اللى باعمله صح ولا غلط؟حد يقولى....

[salma salah]

يا بنات محتاجه رايكم ضروري انا سيبت الشخص اللى كنت مرتبطه بيه بس انا بكلم اصحابه عشان اطمن عليه منهم وعشان اقولهم يوقفوا جنبوا ويشجعوه على الصلاه والمذاكره وميسبهوش لوحده انا فى الاول كنت بتطمن عليه من اخته بس اخته سافرت:icon_sad:وسابته وسابتنى لوحدى كنت محتاجاها تكون معاه دلوقتى عشان ميضايقش المهم قولولى اللى باعمله صح ولا:022:ومعلومه انا اللى باكلمه ده ولد صاحبه عشان ده اكتر واحد قريب منه لكن البنات مش بيتقابلوا معاهم كتير.

[olivia]

ادعيله ان ربنا يوقف فى سكته ولاد الحلال اللى يهدوه بس يا ريت تبطلى تكلمى صاحبه بجد علشان ده غلط و ربنا يهديكى الى ما يحب و يرضى

[فاطمة حسين]

أنا من رأى أوليفيا ياسلمى
أنتى خدتى قرارك خليكى قده بجد
لازم تتعبى فى الأول شوية بس معلش كله علشان ربنا يهون وأنتى عملتى الخطوة دى علشان ربنا مش علشان حاجة تانية
ادعيله بالهداية وكفاية قوى وياريت بلاش موضوع تطمنى عليه ولا من صاحبه ولا أخته وثقى أن لو نصيبك فهو ليكى ولو مش نصيبك مش حيكون ليكى لو عملتى إيه.
ربنا يثبتك ياقمر على قرارك وخليكى أقوى من كدة:119:

[merehan]

انا عارفه اكيد انك كنتي بتحبيه بس طول ما انتي بطمني عليه كل شويه هتفتكريه و ممكن تتعبي نصيحه ابعدي ومتكلميش حد من صحابه وادعيله وخدي كل الفترة دي تتقربي من ربنا و ربنا يوفقك

[rozyyy]

السلام عليكم - انا عارفة ياسالمة ان في وضعك بتكوني عايزة تطمني من اي طريقة حتى لو غلط - لأنك بيكون نفسك تعرفي أخباره وتطمني عليه وعارفة ان ده غصب عنك لأنك بتحبيه -بس انا رأيي انك لما تكلمي صاحبه ده غلط -بصي حاولي تلاقي طريقة تانية تطمني بيها عليه يعني مثلا مامته أو اخته ولو على فترات بعيدة بس ماتصححيش غلط بغلط - انا كنت زيك وكنت أوقات بنام وبعيط عشان نفسي اطمن عليه فكنت بصلي لربنا وافضفض في قيام الليل مع ربنا كنت سبحان الله بنام وبحلم بيه وكنت باصحي من النوم مطمنه ومرتاحة:icon_razz: - حولي تعملي كده صلي بليل وقولي لربنا الى انتي عايزاه - واوعي تضعفي وربنا يثبتك بس اصبري وقوي نفسل بقربك من ربنا

[شمس الإسلام]

أنا شايفة يا سلمى إنك مطوعيش نفسك ولازم إنتى إلى تتحكمى فى نفسك ومتسيبهاش تتحكم فيكى وأنك تبدأى الطريق الصح بصدق وجدية ومتكلميهوش هو ولا صاحبه ولاأى صله بيه وإستعينى بالله من قلبك وإن شاء الله ربنا هيثبتك .

[الكلمةالطيبة]

السلام عليكم ورحمة الله
انا شايفة انو اخواتي العزيزات اجابوك وانا اضم صوتي لهم لا تستسلمي وابعدي فكرة تطمني عليه انو ممكن تكون بتعالجي غلط بغلط تاني مهم اني خليك قوية وربي يوفقك يارب وينور لك طريقك

[فراشه عاصم]

اولا اهلا حبيبتى بيكى ويارب يثبتك على موقفك انتى بجد كويسة جداااااااااااا واختى خطوة كويسة ياريت تكونى قدها ومضيعيهاش فى الاخر المفروض زى ما الاخوات قالولك انسى كل الى فات ومعتيش تتكلمى مع اى ولد سواء كان للاطمئنان علية ولا اى حاجة تانية وياريت لو ليكى اخوات صالحين يقفوا جمبك
واحنا طبعا معاكى لاى نصيحة او اى طلب حبيبتى فى الله ربنا يثبتك اختى وتبقى احسن المرة الجاية انتى الى تنصحينا ياله ربنا معاكى .

http://www.imgall.com/img3/3e9557a2b1.gif

[salma salah]

متشكره اوى يا بنوتات على نصيحتكم وربنا يخليكوا ليا انا بجد محتاجه دعواتكم ودعمكم ليا انا كل ما بلاقى نفسي باضعف بادخل واقرا نصايحكم ليا والحمد لله اكنى بقراها لاول مره وربنا بيقونى بيها تانى ربنا يكرمكم ويعزكم يارب.وجزاكم الله عن كل نصيحه قولتهالى 100000000000000000000000000000 حسنه.

[الا رسول الله]

بالعكس انت عارفه ياسلمى كل ماتكلمى صحابه دول كل ماهتفتكريه اكتر وممكن تلاقى نفسك رجعتى تكلميه تانى من غير ماتحسى فمش تكلميم وادعيله بينك وبين نفسك ان ربنا يهديه ان شاء الله وعارفه زى مالاستاذ مصطفى حسنى قال الشيطان بيدخلك من ناحيه غريبه وهيا انك تكلمى صحابه عشان تطمنى عليه فبجد مش تكلميهم وانتى نفسك هتلاقيكى نسيتى خااااااااالص وعايشه حياتك حلوه اكتر من قبل كدا وعلى فكره انا كنت زيك برضه بس الحمد لله ربنا هدانى وبعدت ونسيت خااااااااااالص وعقبالك ان شاء الله

[نيره]

ربنا يوفقك يا سلمى للى فيه الخير ليكى وانشاء تكونى اقوى وتصبرى لغايه ما ربنا يبعتلك نصيبك وانشاء الله يكون احسن ما تتمنى وينسيكى كل ماضى ويمكن يكون نصيبك هو الماضى ده ولو فيه الخير ربنا يجعلكو من نصيب بعض بس لحد ما ده يحصل حاولى تقاومى قلبك شويه واشغليه بحب اغلى وهو ربنا صدقينى يا سلمى مفيش اى انسان على وجه الارض يستاهل انك تحسى ثانيه واحد ه انك بتغضبى ربنا او انربنا مش راضى عنك احساس بشع بجد ربنا ما يجعلك تشوفيه ويقربك منه ومن كل شئ يرضيه
ويقوى ايما نا جميعا

[سلام الروح]

ياسلمى ربنا معاكي ونحنا معاكي

خطوتك هايلة

برااااااافووووو

بس مش لازم تطمني عليه لانو هالشي رح يخليكي تحني وتتعزبي اكتر

اتاكدي انو كلنا مرينا بحالات متلك

لكن جاهدنا نفسنا والحمد لله

واذا هو فعلا بيحبك وناوي خير وفيه الخير رح يكون من نصيبك ابقي مطمنة وحطي ثقتك في ربنا يا سلمى

الله قادر على كل شيء

اتوكلي على الله وربنا يثبتك يا اختي

[ghada2020]

ازيك يا سلمى انا من رايى بلاش موضوع انك تكلمى صحبه انا كمان سبت الانسان اللى كنت بكلمه وبخلى اخته تتصل بيا بس حاولى تطمنى عليه من اخواته البنات وربنا يثبتنا واياكى باذن الله وربنا يرزقنا صحبه صالحه نعوضنا ان شاء الله

[منه الله]

السلام عليكم ورحمة الله وبركاته
ربنا يكرمك يا سلمى انتى وغاده وبنات المسلمين جميعا

ويارب ربنا يرزقكم الخير والسعاده فى الدنيا والاخره
ان شاء الله ربنا يثبتكم ويبعد عنكم اى فتن تشد للصحوبيه واللى فيه الخير هيقدمه ربنا ان شاء الله
عشان ربنا كريم اوى وبيحبنا اوى اوى اوى واحنا لازم نحبه اوى ونعمل على طاعته دايما
:icon_razz::icon_razz::icon_razz:
:marsa101::marsa101::marsa101:

[شيماء علي عزام]

ربنا يثبتك يا سلمي ويكرمك علي الخطوه اللي خدتيها ومن ترك شيئا لله ابدله الله خيرا منه. فكوني واثقه ان ربنا دائما معاكي وادعي في كل وقت وصلي قيام الليل وكل كلام الاخوات صح وكوني فرحانه لانك عملتي شئ جميل وربنا بيفرح بتوبه العبد وان شاء الله هتحسي برضا ربنا عنك وربنا يثبتنا جميعا علي طاعته ويجعلنا ممن يسمعون القول فيتبعون احسنه اللهم امييين

[nahla898]

bosi ana 3arfa en momken tkoni sama3ti el kalam da kteeer 2bl keda bas bgad enti kol ma hat2arabi le rabna kol ma hat7ese eno msh biew7ashek zai el awel we enek bgad daia3ti wa2t kbeeeeeer gedan we enti b3eda 3an 7ob aham we agmal mlion mara mn el7ob eli konti 7asa beh we 3ala 2ad ma te2arabi mn rabena 3ala 2ad ma haisa3dek we ta2akadi en rabena haio2af gambek we hwa law yestahlek rabna hai5aleh mn nasebek aked we enti aked waska en rabena msh haiezlemek

[eldodi]

السلام عليكم ورحمةالله وبركاته
حبيبتى فى الله واختى سلمى
احبك فى الله
واحيكى على موقفك ومن ترك شيئالله عوضه الله خير منه وشوفى بقى انتى توبتى وبعدى عنه عشان ربنا واخدىثوابك ان شاء الله واعرفى كمان انك اخدتى ثوابه فى انه يبعد عن بنت كان بيحبها وبيكلمها اللى هو انتى اعقدى نيتك على كده وتاخدى ثوابه وثوابك ان شاء الله تعالى وعليكى بالدعاء والصبر حبيبتى وقولى لربنا انك عملتى كده عشان رضاه وحبك ليه ولو كنتى فعلا عايزة الشخص ده وبتتمنيه ادعى ربنا انه يكون خير ليكى ويكون زوج يعينك على طاعةالله وتعنيه على طاعة الله ان شاء الله وربنا عمره مابيسيب حد
وياريت نتكلم ونعرف بعض نفسى اتعرف عليكم كلكم يارب لو تحبى نتعرف
خلى بالك من نفسك حبيبتى وربنا يوفقك لما يحب ويرضى ويثبتك
لااله الا الله

[eldodi]

ازيك يا سلمى انا من رايى بلاش موضوع انك تكلمى صحبه انا كمان سبت الانسان اللى كنت بكلمه وبخلى اخته تتصل بيا بس حاولى تطمنى عليه من اخواته البنات وربنا يثبتنا واياكى باذن الله وربنا يرزقنا صحبه صالحه نعوضنا ان شاء الله


ربنا يثبتك يارب ياغادة انتى وسلمى ويثبتنا ونتجمع فى صحبة صلحة يارب ونقول لربنا احنا يارب اللى اتجمعنا مع بعض عشان طاعتك وحبك

[سما سيف]

يا حبيباتي بارك الله في التائبات وثبتهن
وجزا الله الناصحات كل الخيرات والثبات اللهم اميييين
انا مش لاقيه حاجة اقولها البنات الصالحات والمسلمات ماشاء الله لم يتركن شيئ انصحكن به :marsa74:ولكن دعواتي لكم ولي ولبنات المسلمات ان ينور بصيرتنا ويرزقنا واياكم مايحبه ويرضاه ويجعلنا نرضي بما رزقنا .
فاثبتواولاتستمعوا لهمزات الشياطين وتبريراته:022: وحججه المغلفة بالنصح استمري في التقرب لله وسيرزقك يقينا مايرضيه واجعلي رضائك في رضا الله عزوجل .:036: اللهم اشغلنا بالحق حتي لاتشغلنا انفسنا بالباطل

[eman_8]

السلام عليكم
اختى وحبيبتى سلمى من ترك شيئا لله عوضه الله بخير منها
وانتى عملتى حاجة كبييييييييييرة اوى ربنا يثبتك يارب انا عارفة انها صعبة بس انشاء الله ربنا هيعوضك بالخير وكونى واثقه فى الله ان لو ده نصيبك هتاخديه انشاء الله وانا رايى من راى الخوات الجميلات ان مينفعش نصلح غلط بغلط تانى
ربنا يوفقك لما يحب ويرضى
اللهم اغفر لى ولوالدى وللمؤمنين والمؤمنات يوم يقوم الحساب

[salma salah]

شكرا يا بنوتات يا احلى بنات عرفتهم فى حياتى نفسي بجد اشوفكم انا متشكره لكل واحده مش عايزه اقول اسامي علشان منساش واحده وتزعل منى بس ربنا يعلم انا بحبكم اد ايه وبفرح بكلامكم ليا اوى وفعلا انا لما بدأت اقرب لربنا مبقاش هممنى الموضوع التانى زى الاول ومبقاش يوحشنى زى الاول ادعولى ربنا يثبتنى على كده وادعوله ربنا يهديه لانى بجد خايفه عليه اوى.

[ساجده]

حبيبتى أوعى تضيعى فرحتك باللى أنتى حققتيه
تسمحيلى أسألك كام سؤال

ليه سبتيه؟؟
واثقه أن ربنا هيعوضك خير
قلبك حاسس بفرحة ترك اى شىء من أجل ربنا ووليناوخالقنا؟
تعرفى أن من ترك شيءا للا أبدله الله خيرا منه؟أنا حاسه أنتى تعبانه قد ايه ولكن لو جاوبتى على الأسءله دى بصراحه يمكن ترتاحى
فى حاجه كمان لو الأنسان اللى سبتيه طلب منك تتركى شىء معين لأنه بيغير عليكى وبيحبك وبيخاف عليكى هاتسبيها ولله المثل الأعلى فما بالك بربى وربك الذى خلقنا ويخاف علينا ويرحمنا اكثر من آباءنا وأمهاتنا
حبيبتى أنانفسى يوم القيامه تيجى وانتى فرحانه بما فعلتيه وصدقينى ربنا هيعوضك خير ده وعد ربنا مش كلامى
أنا بزداد قوه لما بلاقى أنسانه جميله زيك قدرت على نفسها:119::119::119:

[asm09]

السلام عليكم ورحمة الله وبركاته
اعلم ان وضعك صعب ولكن انا اقول لك كلمتين فقط هل عندما تتطمنين عليه
تفيدنه لا
هل تستفيدن انت لا اظن
عندما تركتيه فعلت هذا من اجل الله
وهل تضيع ودائع الله اقسم انه لا
اذا الجئي الى الله وادعي ان يثبتك انت واياه ويخفف عنكما
والله المستعان
موفقة بإذن الله ... لك مني أجمل تحية .

[amatalah]

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين

قبل اى حاجه مبروك عليكى ياحبيبتى انك خدتى الخطوه دى
وربنا يثبتك
واوعى تندمى عليها ابدا انتى قويه وانتصرتى على نفسك وربنا هيجزيكى خير عليها



ثانيا ياجميل :


انا عارفه انك تعبانه عشان بتحبيه عشان كده عايزه تطمنى عليه

بس انا اقولك على سر بدل ما توصى صاحبه عليه وتطمنى منهعشان مينفعش تكلمى صحبه خالص

يوم ما تبقى عايزه تطمنى عليه ......

ادعى ربنا من قلبك ان ربنا يوفقه ويحفظه ويسعده دايما ويوقفله ولاد الحلال والخير فى طريقه ويقربه الى ربنا اكتر واكتر وتاكدى وخليكى واثقه انه هيبقى كويس ومافيش احسن من ربنا توصيه عليه



بس حاولى شويه بشويه تقللى التفكير فى الموضوع ده عشان متفضليش متعلقه اشغلى نفسك فى اى حاجه

و بعدين اكيد كمان ربنا كتبلك انسان احسن وانسب ليكى اكتر ....

والحمدلله انك بعدتى عن الموضوع ده خالص وربنا يثبتك يارب

وصدقينى لو انتى فى بلد وهو فى بلد وليكم نصيب اكيد هتتقبلوا تانى

بس ساعتها هتكون فى رضا من ربنا وربنا اللى كاتب ده
ويارب كل يوم تبقى الى الله اقرب و اقرب

ومبروووووووووووووووووووووووووك يا سمسمه

[yarah]

السلام عليكم ورحمة الله وبركاته ربنا يثبتك يا سلمى ويهديه انا عايزه اقولك ان دى اول مشاركه ليا ف المنتدى وسؤالك كتيلر شدنى وحيرنى شعورك رغم ان الاجابه الاخوات قالوها وتماااااااااااام بس انتى ادعى بالدعاء ده [اللهم ارنى الحق حقا وارزقنى اتباعه وارنى الباطل باطل وارزقنى اجتنابه]

[محمد حسن صالح]

السلام عليكم أختي الكريمة
انت ما عملتي شيئ خطأ ان شاء الله

اصبري واحتسبي الأجر عند الله لأنّه من ترك شيئا" لله عوّضه الله خيرا" منه

[الحياة كفاح]

ربنا يهدينا جميعا لما يحب ويرضى امين اختي ثبتك الله انا في راي الابتعاد قدر الامكان احسن احسن واستخيري ربك

[montaqeba]

rabena ysabetek isA w yesabet kol bent 3malet zaik.....lw fi link benek w ben o5to aw mamto yeb2a 7elw awi laken 7d mn so7abo 7aram tab3an

[محمود ابراهيم]

السلام عليكمهو يا اختي الي انتي بتسئلي عنه كان صاحبك ولا خطيبك بس بلاش تسئلي عنه (نصيحتي)لو بيحبك هيجي يتجوزك والسلام عليكم

[dr_ahmed_akl]

السلام عليكم ورحمة الله وبركاته

بصي يا سلمي مينفعش تصلحي الغلط بغلط تاني يعني لو هتبطلي تكلمي ولاد يبقي تبطلي تكلميه هو واصحابه مهما اصحابه ولاد برضو ولو كلمتي البنات وسالتيهم عنه يبقي انتي كده بتساعديهم علي انهم يفضلوا مصاحبين الولاد دول هما طبعا زي ما في الطب بيقولوا الوقاية خير من العلاج لان الوقايه سهله انما عشان تتعالجي يا اما هتشربي دوا طعمه مر يا اما هتتعملك جراحة تتالمي منها هيا نفسها بالظبط خلاص وقعنا في المرض عايزين نتعالج منه لازم نعرف انه مش سهل هنتعب وهنستحمل لحد ما ربنا يتم علاجنا علي خير ساعتها هترجعي زي ما كنتي في الاول قبل ما تصاحبي اي شباب وطالما هتبطلي حاجه غلط لازم تحطي مكانها حاجه صح لان القلب لازم يبقي مشغول اما بحرام او بحلال لازم تشغلي وقتك باي حاجه مفيدة ومتفكريش ان اللي انتي فيه شر لا ده خير بس الخير ربنا بيديه للي بيصبر (ان الله مع الصابرين) واللي بيصبر ربنا بيربط علي قلبه واللي مش بيصبر ربنا بيفتحله ابواب الفتن

[anaa_moslema]

يا سلمى انتى اكيد عرفتى الجواب وهو طبعا لا بالاجماع ربنا يثبتنا على ما يحبه ويرضاه

[sahar el shereif]

السلام عليكم ورحمة الله وبركاته
بصى ياقمر انا مش لاقية كلام اكتر من اللى البنات قالوه ربنا يكرمهم
بس انا عايزة اقولك اجمدى الموضوع صعب شوية فى الاول بس اكثرى من الدعاء بالثبات وربنا يثبتنا

[فتاة الايمان]

ربنا يكرمك يا سلمى يا اختي انتي بجد هايلة برافو عليكي عرفتي تنتصري على الشيطان الحمد لله
و بقلك طبعا الي انتي بتعمليه غلط لان اساسا اي علاقة بشباب غلط و انتي اكيد عارفة ده كويس و الا مكنتيش سبتيه
بصي انا هقلك حاجة انا مريت بالضبط بنفس تجربتك دي و عارفة يعني ايه انك تسيبي الي بتحبيه و انك كمان متطمنيش عليه انا عملت زيك بالضبط سبتو لله و مش لاقية بردو طريقة عشان اطمن عليه بس ربنا مصبرني و انا متاكدة ان ربنا هيعوضني و يعوضك خير باذن الله
اجمدي يا سلمى و خليكي قوية و انا هدعي ان ربنا يثبتني و يثبتك و يثبت كل بنت عملت زينا
انتي عارفة يا سلمى انا لما ببق خايفة عليه و نفسي اطمن عليه بعمل ايه
بفضفض مع ربنا و بقول كل اللي فقلبي لربنا و ببكي بين يدي الله و بقول كل اللي جوايا و بقول يا ربي انك انت الحفيظ فاحفظه لي و افتح عليه و بارك فيه و اجمع بيني و بينه في الحلال
لو خايفة عليه بجد يا سلمى ادعيلو من قلبك مفيش حاجة هتريحك قد كد صدقيني
و يا رب يجعلنا فيهم الخير و الصلاح و يجمعنا بيهم و يجعلهم قرة عين لينا يا رب
انا فخورة بيكي و ابقي طمنيني عليكي حببتي
بحبك في الله
و ده رابط موضوعي اللي كتبت فيه اني تركت من احب لله لو حابة تزوريه و تديني رايك http://www.mustafahosny.com/forum/showthread.php?t=22131
و ربنا يثبتنا جميعا يا رب

[sama34]

اناعارفه انك اكيد بتحبيه ومقدره ده كويس بس انا فى رائيي انك متكلميش حد وحاولى تسعديه بالدعاء ليه بس

[حنين عمرى]

السلام عليكم
بصى ياحببتى انا عرفه انك عايزه تعملى خيربس الطريقه هى اللى غلط فانتى لازم تقطعى الاتصال باصحابه لانك مسيرك تتزوجى فده مينفعش
وانا كنت مرتبطه زيك وحسه بيكى بس فضلت شويه بعد الخطوبه الموضوع فى بالى وبدعيله بس حاولت بقدر الامكان انسى وربنا بيعين
وربنا يرزقك بزوج صالح

[ام حاتم]

بسم الله الرحمن الرحيم خلاص الموضوع انتهى واقفلى عليه خالص وربنا يوفقك ويوفقه ويكنب الخير للجميع