وعدتكم
أول طاعة بقترحها عليكم هي (قيام الليل)
أنا عارفه ان الحمد لله في بنات كتير مواظبين على قيام الليل بس زي ما اتفقنا حنقول فوائد تشجعنا وتحفزنا , خدوا عندكم
الفائدة الخماسية
1_دأب الصلحين قبلكم
2_وقربة الى الله عز وجل
3_منهاة عن الاثم
4_تكفير للسيئات
5_مطردة للداء عن الجسم
يلا يا بنات عايزين كلنا نصلي قيام الليلة وكل ليلة
وما تنسوش كلنا حنجتمع على نفس الطاعة يعني ما حدش حيصلي لوحدة النهاردة

[اريام]

اولا السلام عليك يا اختي فكرتك عجبتني اووووووووي .والطاعة الي بقترحها هي الاستغفار بالاسحار انتو عارفين ده مدكور في القران بس انا مش حافظة الاية كلها .والاستغفار لو فوائد عظيمة لا تعد ولا تحصى منها تيسير الرزق .ونزول الرحمة .ورفع البلاء .وقضاء الحوائج .وتيسير كل الامور ............وفوايده كتيرة اووووي.وخصوصا وقت الاسحار لانو دي الساعة الي بينزل فيها ربنا للسماء الدنيا فيقول هل من مستغفر فاغفر له .وهل من تائب فاتوب عليه .وهل من سائل فاعطيه.وفي النهاية اتمنى انوكو تلزمو معايا الاستغفار كل يوم .واسال الله ان يغفر لنا جميعا .

[المشتاقةلعفوالله]

جزاك الله خيرا يا اريام بجد مشاركتك أسعدتني جدا ونفسي ان كل الأخوات يشاركوا معانا.
أما بالنسبة للاستغفار فبجد طاعة وذكر مهم جدا زي ما ذكرتي وان شاء الله نتواصى بالاستغفار والتوبة بعد صلاة ركعتين القيام الليلة .
يلا يا بنات فين مشاركتكم,مستنياكم

[meroE]

السلام عليكم
بس يا اخواتى انا واخواتى فى المنتدا اتفقنا على شى لو حبتو تعرفوا ادخلو اسئلة من القرءان بجد هتستفيدو وممكن كمان تحفظو القرءان قولو (عن ابى هريرة رضى الله عنة: قال رسول الله صلى الله علية وسلم من قال حين يصبح وحين يمسى: سبحان الله وبحمده مائه مره لم ياتى احد يوم القيامه بافضل مما جاء به الا احد قال مثل ما قال اوزاد عليه رواه مسلم

[monna]

جزاكم الله خيرا برده في حاجه جميلة اوي وهي الاستغفار في اليوم 100 مرة ستة عن النبي الكريم محمد رسول الله يعني الواحد يخطفله ميايه كدة في زجمة الحية كل يوم تكفير عن صغائر الذنوب الي بنعملها كل يوم من غير منشعر

[salma salah]

يا بنات عندى فكره ويارب تعجبكم وهى مرتبطه باساله من القران اللى قالتها اختىmeroeوهى ان كل جزء فيه 10 ورقات لو قرانا مع كل صلاه ورقتين(مش صفحتين) يعنى 4 صفحات من المصحف يبقى هنخلص جزء فى اليوم وان شاء الله نعمل خاتمه كل شهر وطبعا فى ايام مش بنقرا فيها فممكن نوزع القراه اللى هنقراها فى الايام دى على باقى ايام الشهر علشان نختم القران.

[salma salah]

يا بنات نسيت اقولكم على حاجه كمان وهى صيام كل يوم اتنين وخميس ده غير صيام 13/14/15 من كل شهر وحاجه مهمه اوى كمان وهى الصلاه على حبيبنا" محمد صلى الله عليه وسلم "عايزين نكتر من الصلاه على نبينا "صلى الله عليه وسلم "عشان الرسول قال ان اقرب الناس منزله له يوم القيامه اكثرهم صلى عليه" صلى الله عليه وسلم".
(اللهم صلى على سيدنا محمد فى الاولين وصلى عليه فى الاخرين وصلى عليه فى الملأ الاعلى الى يوم الدين).

[rozyyy]

السلام عليكم - انا عايزة اشارك معاكم لأني كان ليا صحبة في الجامعة جامدة جدا وكنا بنشجع بعض نعمل حاجات خير ومرتبطة بربنا وكنت مبسوطة اوي من ده وكان عندنا همة كبيرة اوي- بس للأسف لما خلصنا الجامعة بعدنا عن بعض بظروف الحياة وانا كما انشغلت في حياتي الخاصة ودلوقتي بحس بتأنيب ضمير:022: عشان كنت باعمل حاجات فيها ثواب كتير ودلوقتي مش أوي فنفسي نشجع بعض وان شاء الله نتقابل تحت ظل عرش الرحمن يوم لا ظل الا ظله - ايه رأيكم كل حد فينا يزور دار أيتام ونحاول نسعد الأطفال الي محتاجين حنان وعطف-انا اعذزوني مش باعرف اقول ثواب الحاجة ايه:marsa22: بس احنا لو مسحنا على رأس طفل يتيم ذنوبنا هتنزل وهناخد ثواب كبيييير اوي- وياريت ياجماعة نواظب ع أذكار الصباح والمساء معلش طولت عليكم - سلام عليكم

[merehan]

هو ممكن برضه اننا نحاول نحضر دروس في الجامع بتكون مفيدة لينا و نعرف حاجات جديدة

[المشتاقةلعفوالله]

جزاك الله خيرا أخت meroE وان شاء الله ما ننساش كل يوم تقول (سبحان الله وبحمده) مائة مرة لأننا بجد محتاجين زاد كتير للأخرة فما تبخلوش على نفسكوا بالثواب والزاد
ويكون ده في ميزان حسناتك , وخلو بالكم كل اللي احنا بنتفق عليه حجة علينا فيا ريت ما نستصغرش المعروف
*لا تحقرن من المعروف شيئا*

[المشتاقةلعفوالله]

جزاك الله خيراmonna احنا كنا تواصينا بالاستغفار وقت السحر لكن ان شاء الله نتواصى اننا يكون لسانا دائم الاستغفار لأن الرسول صلى الله عليه وسلم كان يستغفر أكثر من سبعين مرة في المجلس الواحد وهو الذي غفر له ما تقدم من ذنبه وكان يقول أفلا أكون عبدا شكورا
والاستغفار له فوائد كتيرة ان شاء الله تفيدونا بيها في مشاركتكم

[المشتاقةلعفوالله]

( كل جزء فيه 10 ورقات لو قرانا مع كل صلاه ورقتين(مش صفحتين) يعنى 4 صفحات من المصحف يبقى هنخلص جزء فى اليوم وان شاء الله نعمل خاتمه كل شهر وطبعا فى ايام مش بنقرا فيها فممكن نوزع القراه اللى هنقراها فى الايام دى على باقى ايام الشهر علشان نختم القران. ):012::gr--::gr--::gr--:
:marsa35:حنختم القرآن مع بعض بجد فكرة رائعة وياريت نبدأ نطبقها من أول صلاة بعد قراء الموضوع
جزاك الله خيرا salma salah

[المشتاقةلعفوالله]

اللهم صلي وسلم وبارك على سيدنا محمد وعلى آله وصحبه وسلم
(البخيل من أمتي من ذكرت عنده ولم يصل علي) ياريت ما نكون بخلاء
أما بالنسبة للصيام فان شاء الله نبدأ من يوم الاثنين القادم وان شاء الله نذكر بعض قبل يوم الاثنين وكمان نبقى نذكر بعض بأيام 13,14,15
احنا ديننا عمل ومسئولية مش كلام وبس
وجزاك الله خيرا كثيرا يا salma وان شاء الله كل واحدة فينا تصلي على النبي أو تصوم يكون ده في ميزان حسناتك

[المشتاقةلعفوالله]

أهلا بيكي rozyyy منورانا وان شاء الله نحاول نكون صحبة جامدة جدا ونهون على بعض ونعين بعض وكمان ندخل الجنة مع بعض (وسيق الذين اتقوا ربهم الى الجنة زمرا) فيا ريت تقبليني أخت ليكي نساعد بعض ونعلي بعض
أما بالنسبة للأيتام فبجد دي حاجة مهمة ممكن نكون غافلين عنها الرسول صلى الله عليه وسلم قال (أنا وكافل اليتيم كهاتين في الجنة وأشار الى اصبعيه السبابة والوسطى) فاذا كان صعب علينا اننا نتكفل بيتيم بس مجرد ادخال السرور على قلب أي يتيم ومساعدته وان لم يطلب المساعدة فده يعتبر من كفالة اليتيم
وربنا يجازيك خير ويعينك
وكمان مننساش أذكلر الصباح والمساء لأنها تحصين ووقاية وقربة الى الله
وربنا يثبتنا جميعا ويعينا على طاعته

[المشتاقةلعفوالله]

حبيبتي merehan فكرتك جميلة وان شاء الله نتواصى ان كل أخت فينا يكون لها على الأقل درس بتحضره كل اسبوع يكون لها تذكرة ومعين وما ننساش حديث الرسول (اذا مررتم برياض الجنة فارتعوا قالوا وما رياض الجنة يا رسول الله قال حلق الذكر)
فياريت ياحماعة نرتع كثيرا برياض الجنة في الدنيا كي يدخلنا الله رياض الجنة في الأخرة
وجزاك الله خيرا حبيبتي

[rozyyy]

السلام عليكم يابنات ياجدعيين - انا بدأت معاكم وصايمة انهاردة وامبارح صليت قيام الليل وقلت الاستغفار وبحاول اكمل باقي الاتفاقات بس شدو حيلكوا يابنات عايزين نكمل - شكرا اختي وحبيبتي المشتاقة لعفو الله - انا ليا الشرف يكون ليا اخت زيك انتي وباقي البنات - يلا واوعو تنامو عن الطاعة الجنة مستنيانا :victory:

[salma salah]

شكرا يا rozyy على فكرتك الحلوه دى ممكن نتقابل فى درس الاستاذ مصطفى حسنى زى ما اقتحرحت اختى merehanبان احنا نحضر دروس ولما نتقابل نتفق على ايام معينه نروح فيها دار ايتام وكمان ممكن نعمل كفالة يتيم وفى كمان مساعدة اسر فقيره ممكن نشارك فيها.

[eman_8]

حلوة افكاركم اوى وانا مع الاخت اللى قالت نروح دار الايتام انا نفسى اشترك فى جمعية خيريه او دار ايتام ياريت اللى تعرف تقولى
وانا عندى كمان فكرة اننا نواظب على ال 12 ركعة السنة عشان يبقى عندنا قصر فى الجنة انشاء الله
يالرب يجعله فى ميزان حسناتنا جميعا انشاء الله

[salma salah]

يا بناااااااااااااات بالنسبه لقرأة القران وختمه ياريت نحدد يوم معين منبدأش غير لما اغلب البنات يعرفوا المعاد ده عشان محدش يزعل مننا ان احنا بدأنا من غير ما نعرفهم.

[salma salah]

ربنا يكرمك يا eman 8عشان فكرتنى بحاجه حلوه اوى ومهمه اوى وهى المواظبه على ال 12 ركعه السنه عشان يتبنى لينا قصر فى الجنه وان شاء الله هبقى اجى ازورك فى قصرك واجيبلك فاكهه معايا شوفى انتى بتحبى ايه:th: وانا اجبهولك.

[salma salah]

يا بنات يا بنات خدوا الطاعه دى كمان لسه سمعاها دلوقتى حااااااااالا وهي (صلاة الاوبين)وهى 6 ركعات بين المغرب والعشا واقلها ركعتين واكثرها 6 ركعات تصلى ركعتين ركعتين ومن صلاها اخد ثواب صلاه 12 سنه انا كنت سمعت الحديث ده قبل كده بس فى ناس قالوا انه مش صحيح بس انا سمعته دلوقتى على قناه فضائيه موثوق فيها وكلنا بنحبها.وحتى لو الحديث مش صحيح اوى لو صلناها مش هنخسر حاجه.

[eman_8]

انا بحب التفاح اوىىى يا سلمى ولما تيجى انشاء الله هعمل معاكى واجب جامد
انشاء الله ربنا يكرمنا

[rozyyy]

حبيبت سالمة - انا كان نفسي اكون معاكم في ان احنا نروح دروس مع بعض ونزور دا أيتام مع بعض بس للأسف:022:انا عندي مشكلة في الخروج لأن جوزي قلوووووووووووق اوي ومش بيحبني انزل غير معاه فمش سهل اروح اي حتة عشان بيحصل مشكلة - بس انا معاكم بقلبي وحنا ممكن نتفق في اسبوع معين كل حد يشوف يوم فاضي عنده حسب ظروفه ويزور دا أيتام ايه رأيكم في الاسبوع الجاي اي يوم والي يروح يقول للباقي ماشييي يابنات :af7a:انا بجد حبيتكو اوي لأن احلى حب الحب في الله

[الكلمةالطيبة]

اللهم صلي وسلم وبارك على سيدنا محمد وعلى اله وصحبه اجمعين
بارك الله فيكي اختي ويارب يجمعنا في الجنة اعجبني الموضوع وتحمست له كثير رغم انني جيت متاخرة :icon_sad: لكن باذن الله سابدأ معكم وربي يوفقنا جميعا وويتقبل منا
حبيت بس اضيف لكم حاجة قراءة سورة ياسين كل ليلة واكيد بتعرفو افضالها حيث قال النبي صلى الله عليه وسلم "ان لكل شئ قلبا وقلب الفران يس ومن قرأ يس كتب الله بقرايتها قراءة الفران عشر مرات" ويقول ايضا عليه افضل الصلاة والسلام "من قرأ يس في ليلة أصبح مغفورا له " <اخرجه حسن النسائي في الكبرى ف عمل اليوم والليله >
الحمد لله بقراها بعد صلاة العشاء واتمنى نقراها كلنا سوى
بارك الله فيكن وسدد خطاكم وتبثكن على هداه
احبكن في الله :icon_razz:

[salma salah]

انتى مجتيش متاخر ولا حاجه احنا يا جميل لسه بنبدا وبنشكرك على مشاركتك الجميله وفعلا قراه سورة يس حلوه اوى وكمان (يس لما قرات له) يعنى لو عايزه حاجه من ربنا اقراى سورة يس وادعى باللى انتى عيزاه وان شاء الله ربنا يستجيبلك وانا مجربها على فكره.

[salma salah]

حبيبتي rozyyyاحنا مستحيل نتسببلك فى اى مشكله بينك وبين جوزك ربنا يباركلك فيه ويحفظهولك وفى حاجه اهم من الحاجات اللى احنا بنعملها دى وهى انك تسمعى كلامه وانتي فعلا معانا بقلبك ولو انى كان نفسي تكون معانا فعلا بس حاولى يعنى ولو مره كل فييييييييييييين وفين تيجي معانا وقوليله يجي معاكى لو هو حابب كده لكن لو بيخاف اوى عليكي يبقى بلاش يا قمر محدش لاقى حد يخاف عليه فى الزمن ده ربنا يحفظكوا ويكرمكم ويعزكم ان شاء الله.

[maya15]

يا جماعة أنا انصحكم بقراءة سورة الملك كل ليلة فهي تنجينا من عذاب القببر
و سورة الكهف كل ليلة جمعة فهي تنجينا من المسيح التجال عند قروب الساعة
يلا يا بنات لنقرأ كلنا سورتا الملك و الكهف اليوم

[rozyyy]

:020:شكرا اوي ياسالمة على ردك الجميل ده - انا اوقات باضايق من خوف جوزي ده بسكلامك خلاني مش مضايقة خالص - بس زي ما قلتلك انا معاكو بقلبي -انا عندي مشكلة يابنات مش عارفة اعمل فيها ايه - انا كنت باحفظ القرآن والحمد لله خلصت حوالي 7 اجزاء وكنت متابعة مع محفظة كويسة جداااااااااا وطريقتها حلوة اوي تخليني احب احفظ بس للأسف جوزها تعبان اوي من 3شهور تقريبا ومن ساعتها مش عارفة احفظ من غيرها لأنها توقفت عن الشغل وكل يوم احول حتى اراجع الي حفظته مش عارفة خاااااااااااااااااااااااااااااالص وواحدة صحبتي قالتلي راجعي وأسمعلك برده مش عارفة - انا من جوايا زعلانة من نفسي لأني بعدت عن الحفظ ساعدوني يابنات اعمل ايه :sunshine1:

[المشتاقةلعفوالله]

ازيكو يا بنات يا عسل بجد الواحد مش عارف يقول ايه المهم اننا نستمر وما نكسلش مش مجرد يومين وخلاص ,قبل ما أكمل كنت عايزة أقولكم على حاجة
انتو عارفين الشيطان:icon_twisted: لما دخل الموضوع ده عمل ايه أظن انه قال NOOOOOOOOOOOO وعمل أكتر من كده:marsa85: لكنه لقى ان اللي بيعمله ده ما فيهوش فايدة فاسترخى وقعد:sunshine1: ويدبروقال أحاربهم علشان يقفلوا الموضوع :hyhy::hyhy::marsa87::9_asmilies-com:
لكن الحمد لله كلنا صمدنا قدامه وكملنا الموضوع ,فرجع:sunshine1:وقال السلاح ده مش نافع معاهم
وبعد معاناة كبيرة قال وجدتها هما دايما بيبدأوا الموضوع ويتحمسوا شوية في الأول وبعد كده لما يفتحوا المضوع تاني يلاقوه طول فيقووا حنشوف موضوع غيره هو احنا لسه حنقرا ده كله
لكن احنا من هنا ولأننا بنقول الى الجنة زمرا حنقوله انسى دي الجنة مش أي كلام فكر ودبر وخطط لكن زي ما بيقولوا الكترة تغلب الشجاعة (مع ان انت مش شجاع) بس احنا بقى كتير وحنزيد كمان وكمان لحد ما تمل من وسوستك لينا ولو انت ما مليتش من الوسوسة احنا مش حنمل من حلاوة طاعة الله والقرب منه
يلا يا بنات قولوها في وش الشيطان لأ, قولوا للمعصية مالكيش مكان بينا,
أروا الله من أنفسكم خيرا
استمروا في الموضوع ويا ريت نبلغ باقي البنات اللي ما شاركوش معانا علشان تزيد الزمرة وتزيد الطاعات
وطول ما احنا مع بعض ايد واحدة حنقدر ع الشيطان
معلش طولت عليكم بس كان نفسي أذكركم بالكلام ده

[المشتاقةلعفوالله]

ان شاء الله بالنسبة للطاعات والأعمال اللي بنقولها في المشاركات ححاول أجمعها ونذكر بيها بعض تاني علشان اللي لسه داخل الموضوع ما يملش ويحقق أمنية الشيطان
ودلوقتي حجمعلكم كل الطاعات الل تم اقتراحها وأكيد تنفيذها ان شاء الله
1_قيام الليل
2_الاستغفار وخاصة وقت السحر
3_ذكر سبحان الله وبحمده مائة مرة
4_قراءة 4صفحات من القرآن بعد كل صلاة وبكده ختمة شهرية
5_صيام الاثنين والخميس و13,14,15من كل شهر
6_الاكثار من الصلاة على النبي
7_كفالة اليتيم ولو بالقليل
8_حضور درس علم أسبوعي بصفة مستمرة
9_المواظبة على 12ركعة نافلة يوميا
10_صلاة الأوابين (بتكون بعد المغرب الى العشاء)
11_قراءة سورة ياسين كل ليلة
12_قراءة سورة الملك كل ليلة
13_قراءة سورة الكهف ليلة ويوم الجمعة
يلا يا بنات الطاعات كتير عايزين ثواب وطاعات أكتر دي الجنة ,الجنة تتزين لينا واحنا بنكسل ؟؟!!
ايه رأيكم ننوي من دلوقتي (وعجلت اليك ربي لترضى)

[فراشه عاصم]

http://www.imgall.com/img3/ebbe5162bb.gif

[monamooo]

http://www.imgall.com/img3/3c0b4b7e65.gif

[rozyyy]

حبيبتي المشتاقة لعفو الله ماشاء الله عليكي اللهم بارك كلامك عن الشيطان حلو اوي اوي وان شاء الله هنفضل كده وهنزيد والشيطان مش هيقدر علينا خالص جزاكي الله خيرا - وربنا يبارك فيكي ويجعله في ميزان حسناتك وأقابلك عند حوض النبي ان شاء الله ونفرح النبي بينا - اللهم صلي وسلم وبارك على سيدنا محمد

[salma salah]

حبيبتي المشتاقه لعفو الله فعلا انتى معاكى حق احنا ساعات بنكون متحمسين جامد وبعد كده بنكسل بس ربنا يثبتنا كلنا ان شاء الله وشكرا على تنبيهك لينا من وسوسه الشيطان وانا اهوه بقولهلا لا لا مش هنسمعلك تانى ومش هنضعف اودامك تانى باذن الله."اللهم يامقلب القلوب والابصار ثبت قلوبنا على دينك"

[salma salah]

وعجلت اليك ربي لترضى.
اللهم انظر لنا نظرة رحمه لا تسخط علينا بعدها ابدا

[اريام]

حبيبتي المشتاقة لعفو الله والله مش عارفة اوصفلك شعوري ازاي ودرجة اعجابي بك وبالموضوع الي اخترتيه بارك الله فيك وجزاك الجنة .وبخصوص الطاعات الي اقترحناها فانا والحمد الله عملتهم كلهم بستثناء الدرس الاسبوعي وزيارة دار الايتام .عشان انا من عيلة محافظة اوي مادرش اخرج او اعمل اي نشاط برا البيت مع الاسف او ده مش بايدي.المهم هووالحمد لله الي اداني الفرصة دي عشان اشارك في حاجة ترضي ربنا .وطاعة تانية انا بقترحها هي قرائة اية الكرسي بعد كل صلاة .قال رسول الله صلى الله عليه وسلم من قرا اية الكرسي دبر كل صلاة لم يمنعه من دخول الجنة الا الموت.

[المشتاقةلعفوالله]

جزاكم الله خيرا على الكلام الجميل ده ويارب يكون هذا العمل خالصا لوجهه الكريم ولا يجعل لأحد ولا لنفسي ولا للشيطان فيه نصيبا وربنا يثبتنا جميعا على الخير والحق ,اللهم أرنا الحق حقا وارزقنا اتباعه
أما بالنسبة ليكي حبيبتي اريام فجزاك الله خيرا وان شاء الله نتقابل على حوض النبي ,أما الدرس الأسبوعي اللي اتفقنا عليه فما فيش حد عنده حجة لأننا ما قولناش نخرج من البيت يعني اللي ما تقدرش تخرج (وكتير مننا عندهم ظروف)تحدد لنفسها برنامج معين لأحد الدعاة وتواظب على متابعته وتجدد نيتها انها في مجلس علم وان شاء الله ربنا يتقبل منا جميعا لأن الدين يسير وأبسط مما نتخيل
وان شاء الله نتواصى كمان بقراءة آية الكرسي بعد كل صلاة ونحافظ على ختم الصلاة مهما كانت مشاغلنا
يلا يا بنات الطاعات كتير ما حدش يقرأ الموضوع الا لما يقولنا طاعة نعملها نع بعض
تحت ظل العرش لقاؤنا

[المشتاقةلعفوالله]

حبيبتي monamooo وفراشه عاصم جزاكم الله خيرا على المرور ,لكن المرو هنا مش ببلاش يعني مش حنسيبكم الا لما تقترحوا علينا أي طاعة أو عبادة معلش هي دي ضريبة الدخول أنك تعملي طاعة وتذكرينا بيها ولك أجر كل من عمل بها
معلش ما تزعلوش مني بس احنا برضوا مش حنتنازل عن اقتراحتم (حتخدوا ثواب يعني حتخدوا ثواب)

[الكلمةالطيبة]

اللهم صلي وسلم وبارك على سيدنا محمد وعلى اله وصحبه
اللهم وفقنا وتبثنا يارب وتقبل منا الصالح من الاعمال
هيا ي بنات نتوكل على الله لا للكسل نعم للعمل في سبيل طاعة الله كل يوم نجي ونتكلم ونقول اننا عملنا شئ ولو وحدة فينا تكاسلت نحاول نشجعها يدا بيدا في الطريق الى الجنة باذن الله :119:
احبكن في الله :icon_razz:

[الا رسول الله]

السلام عليكم يابنات ياريت لو كمان على طول نصلى ركعتين شكر لله سبحانه وتعالى على حالنا وعلى كل حاجه عملهلنا وبيعملهالنا فى دنيانا وندعى ربنا انه يكرمنا فى حياتنا دنيا واخره ويرشدنا على الطريق الصح باذن الله

[وردة الحياة]

jazaki alaho kola khayr walah ithabitna yarab

[الام المجاهدة]

أخواتى فى الله
بحبكم فى الله
أختى المشتاقة لعفو الله جزاكى الله خيراً على افكارك الجميلة
ولكل أخت أقترحت طاعة نعملها مع بعض جزاها الله خيراً
أيه رأيكم نتفق مع بعض على الطاعات دى
نتقن عملنا ـ التسامح ـ بر الوالدين ـ صلة الرحم ـ نعامل بعض فى حب الله مش فى حب المصلحة ـ الصبر
معلش سامحونى لأن كتير بحس اننا كمسلمين ينقصنا الطاعات دى اللى هى أصلا معاملات بعضنا بينفذ العبادات وبينسى المعاملات

[rozyyy]

ايه يابنات محدش رد عليا في مشكلتي في حفظ القرآن ولا أزعل منكم يعني:engry1:- وايه رأيكم كمان في الأسبوع الجاي يوم لزيارة دار ايتام - وايه رأيكم كمان كل واحدة تعمل جدول في الطاعات دي كلها وفي نهاية اليوم تعلم على الطاعات الي عملتها وحولي كل يوم تعلمي على طاعات اكتر هاه ايه رأيكم ردوا عليا بئى - ع فكرة انا مستحيل ازعل منكم:mo--:

[rozyyy]

نسيت اقولكم هي حاجة خارج الموضوع بس عايزة اقولكم عليها - انا عملت موضوع في " حور الدنيا " اسمه الروتين اليومي للوجه بالأعشاب الطبيعية - ياريت يابنات تدخلوا تشوفوه

[اريام]

منقدرش على زعلك ياجميل.انا حصلي تقريبا نفس المشكل انا كنت ابتديت في حفظ القران وحفظت والحمد لله سورة البقرة اوكنت ناوية احفظ المصحف كله بس محصلش عارفة ليه عشان اكتشفت اني بنساه بسرعة .والي يحفظ اية من القران او يرجع ينساها بيبقى زنبو كبير اوي.فقلت مع نفسي بلاش مدام مقدرش احافظ عليه.اما بنسبالك فشوفي محفظة تانية.او ربنا ايوفقك

[eman_8]

السلام عليكم
المشتاقة لعفو الله كلامك حلو اوى انشاء الله ربنا يعينا ويكرمنا ونعمل الطاعات دى على طول
اللهم اغفر لى ولوالدى ولمؤمنين يوم يقوم الحساب

[المشتاقةلعفوالله]

جزاكم الله خيرا كثيرا حبيباتي بجد أنا فرحانة جدا بيكم وربنا يثبتنا جميعا ان شاء الله

[المشتاقةلعفوالله]

حبيبتي الكلمة الطيبة جزاك الله خيرا على مشاركتك وان شاء الله كلنا نقول سويا لا للشيطان حتى تدخلنا هذه الكلمة الجنة سويا
فاللهم صلي وسلم وبارك على سيدنا محمد وعلى آله وصحبه وسلم

[المشتاقةلعفوالله]

الا رسول الله زي ما اسمك رائع فاقتراحك جميل احنا للأسف غافلين عن صلاة الشكر وبنكتفي بشكر اللسان ولا ندرك أنه لابد من سجود القلب والأعضاء جميعها شكرا لله على نعمه التي لا تعد ولا تحصى
وبما اننا ما بنتكلمش وخلاص ان شاء الله كل واحدة فينا بعد ما تقفل تقوم تصلي ركعتين شكر لله وأظن أسبابها كتيرة لكن انا بقترح اننا نشكر الله على نعمة الاسلام أعظم نعمة رزقنا الله اياها ونشكره كذلك على نعمة الهداية وأنه اصطفانا لنقرأمثل هذه الكلمات لتفيقنا من غفلتنا عن شكر الله وجزاكم الله خيرا بنات الاسلام

[salma salah]

سلام عليكم ورحمة الله وبركاته...
ازيكم يا بناتييييييييييت واحشتنونى اوى وكمان rozyyyواحشتنى اوى اوى اووووووووووى وبجد فكرة ان كل واحده تعمل جدول للطاعات وتعلم على الطاعه اللى عملتها دى فكره جامده اوى باذن الله هاعملها اما بالنسبه لزياره دار الايتام دى اعفيني منها ومن اى نشاط خارج البيت عشان انا عندى امتحانات الاسبوع الجاى وده مش اى امتحان ده امتحان قران(5 أجزاء) ده غير كده انا عندى يوم 24/5 امتحان قران فى (5 اجزاء )تانين يعنى عليا 10 اجزاء حفظ:icon_sad:ادعولى عشان انا مطحونه بجد وبالنسبه ياقمرى لحفظك للقران حاولى تشوفى محفظه تانيه وعشان متنسيش اللى حفظتيه لااااااااااااااازم تقرايه كل يوم باستمرار ودايما شغلى شرايط قران للسور اللى حفظتيها هتلاقى نفسك بترددى معاها ومش هتنسيها ويمكن لما نبدأ فى موضوع قراه القران وختمه دى هتساعدك على مراجعته وان شاء الله مش هتنسيه وتحفظى غيره.

[salma salah]

شكرا اخواتى المشتاقه لعفو الله والا رسول الله على اقتراحكم الجميل ده وياريت فعلا كل يوم نصلى ركعتين شكر لله على كل نعمه ربنا اديهلنا وطبعا كلنا عارفين ان نعم ربنا مهما عدنها لا تحصى.فاقل واجب نعمله هى صلاه ركعتين لله .وجزاكم الله كل خير على الفكره دى وجعل ثوابها فى ميزان حسناتك.

[rozyyy]

السلام عليكم يأخواتي الجمال وانتي كمان ياسالمة وحشتيني اوييييييييي :020: ع كلامك انا هحاول اعمل كده بس انتي ادعيلي اوي - ويلا بئى عشان نشوف مين هيعلم اكتر في جدول الطاعات - شدو حيلكو يابنات :marsa101:

[المشتاقةلعفوالله]

أختي الام المجاهدة جزاك الله خيرا على تشريفك للموضوع وربنا يرزقنا جميعا الخير والصواب, أما بالنسبة لاقتراحك للأسف انت محقة كتير من المسلمين المتدينين المواظبين على الصلاة والصيام والصدقة وغيرها من الطاعات لما بيعاملوا الناس بيتناسوا الطاعات اللي عملوها وبينسوا كمان ان طاعاتهم لازم تحسن أخلاقهم ومعاملاتهم مع الناس وجميع أمور حياتهم
علشان كده ان شاء الله نتواص ببعض الوصايا اللي تساعدنا في تحسين أخلاقنا منها
تجديد نيتنا في كل عمل بنعمله اذا كان مذاكرة أو شغل أو حتى أعمال البيت
وما ننساش كمان (عامل الناس بمثل ما تحب أن يعاملوك به)
اشكر الناس فمن لا يشكر الناس لا يشكر الله
بر بوالديك قبل أن ينادي المنادي ويقول (يا ابن ادم ماتت التي كنا نكرمك من أجلها)
اذا أغضبك أحد أو أساء اليك فتذكر(والكاظمين الغيظ والعافين عن الناس)
اذا كنت مهموم فاصبر وتذكر(لا تقل يارب ان همي كبير ولكن قل يا هم ان ربي عظيم)
الوصايا كتير ودينا عمران بالنصائح والخير مش في الأخرة بس لكن في الدنيا والاخرة فيا ريت نذكر بعض دايما بوصايا خلقية

[المشتاقةلعفوالله]

حبيبتي ايمان جزاك الله خيرا على مرورك بس فين الطاعة اللي اقترحتيها احنا مش حنتنازل اننا نستفيد منك

[الخائفة من الله]

السلام عليكم ورحمة الله وبركاته
كيفكم يابنات بتمنى تقبلوني بيناتكم
ربي يشهد علي اني اتأثرت جداا بكل كلمة كتبتوهاا :icon_sad:
وان شاء الله راح اعمل على كل الطاعات ان شاء االله ربي يعيناا على فعل الخيرات
وحابة اضيف طاعة قال الرسول الله صلى الله عليه وسلم
ما منكم من أحد يتوضأ فيبلغ ـ أو فيسبغ ــ الوضوء ثم يقول أشهد أن لاإله إلا الله وحده لا شريك له وأشهد أن محمداً عبده ورسوله إلا فتحت له أبواب الجنة الثمانية يدخل من أيهما شاء
:119:
وربي يجمعني بيكم في فردوسه الاعلى
وجزاكم الله ألف ألف ألف ألف خير

أختكم في الله
الخائفة دوماا وابداا من الله

[المشتاقةلعفوالله]

الخائفة من الله أهلا بيكي انضمامك لينا يشرفنا وربنا يعينا جميعا ويجعلنا صحبة في الخير وجزاك الله خيرا على التذكرة الجميلة دي بفضل الوضوء وبعد اذنك لو تسمحي يعني, كنت أحب أضيف حاجة ان سيدنا بلال الرسول سمع قرع نعليه في الجنة فسأله الرسول فقال سيدنا بلال انه ماأحدث حتى توضأ وما توضأ الا صلى ركعتين, فياريت نتواصى اننا نكون دايما على وضوء لأنه بيزيد الوجه نور ومع كل قطرة ماء بتنزل كل الذنوب اللي عملناها
حبيبتي عايزين نشوفك هنا كتير

[سماح جوده]

انا سعيدة جداااااااااااااااااااااااا اني معاكم ومش هنام النهارده قبل ما اصلي قيام الليل واستغفر وانا بدات فعلا في حفظ القران مع محفظة في المسجد وياريت ذي ماقالت مريهان اننا نحضر دروس في الجامع و انا عندي اضافة اننا نصلي الجمعة في الجامع و كمان نشاهد القنوات الدينية و البرامج التي تزيد من عزيمتنا ويارب يجمعنا علي خير

[سماح جوده]

اشكرك يا اختي الحبيبة فعلا انتم صحبه هائلة وفعلا انا سعيدة اوي و انا بشارك معكم في الي الجنة زمرا و طبعا كلنا هتصلي قيام الليل و هنستغفر و نتصوم و نقرأ قرأن بس كمان عايزين نقدم كل شهر صدقة لحد يستحقها من قبض كل شهر او من المصروف لو لسه طالبة و طبعا احنا متأكدين ان ما نقص مال عبدا من صدقه ربنا يكرمنا جميعا و يثبتنا علي الطاعة

[سماح جوده]

اولا اشكر اختي روزي لانها دعتني للمشاركة في (الي الجنة زمرا) ثانيا انا سعيدة جدا اني اتعرفت علي بنات قمرات زيكم انا كتبت اكثر من مشاركة بس مش عارفة مش بتتسجل ليه علي كل حال انا بضيف اننا نحفظ قرأن ونصلي الجمعة في المسجد و نشاهد القنوات التي تقدم لنا البرامج الدينية و نقدم صدقة شهريا لمن يحتاجها وشكرا مرة تانية لروزي و لكل اخواتي في منتدي اخونا الفاضل مصطفي حسني

[rose odour]

السلام عليكم فى الاول احب اشكر روزى وسلمى علشان دلونى على الى الجنة زمرا بجد فكرة جميلة وجزاها الله خير المشتاقة لعفو الله وربنا يجعله فى ميزان حسناتكم كلكم وانا عايزة اقولكم على اننا نصلى كل يوم الضحى ان شاء الله علشان هى زكاة عن البدن ليها ثواب كتير يعنى 2او4او6ركعات
وممكن ركعتين بس يعنى مش هتاخد من وقتنا كتير ووقتها من بعد شروق الشمس لغاية كدة قبل الظهر بنص ساعة تقريبا وربنا يتقبل مننا كلنا

[سماح جوده]

اختي المشتاقة لعفو الله انا اسعد و بشكرك علي دعوتك الرقيقة انتي فعلا اخت ليا وربنا يكرمك علي موضوعك الجميل

[المشتاقةلعفوالله]

حبيبتي سماح نورتي الموضوع وربنا يباركلك ويكرمك ان شاء الله وجزاك الله خيرا على قبول أخوتي لأن بجد أخوتك شرف ليا

[المشتاقةلعفوالله]

rose odour جزاك الله خيرا على تلبيتك للدعوة ومشاركتك معانا وربنا يجزيك خير على اقتراحك وان شاء الله تاخدي ثواب كل اللي ذكرتيهم بصلاة الضحى وعايزينك منورانا كده على طول

[المشتاقةلعفوالله]

أخواتي روزي وسلمي جزاكم الله خيرا على دعوتكم لبقية الأخوات للمشاركة معانا وياريت كل اللي تدخل وتستفيد من الموضوع ما تبخلش على نفسها بالثواب وعلى غيرها بالاستفادة
ان شاء الله من دلوقتي اللي تقدر تبعت رسائل ع الخاص تنشر الفكرة علشان تزيد الزمرة وأهو كله بثوابه

[المشتاقةلعفوالله]

ايه يا بنات انتو فين وفين اقتراحتكم مش عايزين الزمرة تضعف أو تفقد حد منها علشان كده كان لازم من طاعة أظن ان ده وقتها وهي
الدعاء
الدعاء مخ العبادة,ولا يرفع القدر الا الدعاء,وان الله يستحيي أن يرفع اليه العبد يديه ويردهما صفرا خائبتين
وعلشان نمشي في طريقنا لله لازم لنا من معونه ومؤازرة ومش حنلاقي معين نطلب منه مساعدتنا واعانتنا على استكمال الطريق غيره جل في علاه
يلا يا بنات ندعي ,حندعي لمين؟؟؟؟!!!
حندعي لأنفسنا ,ولوالدينا , وللمسلمين والمسلمات, وندعي للاسلام بالعزة والنصر, ندعي لكل المجاهدين في سبيل الله في كل مكان, وما ننساش أهم حاجة اننا ندعي لبعض بظهر الغيب شوفي انت نفسك في ايه وادعيلنا بيه وربنا يرزقك اللي انت بتتمنيه مادام فيه خير ليكي

[اريام]

حبايبي انا جبت طاعة تانية ويارب نقدر نحافظ عليها كلنا .هي 4ركعات قبل العصر.قال رسول الله صلى الله عليه وسلم \رحم الله امراصلى قبل العصر اربعا\.ومنها حديث علي ان النبي صلى الله عليه وسلم كان يصلي قبل العصر اربعا يفصل بين كل ركعتين بالتسليم على الملائكة والنبيين والمؤمنين.بارك الله فيكم .

[سماح جوده]

اخواتي في الله كلنا نحب ان يستغفر لنا الملائكة وان يرضي الله سبحانه و تعالي عنا طبعا بتسئلوني ازاي؟ الاجابة سهلة جدا............. *نقرأ سورة الدخان في كل ليلة
عن ابي هريرة قال...قال رسول الله صلي الله عليه وسلم (من قرأحم الدخان في ليلة أصبح يستغفر له سبعون ألف ملك).

[eldodi]

السلام عليكم
الموضوع جميل جدا جزاكى الله كل خير يالمشتاقة
وعملت موضوع قريب تقريبا من ده شوية مكنتش لسه قريت الموضوع ده
ونسمر ونتواصل ان شاء الله على طاعة الرحمن
وتقبلونى اخت لكم

[الام المجاهدة]

أخواتى فى الله بحبكم كلكم عندى طاعة جميلة قوى بعملها من اكثر من ثلاث سنوات ومن وقتها وانا سعيدة قوى بيها
عارفين هى ايه بقبل يد أمى وأبويا
وكمان زوجى
والحمد لله علمت اولادى منذ صغرهم ان يقبلوا يدى ويد والدهم وبعد كدة فكرت هو انا ليه معملش كدة مع بابا وماما وبالفعل نفذت حتى لو قابلتهم فى اى مكان بقبل يدهم من غير احراج امام الاخرين لعلهم يفعلوا ذلك
عجبتكم الطاعة دى ولا ايه

[rozyyy]

السلام عليكم اخواتي في الله - انا مبسوطة اوي ان الحمد لله ماشاء الله عددنا بيزيد وحبنا لبعض كمان بيزيد -ربنا يثبتنا ويزيدنا - انا عندي فكرة قولولي رأيكم فيها - احنا طبعا أوقات بنضطر نتخلص من أكل فايض مننا ونرميه في الزبالة ايه رأيكم لو نشيل الأكل ده في كيس بلاستيك قبل ما نرميه لأن في ناس كتييييير غلابة بيأكلوا من الزبالة :022:ودي فعلا حقيقة أنا متأكدة منها وخلي في نيتنا ان الأكل ده هيوصل لناس فقراء اوي وهتأخذوا بكده ثواب اطعام مسكين- وعندي فكرة كمان كل واحدة فينا توضب دولاب الملابس بتاعها أكييييييييييييييييد هيطلع منه حاجات كتير مش بنحتاجها ياريت نلم الحاجات دي ونتصدق بيها لأي حد محتاج والي مش عارفة حد ممكن تتصل بجمعية رسالة مثلا ييجوا لحد البيت يأخذوا الحاجة دي وهم بيوضبوها ويدوها لناس محتاجين- عايزة اعرف رأيكم ومش عايزة كسل - انا كنت عايزة اسال على سالمة انتي فين مش باينة:036: طمنينا عليكي

[الام المجاهدة]

جزاكى الله خيراً يا روزى انا فعلا بعمل كدة الاكل الفائض عندى لو ينفع جارتى الفقيرة بديهولها لومش ح اقدر وعيب خوفا على مشاعرها يعنى لا يليق بها فعلا بضعه فى كيس نظيف عشان الفقراء اللى بيدوروا فى القمامة حتى فضلات العيش برضة بضعها فى كيس نظيف والعلب البلاستيك والزجاجات برضه بضعها فى كيس لوحدها عشان الناس اللى بيعيدوا استخدامها لانى نفسى يكون فى البلد صنديق قمامة مختلفة نضع فيها كل نوع على حدى ولكن للاسف لا يوجد حتى انا بعت باقتراح لكارفور وفتح الله باننا بعد ما نستخدم العلب والزجاجات نجمعها ونرجعها فى صندوق مخصص يضعوه خارج السوبر ماركت وكل شركة تأخذ الفارغ من منتجاتها وتعيد تصنيعه ونوفر ونحافظ على البيئة ولكن دون جدوى ياريت لو حد يقدر يساعدنى ونشوف حل للموضوع ده اما بالنسبة للملابس برضه بوزعها للناس اللى حوليا من اقارب وجيران
وربنا يتقبل منا جميعا ويجعله فى ميزان حسناتنا

[المشتاقةلعفوالله]

جزاك الله خيرا حبيبتي روزي على اقتراحك هو فعلا حاجة مهمة جدا وسهلة جدا جدا وكل واحدة فينا ممكن تعمله بطريقتها الخاصة لأن كل واحدة عارفة نظام بيتها عامل ازاي
يعني ممكن واحدة توفر في الأكل قبل ما يتعمل وتخرجه صدقة على مدا الأسبوع مثلا وممكن واحدة تاني يكون لها أسلوب تاني المهم اننا كلنا نستفيد ونعمل خير

[المشتاقةلعفوالله]

ان شاء الله بالنسبة للطاعات والأعمال اللي بنقولها في المشاركات ححاول أجمعها ونذكر بيها بعض تاني علشان اللي لسه داخل الموضوع ما يملش ويحقق أمنية الشيطان
ودلوقتي حجمعلكم كل الطاعات اللي تم اقتراحها وأكيد تنفيذها ان شاء الله
1_قيام الليل
2_الاستغفار وخاصة وقت السحر
3_ذكر سبحان الله وبحمده مائة مرة
4_قراءة 4صفحات من القرآن بعد كل صلاة وبكده ختمة شهرية
5_صيام الاثنين والخميس و13,14,15من كل شهر
6_الاكثار من الصلاة على النبي
7_كفالة اليتيم ولو بالقليل
8_حضور درس علم أسبوعي بصفة مستمرة
9_المواظبة على 12ركعة نافلة يوميا
10_صلاة الأوابين (بتكون بعد المغرب الى العشاء)
11_قراءة سورة ياسين كل ليلة
12_قراءة سورة الملك كل ليلة
13_قراءة سورة الكهف ليلة ويوم الجمعة
يلا يا بنات الطاعات كتير عايزين ثواب وطاعات أكتر دي الجنة ,الجنة تتزين لينا واحنا بنكسل ؟؟!!
ايه رأيكم ننوي من دلوقتي (وعجلت اليك ربي لترضى)
كنت قبل كده جمعتلكم الطاعات دي ودلوقتي علشان نجدد نشاطنا من تاني وما حدش يقع مننا في الطريق حنذكر بعض بالطاعات اللي تم اقتراحها علشان ما حدش يمل وخاصة اللي لسه داخل الموضوع جديد ويا جماعة خلو بالكم (ألا ان سلعة الله غالية ألا ان سلعة الله الجنة)
والطاعات اللي تم اقتاحها بعد كده هي
1_قراءة اية الكرسي بعد كل صلاة
2_صلاة الشكر
3_محاسبة النفس (جدول يومي للأعمال)
4_تجديد النية (كن تاجر نوايا)
5_حسن معاملة الاخرين
6_اشكر الناس(من لايشكر الناس لا يشكر الله)
7_بر والداك(قبل يديهما)
8_اكظم غيظك,واعفو عن الناس
9_اصبر (لا تقل يا رب ان همي كبير ولكن قل يا هم ان ربي كبير)
10_كن دائما على وضوء
11_صلاة الجمعة ان امكن ذلك
12_احرصي على الصدقة
13_صلاة الضحى
14_أكثري من الدعاء
15_4ركعات قبل العصر
16_قراءة سورة الدخان كل ليلة
17_اطعام المساكين من طعامنا اليومي
18_كسوة المحتاجين دون تكلفة منا
والنهاردة حننوي (لن يسبقني الى الله أحد) اللي موافق على النية دي يرفع ايده يا ترى حنقول أقلية:022: ولا موافقة :icon_razz:

[المشتاقةلعفوالله]

يلا يا بنات يا عسل يا أحلى صحبة مش أي صحبة دي صحبة الطريق الى الجنة عايزين الشيطان الليلة يولع في نفسه ويتمنى الموت من كتر الطاعات اللي بنحاربه بيها واذا كان هو شاطر زي ما بيقولوا (مع انه لا شاطر ولا حاجة) فانتوا عارفين (ان كيدهن عظيم) واحنا وراه وراه لحد ما ييئس مننا يلا يا قمرات ادعو باقي البنات وما تكسلوش دي الجنة الجنة يا مسلمات

[eldodi]

اهلا بيكم اخواتى واحبائى محدش سأل عنى قلت اسال انا
وفعلا اختى ام مجاهدة طاعة رائعة جدا ان نقبل يد ابائنا وامهاتنا
اللهم ارزقنا برهم وجازيهم عنا كل إحسان يااراحم الراحمين واجعل جميع اعمالنا الصالحة فى ميزان حسناتهم يارب
اخواتى انا كتبت موضوع ايد لوحدها ونزلت سنة اهملها الكثير وهى السواك واتمنى انها تكون طاعة جديدة لينا هنا وانكم تتقبلونى اخت لكم
وكتبت فوائدها ومتى نستعمله فى هذا الموضوع
وان شاء الله معاكم فى اى طاعة
احبكم فى الله

[عباد الرحمن]

موضوعك حلو وفكرته جميلة

عايذين بجد نعين بعض على طاعة اله

[salma salah]

السلام عليكم يا بنات ..واحشتونى ما شاء الله غيبت عنكم يوم بس لاقيت العدد بيزيد والطاعات بتزيد الحمد لله ويارب فى ازدياد على طول ان شاء الله. يا بنات عايزه منكم طلب عيازكم تدعوا لجدى اسمه (محمد عبد العليم) هو مش جدى جدى هو خال ماما بس فى مقام جدى هو مريض جداااااااااااااا ومرحلته متأخره كنت عنده النهارده ولما شوفته حاسيت انى شوفت (جثه هامده)لاحول له ولا قوه وخالتى قالتلى انه فى سكرات الموت لانه فى دنيا تانيه مش عارف حد فينا خالص فارجوكم ادعوله ربنا يخفف من عليه ويدخله فى رحمته.ومتشكره اوى ياrozyyyيا حبيبتى على سؤالك ربنا يخليكي .وجزاكم الله كل خير.

[eldodi]

الى الامام دائما اخواتى فى الله
ومعادنا الجنة ان شاء الله تعالى
اللهم اشفى جد سلمى وارحمه فى الدنيا والاخره وثبته على طاعتك وعلى القول الصالح واجعل اخر كلامه ان لااله الا الله
ربنا يشفيه حبيبتى
احبكم فى الله

[eldodi]

حبيبتى احب اقول طاعة قلتها فى ايد لوحدها متصقفش
وهى سنة عن الحبيب المصطفى وهى السواك
ايه رايكم انحنا نعمل حاجة مش الكل بيعملها ونعلمها لكل اللى بنحبهم
جزاكم الله كل خير

[المشتاقةلعفوالله]

جزاك الله خيرا حبيبتي eldodi بجد اقتراح جميل جدا لأن معظمنا غافلين عنه وان شاء الله اللي عنده سواك يستمر في استخدامه ويجدد نيته ان سنة من سنن الفطرة ,واللي معندوش ينزل يشتري سواك حالا ماعندناش وقت نضيعه ربنا يعينا جميعا

[eldodi]

حبيبتى انا نزلت كل فوائد السواك مشاركة 92 فى موضوع ايد لوحدها متصقفش
فيها كل حاجة
لو تحبى انزله هنا انزله ولو تحبى تعلنى عنه فى الموضوع عندك وتشرفونى هكون سعيدة
ولااقلك هنزله عندكم بس لازم تشرفونى
احبكم فى الله

[rozyyy]

السلام عليكم يابنات - وحشتني أولا احب ارحب البنات الجداد الي شرفونا في الزمرة وربنا يزيدنا كمان وكمان - انا الحمد لله مستمرة في بعض الطاعات بس المشكلة ان اليوم الي بانزل فيه مش باستمر اوي لأن اليوم بيضيع -بس بحاول " لن يسبقني الى الجنة احد "- والف سلامة على جدك ياسالمة وربنا يشفيه يارب ويهون عليه المرض -

[اريام]

اسال الله العظيم رب العرش العظيم ان يشفي جد الاخت سلمى .

[muslim_girl]

السلام عليكم اخواتي انا سعيدة جدا بالانضمام اليكن لاني والله كدت افقد الامل في ايجاد فتيات تقيات قانتات اتمنى ان نكون من العفيفات الطاهرات اسئل لكن جميعا ازواجا صالحين امين يارب انصح كل اخت تحب العلم والمعرفة الاطلاع على موقع الاستاد د.طارق السويدان.
وكدلك ارغب في ان انصحكن بالاطلاع على برامج قناة الرسالة خاصة
1_السبت:على الساعةاالعاشرة بتوقيت مكة المكرمة الاستاد طارق حبيب مع النفس والحياة
2_مع الاستاذ القدير محمد النابلسي اكل ايام الاسبوع اسماء الله الحسنى على الساعة الثامنة والنصف بتوفيت مكة المكرمة

3_ الاحد صحابيات مع الدكتورة لينا الحمصي على الالعاشرة النصف بتوفيت كة المكرمة
4_الثلاثاء:مع الاستاد محمود المصري الطيبون والطيبات على الساعةالتاسعة والربع بتوقيت مكة
5_ الاربعاء الوسطية مع الدكتور طارق السويدان
6_ الجمعة:على الساعةالعاشرة ةالنصف بتوقيت مكة الحرية طريق الريادة:icon_razz:
وكذلك البرامج الشيقة والمهمة على قناة اقرا مع الاستاذ مصطفى حسني والداعية احمد الشقيري واستاذ محمد العريفي مع القوارير،والله انها برامج تثقيفية دينية واظبن على الاطلاع عليها لاننا بذلك نحفظ انفسنا ويزيد ثباتنا على الطريق المستقيم استودعكم الله والسلام عليكم

[rose odour]

السلام عليكم اولا احب اقولكم يابنات انى فرحانة اوى انى معاكم وبجد بحبكم فى الله
واهى طاعة اننا نقول بعد كل صلاة
اللهم اعنى على ذكرك وشكرك وحسن عبادتك
واللهم يا مقلب القلوب والابصار ثبت قلوبنا على دينك

[المشتاقةلعفوالله]

اللهم لك الحمد (الخير في وفي أمتي الى يوم القيامة)يا بنات يا عسل يا رب تكونوا انتو الخير في أمة النبي اجتهدوا كمان وكما ويا رب يثبتنا جميعا يلا يا بنات عايزين طاعات كمان ويا ريت اللي عندها حاجة تشجيعية ما تبخلش علينا

[المشتاقةلعفوالله]

حبايبي rose odour وmuslim_girl شرفتونا ونورتونا ويا ريت تستمروا معانا وجزاكم الله خيرا على اقتراحتكم
يلا قولولنا على طاعات أكتر وكمان يا ريت كلنا نعرف باقي البنات في المنتدى بالموضوع احنا عايزين زمرة كبييييييييييييييييييييييييييييييرررررة علشان تبقي (وسيق الذين اتقوا ربهم الى الجنة زمرا)
يلا يا بنات علشان عندي أفكار عايزين ننفذها مع بعض ان شاء الله تعجبكم

[rozyyy]

ازيكم ياأجدع بنات - عايزة اشكر اختي muslim girl على البرامج ونورتي الزمرة - بجد سماع البرامج والكلام ع ربنا كتير بيخلي الواحد قريب اوي من ربنا ومفيش حاجة من فتن الدنيا بتقدر عليه - ربنا يثبتنا جميعا - بحبكم في الله

[rozyyy]

جبتلكو طاعة جديدة انا الحمد لله باعملها من حوالي سنة ونصف - ممكن تطلعي صدقة كل شهر وتواظبي عليها - الموضوع ده موفراه جمعية رسالة وهي عبارة عن انك كل شهر حد بييجي البيت عندك وياخد منك الفلوس وأقل اشتراك شهري 10 جنيه وممكن تزوديهم وممكن كمان تقولي لأخواتك وجيرانك وممكن كمان تحطيها في رعاية الأيتام أو صدقة جارية أو انشطة كمان هم بيقولولك عليها - انا بصراحة مش بحس بيها خالص أحب الأعمال أدومها ولو قل - يلا يابنات خدو النية واتصلوا واشتركوا بسرعة وربنا هيبارك في فلوسك ماتخافيش - يلا انا مستنية رأيكم وعايزة اعرف مين اشترك :af7a::af7a::af7a::af7a::af7a::af7a:

[miss_roaa]

السلام عليكم ورحمه الله وبركاته

انا اعتقد ان دى اول مشاركه ليا هنا

وبجد انا هبقى مبسوطه اوى معاكم

بس ياريت افهم لانى مش فاهمه حاجه خالص


تحياتى

[rozyyy]

:assalam:اهلا بيكي يا miss roaa انتي مش فاهمة ايه بالظبط احنا هنا عشان نساعد بعض قوليلنا انتي مش فاهمة ايه واحنا هانساعدك ونورتينا في الزمرة الجميلة دي - ربنا يبارك فيها - وياسالمة انتي بتغيبي ليه طمنينا جدك صحته عاملة ايه دلوقتي وعاملة ايه في حفظ القرآن :marsa101::marsa101:

[ريهام الديب]

الفكرةجميلةحداولان بكرةالجمعة ممكن نقرء سورة الكهف بس انا اول مرة اشارك معاكم ممكن افهم اكثرالموضع

[ريهام الديب]

:icon_sad:ممكن اتعرف عليكم اكتر

[المشتاقةلعفوالله]

miss_roaa وريهام الديب :ahl--: نورتو الموضوع وشرفتونا
أما بالنسبة للموضوع فهو سهل جدا كل الحكاية اننا عايزين ننفذ الايه(وسيق الذين اتقوا ربهم الى الجنة زمرا) فاتفقنا اننا نكون زمرة ندخل بيها الجنة ايدينا في ايد بعض وعلشان نحقق شرط الزمرة لازم اننا نجتمع على طاعة ونفترق على طاعة ,والحمد لله احنا بدأنا نقترح طاعات نعين بيها بعض ولو حد كسل يلاقينا جنبه بنساعده فأهلا بيكم في الزمرة ويلا عايزينكم تشاركونا وتقولولنا على طاعات نعملها مع بعض وتأخدوا ثواب كل اللي يعمل بالطاعة
وبالنسبة للطاعات اللي احنا اقترحناها على مدار الموضوع جمعناها كلها في المشاركة رقم74 في الصفحة 8 يا ريت تطلعوا عليها علشان نشتفيد ونعمل الطاعات دي مع بعض وان شاء الله كل عدة مشاركات بنجمع الطاعات علشان ما حدش يقع مننا في الطريق

[ريهام الديب]

ما شاء اللة لقد صدق المصطفى حيث قال الخير فى وفى امتى الى يوم القيامة :icon_razz:ونفعنا وايلكم بما فية علمنا ولكن بعض الطاعات الحمد ة للة بعملة ولكن البعض الاخر مش هئدر اعملها للاسف بسبب الامتحان يوم4\5 ادعولى بانجاح:175:وحزاكم اللة كل خير:--mohammed--::assalam:

[eldodi]

اخواتى الأحباء سنة اهملها الكثير وتجاهلها البعض ولم تشغل بال الناس وكأنها لم تكن ذو فائدة فلازم نكون من اوائل من يحيون سنة الحبيب المصطفى وخاصة المندثر منها فهى بنا بطاعة محببه لله واننا نبدء بااستعمال السواك
وقبل الكلام عنه اريد ان نعقد النية لااخذ الثواب كاملا فالمسلم كيس فطن بمعنى انه يستفيد من كل شئ ويحوله لمرضاه الرب

النيات:
1- نرضى الله عزوجل
2- نتبع سنة الحبيب المصطفى
3- نطهر اسناننا من التلوث
4-تكون رائحة فمنا رائحة زكية بدون استعمال سيجنال تو:icon_cheesygrin:
5- عندما نتوجه للصلاة وقراءة القران تكون رائحتنا رائحة يحبها الله والملائكة
(عند قرأة القران تتنزل الملائكة وتجلس عند فم القارئ لتأخذ منه كلام القران فعلينا الانؤذيها نية تانية اهه نحمى الملائكة من رائحة فمنا التى قد تسوئهم:icon_razz:)
6- الله جميل يحب الجمال فعلينا ان نحافظ على بياض أسنانا للمحافظة على لجمال
7- اظن ان فى حاجات كتير وفكروا معايا بقى:sunshine1:
8- كل واحدة عندها نيه تقلها عشان ناخد الثواب معاها وهتاخد ثوابنا كلنا دون ان ينقص من اجورنا شئ بلاش بخل بقى ......ههههههههه:icon_razz:

أحبكم فى الله

قال:--mohammed--: (السواك مطهرة للفم مرضاة للرب)

اكتشف في عدة أبحاث طبية وصيدلانية أن السواك المأخوذ من شجرة الأراك غني بالمواد المطهرة والمنظفة والقابضة والمانعة للنزيف الدموي والعفونة والقاتلة للجراثيم, وهو يحتوي على مواد عديدة ومفيدة لا توجد بأي معجون وان المواد التى ثبت وجودها في السواك أكثر من 25 مادة طبيعية لا غنى عنها في سلامة الأسنان ونظارتها .

فوائد السواك
قال الإمام ابن القيم في فوائد السواك عدة منافع
طيب الفم.
يشد اللثة.
يقطع البلغم.
يجلو البصر.
يذهب بالحفر.
يصح المعدة.
يصفي الصوت.
يعين على هضم الطعام
يسهل مخارج الكلام.
ينشط للقراءة والذكر والصلاة
يطرد النوم.
يعجب الملائكة.
يكثر الحسنات.
(أظن ان كل دوول ينفعوا نوايا) عايزين ناخد ثواب ياناس

ومن الفوائد المكتشفة حديثا
أفضل علاج وقائي لتسوس أسنان الأطفال لاحتوائه مادة الفلورايد
يزيل الصبغ والبقع لاحتوائه مادة الكلور
يبيض الأسنان لاحتوائه مادة السليكا
تحمي الأسنان من البكتريا المسببة للتسوس لاحتوائه مادة الكبريت والمادة القلويه
يفيد في إلتآم الجروح وشقوق اللثة وعلى نموها نموا سليما لاحتوائه مادة تراي مثيل امين وفيتامين ج
أفضل علاج لترك التدخين

متى يستحب استعماله
عند الوضوء.
عند الصلاة.
عند قراءة القرآن.
عند تغيير رائحة الفم بترك الأكل أو ماله رائحة أو طول السكوت أو كثرة الكلام
عند إرادة النوم
عند الاستيقاظ من النوم.
عند الدخول إلى المنزل وملاقاة الأهل
بعد الأكل.
(أظن ياجماعة نقدر نعمل حتى لو حاجات منهم)وما قيل في عود الاراك الذي يتم السواك به.
ان سيدنا علي بن أبي طالب رضي الله عنه أنه دخل على زوجته السيدة فاطمة الزهراء بنت رسول الله صلى الله عليه وعلى آله وصحبة وسلم ورأى في فمها عود أراك تستاك به فأراد أن يمازحها فقال
حظيت يا عود الأراك بثغرها ****** أما خفت يا عود الأراك أراكا
لو كنت من أهل القتال قتلتك****** ما فاز مني يا سواك سواكا

(بذمتكم يابنات فى راجل يقدر يغازل كده دلوقتى :marsa85:)يلا الحمد لله بختنا بقى....ههههههههههههههههههههههه


شعار الليله
المسلم ماله......كيس فطن

[حنين وانين]

السلام عليكم يا بنات عملين ايه
ان شاالله تكونوا كلكم بخير وسلام باذن الله تعالي
معلش انا اتاخرت
بس افكاركم كلها ورعه وجميله جدا والصراحه انا لم اقراء الا قليل من الردود ولا اعرف
ان كان في حد تذكر قراءت سوره الكهق كل ليله جمعه
فان قرائتها تحميكي من الذنوب والمعاصي من الجمعه الي الجمعه اللي بعدها

[سارة خطاب]

السلام عليكم ورحمة الله وبركاته
انا اختكم في الله سارة
انا اسفة اتاخرت عليكم ودخلت متاخر بس الدراسة والامتحانات على الابواب وكدة وربنا يوفقنا جميعا

انا ان شاء الله متوقعة الصحبة الصالحة هنا وان شاء الله نكون اصحاب واحباب في الله[/
والسلام عليكم ورحمة الله وبركاته

[rozyyy]

اهلا بالبنات الجمال الجداد ربنا يزيدنا منورين الزمرة جدا موضوعك حلو اوي ياeldodi جزاكي الله خيرا بس ع فكرة في رجالة بتعرف تغازل كده هاتلاقيهم قريبين من ربنا وبيقلدوا الرسول صلى الله عليه وسلم -وريهام الديب ربنا يوفقك في امتحاناتك بس خدي نيتك وانتي بتذاكري انك بتتعلمي عشان تنفعي نفسك وولادك ودينك ومتنسيش دعاء المذاكرة- وان شاء الله ياسارة خطاب هاتلاقي الصحبة الصالحة معانا بس اسمعي الكلام واعملي الطاعات الي عرضناها ومش عايزاكي تكسلي - وحنين وانين اهلا بمشاركتك بس ياريت تقرأي كل الردود عشان تعرفي كل الطاعات وتعمليها وربنا يثبتنا كلنا - وزي ماحبيبتي المشتاقة لعفو الله هيكون شعارنا لن يسبقني الى الجنة احد

[salma salah]

السلام عليكم ورحمة الله وبركاته..
ازيكم يا بنات واحشتونى بس معلش اعزرونى امتحانى يوم الاتنين 5/5 فانا بحاول اخلص المنهج ادعولى لانى بجد تعبت وخايفه اشيل الماده دى تانى انا صحيح بحبها بس مشكلتى مش باعرف احفظ وبنسى ادعولى انا امتحانى الساعه 10 عيزاكم كلكم تقرأولى سوره يس.وشكرا يا rozzzy على سؤالك وجدو تقريبا زى ماهو مفيش تغير ربنا يخفف عنه ويرحمه rozzzyكنت عايزه ايميلك عشان اتكلم معاكى ياريت تبعتهولى.
لااله الا الله

[eng.semsema]

بجد نفسى اشترك معاكم اوى اوى ياريت تقبلونى وتشجعونى على العبادات ونبقى اخوات فى الله صح وبيجمعنا حب الله بجد:marsa101:

[salma salah]

اسفه نسيت ارحب بكل البناتيت المستجدين فى المنتدى:he--: بس ما شاء الله باقى البنات علموا الواجب ورحبوا بيهم احلى ترحيب هى دى الصحبه ولا بلاش:012:

[إيمـــان]

أنا كمان جديدة معاكم , فكرة هايلة جدا , الله يعينا على الطاعة

[zordok]

جزااااااااااااااااكمممممممممم الله كل الخيييييييييير يا رب و جزانا امين...
أنا جديدة معاكم في الموضوع و أدعوا الله أن تتقبلوني صديقة حميمة لكم أنا مسرورة أشد السرور بيكم و بجمالكم و خوفكم على بعض ده بجد أنا دخلت و قرأت كل الطاعات لحد كتابتي ديه و أنا بجد أدعوا الله اني أكون أخت و صديقة ليكم و أنتوا بجد قربتوا أوي من كل الطاعات اللي احنا نفسنا نعملها أوي لدرجة اني كل ما أفتكر طاعة عشان أكتبها بعد ما اخلص قراءة الاقي اخت من الأخوات الجميلات كتبتها بجد موضوع اكثثثثثثثثثثثثثثثثثثثر من رائع و يا ريت تقبلوني أخت ليكم.. و أنا بجد حفكر في طاعات كتير عشان أفيدكم بيها و أنا بعمل كثير من طاعاتكم و بجد انا نفسي أوصي على حاجة بجد هي فرض و لكن بتغفل عن ناس كتييير و هي صلاة الفجر يجب الاستمرار عليها دائماااااااااااااااااا يارب جميعا ربنا يثبتنا جميعا و يتقبل منا و يدخلنا فسيح جناته ... أختي سلمى ألف مليون سلامة على جدك و بجد أول ما قرأت انه مريض دعوت له على طول و الله.... اللهم اشفيه امين يا رب و يشفي مرضى المسلمين جميعا... أنا اسفة طولت عليكم بس أنا مش عايزة أبطل كلام مع اشخاص رائعة و جميلة مثلكم....جزاكم الله خيرا و يارب تقبلوني صديقة و أخت ليكم ليكم....

[اريام]

مشاء الله عليكم يااحلى زمرة وحشتوني اووووووي ايه اخباركو وعاملين ايه مع الطاعات يا ترى بنعملهم كلهم :sunshine1:.حقلوكو ايه انا ملقتش اية طاعة اظيفها :icon_sad:عشان الحلوين قامو بالواجب :icon_surprised:وربنا يحفظكم ويجعل كل الي يعمل الطاعت دي في ميزان حسناتنا وانا بحبكو اوووووووي :marsa101:

[rozyyy]

ياااأهلا بالصجبة الجديدة الي دخلت معانا نورتونا يا ايمان وeng semsems zordok ان شاء الله نشجع بعض والطاعات تزيد - انا بس زعلانة :022: لأن كان في بنات معانا في الأول ومش باينيييييين ياريت ييجوا تاني عشان الزمرة ماتتفرقش ولا تقل - ربنا معاكي ياسالمة في امتحاناتك وخدي نية التعلم وانتي بتذاكري ومتنسيش تبدأي وتنهي المذاكرة بالدعاء ( قبل : اللهم اني اسئلك فهم النبيين وحفظ المرسلين والملائكة المقربين اللهم اجعل السنتنا عامرة بذكرك وقلوبنا بخشيتك ) ( بعد : اللهم اني استودعك ما قرأت وما حفظت وما تعلمت اللهم رده الى عند حاجتي اليه انك ع كل شئ قدير ) ونحاول يابنات ناخد النية قبل اي عمل نعمله لأننا لو اخدنا النية لله في اي عمل حتى لو دنيوي هناخد اجر عليه وربنا يثبتنا جميعا :marsa101::marsa101::marsa101:

[mennamnon]

انا نفسى اشترك معاكوا اوى وشجعتنى الاخت rozy وان شاء الله كلنا نعين بعض عالطاعة
وانا اضيف حاجة هى ان هناك جمعية خيرية فى مصر تسمى جمعية رسالة ودى كويسة اوى انتى تشتركى فيها وتدفعى كل شهر اقل حاجة 10 جنيه وهما هييجوا يخدوها منك فى اى مكااااااااان
يلا اتصل واعمل خيييير على19450

يلا جماعة نشجع بعض ورحبوا بيا :icon_razz:

[المشتاقةلعفوالله]

حبايبي eng.semsema وايمان وzordok أهلا بيكم معلش أنا اتأخرت على الترحيب بيكم علشان مشغولة وعندي امتحانات حتبدأ 5/5 بس الحمد لله الأخت العسولة rozyyy قامت بالواجب وجزاها الله كل خير ادعولي جامد علشان المادة الأولى صعبة جدا ورذلة بس بدعواتكم ان شاء الله تبقى سهلة شوية
حبيبتي سلمى ربنا يعينك الحال من بعضه يلا امتحان يفوت ولا حد يموت وألف مليون سلامة على جدو أنا دعيتله لما عرفت ربنا يخفف عنه ويرزقه الصبر على هذا الابتلاء اللهم امين

[المشتاقةلعفوالله]

حبيبتي mennamnon احنا كلنا بنرحب بيكي يا سلام يعني جيتي في جمل :ahl--::ahl--::ahl--:
شرفتي ونورتي بيتك ومطرحك تشربي ايه:marsa195: ولا أقولك السوايل مضرة خليك خفيفه
جزاك الله خيرا حبيبتي على تشريفك لموضوعنا وعلى اقتراحك


اريام انت دورتي كويس:marsa22: أنا أشك الطاعات ما شاء الله كتيرة ما تكسليش واشتغلي يلا وشغلي الجمجمة عايزينك المرة الجاية تنقضي علينا بطاعة جديدة
أوعي تزعلي مني أصل أنا بذاكر حاليا تشريح كنت بهزر معاكي تسلمي حبيبتي
ادعولي يا حبايبي ادعولي جامد قوي أختكم محتاسة ومزنوقه وحالتها حالة أسيبكم بقى علشان أروح أكمل مذاكرة
مع السلاااااااااااااااااااااااااااااااااااااااامة

[mennamnon]

شكرا ليكى اختى عالتحية وياااااااااااااااااااااااااااااااارب مش بس تنجحى لا بتفوق كمان :sunshine1:

[اريام]

حبيبتي المشتاقة لعفو الله انا ازعل منك يا قمر انت تقولي الي انت عايزاه لايمكن ازعل وانا كمان بحب الهزاروالزاهر ان جمجمتي تعبت خلاص .ربنا يوفقك في الامتحانات وانا والله حادعيلك في الصلاة ان ربنا ايوفقك وتجيبي درجة عالية انشاء الله وتفرحينا معاك.وانا جبت طاعة مهمة جداا مش عارفة ازاي غفلنا عليها هي -الصلاة على وقتها-مهما يحصل ومهما تكون انشغالاتنا مش لازم نسيبها .وانا بقولكم الصلاة على وقتها .الصلاة على وقتها. الصلاة على وقتها .لانها من احب الاعمال الى الله وافضلها.ووووووومع السلامة.

[rozyyy]

ازيكم ياحلى بنات - ربنا يوفقكم يالي بتمتحنوا ويارب تطلعوا من الأوائل ونطمن عليكم - حبيبتي اريام جزاكي الله خيرا ع الطاعة دي بجد دي حاجة مهمة جدا وخصوصا صلاة الفجر ان شاء الله نواظب ع الموضوع ده - انا عايزة اشكر المشتاقة لعفو الله لأن هى السبب في الصحبة الحلوة دي ربنا يكرمك - بحبكوا في الله

[salma salah]

السلام عليكم ورحمة الله وبركاته...
ازيكم يا بنات انا متشكره لكل بنوته دعت لجدى بس خلاص:022:ادعوله بقى ربنا يرحمه ويدخله الجنه.

[mennamnon]

الله يرحمه-البقاء لله اختى وربنا يصبرك

[ريهام الديب]

:assalam:انا اسفة جداواللة لسة قراة الرسالة الان ورانات عليكى انا myaraali رنى علية

[دموع التوبة]

البقاء لله يا اختى ربنا يرحمه ان شاء الله

[شيماء علي عزام]

اللهم ارحم جد سلمي واغفر له ونور له قبره واجعله روضه من رياض الجنه.ربنا يجازى كل اخت خير علي الطاعات وانا بقول صله الرحم وبر الوالدين زي مساعده الامهات في اعمال المنزل بنيه البربها واصل الرحم حتي بالتليفون اشوف مين من الاقارب لم اسال عنه من فتره واتصل به واتمني ان اكون اضفت شئ جديد لاني لم اقرا كل المشاركات واللهم اجعلنا ممن يسمعون القول فيابعون احسنه ويتقبل منا الطاعات

[rozyyy]

:aaa0asmilies:ازيكم يابنات عايزة ارحب بشيماء على عزام اهلا بيكي في صحبتنا - والطاعة الي قولتي عليها مهمة جدا جدا هى اساس اخرتنا ربنا يقوينا ويثبتنا عليها - بس ياريت تقرأي كل المشاركات عشان تعملي الي تقدري عليه وان شاء الله تقدري عليها كلها أمال هاتكوني الى الجنة زمرا معانا ازاي :za--: ؟ يلا شدي حيلك واقريهم واعممليهم :marsa101::marsa101::marsa101::marsa101:

[سجل أنا عربي]

الجنة:
وهو الاسم العام المتناول لتلك الدار ، وما اشتملت عليه من أنواع النعيم واللذة والبهجة ، والسرور وقرة الأعين. وأصل اشتقاق هذه اللفظة من الستر والتغطية ، ومنه الجنين لاستتاره في البطن ، والجان لاستتاره عن العيون ، والمجن لستره ووقايته الوجه ، والمجنون لاستتار عقله وتواريه عنه . ومنه سمي البستان جنة لأنه يستر داخله بالأشجار ويغطيه. ومنه قوله تعالى ( اتخذوا أيمانهم جنة فصدوا عن سبيل الله) أي يستترون بها من إنكار المؤمنين عليهم

دار السلام:

وقد سماها بهذا الاسم في قوله ( لهم دار السلام عند ربهم ) ، وقوله ( والله يدعو إلى دار السلام ) وهي أحق بهذا الاسم ، فإنها دار السلامة من كل بلية وآفة ومكروه، وهي دار الله ، واسمه سبحانه السلام الذي سلمها وسلم أهلها ( وتحيتهم فيها سلام )

دار الخلد:

وسميت بذلك لأن أهلها لا يظعنون عنها أبدا كما قال تعالى ( عطاء غير مجذوذ)، وقوله ( إن هذا لرزقنا ماله من نفاد ) وقوله ( أكلها دائم وظلها ) وقوله ( وما هم منها بمخرجين) وقوله تعالى ( خالدين فيها أبدا )

دار المقامة:

قال تعالى حكاية عن أهلها ( وقالوا الحمدلله الذي أذهب عنا الحزن إن ربنا لغفور شكور ، الذي أحلنا دار المقامة من فضله لا يمسنا فيها نصب ولا يمسنا فيها لغوب ) . قال مقاتل : أنزلنا دار الخلود، أقاموا فيها أبدا، لا يموتون ولا يتحولون منها أبدا

جنة المأوى:

قال تعالى ( عندها جنة المأوى) ، والمأوى : مفعل من أوى يأوي ، إذا انضم إلى المكان وصار إليه واستقر به . وقال عطاء عن ابن عباس : هي الجنة التي يأوي إليها جبريل والملائكة . وقال مقاتل والكلبي: هي جنة تأوي إليها أرواح الشهداء وقال كعب : جنة المأوى : جنة فيها طير خضر ترتعي فيها أرواح الشهداء ويقول ابن القيم : والصحيح أنه اسم من أسماء الجنة كما قال تعالى ( وأما من خاف مقام ربه ونهى النفس عن الهوى ، فإن الجنة هي المأوى )

[سجل أنا عربي]

جنات عدن:

فقيل هو اسم جنة من جملة الجنان، ويقول ابن القيم : والصحيح أنه اسم لجملة الجنان ، ولكتها جنات عدن، قال تعالى ( جنات عدن التي وعد الرحمن عباده بالغيب) ، وقال تعالى ( ومساكن طيبة في جنات عدن )، والاشتقاق يدل على أن جميعها جنات عدن فإنه من الإقامة والدوام ، يقال : عدن بالمكان إذا أقام به ، وعدنت البلد إذا توطنته

دار الحيوان:

قال تعالى ( وإن الدار الآخرة لهي الحيوان ) والمراد الجنة عند أهل التفسير ، قالوا وإن الآخرة يعني الجنة لهي الحيوان.. لهي دار الحياة التي لا موت فيها

الفردوس:

قال تعالى : ( أولئك هم الوارثون ، الذين يرثون الفردوس هم فيها خالدون) ، وقال تعالى ( إن الذين آمنوا وعملوا الصالحات كانت لهم جنات الفردوس نزلا )، وأصل الفردوس : البستان ، قال كعب هو البستان الذي فيه الأعناب ، وقال الضحاك هي الجنة الملتفة بالأشجار ، وهو اسم يطلق على جميع الجنة وأفضلها وأعلاها

جنات النعيم:

قال تعالى ( إن الذين آمنوا وعملوا الصالحات لهم جنات النعيم )، وهو اسم يطلق أيضا على جميع الجنات ، لما تضمنته من الأنواع التي يتنعم بها من المأكول والمشروب والملبوس والصور والرائحة الطيبة والمنظر البهيج والمساكن الواسعة

المقام الأمين:

قال تعلى ( إن المتقين في مقام أمين )، والأمين : الآمن من كل سوء وآفة ومكروه ، وهو الذي جمع صفات الأمن كلها ، فهو آمن من الزوال والخراب ، وأنواع النقص ، وأهله آمنون فيه من الخروج والنقص والنكد ، وقوله تعالى ( يدعون فيها بكل فاكهة آمنين ) ، فجمع لهم بذلك بين أمن المكان وأمن الطعام فلا يخافون انقطاع الفاكهة ولا سوء عاقبتها ومضرتها ، وأمن الخروج منها فلا يخافون ذلك ، وأمن الموت فلا يخافون فيها موتا

مقعد صدق ، وقدم صدق:

قال تعالى ( إن المتقين في جنات ونهر ، في مقعد صدق )، فسمى الجنة مقعد صدق لحصول كل ما يراد من المقعد الحسن فيهاوذكر ابن القيم في كتابه بستان الواعظين : روي عن وهب بن منبه عن ابن عباس قال : لما خلق الله تبارك وتعالى الجنات يوم خلقها وفضل بعضها على بعض فهي سبع جنات :

دار الخلد

دار السلام

جنة عدن:

وهي قصبة الجنة وهي مشرفة على الجنان كلها وهي دار الرحمن تبارك وتعالى، ليس كمثله شيء ولا يشبه شيء ولباب جنات عدن مصراعان من زمرد وزبرجد من نور كما بين المشرق والمغرب

جنة المأوى ... جنة الخلد...جنة الفردوس...جنة النعيم

[سجل أنا عربي]

إن شاء الله ربي إلى الجنة زمرا ......... يا رب نسألك الفردوس الأعلى

[zordok]

السلام عليكم... البقاء لله أخت سلمى و الله يدخله الجنة ان شاء الله و ينور له قبره و يرحمه و يغفر له...

[rozyyy]

السلام عليكم - ازيكم ياأحلى بنات اخبار الناس الي بتمتحن ايه طمنونا عملتوا ايه في الامتحان - وعايزة اشكر "سجل انا مسلم " ع موضوعها ده اوي بجد شوقتينا الى الجنة اكتر ياريت تشاركينا في باقي الطاعات جزاكي الله خيرا

[rozyyy]

ايه يابنااااااااات فينكو الإمتحانات واخداكو اوي - بس مش مشكلة ربنا معاكو ويارب كلكو تكونو من الأوائل وترفعوا راس المسلمين

[sabita]

السلام عليكم اخواتي في الله
انا اقترح صلاة التسابيح

[نور الصباح 2008]

السلام عليكم
انا اخت جديده ليكم ممكن اشترك معاكم

[rozyyy]

السلام عليكم اهلا بيكي يانور الصباح- طبعا هاتنورينا بمشاركتك - بس انتي شايفة الجو امتحانات والبنات كلها مش بتدخل اوي ربنا معاهم - لما الامتحانات تخلص ان شاء الله يرجعوا تاني ونكمل

[المشتاقةلعفوالله]

ازيكو يا حبايبي وحشتوني جدا معلش مش عارفة أتابع معاكم علشان ظروف الامتحانات بس والله دايما فاكراكم وبعمل كل الطاعات اللي اتفقنا عليها وبدعيلكم دايما ويا ريت تدعولي لأني بجد بحاجة للدعاء ويا ريت تدعو لاخوانا في فلسطين لأنهم في أوضاع صعبة جدا وبيطلبوا مننا الدعاء فياريت كلنا نصلي ركعتين قضاء حاجة وندعيلهم وأهلا بكل البنات القمرات اللي دخلوا معانا واعذرونا وان شاء الله نحاول ندخل من وقت للتاني لحد ما الامتحانات تخلص ويا رب ارزق كل طلبة المسلمين النجاح بتفوق ونرفع راية الاسلام عالية وتكون المذاكرة بنية معذرة الى ربكم ادعولي أسبكم في رعاية الله مع السلااااااااااااااااااااااااااااااااااااااااااامة

[Heba Osama]

السلام عليكم ورحمة الله وبركاتة
انا بجد حاسة انى اتأخرت كتير عشان اشترك معاكو ومش لاقيه عبادة تانية ممكن اقولكم عليها :icon_sad: لان بجد ماشاء الله قولتو كل حاجة بس ربنا يسهل ان شاء الله واحاول احصلكوم ادعوليى بقى :marsa101:

[اريام]

انتو فين يا احلى زمرة :icon_sad:.الشيطان نساكم في الزمرة:engry1:.ولا الامتحانات هي الي وخداكم:sunshine1:.

[المشتاقةلعفوالله]

حبيبتي هبه انت ما تأخرتيش ولا حاجة المهم انك تدخل معانا في الزمرة واحنا عايزينك مش حنسيبك
حبيبتي اريام وحشتيني جدا معلش احنا مش بندخل كتير بس والله ظروف امتحانات والواحد مش عارف يلتفت حواليه واحنا وظيفتنا الحالية مذاكرتنا وزي ما الرسول قال (ان الله يحب اذا عمل أحدكم عملا أن يتقنه ) فيا ريت تعذرونا وتدعولنا واحنا بنحاول نعمل الطاعات اللي اتفقنا عليها ,
وأنا عن نفسي حاسة اني معاكم دايما ولما بتعب وبكل بفتكر ان الشيطان لا يمل من اغوائنا فاحنا لازم نكون أقوى منه وربنا يوفقنا جميعا ويعين كل واحدة فينا على عملها
ادعولي كتير بجد نفسي أعمل حاجة السنه دي وأجيب تقدير عالي يرضي ربنا ويفرح النبي
ان شاء الله ححاول أدخل من وقت للتاني علشان أطمئن عليكم وتعينوني يا أحلى زمرة
في رعاية الله

[Heba Osama]

شكرا اوىىى يا مشتاقة لعفو الله على ردك انت سكر جدااااااا وشكلك عسولة موووت وربنا يكرمك فى الأمتحانات والمذاكرة واحنا كمان معاكى يارب ونتقابل بعد الأمتحانات ان شاء الله جميعا يا احلى زمرة فى الدنيا :marsa101:

[salma salah]

السلام عليكم يا بنات...
ايه الاخبار ادعولى انا محتاسه فى الامتحانات.كنت عايزه ابعت سلام لهبه اسامه على فكره دى صحبتى من واحنا فى اعداى بس يارب تطلع هي ميكونش تشابه اسماء ولو مش هي برضه هنرحب بيكي يا هوبه .

[نيره]

انا جيت متاخره يعنى يا جماعه ولا ايه؟؟
على العموم انا معاكم اول لما تبدؤا بعد الامتحانات علشان نكون مع بعض
وربنا يوفقكم كلكمممممممم يا رب وتنجحو وترفعو راس المنتدى ونباركلمك كلكم وتجيبولنا حلاوه النجاح
ربنا معاكم

[mennamnon]

ازيكو يا جماعة وحشنى اوى والله وانا بسلم على روزى وعلى المشتاقة لعفو الله وسلمى وكلكو كلكو بس ياريت ادعولى

[ابوالوليد]

جزاكم الله خير

[منه]

السلام عليكم ورحمة الله وبركاته,المشتاقه لعفو ربها جزاكي الله كل خير فكره تحفه اوي و محفزه , انا صراحه معنديش افكار حاليا بس ان شاء الله هستعين بالله انه يهديني لطاعه نستنفع بيها كلنا..جزاكم الله خيرا يا بناات علي افكار الطاعات السهله والبسيطه دي..

[rozyyy]

ازيكو يابنات ياقمرات وحشتوني اوي - خلصو بئى امتحانات بسرعة - الواحد بدأ يكسل تاني :022: بس ربنا يهدينا ويثبتنا - وربنا معاكم كلكم في امتحاناتكم

[الكلمةالطيبة]

السلام عليكم ورحمة الله وبركاته
اللهم صلي وسلم وبارك على سيدنا محمد وعلى اله وصحبه اجمعين
جمعة مباركة اخواتي وربي يتقبل منكن الصالح من الاعمال كيف حال الجمبع اتمنى انكم بخير وكل شئ تمام عندكم متمنياتي بالتوفيق والنجاح لكل البنات الي عندهم امتحانات ربي يشرح صدركم ويسر امركم ويجعل الامتحان سهل باذن الله
لاتنسونا من الدعاء احبكن في الله:icon_razz:

[اريام]

:022::marsa74::frownn:

[المشتاقةلعفوالله]

ازيكم يا بنات يا عسل أنا عارفة اننا كسلنا شوية لكن والله غصب عننا الامتحانات زنقانا جدا هانت كلها شهر وتخلص الامتحانات ونرجع تاني أنشط من الأول ان شاء الله
حبيبتي أريام بجد انا بدأت أكره الامتحانات علشان بتحرمني منكم يا أحلى زمرة ادعولي جامد عني امتحان يوم 1/6 وبجد محتاحة الدعاء منكم جميعا

[اريام]

حبيبتي المشتاقة لعفو الله والله انت وحشتيني اوي .وربنا يوفقك في الامتحانات ويسهلسا عليك ويبلغك مرادك .وربنا يوفق كل بنات وشباب المسلمين :af7a:

[souad1]

ربنا يعنا على طاعته

[فروته]

ازيكوا يا جماعه الخير

انا هنا جديده ويارت ابقى معاكووو

جزاكم الله كل خير

[يسرا محمد]

انا وصلت للرابط يا حبيبتى وبجد افكاركم كلها جميلة وححاول اعمل بيها ان شاء الله بس انا عندى فكرة حلوى ايه رايكم نعمل صفة نحاول نطبقها كل اسبوع ونقول لبعض طبقناها ازاى يعنى مثلا خلق الحياء يلا نبدا بيها دى صفة الرسول (ص)

[rozyyy]

جزاكي الله خيرا يايسرا خلق وأهلا بيكي معانا في الزمرة :icon_razz:- بجد خلق الحياء ده مهم جدا جدا وللأسف:022: ناقص جدا في البنات الأيام دي انا معاكي وهاطبقه معاكي

[salma salah]

السلام عليكم يا بنات
ايه اخباركم بجد واحشتونى اوى وواحشنى المنتدى انا الحمد لله خلصت امتحانات ادعولى بقى انجح بس انا اسفه على تاخيري عليكم بس انا عندى النت باظ خالص:icon_sad:بس هحاول ان شاء الله اصلحه فى اقرب فرصه.يارب نرجع صحبه جامده زى الاول وسلامى لكل بنات المنتدى:victory:

[mennamnon]

ازيكوا يااحلى صحبة انا عارفة انى غبت كتير عليكم معلش خلاص ان شاء الله انا هكمل معاكوا وعايزة اسلم على روزى وعلى سلمى صلاح وكل اصحابى بجد

[المشتاقةلعفوالله]

حبايبي وحشتوني جدا مع انكم دايما على بالي ودايما بأدعيلكم ربنا يثبتنا جميعا ادعوالي كتير لسه ما أخلصتش امتحانات نفسي أرجعلكم بسرعة ان شاء الله حخلص 8\7 وربنا يوفق كل اللي بيمتحن واللي خلص ربنا يقر عينه بنتيجه تفرحه وتفرح كل اللي بيحبوه
أستودعكم الله يا قمرات
يوه نسيت (اني أحبكن في الله)

[alice]

أولآ شكرآ كتيييييييييييير ليكى يا قمر على الفكرة الجميلة دى
أنا والله عضوة جديدة فى المنتدى بس والله حبيتكم كلكم من أول
ما أشتركت ...بصراحة دلوقتى يعنى معنديش فكرة أوى لأن كل
ما تجيلى فكرة ألقاها مكتوبة هحاول أدور على حاجة وكتبهلكم
وأجيب فوائدها كمان بإذن الله بس حقيقى تسلم إيديكى على الحاجات
الجميلة دى و إن شاء الله تكون فى ميزان حسناتك

[ريهام الديب]

اختى الحبيبةربنا يوفقق ويقر عينك بما يفرحك وانا :marsa191:بحبك فى اللة وجزاكى اللة كل خيرعلى الهتمام وهذا امتثال لقول الرسول:009:اذا احب احدكم اخاة فليقل لة انى احبك فى اللة

[rozyyy]

ازيكو يابنات وحشتونييييييييييييييييييييييييييييييي اوي اوي وبجد نفسي اشوفكو كلكم واتعرف ع البنات الجامدة دي - ربنا يوفقكم كلكم والمشتاقة لعفو الله ياب تخلصي امتحانات بئي وتمتعينا بمواضيعك الجامدة دي - انا عايزاكو كلكم تدعولي اوي اوي عشان الأمور ملغبطة بيني وبين جوزي :frownn::frownn:ادعولي اوي ربنا يصلح الحال بينا ونقدر نرضي بعض - بجد يابنات ادعولي اوي اوي عشان محتاجة دعاء ناس بيحبوني في الله- انا عشان دماغي مشغولة بالقلق ده فمش عارفة اركز في الطاعات

[ريهام الديب]

يارب يااختى يبعد عنكى القلق والخلاف ويجمع بينكم على خيرويثبتك على الحق ويزيدك ايمان وحب للطاعات

[rowaida2]

السلام عليكم ورحمه الله وبركاته
نا نفسي اكون اكون اخت ليكم وندخل كلنا الجنه انشاء الله سوا وانشاء الله ربنا يوفقني وعمل الطاعات الانتو بتعملوها انا الحمد لله بعمل كتير منها بس هحاول اعملها كلها
واستودعكم بتحيه الاسلام والسلام عليكم ورحمه الله وبركاته

[Rokaya mohamed]

فكرة جميلة جدا
وفكرتي أنا شبه لعبه نذكر فيها ربنا....يعنى مع بعضنا نقول بالترتيب:
سبحان الله
الحمد لله
لااله الا الله
الله أكبر
وأنا بدأت وقلت سبحان الله وكملوا معايا

[rowaida2]

الحمد لله والله اكبر ولا اله الا الله

[zordok]

السلام عليكم يا أحلى بنات في الدنيا بجد و حشتوني جدا..... أنا الحمد لله خلصت امتحانات و يارب يكملها على خير في النتيجة ... بجد وحشتوني و نفسي نبدأ بهمة تاني و يارب يوفقك يا مشتاقة لعفو الله و تخلصي امتحانات على خير.... مستنياكم باذن الله.....

[المشتاقةلعفوالله]

حبايبي وحشتوني جدا جدا الحمد لله خلصت امتحانات ورجعتلكم ان شاء الله حنبدأ مع بعض من تاني يلا نبطل كسل وان شاء الله حنبدأتاني ونتولد من جديد مع بداية شهر رجب يعني خلاص رمضان ع الأبواب ودي فرصتنا الشيطان باقي له أقل من شهرين ويتحبس يلا ما نضيعش وقت ونستعد وان شاء الله استنوني في الموضوع القادم علشان نعلى أكتر وأكتر

[المشتاقةلعفوالله]

يا ريت ما تنسوش بكرة الاثنين واحنا في شهر رجب يا ريت اللي تقدر تصوم ونعين بعض وندعي لبعض كلنا بكرة واحنا بنفطر وبعدين ما تنسوش ان رمضان قرب لازم نتعود ع الصيام اليومين دول علشان ما نتعبش في رمضان ونركز في العبادات والطاعات في رمضان ما تنسونيش من دعاءكم عند الافطار

[rozyyy]

السلام عليكو يااحلي بنات اخيرا يالمشتاقة لعفو الله خلصتي امتحانات - يلا شجعينا تاني وجمعينا كلنا تاني كلنا بعدنا اوي عن بعض - ان شاء الله كلنا نصوم كل اتنين وخميس لحد ما رمضان ييجي وماتنسوش ندعي كلنا اللهم بلغنا رمضان

[المشتاقةلعفوالله]

حبيبتي روزي وحشاني جدا وكلكم وحشتوني يا أحلى زمرة ان شاء لله حنرجع أحسن من الأول صحيح احنا كسلنا شوية يمكن بسبب الامتحانات أو لأي سبب تاني لكن ان شاء الله حننشط تاني وبعدين ربنا أعطانا فرصة كبيرة اننا بدأنا شهر رجب مع بداية الأجازة يعني ما وراناش حاجة تبعدنا عن ربنا في هذه الأيام وربنا يعينا جميعا وان شاء الله نتابع مع بعض في منتدى حور الدنيا مع لا للصحوبية علشان نزود الزمرة أكتر وأكتر دعواتكم حبايبي

[maya15]

السلام عليكم ورحمة الله وبركاته
اعذروني يا بنات لقد غبت مدة طويلة عن المنتدى و ذلك لظروف اقوى مني و الله ليكم وحشة لا توصف وارجو منكم يا أخواتي أن تدعوا لي بالشفاء و لأمي العزيزة حتي اقدر أقوم بجميع الطاعات ان شاء الله و حتى الصلاة أديها جالسة مع اني لا أحب هذا فأنا أشعر أني لا اصلي على أكمل وجه و لا حتى بخشوع والله أنا تعبانة في صحتي و عشان الصلاة برده
أنا اسفة على التطويل استودعكم الله
و أوعدكم أني لا اغيب تاني ان شاء الله
و ربنا يثبتنا على الطاعة و التوبة


اللهم اغفرلي و لوالدي وللمؤمنين و المؤمنات جميعا يوم يقوم الحساب

[rasha84]

السلام عليكم ورحمة الله وبركاته
واضح انى جيت متاخره اوى لان كل الاخوه قالواكل حاجه وربنايجعله فى ميزان حسانتهم فعلاونعمه الصحبه الصالحه
جزاكم الله كل خير

[المشتاقةلعفوالله]

السلام عليكم حبايبي
وحشتوني جدا جدا والحمد لله ان احنا كل ما بنبعد ربنا بيعينا ونرجع تاني وان شاء الله من دلوقتي مش حنكسل تاني بس أهم حاجة ان كلنا نشجع بعض لأن واحدة أو اتنين ما يفعش الاقتراحات كتيرة وموجودة بس الأول عايزة أشوف كام واحدة حتشارك معانا يعني اللي حتشارك ومستعدة تدخل تقول انها مستعدة وان شا الله حنبدأ شهر شعبان في موضوع جديد علشان في ناس بتكسل تقرأ الصفحات الكتير مستنية ردودكم علشان نبدأ
في رعاية الله

[maya15]

بسم الله الرحمن الرحيم
السلام عليكم ورحمة الله وبركاته
أنا معاكم يا أختي المشتاقة لعفو الله بس نعرف ايه هو الموضوع ؟؟؟؟؟؟؟
ان كان عندك فكرة طب نورينا
شـكــ وبارك الله فيك ـــرا لك ... لك مني أجمل تحية .

[المشتاقةلعفوالله]

حبيبتي يشرفنا ان انت تكوني معاناأما بالنسبة للموضوع فان شاء الله حيكون ازاي نعمل يوم ايماني على مدار شهر شعبان علشان لما يبدأ رمضان نكون جهزنا نفسنا يعني عملنا بروفه أكتر من مرة فيخرج اليوم في رمضان كما نتمناه أو كما نرجو أن يرانا الله
ايه رأيك؟
واللي خلاني أفكر في الموضوع ده اننا لما بنبدأ رمضان بنضيع الأيام الأولى لأننا مش بنبقى عارفين نعمل ايه ؟ وايه الأولى ؟ وازاي نقسم الوقت ع الصلاة والقرآن والذكر ودروس العلم والصدقة وصلة الأرحام ؟
أظن اننا لازم نجرب خلال الأيام دي كل الحاجات دي علشان نعملها كويس في رمضان
يا ريت تقولولي ايه رأيكم ولو موافقين حنفتح موضوع جديدبالفكرة دي بس بطريقة عملية وردوا عليا بسرعة علشان ما فيش وقت. فات يوم من شعبان ومش عايزين نضيع أيام تانية
يلا يا بنات نشجع بعض ونذكر بعض مش هي دي أصول الزمرة ولاايه؟
مستنية ردودكم

[maya15]

السلام عليكم ورحمة الله وبركاته
فكرة جميييييييييييييييلة جدا يا حبيبتي و حنحاول ان شاء الله نوجد برنامج مناسب لرمضان
لكن بالنسبة لي سأجد ضغوطات كثيييرة في شهر رمضان مع الدخول المدرسي و......و......و.........
و ناذن الله ححاول قدر المستطاع القيام بعظم العبادات
اللهم ثبتنا على دينك....اللهم بلغنا رمضان